На ден 03.05.2022 година, во времето од 08.30 – 15.30 часот, на стрелиштето „Леково” ќе се реализира бoeво гаѓање.

За таа цел се забранува секакво движење на лица и стока во реонот на стрелиштето.

Се предупредуваат сите лица кои по завршувањето на гаѓањето во реонот на стрелиштето најдат неексплодирани зрна односно проектили, да не ги фаќаат, а за тоа да ги известат органите на МВР и командата на гарнизонот Прилеп.

Министерство за Одбрана – Армија на Република Македонија ВП 7925/40 – Прилеп.

Од утре па до крајот на мај, Македонија ќе биде домаќин на припадници од седум НАТО-сојузнички армии во рамки на вежбата „Swift response 22“.

Како што соопшти британското Министерство за одбрана, 2.500 британски војници ќе учествуваат со 16 воздушно-борбени тимови и еден борбен тим на воздухопловната бригада.

Министерот за одбрана Бен Волас вели дека покрај Македонија, Лондон испраќа трупи и на воени вежби во Полска, Латвија и Финска, што е најголемо распоредување на британската војска во странство после Студената војна.

Првите луѓе на армијата истакнаа дека обемот на распоредување ќе ја одврати „агресијата“ во размери што не се видени во Европа овој век.

На 01.05.2022 во 15.00 часот во Демир Хисар, полициски службеници од Полициската станица Демир Хисар ги лишиле од слобода М.М.(47) од Битола и Б.А.(30) од Демир Хисар, затоа што на ул.,,Маршал Тито“ во Демир Хисар учествувале во меѓусебна физичка пресметка.

Против нив ќе биде поднесен соодветен поднесок – информираат од МВР.

На 01.05.2022 во 09.55 часот во СВР Битола било пpиjaвено дека на ул.„Солунска“ во Битола нacтанал пожap во куќа сопственост на П.Н.(82), при што била опожapeна една соба.

Од екипа на Територијалната пpoтивпожapна единица Битола пожapoт бил изгacнат, а во собата била пpoнajдена почината П.Н..

Cмpт конcтатиpaл лекap од Итна медицинcка помош, а yвид на местото извpшиле екипа од СВР Битола и Јавен обвинител, по чија нapeдба телото на починатата е пpeдадено за погpeб – информираат од СВР Битола.

Шпанските власти денеска соопштија дека мобилните телефони на премиерот и министерот за одбрана биле “зафатени” со шпионскиот софтвер Пегас минатата година.

Активностите од мобилниот телефон на премиерот Педро Санчез биле следени двапати во мај 2021 година, а уредот на министерката за одбрана Маргарита Роблес бил таргетиран еднаш во јуни минатата година.

Ова денеска го соопшти владиниот функционер Феликс Боланос на вонредната прес-конференција. Тој рече дека од уредот се собрани значителни податоци и дека извештаите со детали се проследени до шпанскиот национален суд за понатамошна истрага.

„Не се сомневаме дека ова е недозволена, неовластена интервенција“, рече Боланос.

Шпанската влада е под притисок да објасни зошто мобилните телефони на десетици луѓе поврзани со сепаратистичкото движење во регионот на североисточна Каталонија биле следени со Пегазус помеѓу 2017 и 2020 година.

Минатата година, членот на ЦК на Левица, Саше Јанчев, во својот индивидуален подвиг помина 154 километри, за да се поклони пред вечното почивалиште на македонскиот револуционер Гоце Делчев.

Како што информираат од партијата, во проширен состав, денес тргнаа две екипи, кои на 4 Мај треба да пристигнат на гробот на македонскиот великан.

“Едната група, составена од членови на Левица од Велес и Гевгелија, тргна од Гевгелија, а другата група тргна од Битола. Целта им е да се спојат во Велес и од таму да се упатат кон вечното почивалиште на Делчев. Можно е по пат да им се придружат и други другари.

Се надеваме дека оваа скромна иницијатива ќе прерасне во традиција, која низ годините ќе станува се помасовна. Им посакуваме лесен пат на нашите другари!”, порачаа од Левица.

ДУИ денеска организира свеченост за отворање на споменикот посветен на борците на УЧК во Слупчане.

Споменикот чини 200.000 евра и е висок 20 метри. ДУИ го слави 2 мај како ден на бранителите.

Министерот за економија Крешник Бектеши на својот фејсбук профил објави заедничка фотографија со лидерот на ДУИ, Али Ахмети.

Изградбата на меморијален споменик е регулирано со закон и одлуката за поставување на споменик ја носи Собранието. Со подигнување на спомен култата во чест на жртвите на ОНА која свечено ќе биде пуштена е прекршен законот за меморијални споменици и спомен обележја, велат експерти од областа на заштитата на културното наследство за „Сител“.

На 01.05.2022 во 15.17 часот во СВР Битола било пpиjaвено дека на патот од с.Новаци кон с.Брод, општина Новаци, патничко возило „хјундаи“, со битолски регистарски ознаки, yпpaвyвано од Љ.Т.(54) од Битола, излетало од патот.

Во нecpeќата со тешки телecни повpeди се здобиле возачот Љ.Т. и сопатниците Т.Н.(51) и З.Т.(38), двајцата од Битола, додека сопатникот З.С.(50) од Битола се здобил со телecни повpeди, конcтатирани во Клиничка болница Битола.

Увид на местото извршила екипа на СВР Битола – информираат од СВР Битола.

Ноќта на 01.05./02.05.2022 од страна на полициски службеници од Единицата за недозволена трговија при СВР Скопје во содејство со Единицата за интервентна полиција при СВР Скопје извршени се контроли во угостителски објекти на подрачјето на Скопје, при што се лишени од слобода се 10 лица.

Тие се сомничат за „неовластено производство и пуштање во промет на наркотични дроги, психотропни супстанци и прекурсори“.

Имено, кај З.Д.(39) од Битола, В.К.(33) од Струга, И.Т.(21) и М.Б.(19) од Куманово, Б.Е.(37), Е.Б.(24) и М.Х.(25) од Косово, В.Ц.(50), Г.Ц.(47) и Л.М.(18) од Скопје била пронајдена марихуана. Лицата се приведени во полициска станица и по целосно документирање на случаите против ќе биде поднесен соодветен поднесок.

Силно невреме денеска го зафати Велес. Гром удри во зграда во близина на основното училиште Васил Главинов, при што се запали стан на поткровјето од зградата.

Во пожарот за среќа нема настрадани. Лекарска помош им е укажана на две лица кои имале проблеми со дишењето поради вдишан чад.

Пожарот го гасне противпожарната единица во Велес, а на помош пристигна цистерна од ЈКП Велес.

На лице место се и локаните власти и пратеникот на ВМРО-ДПМНЕ Игор Здравковски.

Извор: “Курир.мк”