Денеска со почеток 19 часот во спортската сала на СОУ “Ристе Ристески – Ричко”, РК Прилеп го игра последниот натпревар од Супер лигата.
Во Прилеп гостува екипата на РК Голден Арт, а натпреварот ќе биде одлична можност за прилепчани растеретено, откако минатиот викенд обезбедија опстанок во најелитното ракометно друштво, да одиграат за публика.
Од клубот бараат поддршка од вљубениците на ракометот во Прилеп, да ги поддржат во што поголем број, за достојно да ја завршат сезоната во Супер лигата.
Teжок инцидент се случил вечерва во село Секирци, општина Долнени, кога лице во алкохолизирана состојба со автомобилот влегол во толпа луѓе.
Голем број жители на ова и околните долненски села вечерва за Спасовден биле собрани на прослава, кога од нигде никаде дошол извесен Фикрет од село Пешталево и според кажувањето на мештаните, лудувал со автомобилот, а насобраните луѓе бегале да спасат жива глава.
Меѓу насобраните жители имало и дваесетина дечиња, кои преплашени од разбеснетиот возач бегале и плачеле. После тоа организаторите на прославата повикале полиција, а пијаниот возач направил инцидент и пред полициските службеници, удирајќи еден од организаторите со тупаница, на што според кажувањето на присутните, униформираните лица не реагирале.
За среќа во целиот инцидент нема повредени лица, а не е познато што го натерало жителот на Пешталево да предизвика ваков инцидент, и да го загрози животот на 20-тина дечиња, кои со своите родители, баби и дедовци биле присутни на прославата за празникот Спасовден.
Останува МВР да ги утрврди точните причини за настанот и да преземе се’ што е потребно ова лице да одговара за стореното дело.
Во продолжение и дел од траорните сведоштва на мештаните за овој немил настан:
Со мене го носам еден од најсомнителните делови на договорот каде што вели дека изведувачот има право да ангажира специјалист или специјалисти во множина чии што број ќе биде договорен помеѓу изведувачот и владата, кој што ќе имаат четири насоки на работа, создавање на спецификации за автопатите, создавање на студии за влијание врз животната средина, понатаму студии за влијание врз заштитеното богатство од УНЕСКО во Охридскиот регион, како и разгледување на спецификациите на автопатите. Значи ова се најмалку четири спецификации што значи дека еден координатор и четири вакви, најмалку пет вакви лица би имало ангажирано, иако бројот е недефиниран, што значи дека може да се и 15 и 20 и 50 лица. Месечната плата ќе биде ни помалку, ни повеќе 36.500 евра. Значи овој специјалист ќе зема 36.500 евра, ексклузивно објави нови делови од договорот за изградба на коридорите потпретседателот на ВМРО-ДПМНЕ Александар Николоски во вечерашното гостување во емисијата „Само интервју“ на Канал 5 телевизија.
На прашањето дали ова се суми пресметани во договорот од 1 милијарда и 300 милиони евра, Николоски посочи дека оваа сума од 11 милиони евра за ангажирање на специјалисти не е пресметана и тоа се дополнителни средства кои што ќе ги плаќа владата.
Не, ова се суми кои што дополнителни треба да ги плати владата. Што значи теоретски доколку еден човек се ангажира за 5 години колку што владата вели дека ќе се изведат автопатите, во тој случај само еден човек би зел 2 милиони и 190 илјади евра. А доколку се ангажираат најмалку 5 лица колку што минимум треба да се ангажираат според овој договор, тие би зеле фантастични 11 милиони евра дополнителни средства од владата, изјави тој.
Николоски направи компарација и рече дека претседателката на Европската комисија зема плата од 22 до 24 илјади евра месечно, додека лица кои не се инженери туку само еден вид на надзор ќе земаат поголеми примања.
Не е спорно дали се експерти или не, спорно е што претседателката на Европската Комисија Урсула Фондер Лаен има 22 до 24 илјади евра месечна плата. И спорно е што нема инженер во светот кој што зема 36.500 евра месечно, а овие не се ни инженери, овие се специјалисти кои што треба да надгледуваат како се одвива работата на автопатот, значи некој вид на надзор. Тоа е во делот 13 страна 2 од 13 и вториот дел 3 од 13, нагласи Николоски.
Николоски ја повика владата на СДС и ДУИ да го демантира или да го потврдат ова што тој го изнесува, укажувајќи дека со самото тоа што се крие договорот од јавноста само по себе остава сомнеж за криминал.
Нека излезат од влада нека демантираат или нека потврдат дали е ова вистина. Нека излезат и нека кажат бидејќи само по себе остава сомнеж во јавноста на кој начин ќе се трошат парите затоа што не сакаат да го објават договорот. И тука има два моменти. Прво е да излезат и да кажат еве го договорот и да го видиме и да споредиме дали ова што го кажувам е вистина или не. И втората работа мора да понудат одговори во јавноста зошто ова е направено, дециден е Николоски.
Кога пред девет години пристигна во НБА, никој во своите најлуди соништа не можеше да замисли дека Никола Јокиќ ќе прерасне во еден од најдобрите центри на сите времиња.
Двократниот МВП во најсилната лига во светот и човекот кој го одведе Денвер до првото НБА финале во историјата на франшизата, беше избран дури во втората рунда на драфтот како 41. пик.
Дека практично немале никакви очекувања од Србинот, потврдува и извештајот на американските скаути од 2014 година, кој легендарниот тренер на НБА Џорџ Карл го објави на својот Твитер профил.
“Просечен спортист кој нема брзина и способност за скокање. Можеби ќе му биде тешко да остане пред спортистите во НБА. И покрај тоа што е млад, изгледа дека има ограничени способности поради недостатокот на експлозивност.”
На 24.05.2023 во 07.15 часот било пријавено дека на патот за с.Долно Оризари во Битола се случила сообраќајна несреќа помеѓу патничко „мерцедес“, управувано од Г.Н.(34) од с.Долно Оризари и патничко возило „шкода“, управувано од М.Т.(66) од истото село, двете со битолски регистарски ознаки.
Во несреќата со тешки телесни повреди се здобил М.Т., констатирани во Клиничката болница Битола. Извршен бил увид од увидна екипа од СВР Битола – информираат од СВР Битола.
Во просториите на клубот од Здружението на билјардисти Прилеп, од 12 декември 2022 до 17 мај 2023 година, се одржа втората општинска лига во Американски билјард – дисциплина деветка.
21 играч на број се натпреваруваа во 21 коло, а оваа сезона најдобра игра покажаа Благоја Недановски, кој ја освои лигата и се закити со златниот медал, Коста Катов беше втор, а Кире Зајкоски го освои третото место.
-Ние како здружение на билјардисти Прилеп, по прикажувањето на врвни резултати во овој спорт се надеваме дека во иднина ќе добиеме нови членови (јуниори и сениори) љубители на овој спорт, како би станале подоминантни на сите натпреварувања. Следната општинска лига ќе започне во октомври, во дисциплина осумка. Се надеваме дека во иднина ќе наидеме на помош од локалната самоуправа. Честитки до медалистите – порачаа од прилепскиот билјард клуб.
Од 23 до 25 мај, во Лидо ди Јесоло, Италија, се одржаа европските квалификации од Олимпијадата по англиски јазик Хипо 2023.
Учениците од ООУ “Климент Охридски” Прилеп, повторно беа меѓу најдобрите 83.120 учесници од преку 30 земји.
Никола Талевски во категоријата Little Hippo беше рангиран на четврто место. Анастасија Јагуриноска во категоријата Hippo 1 го освои четвртото место, а Вања Ѓорѓиоски беше рангиран на седмо место во категоријата Hippo 2.
-Повторно докажавме дека сме меѓу најдобрите! Важно да се знае: Овие меѓународни натпревари по принцип се екстремно скапи, и училиштата немаат доволно средства да го покријат трошокот за учество и пат за учениците и наставниците, ако тука не помогне општината, а пред се бизнис секторот, на кој патем бескрајно му сме благодарни, и тоа: “Пост експрес”, “Ангромеханика”, “Шула компани” и “Хримакс компани”. Уште еднаш благодарност до нив и апел и охрабрување за другите компании. ВЛОГОТ ЗА УЧЕНИЦИТЕ Е ВЛОГ ЗА НАШАТА ИДНИНА!, напиша на Фејсбук директорот на училиштето Ахил Јаков.
Со културни настани, концерти и изложби, во македонскиот Ерусалим, Охрид, под мотото „Писмото е нашиот универзум“, годинава за прв пат се одржa дводневна државна манифестација, по повод 24-ти мај, Денот на сесловенските просветители, браќата Кирил и Методиј, основоположници на словенската писменост и култура. Бројни делегации, положија цвеќе пред нивниот споменик во Охрид.
Главниот настан се одржа на Плаошник, каде бил основан и дејствувал првиот словенски универзитет, Свети Климентовиот универзитет.
„Токму на оваа македонска почва Кирил и Методиј ја создале глаголицата, ја создале писменоста, од која понатаму се создава и современата македонска писменост. Овој 24-ти мај – Ден на сесловенските просветители, Светите Кирил и Методиј и Ден на сесловенската писменост, го дочекуваме исправени и особено горди, затоа што македонскиот стандарден јазик, нашиот официјален јазик, е признат ѝ е рамноправно прифатен меѓу официјалните јазици во Европската Унија. Нема повеќе внимателни формулации како до пред извесно време, на описно означување на нашиот македонски јазик“, изјави премиерот Димитар Ковачевски.
Научната заедница од областите поврзани со македонскиот јазик, литература, култура, фолклор, донесе Декларација за македонскиот јазик. Набројувајќи неколку факти за неговото значење, се вели дека македонскиот јазик бил еден од трите официјални државни јазици на југословенската федерација и оти е составен дел од личната карта на македонската држава и нација во евиденцијата на ОН.
Со Декларацијата, како што се наведува во неа, се потврдува многувековниот просторен и верменски континуитет на македонскиот јазик и неговите дијалекти во групата на словенските јазици, опфаќајќи ја фактографски историјата, стандардизацијата, кодификацијата и иднината на македонскиот јазик. Во Декларцијата се наведува дека македонскиот јазик не може да го попречи никакво негирање.
Декларацијата беше прочитана на свеченото одбележување на 24 Мај кое за првпат на ваков начин беше организирано и одржано на Плаошник во Охрид, а посветено на македонскиот јазик. На свеченоста организана од владата се обрати и премиерот Димитар Ковачевски кој рече дека денешниот ден треба да биде гордост за Македонците бидејќи го дочекуваат со македонскиот јазик прифатен и признат во ЕУ.
Во рамки на одбележувањето на Денот на сесловенските просветители Светите Кирил и Методиј, посветен на македонскиот јазик, се одржа и научна панел дискусија насловена „Македонскиот јазик во словенскиот свет” на кој се говореше за историските процеси на диференцирање на македонскиот јазик од другите словенски јазици како посебен по својата лекскика, граматика, дијалектологија, за неговите дејци, но сепак како јазик нераскинлив дел од големото семејство на словенски јазици на кои во денешна Европа говорат повеќе од 300 милиони луѓе.
Клучните пораки испратени од панелот беа дека македонскиот јазик е трезорот на македонското творештво, кој ќе постои додека има луѓе кои ќе го зборуваат и дека неговата иднина е како еден од рамноправните јазици во Европската унија.
Историчарот Бранислав Светозаревиќ вчера им одржа вистинска историска лекција на бугарските новинари, кои беа дојдени да провоцираат, откако не успеа планот да се отвори бугарски клуб меѓу македонското малцинство во Албанија.
Професорот смирено и со факти им одговараше на новинарите на прашањата зошто Македонците се против внесување на Бугарите во Уставот, зошто бугарските клубови мораше да бидат затворени, и имаше прашање зошто Софија не ги признава Македонците во Бугарија.
Во Старата битолска чаршија, вечерва свечено беше отворено 42 издание на Малиот Битолски Монмартр – светска детска ликовна колонија, која во континуитет се организира во периодот од 23 – 30 мај со учество на 20 до 25 групи.
Годинава, кога детското ликовно студио „Свети Кирил и Методиј“, одбележува 55 години од основањето, се одбележува и 41 година од светската детска ликовна изложба и конкурс “Битола” на која пристигнаа 44.000 детски ликовни творби од 71 држава кои претставуваат 650 државни и приватни училишта или околу 40.000 млади ликовни уметници од цел свет. Општина Битола, како и во најтешките финансиски мигови кои ги имаше Малиот Битолски Монмартр минатата година, така и годинава, застанува зад оваа манифестација, поддржувајќи ја традицијата, континуитетот, квалитетот, развојот и поттикнувањето на ликовната уметност од најрана возраст. Малиот Битолски Монмартр, го отвори градоначалникот на општина Битола, Тони Коњановски, кој поздравувајќи ги присутните, ја нагласи важноста на оваа светска детска ликовна колонија:
„Битола, со своите специфики, култура, историја и традиција, од вечерва во следните 7 дена, повторно ќе биде место во кое убавината на староградската и урбана архитектура, ќе биде инспирација како за домашните млади ликовни уметници, така и за гостите – учесници од 13 земји од светот.
Нашиот град продолжува да биде атракција за сите талентирани уметници од различни области од културата, а со тоа да биде и мотив за културно надградување и соработка на младите луѓе кои на овој начин ги градат своите вредности и ги развиваат талентите, афирмирајќи ги своите историски обележја, истовремено разменувајќи искуства и стекнувајќи знаења за културите и историјата на другите народи.
Во изминатите 55 години, Детското ликовно студио „Свети Кирил и Методиј“, дејствува токму во оваа насока, континуирано создавајќи дела, кои оставаат длабок печат на времето во кое се создаваат.
44.000 пристигнати детски ликовни творби од 71 држава или 650 државни и приватни школи, ширум светот, се уште една потврда за големината и значењето на овогодишната 41 ва светската детска ликовна изложба и конкурс „Битола“.
Со отворањето на 42 издание на Малиот Битолски Монмартр и светската детска ликовна колонија, продолжуваме една долга традиција, многу значајна за Битола.
Како локална самоуправа, даваме силна поддршка на оваа манифестација, која е наша дополнителна потврда на заложбата, Битола културно да се развива.
Тоа го потврдивме пред 3 дена со Интернационалниот фестивал на монодрама, го стимулираме со Битолското културно лето, но и со низа други културни манифестации кои се реализираат во текот на годината, организирани или поддржани од општината.
Ви благодарам на сите присутни вечерва, на организаторите заслужни за континуитетот на делото на почитуваниот Коста Хаџиантоновски, кој до последен здив вложи многу љубов и енергија во оваа манифестација.
Ви благодарам на сите кои со Вашето творештво го исполнивте детското ликовно студио и на сите Вас кои низ колоритност и уметнички израз, следниве денови, ќе творите во Битола.
Им честитам на добитниците на наградите и верувам дека секоја година бројот на млади уметници ќе биде се поголем, со што секое ново издание на Малиот Битолски Монмартр ќе биде се поуспешно, а Битола повесела и побогата.
Ви посакувам пријатен престој во Битола“, рече градоначалникот Коњановски.
На свеченото отворање беше доделена наградата Гран при која оваа година им припадна на младите ликовни творци од студиото „Simply Art“ од Хонг Конг-Кина, а награди добија и учесници од Индија, Јапонија, Србија, Бугарија, Словачка, Црна Гора, Турција и други држави.
