На 12.01.2023 во СВР Битола е пријавено дека во коритото на реката Драгор во Битола, во близина на дрвеното мовче, паднало машко лице.
Интервенирале полициски службеници и припадници на Територијалната противпожарна единица Битола, при што И.Ј.(31) од Битола, кој претходно паднал во реката, бил извлечен и пренесен во Клиничка болница Битола, каде му биле констатирани телесни повреди.
Премиерот кажа дека при наредната посета на Брисел со соодветните сектори ќе се разговара за соработка преку ИПАРД-програмите со цел, како што кажа, да се направи модел на стационар за бездомните кучиња и да им се излезе во пресрет на граѓаните и општините за, како што рече, решавање на овој голем проблем.
Коментирајќи ги проблемите со бездомните кучиња кои се актуализирани во последните денови по убиството на десетина кучиња во Струга, премерот Димитар Ковачевски најави дека иако овој проблем не е во надлежност на државата ќе се побара помош од Брисел преку ИПАРД-програмите да биде изграден стационар во кој ќе се згрижуваат кучињата скитници.
„Јас разговарав со министерот за земјоделство, при следната посета на Брисел, со соодветните сектори да разговараме за одредена соработка преку ИПАРД-програмите и доколку може да се направи некој модел на стационар што ќе биде некаков државен проект, иако не е ингеренција на државата, со цел да можеме да им помогнеме на граѓаните и на општините во справувањето со овој проблем“, рече Ковачевски одговарајќи на новинарско прашање за време на посетата на РЕК „Битола“.
Фејсбук статус на Д-р Александар Јовановски
“Утрово ми стигнува прашање во приватна порака од моја блиска роднина, која претходната ноќ поради покачена телесна температура ја носела својата тригодишна ќерка на лекар. Прашањето се однесуваше на тоа која е инјекцијата која детето ја добило за покачената температура (максималната температура била 39,2).
Крвната слика и другите инфективни параметри биле мирни. Изговорт за терапијата бил “да не качи детето пак температура”. А зошто да не качи? Што ќе се случи побогу ако мало дете има покачена температура?
Веќе некои и претпоставувате, детето е боцнато ампула Лемод (Урбазон) – кортикостероиден препарат со брзо и силно имуномодулаторно и имуносупресивно дејство. И тоа е точно, детето нема пак да ја покачи својата температура. А знаете зошто?
Затоа што со помош на овој препарат се “блокира” клеточната комуникација во рамките на нашиот имун систем, па така наместо организмот да добива сигнал дека нешто во него се случува, тој останува “нем” и не ја покачува телесната температура која е единствениот одбрамбен механизам да се спречи размножување на актуелниот вирус и истовремено да се овозможи “зреење” на детскиот имун систем.
Со урбазонот вие можеби ќе спиете мирно сега, ама во наредниот период вашето дете ќе биде изложено на почести инфекции, одложено созревање на имуниот систем и со огромен ризик за сериозни компликации со бактериски инфекции поради имуносупресивното дејство.
Драги колеги, сите вие кои боцкате урбазон кај мали деца поради покачена телесна температура не постапувате “lege artis” и треба да ви биде срам од таа постапка.
Драги мајки, покачена температура на дете се намалува со антипиретици (парацетамол и ибупрофен) и со физички методи на ладење на телото. Немојте заради паника да вршите притисок врз лекарот и да инсистирате на лекови кои се опасни за вашето дете. Во суштина, лекар кој ќе подлегне на вашиот притисок веднаш сменете го, зошто уцена од пациенти и исполнување на нивните желби не е медицина базирана на докази.
На крај ќе заборавев, во некои земји за користење на кортикостероид без индикација се сносат последици”.
Жителите на село Дреновци во општина Долнени конечно ќе имаат хумани услови за живеење. После долги години ветувања од различни гарнитури, конечно се асфалтира патот и главната улица низ селото.
Дреновчани со години се соочуваа со горлив проблем, особено при врнежливи денови. Жителите на ова село населено со етнички Македонци долго време се жалеа дека до нивните домови не може да пристигне брза помош или противпожарна служба.
Сега конечно жителите ќе можат да се движат по асфалтиран пат како што доликува за 21 век…
Еве каква беше состојбата кога долненскиот регион ќе го погодеше поголемо невреме:
Жителите упатуваат благодарност до градоначалникот на општината, кој очигледно работи еднакво во интерес на сите етнички заедници.
Министерството за труд и социјална политика известува дека во тек е исплатата на паричната помош согласно Законот за финансиска поддршка за ранливи категории на граѓани за справување со енергетската криза.
Поддршката се однесува на: корисниците на правото на социјална сигурност на стари лица, корисниците на посебен додаток, корисниците на правото на надоместок заради попреченост, корисниците на надоместокот за попреченост и трајни промени во здравствената состојба, кои користат надоместок за помош и нега од друго лице, а не користат право на надоместок заради попреченост, без потреба од контролен преглед и самохраните родители кои се евидентирани корисници на гарантирана минимална помош.
Овие граѓани добиваат финансиската поддршка од 3.000 денари месечно, за период од четири месеци. Денеска се исплаќа и финансиската поддршка за невработени лица-корисници на право на материјално обезбедување во вид на паричен надоместок, согласно Законот за материјално обезбедување на невработените лица поради приватизација на претпријатијата со доминантна сопственост на државата.
Финансиската поддршка за овие корисници изнесува 3.000 денари месечно, за период од четири месеци и го исплаќа Агенцијата за вработување на Северна Македонија.
Преку Фондот за пензиско и инвалидско осигурување се исплаќа финансиска поддршка за корисници на право на пензија во висина до 14.000 денари и тоа за корисници со пензија до 11.525 денари месечно, 1.500 денари месечно, за период од четири месеци, и од 11.526 денари до 14.000 денари месечно, изнесува 750 денари месечно, за период од четири месеци. За корисниците на правото на надоместок за телесно оштетување 750 денари месечно за четири месеци.
Американската вселенска агенција НАСА откри егзопланета со големина на Земјата, којашто орбитира околу мала ѕвезда оддалечена околу 100 светлосни години.
Планетата наречена ТОИ 700 е, веројатно, карпеста и речиси со иста големина како нашата планета. Небесното тело ја претставува четвртата откриена планета што орбитира околу малата, студена џуџеста ѕвезда М ТОИ 700. Сите планети се откриени од страна на истражувачкиот сателит за егзопланети на НАСА, познат како ТЕСС.
Друга планета од истиот систем, која беше откриена во 2020 година и наречена ТОИ 700 д, исто така е слична по големина на Земјата. Овие две егзопланети се наоѓаат во „зоната на живот“ на нивната ѕвезда, односно на растојание што би можело да значи постоење на вода на површината. Можноста за вода значи дека планетите би можеле да бидат погодни за живот или некогаш биле.
Откривањето на новата планета беше официјално потврдено на 241-от состанок на Американското астрономско друштво.
Најблиску до ѕвездата е планетата ТОИ 700 б, која има 90 отсто од големината на Земјата, но еден круг околу ѕвездата ѝ трае 10 земјини денови. Тука е и ТОИ 700 ц, кој е 2,5 пати поголем од нашата планета и еволуира за 16 дена, и како и првата, секогаш е свртени кон ѕвездата со истата страна, како што Месечината, на пр., секогаш е свртена кон Земјата со едната, иста страна.
Други две егзопланети во зоната на живот на ѕвездата, наречени Д и Е, имаат подолги орбити кои траат, соодветно – 37 и 28 дена. Тие се подалеку од својата ѕвезда. А, новооткриената планета всушност се наоѓа меѓу овие две.
Мисијата ТЕСС почна со работа во 2018 година. Цел на набљудување првично беше јужното небо, а потоа се сврте кон север. Во 2020 година, мисијата се врати на југ и ја откри четвртата планета во системот ТОИ 700.
Полициcки cлyжбеници од кpиминалиcтичката полициja при СВР Битола ги лишиле од cлобода А.Ѓ.(48) и М.С.(38) од Битола, пopaди постоење ocновано coмнение дека на 08.01.2023 околу 15.30 часот на ул.„Солунска“ во Битола извpшиле кpивично дело „paзбojништво“.
Имено, тие кpивичното дело го извpшиле со физички напад на 67-годишен битолчанец, користејќи дрвен предмет, при што му одзеле пapи во вредност од околу 200.000 денари.
СВР Битола до ОЈО Битола поднесе кpивична пpиjaва по чл.237 од Kpивичниот законик, а од страна на cyдиja на претходна постапка на А.Ѓ. му одредена мepка пpитвop во траење до 30 дена, додека М.С., ocyденик во КПУ 3aтвop Битола, е спроведен назад во затвopoт, каде веќе издржува затвopcка казна – информираат од СВР Битола.
Минус девет степени се измерени изутрина во седум часот во Попова Шапка, каде има снежна покривка од 11 сантиметри. Четири степени по нулата се регистрирани во Маврови Анови и Крушево, – 3 во Лазарополе, -2 во Берово, Претор и во Дебар, -1 во Охрид, 0 во Битола, Прилеп, Крива Паланка, Струмица, 2 во Тетово, Виница, Куманово, 3 во Скопје-Петровец, Скопје-Зајчев Рид, Штип, Демир Капија, а 6 во Гевгелија и во Дојран.
Како што соопшти Управата за хидрометеоролоѓки работи (УХМР), во текот на ноќта и утрово преовладува облачно време, освен во југозападните делови и на крајниот југоисток каде утрово е сончево со мала облачност. Дува слаб до умерен ветер претежно од северозападен правец.
Времето денеска ќе биде променливо облачно и студено со сончеви периоди. Ќе дува слаб до умерен ветер од северозападен правец, поизразен долж Повардарието. Максималната температура ќе биде во интервал од 3 до 10 степени.
Во Скопје променливо облачно со сончеви периоди и со слаб до умерен ветер од северозападен правец. Максималната температура ќе достигне до 7 степени.
Селекторот на Македонија, Кире Лазаров, го објави конечниот список на патници за Светското првенство во Полска и Шведска.
Тој ќе смета на 18 ракометари, а од оние 22 што беа на тренинзите и играа на пријателските со Црна Гора, Хрватска и Израел, отпаднаа десното крило Александар Петковски, десниот бек Давид Савревски, левото крило Цветан Кузманоски и голманот Марко Кизиќ.
За Краков патуваат Филип Талески и Никола Митревски кои не беа дел од тимот во Пореч.
Македонија е во група со Норвешка, Аргентина и Холандија, а настапот на СП го започнува на 13 јануари со Норвежаните.
Македонија: Томовски, Митревски, Манасков, Петар Атанасијевиќ, Гоце Георгиевси, Ненад Костески, Жарко Пешевски, Марко Стјојковиќ, Никола Маркоски, Костадин Петров, Филип Талески, Иван Џонов, Филип Кузмановски, Игор Ѓоргиев, Михајло Младновиќ, Павле Атанасијевиќ, Томислав Јагуриновски, Мартин Серафимов.
Светското првенство 2023 ќе се игра во градовите: Краков, Гдањск, Катовице, Плок, Стокхолм, Малме, Гетеборг, Јонкопинг и Кристијанштад.
Македонската ракометна репрезентација ќе игра во Група Ф која важи за една од најсилните на Мундијалот. Покрај момците на Кире Лазаров, во групата се уште и Норвешка, Аргентина и Холандија.
Црвено-жолтите отвораат со апсолутниот фаворит Норвешка на 13-ти јануари од 20:30 часот во полски Краков.
Заради одлуката на Владата од месец ноември да му се одземат ингеренциите на локалното ЈП „Енерго Прилеп“ за стопанисување со броилата за јавно осветлување, а кое што имаше повластени услови за плаќање на електричната енергија за уличното осветлување, прилепчани во новата година ќе плаќаат значително повисоки сметки за оваа услуга – објави “АЛФА ТВ”
„Со огромно жалење морам да истакнам дека донесовме и една непопуларна одлука, односно одлука која што ќе значи зголемени сметки за јавно улично осветлување. Во разговори со градоначалникот се прават напори оваа одлука ако може да се смени. Ќе има интервенции и преку ЗЕЛС. Меѓутоа, за да не ја ставеме општината во правен вакуум, не дај Боже да се случи, иако имаме ветување од ЕВН дека 90 дена ќе не’ снабдуваат на слободниот пазар со електрична енергија, ние не сакавме да ризикуваме и преминавме на ваков непопуларен чекор“, кажа Дејан Проданоски, претседател на Советот на општина Прилеп.
Според Проданоски, најтрагичното во ваквата владина одлука било тоа што биле анулирани евидентните позитивни ефекти додека со овие броила стопанисувало ЈП „Енерго Прилеп“ и кога заштедата на општината, за неполни три месеци била над 200 проценти.
„Со ова се прави серизен удар врз средствата од граѓаните, односно сметките ќе бидат далеку повисоки од она што во овие три месеци успеавме да го заштедиме како Општина со трансферирањето, односно со предавањето на броилата на ЈП за енергетски дејности“, посочи Проданоски.
Инаку, оваа принудна одлука за зголемување на сметките за јавно улично осветлување, прилепските советници ја донесоа на последната седница на Советот, одржана на два дена пред Новата година, со единствена цел да не се ризикува и градот да не остане во мрак.
Каролина Дурло за “АЛФА ТВ”
