Прекинат прагот на алармирање во Битола и Тетово, информираат од Владата преку соопштение до медиумите.

„Согласно податоците од Државниот миниторинг систем за квалитет на амбиенталниот воздух на ден 02.01.2023, среднодневните концентрации на РМ10 суспендираните честички се под дефинираниот праг на алармирање од 150 мg/m3, и епизодата од два последователни дена е прекината во Битола и Тетово и престануваат да важат препораките и мерките за надминат праг на алармирање“, стои во соопштението на надлежните власти.

Македонската фолк пејачка Соња Тарчуловска нема кој не ја познава, а сега ретко кој не знае дека и нејзината 17-годишна ќерка Мелани Тарчуловска тргна по истите стапки.

После одличниот настап на овогодишниот “Макфест”, Мелани учествува на најголемото музичко талент шоу на Балканот, “Ѕвездите на Гранд”.

Во последната емисија Мелани се претстави со нумерите “Пожели сречу другима” и “Тажна љубов среќна песна”.

И покрај големата трема која можеше да се чуе во нејзиниот глас, таа успеа да ја добие поддршката на жирито кое ја награди со пет гласови, а за свој ментор го избра Ѓорѓе Давид.

Потоа Саша Павловиќ ја праша дали со Ѓорѓе се познаваат од претходно и зошто го избра токму него, на што Мелани на шега одговори: “Никој не го избра вечерва”, a со својот одговор ја насмеа публиката и жирито.

Поранешниот премиер и бегалец Никола Груевски преку својот Фејсбук профил порача дека за враќањето во Македонија ништо не е невозможно и дека се е Божја промисла.

„Денес низ различни медиуми и апликации добив стотици и илјадници топли честитки со искрени желби за здравје, среќа, успех и враќање во Македонија, во новата 2023 година, на кои физички е невозможно да одговорам поединечно во брзо време.

Ништо не е невозможно. Се е Божја промисла и за секој од нас Бог има некаков свој план, понекогаш дури и кога се изгледа безнадежно.

Благодарам уште еднаш. Еден пријател синоќа ми пишал: “И така и оваа година ќе си замине… како и многу други пред нејзе…а нас ќе ни останат сеќавањата… се надевам само добри… среќна нова година Никола”.

Му честитав возвратно со најдобри желби и допишав: “Да, годините минуваат, а сеќавањата остануваат и тоа е предвидливо. Но, тоа не го прави животот бесмислен ако човек има цели во животот базирани на чесни основи, ако има идеали и ако има љубов”, пишува Груевски.

Оваа славна девица и маченичка беше родена во Никомидија од родители незнабожци. Слушна од некого проповед на Евангелието и со сето срце се обрати кон Христа, па почна да живее совршено според заповедите Господови. Свршеник ? беше некој сенатор Елевсиј. За да го одврати од себе Јулијанија му рече дека нема да може да појде за него ако тој не стане епарх на градот. Му го предложи тоа мислејќи дека тој млад човек никогаш нема да може да го достигне таквиот висок чин. Но Елевсиј се потруди, па со ласкање и мито го придоби чинот никомидиски епарх.

Тогаш Јулијанија му откри дека е христијанка и дека не може со него да стапи во брак додека и тој не ја прими христијанската вера, велејќи му: „Што ни вреди да бидеме телесно соединети, кога духовно би биле разединети?“ На ова Елевсиј се огорчи и ја обвини кај татко ? . Јаросен татко ? ја исмеа и ја изнатепа, а потоа му ја предаде на мачење на епархот. Епархот нареди и многу ја тепаа, па потоа ранета и искрвавена ја фрлија во затвор. Но Господ во затворот ја исцели и таа се јави пред епархот сосема здрава. Овој потоа ја врза и ја фрли во вжарена печка, но огнот не ја докосна.

Кога го видоа тоа чудо мнозина поверуваа во Господ Исус Христос. Такви обратени имаше петстотини од машкиот и сто и триесет од женскиот пол. Сите нив епархот ги осуди на смрт и нив ги убија со меч. Нивните души се преселија во Рајот. Тогаш злобниот судија ја осуди на убиство со меч и Света Јулијана. Таа излезе на губилиштето радосна со духот. Му се помоли на Бога и ја положи главата за отсекување. На денот на тоа убиство душата на светителката отиде во Царството на вечната Христова светлина, во 304 година. Набрзо Елевсиј го постигна Божја казна. Кога пловеше по морето му се разби коработ, а тој падна во водата. Но не најде смрт во водата туку доплива до некој остров, каде што го растргнаа и го изедоа кучиња.

Додека ние по котлините се труеме во маглишта, еве веќе две недели, во Охрид првите денови од Новата година поминаа како да е пролет.

Врие од туристи од сите краишта на државата, но и од соседството. Распродадени се сите речиси сите сместувачки капацитети, па тешко се доаѓа до кревет повеќе.

Охрид е прекрасен во сите годишни времиња. Тука е убав секој миг… Недостига уште снегот за дополнително да ја разубави оваа раскошна бајка.

Андреја Јосифовски, челникот на нафтената компанија „Макпетрол“ е меѓу педесетте најбогати луѓе во регионот, неговото богатство е проценето на 565,5 милиони евра. На листата од 100 најбогати луѓе во регионот на весникот „Недељник“ објавена во празничниот двоброј, Јосифовски се најде на 45 место, а капиталот според кој е рангиран има вредност од точно 565.501.055 евра.

Во онлајн изданието се наоѓаат бизнисмените Илија Гечев и Живко Мукаетов.

Бизнисменот од Кавадарци Илија Гечев, сопственик на „ИГМ трејд“ е единствениот милијардер (во евра) од Македонија и единствен милијардер во регионот кој не е од Србија или Хрватска. Неговото богатство е проценето на 1.054.946.440 евра и е рангиран на 18-то место.

На 38-то место е рангиран челникот на „Алкалоид“ Живко Мукаетов со капитал од 650 милиони евра.

„Недељник“ досега во достапната онлајн верзија објави 50 имиња на најбогати луѓе.

Рангирањето е направено во соработка со локални медиуми и две њујоршки консултантски куќи. Богатството не се цени според пари на сметки, туку според капиталот и неговата вредност според денешни реални цени.

Родените во јануари се вредни и упорни, ја ценат чесноста и добрината. По природа се родени лидери.

Еве што ги краси луѓето родени во првиот месец од годината!

* Иако се родени во најстудениот дел од годината, луѓето со роденден во јануари се топли и грижливи. Исто така, ќе го соблечат палтото за да му го дадат на оној кому му треба. Тие се многу сочувствителни.

* Јануари означува и нов календарски почеток, па не е ни чудо што луѓето родени во овој месец се природни лидери. Луѓето сакаат да се потпрат на нив во стресни ситуации.

* Тие се надарени со силна амбиција и сериозност. Тие поставуваат високи цели пред себе и ретко ќе дозволат нешто да им застане на патот.

* Тие се вредни, па успеваат да ги постигнат повеќето зацртани цели. Тие секогаш се обидуваат да постигнат нешто повеќе во животот за себе и за своето семејство и најсреќни се кога можат да научат нешто ново.

* Тие се одлични организатори – и за нивната работа и за слободното време. Тие се внимателни, детални и снаодливи и ретко ќе донесат лоша одлука.

* Луѓето родени во јануари не очекуваат ништо да „падне од небото“. Тие не веруваат во брзи резултати и подготвени се да чекаат. Тие знаат да бидат трпеливи.

* Познати се по својата енергија со која извршуваат задачи. Некои дури можат да добијат и нервоза од нивниот ентузијазам.

* Иако пријателствата се остваруваат многу брзо, само неколку луѓе од нивниот најблизок круг се нарекуваат вистински пријатели. Пријателството им е многу важно, а оние што не ги познаваат ги сметаат за малку резервирани.

* Тие ја ценат искреноста и љубезноста во другите, и тие самите се многу лојални и искрени.

* Претпочитаат удобност, а не елеганција, но понекогаш не им е лесно да се опуштат.

Клубот на литературни творци од Прилеп, по повод Патронот на град Прилеп „Св.Никола“, организираше литературен конкурс за лични творби на слободна тема, во две категории: поезија и проза. Учество зедоа повеќе гимназијалци, а наградите кои беа доделени на 28.12.2022 година, им припаднаа на четворица ученици.

Под менторство на професорите Христина Кочоска, Мартин Наумоски и Дарко Ристески учениците ги освоија следните награди:

– Вероника Кочоска го освои провто место за прозна лична творба;
– Тамара Ванеска освои второ место за прозна лична творба и второ место за поетска лична творба.

– Катерина Николоска освои трето место во категоријата прозна лична творба;
– Софија Оџаклиеска освои трето место во категоријата поетска лична творба.

Маглата во Скопје го отежнува авионскиот и патниот сообраќај. Дел од летовите на Меѓународниот аеродром во Скопје се откажани или одложени. Поради маглата намалена и видливоста и на неколку патни правци низ државата.

Според информациите на веб страницата на Меѓународниот аеродром, откажани се летовите од Бремен и Дортмунд, а одложен е летот од Истанбул. Единствено, на скопскиот аеродром слетал авионот од Виена. За околу четири часа е одложено и полетувањето за Истанбул и за околу 50 минути летот за Лондон.

Во делот на патниот сообраќај, Авто мото сојузот на Македонија утринава информираше дека намалена видливост има на неколку патни правци во државата. Намалена видливост до 40 м има на патните правци Тетово – Групчин и Кочани-Виница-Македонска Каменица, а видливост од 50м до 100м на патните правци Битола-Прилеп,Скпје-Кумануво,Скопје-Велес , Велес-Катланово и Кочани-Штип.