Полициски службеници од СВР Битола расчистија кривично дело тешка кражба, извршено од двајца малолетници од Битола на 09.04. од автобус марка “мерцедес”со битолски регистарски ознаки, сопственост на фирма за превоз.

Од страна на полициски службеници од криминалистичката полиција при СВР Битола малолетниците во присуство на родителите и претставници од Центарот за социјални работи се повикани на разговор, при што во целост го признале кривичното дело.

Одземеното е вратено на сопственикот, а по документирање на случајот ќе биде поднесен соодветен поднесок – информираат од СВР Битола.

Бугарската новинска агенција БГНЕС е тука секогаш да не потсети дека апетитите на Софија нема да завршат со промената на Уставот. Според БГНЕС, ова е најлесниот услов во рамката за преговори со ЕУ што треба да ги оствари Македонија.

Инаку како што оценува БГНЕС кој со особено негативна конотација ги следи настаните во нашата држава, во составот на работната група за уставните измени кој ќе решава како да бидат вклучени Бугарите во Уставот, ќе има „истакнати претставници на југословенската и српската правна школа, но не и претставници на македонските Бугари“, иако основа за учество во телото не е етничка пруипадност туку политичка и институционална.

БГНЕС нагласува и дека, вистински успех за Бугарија бил исклучокот што го направила ЕУ со „внесување на билатералните прашања во самата преговарачка рамка и со претворање на европската комисија во гарант за исполнување на условите поставени за Македонија“.

Македонската естрадна пејачка Сузана Гавазова, заедно со Гоце Петрески – Бананата и Борче Наумовски – Министерот, деновиве се на турнеја во Австралија, каде приредуваат одлична забава за нашинците во повеќе градови.

А дека Гавазова знае како треба, ни долови битолчанецот Трајче Ангелевски, кој на неговиот ФБ пренесува дел од атмосферата на овие македонски забави.

Погледнете во продолжение:

СДСМ Прилеп излегува на терен, ги започнавме маалските средби во рамки на кампањата „Рамо до рамо до победа“, во УЗ Центар и УЗ Тризла – информираат од општинската организација на владеачката партија.

Ве покануваме на заеднички маалски средби на кои ќе присуствуваат Министерката за животна средина Каја Шукова, Наумче Мојсоски член на ЦО на СДСМ, претседателот на ОО СДСМ Прилеп Зоран Пачешкоски, секретарот на ОО СДСМ Мики Крстев и пратеникот Миле Талевски.

Достапни да ги слушнеме вашите сугестии, критики, предлози,решенија… Да дадеме отчет за сработеното во изминатата година, но и кажеме што следува во наредниот период. Во среда 12.04, 18 часот Центар – споменикот на Карпалак 19:30 часот Тризла – Дом Тризла – се вели во соопштението.

Владата денеска донесе Одлука со која се корегираат дел од замрзнатите цени на овошјето и зеленчукот. Како што изјави министерот Крешник Бектеши, согласно Одлуката, килограм домати и краставици ќе чини максимум 95 денари, килограм пипер до 100 денари, килограм грав 95.

Кромидот поскапува за десет денари и ќе биде 70 денари, а само леќата, истакна Бектеши, ќе биде над 100, односно ќе се продава по 110 денари за килограм.

Според владината Одлука, килограм банани ќе чини до 75 денари, килограм портокали до 60, килограм мандарини до 65 и килограм лимони до 60 денари.

-Контролите ќе продолжат, ситуацијата секојдневно ќе се следи и ако е потребно, повторно ќе се интервенира доколку забележиме намалени увозни цени. Граѓаните да бидат спокојни, истакна министерот.

Бектеши очекува дека ќе се почитува Одлуката која е донесена зашто, како што напомена, последната недела се забележани зголемени увозни цени за над 30 отсто на одредени производи – домати, краставици, кромид и грав.

-Овие фактури што веќе се доставуваат во Царинската управа, се пологични од претходните, но ова не значи дека тука завршуваат контролите и инспекциите, подвлече Бектеши.

ООУ “Климент Охридски” Прилеп доби современ кабинет по информатика.

-Науката денес е технологија на утрешниот свет. Компјутерската технологија е само алатка,во однос на приближувањето на учениците да работат заедно и нивното мотивирање, наставникот е најважен да му го доближи тоа. Конечно направен новиот кабинет по информатика во нашето училиште – напишаа од училиштето на Фејсбук.

Од фотографиите може да се види дека се работи за беспрекорно уреден простор по сите стандарди, налик на канцеларија од некоја современа ИТ компанија.

Секоја чест!

На 10.04.2023 во 20.00 часот било пријавено дека во Прилеп, на ул. „Цар Самоил“, патничко возило „југо темпо“ со прилепски регистарски ознаки, yпpaвyвано од Б.И.(72) од Прилеп yдpило во В.А.(78) од Прилеп.

Во нecpeќата со тешки телecни повpeди се здобила В.А., конcтатиpaни во Градската болница Прилеп.

Извршен бил yвид од yвидна екипа од Полициската станица Прилеп – информираат од ОВР Прилеп.

На 10.04.2023, полициски службеници од криминалистичката полиција при СВР Битола извршиле претреси на повеќе локации во Битола и прегледи на повеќе лица, при што биле пронајдени хероин, марихуана и други предмети.

При претрес со судска наредба во домот на Л.Н.(39) од Битола биле пронајдени и одземени марихуана, дробилка со остатоци од марихуана и други предмети.

При претрес во домот и други простории кои ги користи О.П.(44) од Битола, извршен со судска наредба, биле пронајдени повеќе предмети за кои постои сомнение дека потекнуваат и се поврзани со кривично дело по член 215 од Кривичниот законик.

При преглед на П.П.(40) од Битола бил пронајден и одземен хероин. Додека, при преглед кај О.Д.(37) од Битола, исто така, бил пронајден и одземен хероин, а со него биле затекнати и Г.С.(20) од Битола и Ф.О.(36) од Ресен.

Сите лица биле задржани во полициска станица и по целосно документирање на случаите ќе следуваат соодветни пријави.

Преспанско пелагониската епархија која ја предводи Митрополитот Преспанско-пелагониски и администратор Австралиски и Новозеландски г. Петар, објави декларација која може да ја потпише секој верник и да декларира дека е против промена на името и статусот на Македонската православна црква Охридска Архиепископија.

Празниците се време кога нашето внимание го свртуваме кон нашите најблиски, кон луѓето кои ни значат најмногу. Пакетот SN Eurohealth од СН Осигурителен Брокер АД Битола овозможува на најдобар начин и под најповолни услови да обезбедиме квалитетна здравствена грижа за себе и за семејството.

По повод велигденските празници СН Осигурителен Брокер АД Битола во рамките на промотивна кампања за доброволно приватно здравствено осигурување овозможува 15 отсто попуст.

Попустот важи за секоја нова полиса за доброволно приватно здравствено осигурување купена во рамките на акцијата која трае од 11 до 18 април.

Редовната цена на пакетот SN Eurohealth за доброволно приватно здравствено осигурување изнесува 515 денари месечно.

Искористете ја акцијата и за само 438 денари месечно обезбедете пристап до сите приватни здравствени установи во државата.

Приватното здравствено осигурување нуди бројни предности:

? Пократко време на чекање во здравствените установи ? Побрзо до дијагноза ? Подобра опрема за дијагностика и медицински третман ? Подобра здравствена услуга

Пакетот SN Eurohealth од СН Осигурителен Брокер АД Битола овозможува користење на здравствените услуги во сите приватни здравствени установи, при што се опфатени:

?Специјалистички прегледи ?Основни дијагностички мерења и снимања ?Стоматолошки услуги ?Лабораториски анализи и испитувања ?Амбулантски интервенции ?Трошоци за лекови – пропишани на розов рецепт над 300 денари ?Дневна болница и дневна хирургија, дијагностички и терапевтски зафати ?Болничко лекување со хоспитализација до три дена и без оперативен зафат

Договорот за ваков тип на осигурување се склучува за временски период во траење од една година. Осигурувањето важи на територијата на Република Северна Македонија, при што како осигуреници може да се јават сите лица до 65 години кои се дел од ФЗОМ.

За оваа промотивна понуда клиентите можат да добијат повеќе информации на веб-страницата на СН Осигурителен Брокер: www.snbroker.mk или на телефонските броеви: 075 807 225 /15 770 / 075 221 228.

Здравјето пред се!