На 17.01.2023 во 12.30 часот на ул.„Св.Наум Охридски“ во Прилеп патничко возило „ауди“ со прилепски регистарски ознаки, yпpaвyвано од Т.П.(19) од Прилеп, излетало од коловозот.

Во нecpeќата возачот се здобил со тешки телecни повpeди конcтатирани во прилепската болница.

Увидот го извршила увидната екипа на ОВР Прилеп.

Имаме парацрковна структура во Бигорскиот манастир на чело со епископот Партениј. Тоа прашање час поскоро мора да го поставиме на дневен ред пред Синодот и да го решиме, предупредува владиката Петар.

“Денеска имаме парацрковна структура во Бигорскиот манастир на чело со епископот Партениј кој превзема ингеренции, дури и мои како претседател на одделот за соработка со православните цркви. И секако дека тоа прашање мора час поскоро да го ставиме на дневен ред на Синодот во цел состав и да го решиме. Зошто јас имав слобода да му кажам пред нашиот архиепископ Тимотеј, пред архиепископот Климент, ред цилибрскиот митрополит Максим, кој има студирно и докторирано во Белград, и претседателот на Комисијата за односи со верските заедници, свештени лица, преведувачи итн. да му пренесат на неговата сесветост, ние нема да дозволиме да имаме парацрковна организација во лицето на епископот Партениј заедно со структурата негова во Бигорски и со монахињите таму кои мешетарат во мојата епархија, јавно кажувам и им порачувам да се тргнат од мојата епархија и повеќе да не ми прават таму проблеми, зошто сериозна е ситуацијата а за другите епархии нек си водат сметка надлежните архиереи. И ова е веќе сериозен проблем на нашата црква” – соопшти во интервјуто на ТВ СОНЦЕ Архиепископот г. Петар.

Тетово има посебен обичај за празнување на големиот христијански празник Богојавление – Водици. Кај нив светиот крст во водите се фрла два пати, во две цркви, два дена едноподруго – еднаш на 18-ти во црквата Св.Богородица (Водокрст – денот кога е крстен самиот Јован Крстител), вториот пат утре на Водици во црквата Св. Кирил и Методиј.

Денеска најсреќен и прв до светиот крст дојде Димитар Спасески.

Медиумите објавија снимка од апсењето на познатата активистка против климатските промени Грета Тунберг, која вчера беше приведена на протести во германското село Лицерат.

„Грета Тунберг беше дел од група активисти кои се упатија кон полицијата. Таа беше запрена и изнесена од оваа група надвор од непосредната област за да се утврди нивниот идентитет“, изјави портпаролот на полицијата во Ахен за Ројтерс, додавајќи дека еден активист скокнал во рудникот.

Според вицепремиерот Артан Груби, ДУИ ги има најдобрите кадри во Македонија. Тоа тој го изјавил вчера на партиската средба во Гостивар додавајќи дека биле подобри од било кога.

– ДУИ и онака не е партија, тоа е дух кој ја наследува слободата, ОВК, ОВК на Прешево, на Косово, која потоа преку партиите се канализираше во институциите. Во ’98 година ни требаше сламка, во 2002 година ни требаше молив, знаење и глас. Секоја генерација имаше свој одговор. Започна со Охридскиот рамковен договор, продолжи со универзитетите, со стекнување на општини кои со години им беа ускратувани на Албанците. За таа битка ги имавме најдобрите воини, изјавил Груби, соопштија од ДУИ.

Според Груби имало време да се дојде на маса кога треба, се работело многу, се заокружиле сите барања од Охридскиот рамковен договор, се појавиле нови предизвици.

– Не можеме да ја оставиме земјата на судбината на анкетата објавена вчера во правец на Русија. Затоа, ДУИ, претседателот и сите ја дадоа довербата на соодветната генерација и успеавме, сега сме членки на НАТО, отворивме разговори и со ЕУ. И тогаш требаше една генерација, требаше кадарот на ДУИ, почнавме со правата на Албанците и интеграциите. Сега е време за инфраструктура, економија и развој. Во оваа година се најдоа релевантни луѓе да го продолжат патот и да се соочат со предизвиците, не сме исти како во 2002 година. Многу сум благодарен за сета доверба што кадрите на ДУИ им ја дадоа на граѓаните. Успешни беа во 2002 година, беа и подоцна и во 2022 година, изјавил Груби.

Тој истакнал дека министрите на ДУИ се 5 доктори на науки и еден докторанд.

– Но за ова не зборуваме отворено. ДУИ има повеќе доктори од СДСМ, ова го призна и Апасиев и Левица. Го кажавте ова „Подобри сме од било кога“, слушнав од вас, рече Груби.

Приказнава ќе го промени вашиот начин на размислување, вреди да се прочита.

Еднаш една млада жена отишла кај својата баба и се пожалила дека и е тешко во животот. Не знаела како понатаму и сакала да се откаже од сѐ. Се чувствувала уморна од борба. Се чинело дека штом се реши еден проблем, се појавува друг.

Бабата ја слушала и ја однела во кујната. Наполнила три тенџериња со вода и оставила водата да врие. Потоа во едното тенџере ставила морков, во другото јајце, а во третото кафе. И оставила тие да се варат. По 20 минути го изгаснала шпоретот. Тогаш го извадила морковот и го ставила во една чинија. Потоа го извадила јајцето и го ставила во друга чинија. И на крајот го ставила кафето во еден филџан.

Бабата се свртела кон својата внука и ја прашала што гледа.

Внуката рекла дека гледа морков, јајце и кафе.

Бабата тогаш ја замолила да го допре морковот. Внуката го направила тоа и увидела дека морковот е мек. Потоа ја замолила да го земе јајцето и да го скрши. Под лушпата се наоѓало тврдо варено јајце. И на крајот бабата ја замолила внуката да го проба кафето. Внуката се насмевнала кога го почувствувала прекрасниот вкус на кафето.

И на крај рекла: „Добро бабо, што значи сето ова?“

Бабата објаснила дека секоја од тие намирници се соочила со истата „неволја“ – врела вода. Но, секоја од нив реагирала различно. Морковот бил тврд и непопустлив, но потоа омекнал и станал слаб. Јајцето било кревко, неговата тенка лушпа ја штитела неговата внатрешност, но потоа неговата внатешност стврднала. Меѓутоа, зрнцата кафе се уникатни. Откако биле ставени во врела вода, тие ја промениле водата.

„Во кој пример се пронаоѓаш ти, дете мое?“ – прашала бабата.

Над 200 инспекциски надзори направиле инспекторите од Државниот пазарен инспекторат (ДПИ) во текот на изминатата недела, односно во период од 10 до 14 јануари на територија на целата држава, во согласност со надлежностите кои произлегуваат од Законот за заштита од пушење при што се издадени 56 прекршочни платни налози.

Како што информираа од ДПИ утврдени се неправилности, односно непочитување на член 2 и член 3 од Законот за заштита од пушењето. Според Законот, казната за правното лице е од 2.000 до 4.500 евра, за одговорното лице од 500 до 1.000 евра, а физичкото лице кое ќе биде фатено како пуши во затворен објект од 100 до 300 евра, во денарска противвредност.

Државниот пазарен инспекторат постапува по над 80 закони и подзаконски акти и Одлуки донесени од страна на Владата, меѓу кои и Законот за заштита од пушењето. Заради зголемениот број на пријави од страна на граѓаните за пушење во јавните простории согласно член 2 од Законот за заштита од пушењето, напоменуваме дека согласно член 3 од истиот Закон, пушењето е дозволено исклучиво надвор од деловниот објект (тераса, летна бавча и слично) па согласно тоа, Државниот пазарен инспекторат како и до сега така и од сега ќе продолжи со интензивни контроли врз субјектите со цел контрола врз почитувањето на законските одредби, порачуваат од ДПИ.

Напоменуваат дека казните се високи и затоа, како што велат, апелираат правните субјекти да го почитуваат Законот, а граѓаните да го искористат законското право и да поднесат пријава до Државниот пазарен инспекторат доколку забележат прекршување на законот.

Ученичката од петто оддление во ООУ “Климент Охридски” Прилп, Михаела Пурдеска минатата недела како најмлада учесничка зеде учество на WAF АWARDS 2022 и WAF CONTEST 2023, концерт кој се одржа под покровителство на Светска асоцијација на фестивали. Михаела ја претставуваше Македонија, а настапи со Евровизиската композиција ,,Fire” од Мила Москов.

Натпреварувачите беа поделени во 5 категории, а Михаела во силна конкуренција на натреварувачи од над 20држави, во категорија од 11 до 15 години го освои второто место од стручното жири.

Тивка во разговор, но силна и моќна кога пее. Слушнете ја 11-годишната Михаела Пурдеска, со оригиналната снимка од WAF AWARDS 2023.

Ова беше прв настап и освоено второ место од стручното жири, во изведувачи од 11 до 14 години, за нашата сограѓанка, со глас и техника на пеење како возрасен изведувач. Моментално посетува настава по пијано во Музичкото училиште,, Ордан Михајлоски Оцка”, но нејзина желба е да продолжи да го усовршува гласот во соло пеење. Воедно, Михаела посетува и часови по пеење во приватното училиште “Матрикс”. Во телефонскиот разговор ни рече дека нејзини омилени пејачи и се Адел и Тамара, но во последно време ги слуша и се воодушевува од песните на Калиопи, а за Евровизиската композиција од Калиопи,, Црно и бело”, вели дека Македонија и Калиопи го заслужувале првото место.

-Сакам кога ќе пораснам да звучам како Калиопи, таа пее дури и нејасни тонови за мене, кој верувам во иднина ќе ги научам со моите професори, зашто уште сум мала. Пробувам песни и од Витни Хјустон, Тамара, Тоше. Иако се тешки за моја возраст, сепак тоа ми лежи, онаму каде неможам запирам, зашто мојот ментор Денис Димоски ме советува да го чувам гласот, додека не созрее, ни рече Михаела во телефонскиот разговор.

Инаку, Михаела е скромно и воспитано девојче, тивка во гласот при разговор (едвај ја слушавме на телефон), а толку гласна и моќна кога пее.

И’ посакуваме уште поголеми во иднина и веруваме дека еден ден дури и ќе заблеска на некоја голема светска сцена.

Катастрофалниот резултат на теренот против Аргентина, резултираше и со турканица и вербални напади помеѓу членовите на популарната македонска фаланга.

Се чини дека нашите навивачи очекуваа сосема поразличен резултат од македонските ракометни избраници, па новото разочарување предизвика да го кркаме и овој срам на трибините, и тоа пред очите на целата светска ракометна јавност.

Македонија ги загуби сите три натпревари во групната фаза, па по поразот од Аргентина се сели во Плоцк, каде ќе биде единствена европска репрезентација во Президент Купот и ќе го има најслабиот пласман во досегашните учества на Светските првенства.

Возљубени во Христа браќа и сестри православни христијани!

Ве известуваме дека во храмот СВЕТИ КИРИЛ И МЕТОДИЈ ПАРАКЛИС, во чест и спомен на Христовото крштевање во водите на реката Јордан – БОГОЈАВЛЕНИЕ(ВОДИЦИ) на ден 19.01.2023 ЧЕТВРТОК, ќе се отслужи СВЕТА БОЖЕСТВЕНА ЛИТУРГИЈА СО ПОЧЕТОК ОД 07.00 И ПОТОА ВО ЦРКОВНИОТ ДВОРОТ ЌЕ СЕ ИЗВРШИ ГОЛЕМ БОГОЈАВЛЕНСКИ ВОДОСВЕТ, А ПОТОА ВО БАЗЕН ЌЕ СЕ ПОЛОЖИ СВЕТИОТ КРСТ ВО СЛАВА И ЧЕСТ НА ХРИСТОВОТО БОГОЈАВЛЕНИЕ ВЕ КАНИМЕ СИТЕ ПОТОРЖЕСТВЕНО ДА ГО ПРОСЛАВИМЕ ОВОЈ РАДОСЕН ДЕН – информираат од црковниот храм Св. Кирил и Методиј од Прилеп.