Oд полицискиот билтен со дневни настани на МВР

На 16.04.2023 во 20.35 часот И.Р.(43) од Прилеп пријавила дека во Прилеп била физички нападната од И.В..

На 16.04.2023 во 21.30 часот Р.Д.(69) од Прилеп пријавила дека во Прилеп била физички нападната од Р.Р..

Се работи на расчистување на двата случаи – информираат од ОВР Прилеп.

На 16.04.2023 во 22.00 часот било пријавено дека во Скопје, на бул.„Никола Карев“, патничко возило „мерцедес“ со скопски регистарски ознаки, управувано од А.Џ.(70) од Скопје, удрило во Н.Д.(36) од Скопје.

Во несреќата Н.Д. се здобила со тешки телесни повреди, констатирани во Градската општа болница „Св.Наум Охридски“.

Извршен бил увид од увидна екипа од СВР Скопје.

Maкедонски ултра-маратонци настапија на трката во Истра, Хрватска, која е дел од светската серија на ултра-маратони, а нивните резултати се рамни на подвиг.

Виктор Најдовски истрча 168,6км за 28часа 49 минути и 13 секунди. На трката од 110 км. најдобра беше Радмила Јованова со време 17:51.14, а Сунчица Близнаковска победи на трката од 42,1 км., која ја мина за 6:10.31.

Секоја чест!

Големо јато на фламингоа денеска беше забележано на крајбрежјето на Охридското езеро.

Туристите денеска можеа да уживаат во оваа посебна глетка која е несекојдневна особено во нашата земја.

Инаку ова не е првпат да се појават овие птици во Македонија, пред две години во Преспа исто така беа забележани розови фламингоа во Преспанското езеро.

Големо јато на фламинго лета низ Охридското езеро pic.twitter.com/AlmKlh7DYs

— Курир (@KurirMK) April 16, 2023

Времето денеска ќе биде променливо облачно со повремени врнежи од дожд, на места поројни и проследени со грмежи. Ќе дува слаб до умерен ветер од југоисточен правец.

Минималните температури ќе бидат во интервал од три до 10 степени, а максималните од 9 до 16 степени.

Во Скопје променливо облачно со повремен дожд и со слаб до умерен ветер од југоисточен правец. Минималната температура ќе се спушти до 7, а максималната ќе достигне до 15 степени.

Како што информира Управата за хидрометеоролошки работи (УХМР), под влијание на циклонска активност во текот на следнава седмица времето ќе биде променливо облачно со повремени врнежи од дожд. На места врнежите ќе бидат поројни и проследени со појава на грмежи.

Во следните три дена минималната температура ќе се движи од три до 9 степени, а максималната од 12 до 21 степен.

Велигден, или празникот на Христовото воскресение е дефинитивно најголемиот христијански празник.

Страдалната седмица заврши со новиот ден денот на воскресението. Ние сме свикнале да ја делиме неделата на седум дена. Но, денес се установува тајната на осмиот ден, т.е. идниот ден, кој треба да дојде за никогаш да не заврши како што завршува секој ден на ова наше време.

Христовото станување од мртвите е потврда на сите негови зборови, на сите негови ветувања. Подоцна апостол Павле ќе зборува: Ако Христос не воскреснеше, ќе беше залудна вашата вера, ќе беа залудни вашите надежи, зашто ќе верувавте и ќе се надевавте напразно.

И навистина е така, бидејќи Христос не ветуваше привремена поправка на нашите животни услови, како што ветува на пример некој политичар, економист, кој ги проучил космичките закони па вешто се раководи според нив, туку ветуваше една сосема нова реалност, како креатор кој е моќен и способен да ја создаде таа реалност, поинаку кажано, како господар над животот и смртта.

Утрото на третиот ден од Христовата смрт до неговиот гроб дојдоа прво жените мироносици и ја најдоа тргната плочата што го затвораше гробот. Внатре во гробот сретнаа еден пресветол ангел кој им ја кажа веста за Христовото воскресение. Оваа вест оттогаш секоја година ја објавува Црквата низ целиот свет, како најрадосна вест за целиот човечки род.

Во црквата Св. Петка во Прилеп, оваа година покрај полноќната воскресенска богослужба и Божествената Литургија која се отслужи после полноќ, ЗА ПРВПАТ се отслужи Божествена Литургија и утрово, на ПРВ ДЕН Велигден.

Ова со цел сите оние верни прилепчани, кои не можеле да присуствуваат на полноќната Литургија, особено дечињата, и тие да ја почувствуваат воскресенската радост со присуство на Божествена Литургија и соединувајќи се преку причесната со Христа воскреснатиот!

Литургијата предизвика огромен интерес кај верниците кои ги донесоа и најмалите, па така над 250 дечиња во еден глас извикуваа: “Христос воскресе, навистина воскресе”.

Свештеникот кога затана пред нив и им го проповедаше словото за воскресението на нашиот Господ и Спасител, младенците со големо внимание го слушаа и учествуваа, духовно јадејќи од спасоносното слово. За прв пат во нашиот град се случи оваа торжествена тајна, на Царството Небесно преку молитвите на децата, Господ да благослови сите да го почувствуваме делчето од духовниот Рај, нашата вечна татковина. И на крајот се причестија сите над 250 деца. Овој настан е пример за тоа како црквата внимателно и со љубов преку благодатта и застапништвото на Светиот Дух, го полага во душите наши уште од најмала возраст духот на вистината, на премудроста и на спасението.

-Исус рече: „Оставете ги децата и не пречете им да одаѓаат при Мене, зашто на такви е царството небесно“(Матеј 19, 14).
И навистина, на овој најголем ден, Празникот над прзниците, децата дојдоа при Него, во домот на Воскреснатиот, во голем број, стотици, како никогаш досега. Прекрасна глетка! Небаре возрасни, внимаваа на богослужбата и, повеќето од нив, во хор, ја рецитираа Господовата молитва „Оче наш“ за на крајот на божествената Литургија во Светата Тајна Евхаристија, преку причесната, се соединат со Воскреснатиот. Досега најубава Велигденска Литургија! На крајот на богослужбата се причестија околу 300 верници од кои околу 250 деца! Храмот не памети во олкав број присутни и причесници на богослужба досега. Величенствена глетка! Се надеваме дека догодина ќе го повториме овој торжествен настан – напишаа од црковниот храм Св. Петка.

Полицијата уапси 27-годишен прилепчанец – се обидел да изврши полово дејствие врз малолетничка.

На 15.04.2023 во 22.00 часот, полициски службеници од ОВР Прилеп го лишиле од слобода Е.Џ.(27) од Прилеп затоа што се обидел да изврши полово дејствие врз малолетничка од Прилеп.

Лицето било задржано во Полициска станица и по координација со јавен обвинител против него ќе биде поднесена соодветна пријава.

Илјадници верници синоќа ја дочекаа радосната вест за Христовото вocкpeceние во четирите црковни храмови во Прилеп.

Една прекрасна глетка која исполнува со љубов, ведрина и верба.

Црква Св. Петка

Црква Св. Благовештение

Црква Св. Кирил и Методиј

Црква Св. Преображение

Треба да бидеме внимателни од каде купуваме јајца, како и колку дена ги чуваме и јадеме.

Тврдо варените јајца побрзо се расипуваат од свежите бидејќи со варењето се измива заштитната мембрана и преку лушпата можат да влезат бактерии. По варењето се ставаат во ладилник и стојат најмногу една недела.

Инаку, јајцата се многу вкусен и хранлив оброк. Содржат протеини и голем број витамини и минерали и се одлична замена за месо.

Треба да знаете дека варените јајца не мора да стојат во фрижидер, но никако не треба да ги чувате на место каде ќе бидат изложени на сонце.

Како што тврдат нутриционистите, варените jajца може да ги јадете 5-7 дена од денот на варење. Се препорачува да ги чувате во фрижидер или на ладно место.

Нека не ве загрижува зеленкастата боја на жолчката, тоа не значи дека јајцето е расипано туку е последица на хемиска реакција меѓу белката и жолчката. Доколку јајцето има чуден мирис, побезбедно е да не го јадете.