Пратеникот на ДУИ, Арбер Адеми смета дека одвојувањето на Изет Меџити од партијата и формирање свое политичко движење не е удар за владеачката партија. Жали што од медиумите се информирани дека двајца пратеници од ДУИ, како што вели, се определиле за друг пат.

-Тие добро се третирани во ДУИ и носеле високи функции и институционална одговорност. За причините за нивното самоотстранување треба да ги прашаме нив. Во мнозинството не се менува ништо. Без овие пратеници, оваа влада и програма беше изгласана. На истите бројки сме и сега, само изразуваме жалење за тоа што се случува, кажа Адеми на брифинг со новинарите во Собранието.

Адеми информира дека двајца пратеници од неговата партија ќе дејствуваат како опозиција, додека третиот Кастриот Реџепи е независен и станал пратеник преку листата на СДСМ.

Поранешниот младински репрезентативец, десен бек Пеце Рајатоски е новото засилување на РК Прилеп од следната сезона.

Битолчанецот Рајатоски своите професионални почетоци ги започнува во младинската школа на Пелистер, а во својата кариера го носеше дресот на Голден Арт, Струга, косовски Кастриоти, Феризај и Пелистер.

Наша иселеничка во Австралија се вратила во татковината за да го помине летниот одмор. Таа вели дека не може да разбере како народот наоѓа пари да се прехрани, затоа што платите се ниски.

Жената за „ТВ21“ кажа дека доаѓа од земјата на кенгурите, каде што стандардот за живот бил повисок од другите земји.

– Да ти кажам право, за мене со полн џеб не е страшно. Но за овој стандард, се чудам како преживуваат луѓето. А кафулињата се преполни. И тоа не знам, од каде наоѓаат пари, а се жалат дека немаат, кажа жената.

Турскиот претседател Реџеп Таип Ердоган во понеделникот му го подари првиот турски електричен автомобил од домашно производство, Togg, на саудискиот престолонаследник Мохамед бин Салман.

За време на посетата на кралската палата Ал-Салам во Џеда, Ердоган и Бин Салман остварија средби „еден на еден“, како и со заеднички делегации.

Erdogan gifts Turkey’s first domestically produced electric car 'Togg' to Saudi Arabian Crown Prince Mohammed bin Salman

pic.twitter.com/pO68c3SPzi

— Ragıp Soylu (@ragipsoylu) July 18, 2023

Снимка од тепачка на градскиот базен во Штип вчера објави телевизија Стар.

На снимката може да се види како се тепаат мажи, но и жени. Тепачката збунето ја гледаа присутните деца на базенот.

Дали настанот е пријавен во МВР и кои се деталите, информација се очекува во текот на денот.

“Мој е летниковецот, го резервирав“. Жена брка ТВ екипа која снима за дете со дијабет. Вистинска непријатност денеска доживеа новинарската екипа на телевизија Алфа додека снимала прилог со четиригодишната Бисера, дете со дијабет, објави Мастило.

Додека таткото на малото девојче објаснува со кои предизвици се соочуваат тој и сопругата како родители, жена буквално ги брка од летниковецот во кој снимаат.

Со висок тон им дава на знаење дека нејзиното дете тука ќе славело роденден и дека летниковецот, кој е урбана опрема во јавен простор и е слободен за користење за сите граѓани, наводно ѝ бил резервиран.

– Извинете госпоѓо, знаете ли за што е ова интервју?

– Не ме интересира. Си славам роденден за детето затоа што му е еднаш во годината.

– Да му е среќен роденденот и навистина да се засрамите затоа што слушате за тоа што зборуваме и немате обзир.

– Немам потреба да се срамам. Преку глава ми е од се’.

Вака тече комуникацијата меѓу репортерката на Алфа и госпоѓата која ја избрка ТВ екипата.

Видеото се прошири масовно. Однесувањето на жената веќе го осудија и повеќе јавни личности.

За 1,5 денари поскапуваат малопродажните цени на бензините ЕУРОСУПЕР БС-95 и ЕУРОСУПЕР БС-98, додека пак на ЕУРОДИЗЕЛ (Д-Е V) цената останува иста, одлучи денеска Регулаторната комисија за енергетика.

Цената на Мазутот М-1 НС исто така се зголемува за 0,6 денари и ќе чини 42,4, а зголемување од 1,5 денари има и кај Екстра лесното масло1 (ЕЛ-1) кое ќе чини 71,5 денари.

Според одлуката, од утре ЕУРОСУПЕР БС – 95 и ЕУРОСУПЕР БС – 98 ќе се продаваат за 81,5 денари, односно за 83,5 денари по литар.

Тома Стојаноски, член на кошаркарската репрезентација на Македонија до 20 години, ја покри географската одредница до името Македонија на дресот по приемот на сребрениот медал на Европското првенство од дивизијата Б во Скопје.

Стојаноски е син на пратеничката на ВМРО-ДПМНЕ од Гостивар, Дафина Стојаноска.

Само МАКЕД❤️НИЈА‼️ pic.twitter.com/3SkKlUHA8A

— Дафина Стојаноска (@daci99640087) July 17, 2023

На 16.07.2023 во 08.45 часот на патот за вештачкото езеро во Прилеп, полициски службеници од ОВР Прилеп го лишиле од слобода Р.И.(32) од Прилеп, затоа што на патот запалил отпад во близина на сува трева на стрниште и на тој начин ја довел во опасност безбедноста на граѓаните.

Со него бил извршен службен разговор во полициска станица и по целосно документирање на случајот ќе биде поднесена соодветна пријавa – информираат од ОВР Прилеп.