Во текот на изминатата вечер (21/22.01.2023)во периодот од 22.00 до 03.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

При контролата санкционирани се 10 возачи. Од нив 8 на територија на Битола и 2 во Прилеп.

За време на контролата биле санкционирани и 14 останати прекршоци. Акциски контроли продолжуваат и во наредните денови. Апелираме до граѓаните да ги почитуваат сообраќајните правила – информираат од МВР.

На 17 јануари оваа година во највлијателното медицинско списание во светот “The Lancet“, глобалната мрежа предводена од институтот за мајчино и перинатално здравје на универзитетот во Оксфорд објавении се резултатите од студијата INTERCOVID 2022 спроведена во 41 болница во 18 држави.

Прим. м-р д-р Габриела Тавчиоска, педијатар во Општа болница со проширена дејност Прилеп е еден од членовите на оваа глобална мрежа и коавтор на трудот објавен во “The Lancet“, списение со највисок импакт фактор од 202,7. Д-р Тавчиоска соработува со институтот за мајчино и перинатално здравје на универзитетот во Оксфорд од 2018 година и како резултат на таа соработка универзитетот во Оксфорд прилепскатата болница ја стави на листата на свои соработници и и донираше два инфантометри и траки за мерење обем на глава.

За да го проценат влијанието на омикрон варијантата на COVID-19 врз исходот на мајката и новороденчето, истражувачите проучувале 1.545 бремени жени со дијагноза за варијантата и 3.073 недијагностицирани, истовремено бремени жени како контроли. Студијата била спроведена помеѓу 27 ноември 2021 година и 30 јуни 2022 година, во периодот кога беше присутна омикрон варијанттата на вирусот.

Омикрон варијантата на COVID-19 за време на бременоста беше поврзана со зголемен ризик од морбидитет кај мајката, тешки компликации на бременоста и прием во болница, особено кај симптоматски и невакцинирани жени. Обезните жени и жените со прекумерна телесна тежина со тешки симптоми беа изложени на најголем ризик за тешки компликации.

Според Хозе Вилар, професор по перинатална медицина на универзитетот во Оксфорд, еден од водачите на студијта INTERCOVID 2022, студијата обезбедува цврсти информации засновани на докази за зголемениот ризик предизвикан од омикрон варијантата за тешки компликации кај симптоматски и невакцинирани бремени жени. Студијата јасно укажува на потребата од целосна вакцинација за време на бременоста, по можност со бустер, за да се обезбеди заштита најмалку 10 месеци по последната доза. Професор Вилар препорачува антенаталните служби ширум светот да се стремат да ја вклучат вакцинацијата против COVID-19 во рутинската грижа за бремените жени.

Оваа студија е светол пример за тоа како добро координирано, мултинационално, заедничко истражување може, за многу кратко време, да обезбеди цврсти докази за подобрување на здравјето на мајките и бебињата ширум светот. Наодите од оваа студија и претходните INTERCOVID студии придонесоа за промени во клиничката пракса и политиката на јавното здравје со препорака за вакцинација на сите бремени жени.

Претходните 4 публикаци на проектот INTERCOVID се објавени во 2021 и 2022 година во престижните медицински списанија JAMA Pediatrics и The American Journal of Obstetrics and Gynecology.

Линк до целосниот труд:

https://www.thelancet.com/journals/lancet/article/PIIS0140-6736(22)02467-9/fulltext?fbclid=IwAR3YbwcJrRhKQSxLwwk3w17puP3lEFYIEoh7Rn9FqtQPFJn63utjb55M2Lk

Социјалдемократскиот сојуз најавува интензивни теренски активности меѓу граѓаните.

„Продолжуваме понатаму. И оваа година не застануваме туку засилено ќе бидеме присутни на теренот, постојано, со граѓаните, со членовите, симпатизерите, поддржувачите. Со нивните барања, проблеми, очекувања“, се вели во објавата на СДСМ на социјалните мрежи.

„Во секоја уличка, во секоја македонска куќа, село, град, во секое населено место, како што ветивме. СДСМ води грижа за сите, обединува, интегрира и води напред. Со цврста верба, лична пожртвуваност и вистинска солидарност“, најавуваат од СДСМ.

Кембел Кинан, 12-годишно дете од Флорида, уловило голема бела ајкула и тоа користејќи само обична јадица и туна како мамка.

– Бев малку нервозен, не знаев дали ќе можам да се борам со ајкулата. Но бев навистина возбуден. Седнав на столицата и почнав да тргам, вели малиот Кинан.

Младиот Иван Ѓоргиевски од Крива Паланка кој го извлече светиот крст од водите на Крива Река, го донираше телевизорот што го доби од општината на Атанас Ангеловски, детенце со попреченост.

Ѓоргиевски, заедно со градоначалникот на Крива Паланка, Сашко Митовски, го посетија малиот Атанас кој поради попреченоста што ја има не може да се движи и му доставија подароци.

-Хуманостa и добрината се одлики на човечност, затоа денес заедно со Иван Ѓоргиевски, го изненадивме Атанас и однесовме подарок и јас, и Иван, кој ја донираше наградата добиена за Водици бидејќи го извлече крстот од водите на Крива Река. Во пресрет на шестиот роденден на Атанас, кој од мал се бори со попреченоста, го посетивме во неговиот дом и покрај радоста што му ја приредивме, посакавме Бог да го благослови со здравје и безгрижно детство, рече Митовски.

Мајката Бисера се заблагодари за хуманоста и изненадувањето што го приредија за нивното синче и рече дека се среќни што некој се сетил и на нив.

Инаку, семејството Ангеловски е во сицијален ризик, со двајца невработени членови и малолетниот Атанас на кој му се потребни постојана грижа и нега.

Сценаристот Божидар Божиновски со реакција за за реакциите од претседателот Стево Пендаровски и до министерот за надворешни работи Бујар Османи по претепувањето на секретарот на клубот на Бугарите „Цар Борис Трети“ во Охрид.

„’Во Бугарија повторно не може да се состави влада’. Нека ја земат нашата, пoбyгаpcка нема“, (пре)порача Божиновски на Фејсбук.

Три месеци откако јавно откри дека раскинала со Иван Јованов, пејачката Антониа Гиговска објави фотографии преку кои сподели дека е бремена, а радоста долго време ја криела. На една од објавените фотографии е и Роберт Спaсенцовски, кој е татко на детето на Гиговска, а сега и вереник. Роберт, воедно бил и најдобар пријател на претходниот дечко на Гиговска, Иван, а заедно работеле и на проект наречен „Џокер“.

„Долго време молчевме, а сега дојде време да ја споделиме најголемата среќа со вас. Малечко мое. Отсега секој мој роденден ќе го славиме заедно. Среќен роденден за мене и погодете кој ќе биде мајка. ПС: Прстенот го бирал САМ. Умирам од среќа… си славам. Роденден, бепче, прстен, сè“, пишува Гиговска во објавата.

Гиговска долго време го криеше нејзиниот дечко Роберт од јавноста. Поранешното момче на Гиговска, Иван Јованов минатата година го промовираше проектот „Џокер“, презентирајќи и го на јавноста новиот проект со „ликот кој го крие ликот“, претставувајќи се со исто естрадно-уметничкото име како негативецот од стриповите и филмовите за „Бетмен“.

„Џокер ќе биде најконтоверзниот артист што Македонија некогаш го имала. Препознатлив по својот лик, тој внимателно се труди да го сочува својот идентитет, а ние ќе му помогнеме во истото. Со Џокер веќе работиме подолго време, подготвивме три проекти кои едвај чекаме да и ги презентираме на јавноста“ – тврдеше тогаш Иван Јованов.

Подоцна се дозна дека зад ликот на „Џокер“ се крие токму неговиот пријател Роберт Спaсенцовски, и сегашен вереник на Гиговска.

Роберт бил најдобар другар на Иван. Ова може да се заклучи од интервјуто на Иван во „Бекстејџ“ каде овој факт не го негира.

„Јас не сакам да коментирам бидејќи не сакам да загрозам нивниот пат. Времето само ќе си покаже“, кажа Иван, а прашан што повеќе го болело дали тоа што е изневерен од Антонио или најдобриот пријател, одговори: „Јас не сум злопамтило. Ако тие решиле тоа да е така, мене ми е сеедно“.

Инаку таткото на Роберт е музичарот и пејач познат по добрите забави во скопските кафеани, Боби Спасенцовски.

Тој денеска преку фотографија им честиташе на синот и снаата, а неа ја нарече дека ќе му биде ќерка.

Над градот Бурса во Турција вчера беше забележан огромен облак налик на НЛО, кој ги изненади граѓаните.

Облакот кој се појави на изгрејсонце со голема дупка во средината, остана неподвижен на небото речиси еден час.

Метеоролозите тврдат дека овие облаци се редок феномен, познати по својот заоблен изглед како чинија и обично се наоѓаат на надморска височина помеѓу 2.000 и 5.000 метри над земјата.

Lenticular #cloud in Bursa, #Turkey. A surreal sight?pic.twitter.com/C8A0LnrhAr

— Auron (@auron83591234) January 19, 2023

A majestic lenticular cloud spotted over Bursa, Turkey today. pic.twitter.com/Rs0j1jafJ3

— ʟᴀɴᴋᴀɴᵀᵁᴿᴷ (@lankanist) January 19, 2023

Премиерот Риши Сунак е казнет затоа што не носеше појас во автомобил во движење додека снимаше видео на социјалните мрежи.

Полицијата во Ланкашир соопшти дека издала на 42-годишен маж од Лондон условна понуда за фиксна казна.

Изјавено е дека г-дин Сунак „целосно прифаќа дека ова е грешка и се извини“, додавајќи дека ќе ја плати казната. Патниците фатени како не го врзуваат појасот кога е достапен може да бидат казнети со 100 фунти.

Ова може да се зголеми до 500 фунти ако случајот оди на суд. Премиерот бил во Ланкашир кога се снимало видеото, за време на патување низ северна Англија.

Видеото – за промовирање на последниот круг на владата на „израмнување“ на трошоците – беше објавено на Инстаграм профилот на г-дин Сунак.

Тоа е втор пат кога г-дин Сунак добива фиксна казна додека е во владата. Минатиот април, тој беше казнет заедно со Борис Џонсон и сопругата Кери за кршење на правилата за заклучување на Ковид – присуствувајќи на роденденски собир на тогашниот премиер во Даунинг Стрит во јуни 2020 година.

„Непочитување на правилата“

Огласите за фиксна казна се санкција за прекршување на законот и значат парична казна, која треба да се плати во рок од 28 дена или да се оспори.

Ако некој одлучи да ја оспори казната, полицијата потоа ќе го разгледа случајот и ќе одлучи дали да ја повлече казната или да го однесе предметот на суд.