Да и’ помогнеме на Наташа Јорданоска, 52-годишна прилепчанка чиј живот целосно се промени пред 2 години кога и’ беше дијагностициран редок вид на рак на левата страна од лицето.

Наташа и нејзиното семејство пробаа се’ што може да се проба во нашата држава. Таа имаше 2 операции и земаше терапија која до неодамна даваше резултати, но канцерот повторно почнал да прогресира.

Левата страна од лицето и’ е целосно уништена, па потребно е отстранување на туморот и реконструктивен зафат.

После голем број консултации, семејството дошло до сознание дека потребен е третман и операција која може да се изврши само во Турција, но семејството не може да си ги дозволи потребните средства во висина од 50.000 евра и има потреба од помош од сите хумани граѓани.

“Нашата мајка е борец, минатата година го загуби и сопругот, нашиот татко, кој почина од рак. Се надеваме дека ќе успееме да и’ дадеме шанса да живее подолго, затоа што таа тоа го заслужува посл се’ низ што помина. Ви благодариме”, пишува семејството во апелот за помош.

Донирајте по 100 денари на телефонските броеви: За корисниците на Телеком (143-161) и за корисниците на А1 (143-488)

Исто така може да донирате и директно на жиро сметка:
(За нашинците од странство)
Број на сметка 02-307-0536565.8 Методија Јорданоски / Комерцијална банка АД Скопје / IBAN MK07300307053656594 / SWIFT KOBSMK2X

За Македонија:
Жиро сметка: 300027077259812 на име Методија Јорданоски

Норвешката полиција денеска кратко време ја приведе еколошката активистка Грета Тунберг за време на протест во Осло, на кој учесниците бараа отстранување на турбините на ветер од пасиштата на ирваси, пренесува „Ројтерс“.

Таа заедно со група активисти ја блокирале влезната врата на зградата на норвешкото Министерство за финансии, а полицијата ги привела.

Учесниците на протестот, вклучително и домородното население, како и активисти, во последните денови го блокираа влезот на неколку владини згради.

Во 2021 година, Врховниот суд на Норвешка пресуди дека две ветерни електрани, кои биле изградени во областа Фосен, ги прекршиле меѓународно загарантираните права на народот Сами.

И покрај пресудата, спорните турбини на ветер и по 16 месеци не се отстранети.

Едноставен рецет за правење домашен леб. Состојки:

1кг брашно, 1 лажица сол, 20гр. сув квасец, 650мл. млака вода и маслиново масло. Следете го видеото во продолжение:

Првиот од нив, Памфил, презвитер на Црквата во Кесарија Палестинска, човек учен и благочестив, го исправи текстот на Новиот Завет од грешки на различни препишувачи; самиот ја препишуваше оваа спасоносна книга и им ја даваше на оние што сакаа. Вториот беше ѓаконот Валент, стар според годините и белокос според мудроста. Беше одличен познавач на Светото Писмо и го знаеше речиси наизуст. Третиот беше Павле, маж чесен и угледен, кој еднаш порано беше фрлен во оган за Христа.

Освен нив уште петмина браќа по тело и дух, родум од Мисир, се враќаа од осуда од рудникот Киликиски во својата татковина, но на портата од градот Кесарија изјавија дека се христијани, заради што ги изведоа на суд. На прашањето како се викаат, рекоа: „Незнабожечките имиња што ни ги даде мајка ни ги отфрливме и се нарековме Илија, Исаија, Еремија, Самуил и Даниил“. На прашањето од каде се, рекоа: „Од Горниот Ерусалим“. Сите беа убиени, а со нив пострада и момчето Порфириј, кое ги побара нивните тела за да ги погреба. Тие беа убиени со меч, а него го изгореа во оган.

Уште и Селевкиј, кој пријде и ги бакна мачениците пред мечот да падне врз нивните глави. Пред ова Селевкиј беше офицер. И старецот Теодул, слуга на римскиот судија, бидејќи при погребната поворка бакна еден од мачениците. Најпосле и Јулијан, кој ги целиваше мртвите тела на мачениците и ги фалеше. И така дадоа мало за големо и евтино за скапоцено и смртно за бесмртно и се преселија кај Господ во 308 година.

Нема леб по продавниците во Скопје, рафтовите се празни. Пекарите, иако најавија дека ќе дистрибуираат леб додека во Службен весник не излезе одлуката за замрзнување на цената на 33 денари, денеска не донесоа леб.

Во дел од маркетите, на поголемите трговски синџири, денеска пекарите ги известиле дека денес нема да им достават леб и тие ќе ги продаваат старите залихи.

Според раководителите на маркетите, тие не знаат како денеска ќе го поминат денот, ниту пак знаат дали треба да прават нарачка за утре.

Во маркетите иако се залепени новите замрзнати цени од 33 денари, полиците се празни.

Владата ја замрзна цената на белиот и полубелиот леб од 450 грама на 33 денари до крајот на мај годинава, а ја укинува и субвенционираната струја за компаниите кои произведуваат основни прехранбени производи. Одлуката е донесена вчера на владина седница, а пекарската индустрија, која ден претходно, најави дека ќе прекине со производство на леб доколку биде донесена ваква одлука, ќе чека таа да излезе во Службен весник и ќе ги соопшти натамошните чекори.

Ваквите одлуки на Владата следуваат откако анализите на Министерството за економија и инспекциските контроли покажале дека дел од компаниите не ги намалиле соодветно цените на своите производи.

Полициски службеници од криминалистичката полиција при СВР Битола на ул.„Караорман“ во Битола го лишиле од слобода Ѓ.М.(33) од Битола.

Тој се барал со наредба од Основен суд Битола за издржување на казна затвор од една година за извршени тешки кражби на подрачјето на Битола.

Лицето ќе биде предадено во казнено-поправна установа за издржување на казната.

фотографија – Шлакески Маринко

„БЕГСТВО“ (2011) – Маринко Шлакески драмски текст (извадок)

ПОРУЧНИКОТ: Секогаш сум верувал во големината на нашата армија. Сум гледал на телевизија… знаеш ли дека имаат такви авиони што…

ВОЈНИКОТ: Престани со таа твоја армија и јади, немаме многу време..

ПОРУЧНИКОТ: (во занес) Каква армија… а сепак… не можам да разберам… Уште не можам да разберам што не е во ред.

ВОЈНИКОТ: Нема што не е во ред. Сè е во ред. Зависи од која страна гледаш. За нив е совршено во ред да нè чуваат како животни во кафез и да нè дресираат и жртвуваат по потреба.
(пауза)

ПОРУЧНИКОТ:Сум читал… дека ако одиш надолу низ некаков тунел цело време, можеш да стигнеш на другиот крај на светот, знаеш?

ВОЈНИКОТ: Да, сум читал и јас.

ПОРУЧНИКОТ: Мислиш дека е таму поубаво?

ВОЈНИКОТ: Каде?

ПОРУЧНИКОТ: Таму. На другиот крај.

ВОЈНИКОТ: На другиот крај… Не знам, можеби е убаво, но… Јас сакам да ми биде убаво овде… на овој крај.

ПОРУЧНИКОТ: И јас сакам да ми биде убаво овде, на овој крај. А овде… Овде нè бркаат со хеликоптери, како кучиња…

ВОЈНИКОТ: Да…

ПОРУЧНИКОТ: А се пријавив доброволно за да помогнам… да бидам лојален. Се вложуваш целосно, а тие те оставаат на цедило и кога ќе посакаш да живееш, те бркаат како пес.

ВОЈНИКОТ: И јас се пријавив доброволно… Но… за да ме убијат…

ПОРУЧНИКОТ: Кој да те убие? Зошто?

ВОЈНИКОТ: Така едноставно, да ме убие.. било кој. За да не мора да гледам копилиња и изроди испикани во дупките на нивните пички мајчини! Овде не можеш ни да загинеш како човек. Не ти даваат. Им треба твојата мизерија и ти со неа за да ја одржуваш во живот што повеќе… Но сега веќе не! Сега не им давам да ме убијат. Затоа бегам и затоа сакам да живеам. Ама по мое.

ПОРУЧНИКОТ: По твое.. Како да живееш по твое ако бегаш?

ВОЈНИКОТ: Не знам уште, но ќе пробам. Прво да избегам..

„БЕГСТВО“ (2011) – Маринко Шлакески драмски текст (извадок)

Последен работен воз за Слободан Тодороски – Прцулот. Нека му е честита и долговечна пензијата! Погледнете како во Македонски железници возот ги поздравува вработените кои заминуваат во пензија:

ВИДЕОТО ПОГЛЕДНЕТЕ ГО ТУКА

Мила Забрчанец Спиркоска e ученичка од ООУ “Климент Охридски” – Прилеп која освои Прва награда за поединечна маска на 21-то издание на карневалот “Прочка”.

Цртежот на Мила преточен во нејзин карневалски костим – “Хибрид од волк и ајкула”, кои симболизираат храброст и сила.

Ушите се од итра лисица, нос во вид на срце, со кој може да намириса љубов, а овој хибрид има и крилја за слободата во животинскиот свет и може да владее на земјата, во водата и на небото.

Браво за Мила за креативноста – напишаа од нејзиното училиште.

Kомпанијата Гентерм Прилеп има потреба од 200 општи работници. Заинтересираните своите апликации за вработување да ги достават во Агенција за вработување (Битола).