На 16.12.2022 во 14.30 часот на ул.„Венјамин Мачуковски“ во Скопје, полициски службеници од Полициската станица Аеродром, со судска наредба, го лишиле од слобода Д.К.(37) од Прилеп.

Тој бил осуден на 13 години казна затвор за сторени кривични дела по член 123 став 1 и член 396 од Кривичниот законик, а бил баран по потерница за доиздржување шест години и еден месец од казната. При лишувањето лицето се идентификувало со лична карта на друго лице од Прилеп.

Во исто време, на ул.„Петар Ацев“, полициски службеници од Полициската станица Аеродром го лишиле од слобода и Д.К.(37) од Прилеп.

Притоа, кај двајцата биле пронајдени и одземени повеќе парчиња накит и други предмети за кои постои сомнение дека потекнуваат од кривични дела „тешка кражба“ и предмети со кои ги извршувале делата.

Приведениот Д.К. на ул.„Венјамин Мачуковски“ бил спроведен во Казнено-поправната установа Затвор Идризово за доиздржување на казната. По целосно документирање и расчистување на случајот, против двајцата ќе бидат поднесени соодветни пријави.

На 15.12.2022 во ОВР Прилеп било пријавено дека на ул. “Сотка Ѓорѓиоски” во Прилеп бил нарушен јавниот ред и мир со физичка пpecметка помеѓу Р.А. (26) и П.Т. (28) од с. Кременица и две други лица од една страна, и четири лица од друга страна.

Според пријавеното во пpecметката биле употребени и тврди предмети.

Се преземаат мерки за расчистување на настанот – информираат од ОВР Прилеп.

Прилеп е подготвен за прослава на градската слава Св. Никола.

Денеска се уредуваше и чистеше централното градско подрачје на плоштадите “Александрија” и “Методија Андонов – Ченто”. Се мора да биде блескаво чисто и уредно за празнувањето на заштитникот на градот.

Чествувањето на градската слава (19.12.2022 година) ќе започне во 08.00 часот со свечена божествена литургија во Црквата Св. Благовештение со која ќе чиноначалствува митрополитот Преспанско-Пелагониски, г.Петар, а во 12:00 часот пред Параклисот на Св. Никола, во центарот на градот, ќе следи водоосветување и прережување на празничниот колач.

Домаќини на годинашната градска слава се сопствениците на компанијата „Теракота Инижинеринг“ кои за посетителите ќе имаат подготвено посна трпеза, со традиционалните светиниколски сарми, грав и пијалоци.

Од 16:50 часот на магистралниот пат Прилеп -Градско, сообраќајот се одвива со наизменично пропуштање на возилата, информираат од АМСМ.

РЦУК – Прилеп известува дека од 15:20 часот ТППЕ Прилеп и екипа од ПС Прилеп на патен правец Прилеп -Плетвар кај Каменоломот имаат интервенција на сигурносниот вентил кој пропуштал гориво од возило -цистерна која превезувала течен гас – метан.

Возилото е одстрането од сообраќај на лице место се упатени екипа од ПС Прилеп и ТППЕ Прилеп заради одстранување на дефектот и обезбедување на просторот и возилото.

Сообраќајот се одвива под контрола на патрола од ПС Прилеп.

За настатнот е известен инспекторот за заштита и спасување од ДЗС Прилеп.

Сообраќајка на патот Прилеп-Градско, известуваат од АМСМ.

Од 16:50 часот на магистралниот пат Прилеп – Градско, сообраќајот се одвива со наизменично пропуштање на возилата известуваат од АМСМ.

Како што пренесува Прес24, станува збор за сообраќјна несреќа. Повеќе детали ќе бидат објавени во текот на денот.

Регулаторна ги објави новите цени на горивата кои ќе важат од полноќ.

Малопродажната цена на ЕУРОДИЗЕЛ (Д-Е V) од полноќ се зголемува за 2,50, а на Екстра лесното масло за домаќинство на (ЕЛ-1) за 3,00 денари по литар. Цените на бензините ЕУРОСУПЕР БС-95, ЕУРОСУПЕР БС-98 и на Мазутот М-1 НС не се менуваат, одлучи денеска Регулаторната комисија за енергетика и водни ресурси.

Новата цена на ЕУРОДИЗЕЛ БС (Д-Е V) ќе биде 80,50 денари, а на Екстра лесното 1 (ЕЛ-1) 78,50 денари за литар.

ЕУРОСУПЕР БС – 95 и натаму ќе се продава за 76,00 денари за литар, ЕУРОСУПЕР БС – 98 за 78,50, а килограм Мазут М-1 НС за 39,37 денари.

Во новиот учебник во Историја за петто одделение забележани се многу грешки. Според него највисокиот светски врв Монт Еверест е висок 29.305 метри, а Македонија на исток се граничи со Албанија, додека на запад со Бугарија?!

Откако синоќа на социјалните мрежи се појавија неколку лапсуси со кардинални грешки во новиот учебник по Историја и општество за петто одделение, како на ппимер, дека највисокиот врв на светот Монт Еверест е висок 29 305 метри, наместо реалните 8 849 метри, денеска на повидок е нова географска грешка во истиот учебник.

Во Тема 2 – „Населението и континентите“, во делот каде што се опишуваат географските карактеристики на Македонија, наведено е дека земјава на исток се граничи со Република Албанија, а на запад со Република Бугарија

Станува збор за новиот учебник по Историја и општество, чии автори се Анита Ангеловска и Гликерија Илиоска, а издавач е МОН.

Во истиот овој учебник, на учениците им се нуди информација дека највисокиот врв на светот, Монт Еверест на Хималаите, е висок 29 305 метри.

Апелациониот суд денеска информираше дека ја укинале првостепената пресуда за случајот со масовното незаконско прислушување во УБК, односно случајот „Трагет и Тврдина“.

– Апелациониот суд Скопје при разгледување на првостепената пресуда констатираше дека првостепениот суд при постапувањето по овој предмет сторил суштествени повреди на одредбите од Законот за кривичната постапка кои се од апсолутен карактер, а на кои овој суд внимава по службена должност, со што се доведе во прашање фактичката состојба и правилната примена на Кривичниот законик, се вели во соопштението од Апелациониот суд Скопје.

Апелациониот суд Скопје известува дека, постапувајќи по кривичниот предмет во јавноста познат како „Таргет- Тврдина“ , по одржана јавна седница, донесе решение со кое ги уважи жалбите на обвинетите Г.Г од С., Т.Ј од О., Г.Ј. од С., Н.Б. од С., С.М. од С., Н.Н. од С. и В.В. од В., изјавени преку нивните бранители и по повод жалбите и по службена должност ја укина првостепената пресуда и предметот го врати пред Основниот кривичен суд Скопје на повторно постапување и одлучување, а жалбата на Основното јавно обвинителство за гонење на организиран криминал и корупција е беспредметна.

Основниот кривичен суд Скопје на 26 февруари 2021 година за случајот „Таргет-Тврдина“, кој се однесува за масовното прислушување и уништување на опремата од УБК, изрече казна затвор од 55 години и 10 години условни казни, односно вкупно 65 години за 11 лица.

На поранешниот директор на УБК Сашо Мијалков Судот му изрече казна затвор од 12 години за кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“.

фотографија – Шлакески маринко

„Од животот на мојот сосед“ (2000) – Маринко Шлакески (извадок)

(соседот седи качен на шифоњерот одозгора, лежерно ги ниша нозете; жената седи на каучот, нозете и се качени на маса, гледа во телевизорот)

СОСЕДОТ: Уште неколку недели и јас сум здрав. Така рече докторот, знаеш?

ЖЕНАТА НА СОСЕДОТ: Нема ти да бидеш здрав уште долго време, душо моја. Ако ти вели докторот. Слушај ЈАС што ти кажувам.

СОСЕДОТ: Како, па нели минатиот пат кога се јави рече дека…

ЖЕНАТА НА СОСЕДОТ: Ништо од тоа. (станува од каучот и шета наоколу собата) Знаеш ли драги дека од сите часовници во градот само нашиот часовник не се помрднува од место? Го навивам секоја вечер пред спиење. Секоја вечер и никако да мрдне. Ни големата, ни малата сказалка. А работи! Часовникот работи, но сказалките никако не се помрднуваат. Од сите нормални куќи во градот единствено нашиот часовник не се помрднува од место. Секогаш стои на исто место. Седум минути до еден. Па ние не сме ниту до еден стасани. Кај сите други соседи часовниците работат. Некои малку понапред, некои нешто заостануваат, но работат. Покажуваат два, три, пет, седум и петнаесет, девет… Единствено нашиот семеен часовник не сака ниту до еден да дојде. Ете затоа ти нема брзо да оздравиш.

СОСЕДОТ: (слегува од шифоњерот) Часовникот, а? (го гледа заканувачки часовникот, оди кон него и почнува да го дави) Сега јас ќе му ја ебам мајката. (го треси) Не мрдаш, а? Не мрдаш? Сега ќе видиш. (го удира силно од земја) На, да видиш, мамето твое. (гледа во часовникот некое време, задоволен). Сега ќе работи. Наутро кога ќе се разбудиш сказалките ќе бидат охохо, онаму појдени.

ЖЕНАТА НА СОСЕДОТ: Нема да работи. И сказалките нема да бидат охохо онаму појдени.

СОСЕДОТ: Како, “нема да работи”?

ЖЕНАТА НА СОСЕДОТ: Така, нема да работи. Не е до него.

СОСЕДОТ: Не е до него. А до кого е?

ЖЕНАТА НА СОСЕДОТ: Не знам. Не сум сигурна. Но се нешто ми се чини оти црвот нешто му прави. Неколку пати го имам видено како се врти околу него. Еднаш го прашав што прави, рече оти му менувал некоја пружина, некој федер… Стари биле деловите.

СОСЕДОТ: Стари биле деловите, а? Ќе го избркам црвот. Ќе му ја ебам мајката. Ќе го избркам и часовникотот ќе почне да работи пак. Тик, так, тик, так…

ЖЕНАТА НА СОСЕДОТ: Не смееш.

СОСЕДОТ: Не смеам што?

ЖЕНАТА НА СОСЕДОТ: Да го избркаш црвот.

СОСЕДОТ: Зошто не смеам?

ЖЕНАТА НА СОСЕДОТ: Има имунитет. Црвот има имунитет, се сеќаваш?

СОСЕДОТ: Имунитет, а?

ЖЕНАТА: Да. Дипломатски. Црвот има дипломатски имунитет.

СОСЕДОТ: Црв со дипломатски имунитет. Па ова само кај нас го има. И што сега?

ЖЕНАТА НА СОСЕДОТ: Ништо. Ќе чекаме.

СОСЕДОТ: Па ние само чекаме. Ништо друго и не правиме. Всушност и докторот така вели. Треба само да се чека. (по извесно време, решително) Заеби го докторот! Нема чекање. Чекаше дедо ми, чекаше татко ми, чекам јас… Чекаме сите и што? Часовникот пак не работи! (покажува кон часовникот) Утре го бркаме и точка. (решително) Утре! (влегува во шифоњерот и ја затвора вратата)

Институтот за Политички Истражувања од Скопје (ИПИС) спроведе кратко телефонско истражување во периодот помеѓу 11 и 14 декември 2022 на 1.117 полнолетни испитаници на ниво на Република Македонија.

Заради запазување на релевантноста и непристрасноста на истражувањето, беше креиран непристрасен и објективен прашалник врз база на кој подоцна беше спроведена анкетата.

Истражувањето беше реализирано со користење на случаен примерок кој беше стратификуван за да се запази репрезентативноста на населението во Република Македонија. Во него беа запазени демографските специфики на населението како полова структура, старосни групи, степен на образование и етничка припадност, со соодветна поделба на испитаниците според местото на живеење и изборната единица, со тоа што Скопје беше земено како посебна целина заради своите посебности.

Истражувањето е спроведено за потребите на ИПИС со цел да се анализираат рејтинзите на партиите. Анкетата е финансирана од сопствени средства на ИПИС.

Во прилог се резултатите од истражувањето:

Целото истражување погледнете го ТУКА