Законот за изменување и дополнување на Законот за даноците на имот беше донесен на предлог на оваа Влада, неводејќи никаква грижа за граѓаните, а за тоа се шампиони, од парламентарното мнозинство во јуни 2021 година. Владата и мнозинството на СДС и ДУИ во Парламентот го направија тоа без никаква грижа, дека тоа ќе донесе неколкукратно зголемување на трошоците на граѓаните – истакнаа на денешната прес конференција од ОК ВМРО-ДПМНЕ Битола.

Прес конференцијата во целост ја пренесуваме во продолжение:

Оваа неспособна, корумпирана и криминална Влада, не го заврши ниту процесот на дигитализација, па така општините не можат да имаат преглед во движењето и состојбата на имотот.

Општина Битола, во текот на целата измината година ги повикуваше граѓаните да ги ажурираат своите податоци.

Општина Битола континуирано е во непосредна комуникација и им излегува во пресрет на граѓаните постапува согласно законските процедури и во ниту еден момент нема да дозволи наплатата на данокот на имот да биде на штета на граѓаните.

Почитувани, еве го Законот за даноците на имот донесен со измените и дополнувањата во јуни 2021 година, а еве го и листингот кој поддржа вакви измени и дополнувања.

За несреќа, тогаш за таквиот предлог закон гласаше и единствената пратеничка од редовите на СДС од Битола, сегашната министерка за култура Бисера Костадиновска Стојчевска.

Нема простор, каде што оваа власт не направи огромна штета, затоа и единственото решение се избори и заминување на оваа криминална, корумпирана, предавничка и расипничка власт. Навистина, сите граници се преминати!

Денеска (17.05.2023), полициски службеници од СВР Битола – ОВР Прилеп – Надворешна канцеларија за криминалистички работи Прилеп го лишиле од слобода Д.С.(44) од Прилеп. При претрес во неговиот дом во Прилеп, извршен со судска наредба, биле пронајдени и одземени повеќе предмети за изработување на оружје и за извршување на тешки кражби, како што се солзавец, шишенца исполнети со течност, разновиден алат и друго.

При претрес, пак, во викенд куќа во с.Бешиште, прилепско, во која престојувал, извршен, исто така, со судска наредба, полициски службеници од Надворешната канцеларија за криминалистички работи Прилеп и од Полициската станица Старавина при Регионалниот центар за гранични работи Југ пронашле и одзеле прачки индустриски експлозив, бавногоречки штапини, детонаторски каписли, ловечка пушка калибар 12мм, делови од ловечка пушка, ловечки патрони калибар 12мм, куршуми од различен калибар, делови од растение канабис, дигитална вага, противпешадиска мина, рачна бомба, куршуми за карабин, една воздушна пушка и др.

Лицето било задржано во полициска станица и по целосно документирање на случајот против него ќе биде поднесена соодветна пријава.

На 16.05.2023 во 15.12 часот во СВР Битола било пријавено дека на ул.„Караорман“ во Битола, Б.Ќ.(18) од Битола, управувајќи мотоцикл „хонда“ без регистарски ознаки, изгубил контрола и излетал од патот.

Во несреќата, Б.Ќ. се здобил со тешки телесни повреди, констатирани во Клиничка болница Битола.

Увид на местото извршила увидна екипа на СВР Битола.

Матурантите од Гимназијата “Мирче Ацев” денеска го прославуваат завршувањето на четиригодишното средно образование.

Пред да дојдат деновите кога треба да го направат својот најважен можеби чекор во животот, а тоа е изборот на соодветно високо образование, заслужуваат со песна да ги заокружат средношколските денови.

Им ја честитаме матурата и им посакуваме успеси во понатамошниот професионален и приватен живот!

Во текот на вчерашната вечер (16.05.2023), по добиена пријава во 21.11 часот од страна на 76-годишна жена, според која нејзиниот 78-годишен сопруг, кој имал здравствени проблеми, во 13.00 часот излегол од нивниот дом во Битола и не се вратил дома, од страна на полициски службеници од СВР Битола веднаш се преземени мерки за негово пронаоѓање.

Во текот на потрагата извршено е пребарување на поширок периметар во и околу Битола и за два и пол часа од добиената пријава, поточно во 23.45 часот, на патот Битола – Пелистер, поконкретно на патот за с.Нижеполе, лицето е пронајдено во добра здравствена состојба и безбедно вратено во домот.

Во пресрет на официјалниот старт на Порше Суперкупот 2023, натпреварување кое веќе три децении се вози пред трките на Формула 1, СН Групацијата ja официјализираше поддршката за македонскиот професионален автомобилист Ристо Вуков Рико.

По тој повод Вуков го посети СН Мото Центарот во Скопје, кој е дел од СН Групацијата.
„Многу ми значи што СН Групацијата ги препозна моите напори и напорите на мојот тим. Трките од Порше Суперкупот спаѓаат во групата на врвни натпревари на глобално ниво. Колкаво е нивното значење зборува податокот дека тие се возат заедно со Формула 1 веќе три децении. Затоа за мене е голема чест и задоволство не само затоа што сум дел од светскиот куп, туку и затоа што врвни компании застанаа во наша поддршка. Охрабрени заминуваме на трката во Имола и верувам дека со поддршката од СН Групацијата ќе постигнеме резултати достојни за почит“, изјави Вуков.

„Големите предизвици заслужуваат голема поддршка. Токму тоа е причината што во поддршка на македонскиот професионален автомобилист Ристо Вуков Рико застана и СН Групацијата, во чиј состав се најголемото брокерско друштво во државата – СН Осигурителен Брокер АД Битола, СН Мото Центарот во Скопје и СН Сообраќајниот центар во Битола. Рико е нашиот херој на Порше Мобил 1 Суперкупот и ние веруваме дека за него и неговиот Омбра тим допрва ќе се слуша.“-изјави Иванчо Дафовски, управител на СН Мото Центарот.

Кристина Комненовиќ, менаџер во СН Мото Центарот и Бојан Москов, менаџер на продажба во СН Осигурителен Брокер, го запознаа Вуков со содржините на СН Мото центарот, кој нуди услуги на принципот на мултифункционален центар во чиј состав покрај технички преглед функционира и шалтер на СН Осигурителен Брокер.

По повод официјализирањето на соработката, Вуков и претставниците на СН Групацијата наздравија и со чаша шампањ. Ова беше повод исто така и за технички преглед на Поршето на Вуков.

„Приоритет на СН Мото-центарот е поголема безбедност во сообраќајот. Со оглед на тоа што техничката исправност на возилото е клучен параметар за да се осигури поголема безбедност во сообраќајот, чест ни е што можевме да извршиме технички преглед и на Поршето на Вуков.“-рече Дафовски, посакувајќи му на македонскиот автомобилист уште многу успеси на тркачките патеки, но и многу прекрасни и безбедни патувања и тогаш кога патува приватно.

Инаку, Вуков минатите три сезони ги мина како возач во Порше Карера Купот на Италија, каде што се етаблираше како возач кој континуирано освојува поени. Од годинава тој настапува во највисокото по ранг светско натпреварување од ГТ трките, Порше Суперкуп.

Календарот за 2023 година предвидува осум трки. Сезоната почнува на 21 мај во Имола, а завршува на 3 септември во Монца.

65-годишен дедо од Кина ја шокираше нацијата откако беше објавено дека ја киднапирал сопствената внука и побарал откуп од 70.000 долари од својата ќерка!

Бизарната приказна, која шокираше и збесна милиони Кинези, започна кога дедото по име Јуан, отишол да ја земе својата млада внука од училиште. Само наместо да ја однесе дома кај родителите, 65-годишниот дедо и се јавил на мајката на девојчето, неговата сопствена ќерка, за да и каже дека треба да му плати половина милион јуани доколку сака повторно да го види своето девојче!

Денвер нагетс ноќеска ги совлада Лос Анџелес лејкерс во првиот натпревар од финалето на Западната конференција на НБА со 132:126.

Најдобар играч во победничката екипа беше Никола Јокиќ кој стигна до трипл-дабл, 34 поени, 21 скок и 14 асистенции.

Во поразениот тим се истакна Ентони Дејвис со 40 поени и 10 скока.

Вториот натпревар во серијата ќе се одигра на 19 мај исто така на теренот на Денвер.

За вечер во 2:30 часот по полноќ е закажан почетокот на финалната серија во Источната конференција во која ќе се соочат Бостон селтикс и Мајами хит.

„За жал во Македонија држи едно неславно место некаде околу 100-тото место според перцепција за корупција согласно Извештаите на „Транспаренси Интернешнл“. И случувањата во Судскиот Совет и Совет на јавни обвинители, тие институции што треба да бидат столб на независното судство и независното обвинителство, гледаме наместо тоа се има поле за реализација на политички и би рекол бизнис интереси“, истакна Александар Николоски, пратеник од редовите на ВМРО-ДПМНЕ денеска од Комисијата за европски прашања.

Николоски посочи дека деновиве пратениците трчаат од една во друга сала бидејќи интензивно заседава Комисијата за европски прашања со цел да се променат закони за договорот со „Бехтел и Енка“.

„Ние денеска требаше да трчаме од една во друга сала, да отидеме во друга сала па да отидеме во друга, затоа што во Собранието овие денови интензивно заседава Комисијата за европски прашања. Но, таа Комисија не заседава за да се спроведуваат закони кои што се дел од пристапниот процес кон ЕУ иако е Комисија за европски прашања, и тоа и е работата. Туку таа Комисија заседава за да се сменат осум закони кои што се поврзани со две компании, едната се вика „Бехтел“ од САД, а другата се вика „Енка“ и е од Турција, кои што на магичен начин добија во Македонија договор со кој што треба да изградат три автопатски делници во номинална вредност од 1 милијарда и 300 милиони евра и која што веројатно на крај ќе оди преку две милијарди евра“, напомена Николоски.

Тој додаде дека покрај тоа што компаниите добија договор да изведат три автопатски делници на комплетно нетранспарентен начин, бидејќи немаше јавен повик, немаше ниту тендер, изведувачите беа директно изберени од страна на Владата. А, за да се покрие правно се изгласа закон во Собранието. И тоа беше малку, па побараа да се сменат уште осум закони, тоа се закон за работни односи, закон за градење, закон за урбанистичко проектирање итн.

„Во Македонија за „Бехтел и Енка“ законите не важат. Значи ако треба сумарно овие осум закони да ме прашате што значат, значат дека за овие две компании во Македонија закони нема“, рече Николоски.

„Со цел побрзо да бидат изгласани овие закони Владата ги прати во Собранието со европско знаменце“, рече тој.

Николоски упати честитка до ЕК бидејќи таа реагираше дека се работи за злоупотреба на европското знаменце од страна на Владата.

„И финално овој договор е класифициран верувале или не, пратениците треба да гласаат закони кои што се поврзани со овој договор но не смеат да го видат договорот“, укажа Николоски.

Тој рече дека Македонија ќе плати 53 милиони евра пенали на изведувачот доколку работната недела не се промени од 40 на 60 часа. Или истиот договор вели дека 70% работници можат да бидат странци. И проблематично е што истите не треба да чекаат дозвола и работна виза за да работат во државата туку можат да работат веднаш без да ја добијат соодветната документација. Договорот со „Бехтел и Енка“ е најдобар доказ како се злоупотребува Собранието.

Иако се мало училиште во рурална средина, yчениците од ООУ “Страшо Пинџур” од прилепско Мало Коњари, имамаат големо спортско срце и спортски дух кој секојдневно го негувааат и надоградуваат.

Училишната екипа за футсал од 8 и 9 одделение во женска конкуренција, предводена од наставникот по физичко образование Иле Мишески, е неприкосновенена оваа учебна година на општинските, зонските и регионални натпревари, и е единствен претставник од општина Прилеп на Малите олимписки игри во Валандово, кои ќе се одржат на 18.05.2023 година.

Ова училиште уште еднаш потврди дека е училиште со силни и здрави спортски вредности. Да им посакаме успешни натпревари, и со медал да се вратат од ова натпреварување.

ДЕВОЈКИ ВИЕ СТЕ ШАМПИОНИ!