Во селото живеат околу 600 жени, повеќето на возраст меѓу 20 и 35 години, а локалните мажи од околните градови ги опишуваат како “дами со импресивна убавина”.

Ноива де Кордеиро е село во јужниот дел на Бразил, во кое живеат само осамени жени, кои имаат потреба од мажи. Обично девојките го напуштаат селото кога ќе стана полнолетните, а мажите кои работат во околните градови навраќаат само за викендите.

Поради недостаток на мажи младите жени упатиле апел, повикувајќи дека сите сакаат во нивното село да се преселат доволно мажи кои ќе ги задоволат нивните потреби. Во селото живеат околу 600 жени, повеќето на возраст меѓу 20 и 35 години, а локалните мажи од околните градови ги опишуваат како “дами со импресивна убавина”.

Сепак овие убавици нема со кого да склучат брак. Таму единствените мажи се или во брак, или нивни роднини. “Сите сме од една крв, поради што одамна не сум бакнала маж”, вели 23-годишната Нина во самото видео кое е снимено пред неколку години..

Затоа девојките решиле да ги повикаат сите заинтересираните ергени да дијдат да живеат во нивното село. Но, многу претставници на посилниот пол се плашат да отидат на место каде што владеат женски правила. “Живееме во хармонија.

Кога нема мажи, сме многу помирни, бидејќи се обидуваме да го разрешиме секој конфликт со заедничка согласност”, раскажува 49-годишната Росана. “Но сонувам да се заљубам. Сакам да го продолжам животот тука, а не да го напуштам селото за да најдам маж. За тоа бараме мажи кои се подготвени да го остават нивниот живот и да станат дел од нашиот”, додава Нина.

Извор: Press24.mk

Македонскиот пасош е рангиран на 44. место според индексот на Henley Passport за 2023 година, и со него без визи може да се патува во 125 земји во светот.

Од земјите во регионот, најдобро рангиран е грчкиот пасош на осмото место и со него може да се патува во 185 земји, словенечкиот е на 11 позиција (182 земји), следуваат бугарскиот и хрватскиот на 18 (174), српскиот е 38 (136), црногорскиот 45 (124). Пасошот на Босна и Херцеговина е на 49 место (118 земји), на Албанија на 51 (115), а на Косово е рангиран како 101 (41).

На врвот на листата на Henley Passport се јапонскиот, сингапурскиот, јужнокорејскиот, шпанскиот, германскиот, италијанскиот, како и пасошите на скандинавските земји. На дното, пак, се патните исправи на Сирија, Ирак и Авганистан со кои без визи може да се патува во само во двесеттина земји во светот.

На 09.01.2023 во 18.35 часот во СВР Битола било пpиjaвено дека нa ул. “Тодор Паница“ во Битола, патничко моторно возило yдpило во пешак на возраст од 71 година од Битола и го напyштило местото.

Во нecpeќата со тешки телecни повpeди се здобил пешакот конcтатиpaни во Клиничката болница во Битола.

Извpшен бил yвид од yвидна екипа од СВР Битола и се преземаат мерки за pacчиcтyвање на cлyчajoт – информираат од СВР Битола.

На средбата меѓу лидерите на албанските политички партии во Македонија со премиерот на Албанија Еди Рама која се одржа синоќа во Тирана, како што изјави лидерот на ДУИ, Али Ахмети изјави дека Македонија и Албанија имаат заедничка иднина во Европската Унија, но и заеднички предизвици кои ги очекуваат двете земји во овој период.

Тој додаде дека мора да се спречи заминувањето на младите од Македонија и од Албанија во европските земји и оти стандардите на двете земји треба да се усогласат со оние на земјите од ЕУ. Но, она што исто така го потенцираше тој е и дека „без Албанците нема да ја има Македонија“.

Според Ахмети, „средбата со премиерот Рама поминала во позитивен и братски дух“.

„Иднината на двете земји е во ЕУ. Предизвиците со кои се соочуваат двете земји се заеднички. Оваа фаза е многу тешка“, нагласи Ахмети.

По повод големата миграција на младите од Македонија и Албанија во европските земји, лидерот на ДУИ порача дека „стандардите на двете земји треба да се усогласат со оние на земјите од ЕУ“.

Со цел подобрување на социјалните услуги за социјална заштита на своите повозрасни граѓани, Општина Прилеп се вклучува во проектот за социјални услуги на локално ниво, кој е фокусиран за помош на стари лица во заедницата. Преку проектот ќе бидат ангажирани лица кои ќе им помагаат на повозрасните граѓани со помош и нега во домот, за вршење на основните активности од секојдневниот живот, со цел старите лица да продолжат да живеат во сопствениот дом и да водат независен живот во заедницата.

„Ова во суштина, ќе претставува сервис за домашни услуги и подобри услови за живот на стари и изнемоштени лица во Прилеп“, вели градоначалникот на Прилеп, Борче Јовчески, посочувајќи ја важноста за вонинституционалната грижа на старите лица.

Во проектот за регионов ќе бидат вклучени околу 40 обучени негуватели, кои ќе имаат улога според потребите на примателите на услуга да помагаат во вршење на основните активности: лични услуги, помош при земање на медицинската терапија, готвење, купување продукти и лекови.

Проектот, за подобрување на социјалните услуги, заедно со Општина Прилеп, го спроведува „Центарот за развој и едукација“ во соработка со Министерството за труд и социјална политика на Р. Македонија, а во него се вклучени и соседните општини, Долнени и Кривогаштани.

На 10.01.2023 на ул.„Прилепски бранители“ во Прилеп, полициски службеници од ОВР Прилеп го лишиле од слобода В.Е.(25) од Прилеп, затоа што кај него била пронајдена и одземена грутчеста материја. По документирање на случајот, против него ќе биде поднесен соодветен поднесок.

На 10.01.2023 на крстосницата од улиците „Мице Козар“ и „Круме Волнароски“ во Прилеп, полициски службеници од ОВР Прилеп ги лишиле од слобода Б.П.(32) од Прилеп и Е.И.(30) од с.Алданци, затоа што кај нив била пронајдена и одземена прашкаста материја.

По документирање на двата случаи, против нив ќе биде поднесен соодветен поднесок – информираат од ОВР Прилеп.

Македонскиот пасош е рангиран на 44. место според индексот на Henley Passport за 2023 година, и со него без визи може да се патува во 125 земји во светот.

Северна Македонија бележи напредок од една позиција во однос на лани кога беше позиционирана на 45 место.

Од земјите во регионот, најдобро рангиран е грчкиот пасош на осмото место и со него може да се патува во 185 земји, словенечкиот е на 11 позиција (182 земји), следуваат бугарскиот и хрватскиот на 18 (174), српскиот е 38 (136), црногорскиот 45 (124). Пасошот на Босна и Херцеговина е на 49 место (118 земји), на Албанија на 51 (115), а на Косово е рангиран како 101 (41).

На врвот на листата на Henley Passport се јапонскиот, сингапурскиот, јужнокорејскиот, шпанскиот, германскиот, италијанскиот, како и пасошите на скандинавските земји. На дното, пак, се патните исправи на Сирија, Ирак и Авганистан со кои без визи може да се патува во само во двесеттина земји во светот.

Кое домаќинско осигурување покрива штети кон и од соседите?

– Пакетот СН Дом покрива 18 ризици, што е рекорден број за еден пакет, започнувајќи од пожар, удар од гром, експлозија, град, поплава од внатрешни инсталации, кршење на стакла и инсталации, паѓање на воздушни летала, удар од сопствено моторно возило во градежен објект, провални кражби, разбојништво…

Граѓаните се почесто бараат домаќинско осигурување кое покрива штети кон и од соседите, велат од СН Осигурителен Брокер АД Битола врз основа на досегашното искуство со осигурениците.

На овој начин сакаат да се заштитат од потенцијални ризици кои доаѓаат од соседите и кои би можеле да го загрозат нивниот имот, но и ризици кои потекнуваат од страната на имателот на полисата, а кои би можеле да нанесат штета како кај осигурениот имот така и кај соседите.

„Ваков тип на осигурување кој ги опфаќа ризиците од штети кон и од соседите е особено практичен кај станарите во колективни згради, бидејќи ризиците од типот на пожар или поплава не го засегаат само имателот на полисата, туку и неговите соседи. Од тука најчесто го препорачуваме пакетот СН Дом за домаќинско осигурување.“-вели Дарко Вренцоски, раководител на експозитурата на СН Осигурителен брокер во Прилеп.

Тој појаснува дека во пракса такви се и случаите со пукање на цевки и излевање на вода во домот. “Граѓаните често прашуваат дали кога се случуваат одредени штети во осигураниот стан осигурувањето покрива штети кон соседите и штети од соседите. На пример прашуваат што се случува ако протече вода од горниот стан кон осигурениот стан, или ако протече вода од осигурениот стан кон друг стан во соседството. Овој пакет ги покрива и тие ризици. Тоа значи дека кога некој го осигурува домот со пакетот СН Дом, тогаш индиректно го осигурува и домот на соседите во однос на некои ризици како што е излевањето на вода.“-појаснува тој, додавајќи дека и излевањето вода може да доведе до големи финансиски штети.“На пример кај пукната цевка, водата се излева, ги зафаќа вратите, паркетот. Ако вратите и касите се подујат од водата, ако водата излезе надвор од бањата и зафати дрвени подови, ламинат или паркет и истите се оштетат, тогаш се признава и тоа. Пакетот СН Дом ги покрива овие ризици. Покрај пукањето на цевката, се признава во одреден дел и копањето, замена на плочки, како и повторно лакирање на паркет ако за тоа има потреба, односно се што може да настане како последица на тие ризици.“- објаснува Вренцоски.

Покрај тоа, овој пакет по пристапна цена покрива голем број ризици. „Осигурувањето за една цела година го добиваат за сума од околу 1200 до 1800 денари зависно од квадратурата на осигурениот имот, што е навистина пристапна цена. Исто така може да се плаќа на рати, со што месечно би имале издаток од околу 100 до 200 денари, зависи дали ќе го изберат пакетот СН Дом Комфорт или СН Дом Ексклузив, кој покрива и дополнителни ризици. Затоа настојуваме што повеќе да ги информираме граѓаните да разберат колку е сеопфатен овој пакет и колку многу поволности нуди, а сепак ценовно се вклопува во понудата на пазарот. Што значи за иста цена со овој пакет граѓаните добиваат многу повеќе.“-вели тој.

Всушност, преку калкулаторот на веб страната на СН Осигурителен брокер секој брзо и лесно може да пресмета колку би чинело осигурувањето на неговиот стан или куќа. За да се добие годишна цена за осигурување потребно е само да се внесе квадратурата на станот и да се избере пакетот.

Пакетот СН Дом покрива 18 ризици, што е рекорден број за еден пакет, започнувајќи од пожар, удар од гром, експлозија, град, поплава од внатрешни инсталации, кршење на стакла и инсталации, паѓање на воздушни летала, удар од сопствено моторно возило во градежен објект, провални кражби, разбојништво…

„Пакетот СН Дом е единствен од овој тип на пазарот, како заради цената, така и заради обемот на ризици кои ги покрива. Во овој пакет има неколку ризици кои се единствени и кои што ги нуди единствено СН Осигурителен Брокер на пазарот. Меѓу нив е и осигурувањето на членовите на домаќинството. Тие се опфатени со осигурување од незгода. Тоа значи дека покрај тоа што е осигуран домот, осигурани се и членовите кои живеат во тој дом.“-вели Вренцоски, додавајќи дека сите заинтересирани можат да добијат дополнителни информации во најблиската експозитура на СН Осигурителен Брокер низ целата држава или на телефоните 15 770 и 071/214-646.

Рускиот митрополит Антониј, директор на Одделот за меѓународни односи на Руската православна црква и викар на патријархот Кирил, утре ќе ја посети МПЦ-ОА. Како што објавија некои македонски и бугарски медиуми, миторполитот Антониј ќе има средба со поглаварот на МПЦ-ОА г.г Стефан.

Посетата на рускиот владика на Скопје за Сител ја потврдил митрополитот Дебарско-кичевски, Тимотеј.

Од кабинетот на архиепископот Стефан досега нема официјална информација за доаѓањето на митрополитот Антониј. Нема најава и на сајтот на РПЦ, ниту, пак, за тоа што е целта на посетата, која се случува во време кога МПЦ-ОА го очекува томосот од Вселенската патријаршија за автокефалност.

Бугарски „Фактор.бг“, повикувајќи се на црковни извори, посочува дека митрополитот Антониј доаѓа во Скопје да ги убедува македонските владици да не преговараат со Вселенската патријаршија и да бидат на линија со РПЦ.

Бугарските меидуми потсетуваат и дека митороплитот Антониј во декември минатата година во Софија имал „тајна“ средба со бугарскиот патријарх Неофит по која, како што посочуваат, Синдот на БПЦ одлучи да го признае томосот на СПЦ за автокефалноста на МПЦ-ОА.