Задолжителен дел од велигденските традиции се јајцата. Пред Велигден, познато е дека јајцата се бојосуваат и украсуваат.

Но, дали некогаш сте се запрашале зошто токму јајцето е симбол на најголемиот христијански празник?

Целата приказна всушност може да се сведе на нов живот и верувањето дека Исус со воскресението започнал вечен живот.

Имено, јајцата отсекогаш симболизирале нов живот, раѓање, плодност, изобилие и пролет, а старите Египќани, Персијци, Грци и Римјани меѓусебно си дарувале јајца како симбол на новиот живот што пристигнува по зимата.

Таа симболика на повторно раѓање одлично се вклопила и во празникот со кој христијаните го слават Исусовото воскреснување, односно новиот живот.

Инаку, секоја боја за јајца има некакво значење, па така црвената е симбол за Христовата крв, сината – за вистината, зелената – за плодност…

Илјадници прилепчани вечерва ги исполнија до последно место четирите црковни храмови во градот.

Со среќниот поздрав “Христос Воскресна, навистина Воскресна”, си посакаа здравје, среќа и мир во сечиј дом.

Нека е за многу години и напомош!

Благодатниот оган од Светиот гpoб во Ерусалим вечерва пристигна и во Прилеп, во храмот Св. Кирил и Методиј – Параклис.

Огнот кој секоја година на Велика Сабота слегува во Христовиот гpoб, оваа година за прв пат беше преземен од црковна и владина делегација од Македонија.

Околу 20 часот благодатниот оган беше донесен на аеродромот во Скопје, а потоа беше пренесен во сите црковни епархии ширум земјата.

Црвено-белите од Прилеп продолжуваат да ги разочаруваат фудбалските вљубеници. Денеска на гостувањето кај лидерот Струга, мрежата на прилепчани се тресеше дури 6 пати.

Иако победашите дуелот го започнаа добро со водство во 19-та минута, кога прецизен беше Ферати, Струга брзопотезно го заврти резултатот во своја корист преку Бојку во 42-та и Ибраими во судиското продолжение од првото полувреме.

Во вториот дел Мухарем донесе водство од 3:1 за стружани, а Победа намали на 3:2 со погодокот на Кудијан во 66-та минута.

Но, само две минути подоцна Шабани одново донесе водство од два гола разлика за Струга. Победа немаше сили за нова неизвесност на натпреварот, па Ибраими комплетираше хет-трик со погодоци во 72-та и 76-та минута.

Црвено-белите се речиси без шанси за опстанок во најелитното фудбалско друштво и во моментов заостануваат 5 бода зад Скопје, во борбата за десеттото место кое води во пеј-аут.

Во наредното коло во Прилеп гостува Работнички, кој денеска славеше со 1:0 токму над Скопје.

– Се борам да бидам во чекор со израелскиот археолог, бидејќи тој лесно го влече своето слабо тело низ тесниот тунел полн со камени плочи. Бидејќи се водиме само од светлината на нашите паметни телефони, јас се наведнувам за мојот жолт шлем да не се гребе над каменот над мојата глава. И тогаш нагло застанав. Тој ми рече „Ќе ти покажам нешто интересно”, раскажува археологот за National Geographic.

-Тесен премин се наоѓа под камениот гребен што се протега јужно од Стариот град на Ерусалим. Малиот рид, местото на оригиналниот Ерусалим, денес преполн со куќи населени главно од Палестинци, крие подземен лавиринт од природни пештери, канали од канајански води, еврејски тунели и римски каменоломи. Токму овој премин е помлад од повеќето затоа што го ископале двајца британски археолози во текот на 1890-тите.

„ВИСТИНАТА РАСТИ ОД ЗЕМЈАТА“, велат псалмите, но чија вистина е прашањето што го прогонува Ерусалим. Во град клучен за трите големи монотеистички религии, копањето може да предизвика непосредни и далекусежни последици. На неколку места на Земјата, археолошките ископувања можат толку брзо да поттикнат немири, да се заканат со регионална вojна или да предизвикаат тензии низ целиот свет.

На 14.04.2023 околу 17.30 часот, полициски службеници ги привеле Љ.Д.(24) од Скопје и С.С.(33) од Прилеп затоа што го нарушиле јавниот ред и мир на фудбалски натпревар на стадион „Борис Трајковски“.

По целосно документирање на случајот ќе следува соодветен поднесок – информираат од МВР.

Во Храмот на Светиот гроб во Ерусалим и денеска се појави Благодатниот оган, едно од чудата во православието што секоја година се случува на Велика сабота пред Воскресението Христово – Велигден.

Вообичаено во Црквата на Светиот гроб и во нејзина близина во Ерусалим на овој ден се собираат илјадници православни верници, кои по слегувањето на Благодатниот оган го преземаат од рацете на ерусалимскиот патријарх и го пренесуваат понатаму.

Претставници на помесните православни цркви ќе го преземат Благодатниот оган од аеродромот во Тел Авив и ќе го пренесат во своите земји.

Благодатниот оган од Ерусалим вечерва ќе пристигне и во Скопје, а за прв пат директно од Ерусалим го презеде црковна и владина делегација.

Членот на Македонската академија на науките и уметностите доктор Сашко Кедев повторно се искачи на врвот на светот. Во информацијата за освојувањето на Анапурна проф. Кедев е запишан како Македонија.

Професорот и врвен светски кардиолог утрово се искачи на еден од десетте највисоки врвови на Хималаите и светот Анапурна. Ова е прва експедицијата во 2023 година што го освојува врвот Анапурна. Професорот Кедев е дел од експедиција со 4 други планинари и 7 шерпаси односно локални водичи.

,,Возбудени сме што можеме да ја споделиме веста дека 5 клиенти и 7 шерпи од Imagine Nepal стигнаа до врвот на планината Анапурна во 11:15 часот на 15 април 2023 година. Ова е првото освојување на врв во сезоната на планината над 8000 метри.
Честитки за тимот и враќање на безбедноста!”, пишува во официјалната информација за експедицијата.

Покрај седумте шерпаси во мисијата покрај Кедев се уште 4 планинари:

Ванг Жонг-Кина, Наоки Ишикава-Јапонија, Сашко Кедев-Македонија, Марија Александра Данила-Романија, Надја Лиза Косо-Англија

Анапурна е низа од планински врвови во Непал на венецот Хималаи, од кои највисокиот, Анапурна I, претставува еден од четиринаесетте планински врвови повисоки од 8000 метри, и со висина од 8091 метар е десеттата највисока планина на светот. Сместена е источно од големиот кањон на реката Кали Гандаки, кој го дели од масивот Даулагири.

Предходно професорот Кедев се искачи на сите највисоки врвови на сите светски континенти, а во повеќе наврати се искачи на најтешките и највисоки врвови на Хималаите и со тоа на светот.

Државна и црковна делегација од Република Македонија, предводена од министерот за внатрешни работи Оливер Спасовски, во чиј состав се министерката за култура Бисера Костадиновска-Стојчевска, директорот на Државната комисија за односи со верските заедници и религиозни групи, Даријан Сотировски, како и шефот на делегацијата на Македонската православна црква – Митрополит тетовски-гостиварски, Јосиф Тодоровски, денеска ќе учествуваат на церемонијата „Преземање на Благодатниот оган во Ерусалим” во Базиликата на Светиот Гроб во стариот град на Ерусалим, Државата Израел.

Свечената церемонија на пристигнување на државната и црковната делегација и предавање на Благодатниот оган на аеродромот во Скопје, соопштија од владината – прес-служба, е предвидена утревечер, во 20.00 часот, со директен пренос на МРТВ.

Велика Сабота е Денот меѓу cмpтта и воскресението, меѓу петок и Велигден, денот што ги спојува распнувањето и радоста.

Православните верници ги прават последните подготовки пред вечерашното прославување на најголемиот христијански празник – Велигден.

Велика Сабота е ден на исчекување, ден на свештен трепет пред Христовото Воскресение.

Денешниот ден, Велика Сабота, според христијанското учење е ден на свештен трепет пред Христовото воскресение, кое точно на полноќ ќе го означат биењето на камбаните и радосниот восклик „Христос воскресе“.

Вечерва се оди во црква каде што секој носи црвено јајце. На полноќ сите присутни со песната „Христос воскресе” трипати ја обиколуваат црквата. Во црквата се останува за големата литургија, а потоа се причестуваат, се кршат со јајцата и се омрсуваат.

Празникот на Христовото воскресение Велигден е празник на љубовта и мирот. За христијаните, Велигден е триумф на животот над смртта и доброто над злото, ден кога Исус Христос воскреснал од мртвите по неговата смрт со распнување, и ја докажал божествената моќ.

На Велигден верниците си подаруваат едни со други рака на помирување, со традиционалниот поздрав „Христос воскресе” и „Вистина воскресе.

Велика Сабота е ден на покојот, ден на покојникот, ден на најголемиот покој и на најголемиот покојник.

Денот на големиот покој е времето кога Христовото тело е во гробот. Покојникот е внатре од вчера. Овој е втор ден на нашата жалост, тага и молк.

Ова е денот на оплакувањето на покојникот. Тогаш, Мајка Му – Пресветата Богородица и жените мироносици, по погребението, го оплакувале Господа Исуса Христа. Денес се изразува болката, тагата и жалоста на Пресвета Богородица.

Велика Сабота е определена како ден за чување на гробот. Денеска верниците се крај Христовиот гроб, се поклонуваат пред Плаштеницата, на која е претставено телото Господово при погребението и положено во гробот.

Ова е ден за прославување на неискажливата љубов од Богочовекот кон луѓето.