Сите пратеници од ВМРО-ДПМНЕ реагираа на блефот на министрите од ДУИ дека доколку опозицијата ги изгласа уставните измени тие се спремни да заминат во опозиција.

Пратеничката Дафина Стојановска од ВМРО-ДПМНЕ, на министрите од ДУИ им порача, наместо оставки, да си подготват одбрани.

„Доста глумење жртви, разум и европски вредности зашто вие сте сѐ, освен тоа. И, да, може и фудбал да ви дозволат да играте во затвор, се разбира – ако сте послушни“, вели таа.

Пратеничката Бети Стаменкоска-Трајкоска вели: „Министрите може и пресуди да си потпишат, нивен проблем“.

На социјалните мрежи таа пишува дека проблем на народот е нивниот криминал, нивното беззаконие, нивната алчност, нивната неписменост да прават и да потпишуваат штетни договори за Македонија.

„Овие проблеми ќе се решат, одговорност ќе има! Дополнително, како на мало дете, да повториме за власта во заминување: Пратениците на ВМРО-ДПМНЕ и коалицијата НЕМА да гласаат за уставните измени под бугарски диктат“, вели Стаменкоска-Трајкоска.

„Евтини трикови не ви проаѓаат повеќе. Оставките ќе ви ги завери македонскиот народ на следните парламентарни избори по што следниот натпревар во фудбал ќе го изиграте во ‘Идризово’“, коментира Мирче Аџиоски.

Пратеникот Миле Лефков смета дека министрите не се учесници во процесот на менување на Уставот и со оставките ја злоупотребуваат својата положба.

„Министерските места што си ги користеа за бизниси, за рекет, за провизии, за обезбедувања блиски, од денес јавно се користат и за ПОСРЕДУВАЊЕ при спроведување туѓи барања! Министрите НЕ се учесници во процесот на менување на Уставот, со ова ја злоупотребуваат својата положба и се обидуваат ПРОТИВПРАВНО да ПОСРЕДУВААТ во туѓ интерес! Кривично дело по дефиниција! Противправно посредување чл. 359 од КЗ.
(2) Тој што со искористување на својата службена или општествена положба или влијание ќе посредува да се изврши службено деіствие што не би смеело да се изврши, ќе се казни со затвор од шест месеци до пет години“, напиша тој.

На 30.07.2023 во 22.44 часот во СВР Битола било пријавено дека на крстосницата од ул.„Филип Втори Македонски“ и ул.„Батаљон Стив Наумов“ во Битола се случила сообраќајна несреќа помеѓу патничко возило „шевролет авео“, управувано од Н.П.(20) од Битола и патничко возило „бмв“, управувано од Л.М.(28) од Битола, двете со битолски регистарски ознаки.

Во несреќата, Л.М. се здобила со тешки телесни повреди, додека сопатникот Д.Ј.(35) од Битола се здобил со телесни повреди, констатирани во Клиничка болница Битола.

Увид на местото извршила увидна екипа на СВР Битола.

РКЕ денеска ќе заседава на состанок со членовите, по што ќе донесе одлука за нови цени на горивата вечерва по полноќ.

Во меѓувреме, овие се актуелните цени на горивата:

Моторен бензин ЕУРОСУПЕР БС – 95 84,50 (денари/литар)
Моторен бензин ЕУРОСУПЕР БС – 98 86,50 (денари/литар)
Дизел гориво ЕУРОДИЗЕЛ БС (Д-Е V) 74,50 (денари/литар)
Масло за горење Екстра лесно 1 (ЕЛ-1) 73,50 (денари/литар)
Мазут М-1 НС 42,338 (денари/килограм).

По завршувањето на состанокот на надлежните од РКЕ, дополнително ќе информираме за новите цени на горивата кои ќе важат вечерва по полноќ.

Во организација на олдтајмер клубот “Автомото Класика” – ПРИЛЕП, вчера во населбата “Точила” се одржа првиот олдтајмер Авто-Слалом, кој предизвика голем интерес кај прилепчани.

Трката беше од ревијален карактер и беше поддржана од Општина Прилеп и FIVA Македонија.

На настанот присутен беше и градоначалникот на општина Прилеп, кој ја поздрави организацијата.

Извадоци од полицискиот билтен на МВР:

На 30.07.2023 во 01.15 часот во Прилеп полициски службеници од Полициската станица Прилеп ги лишиле од слобода Х.М.(34) и Б.С.(33), двајцата од Прилеп поради тоа што физички го нападнале Д.Ј.(30).

На 29.07.2023 во 20.00 часот Ш.Џ. од Прилеп пријавил дека во Прилеп тој, А.Џ., М.Џ., и А.Џ. биле физички нападнати од неколку лица.

На 30.07.2023 во 03.00 часот М.Н.(45) од Прилеп пријавил дека на 29.07.2023 околу 21.00 часот во Прилеп неговиот малолетен син бил физички нападнат од Е.О.(21) од Прилеп.

По целосно документирање на сите случаи ќе следат соодветни поднесоци.

29-годишниот Драгомир е момчето кое беше повредено, прободено со нож, при инцидент меѓу навивачите на Левски и лица од Скопје.

Тој е на одделението за интензивна нега. Вчера беше опериран. Неговата состојба е стабилна, но сериозна.

Во Скопје пристигнала и неговата мајка. За медиумите раскажа во каква состојба е, и дали ќе биде пренесен во Бугарија.

„Ѓаволчето е живо, можеше и полошо“, рекла загрижената мајка.

Лекарите не препорачуваат младото момче да биде транспортирано во наредните денови, бидејќи неговата состојба не го дозволува тоа.

На прашањето дали неговите напаѓачи се идентификувани, таа вели: „Да им оставиме на дипломатските власти. Официјалните власти нека ги тераат работите, како мајка дојдов да го видам. Откако го видов, веќе сум добро, покрај него сум“.

Според неа, само прашање на време е кога ќе се транспортира назад во Бугарија.

Инцидентите меѓу навивачите ги осудија и двете држави.

„Очекуваме надлежните органи во Република Северна Македонија да ги преземат неопходните активности за ефикасна истрага и спроведување на правдата во врска со сериозниот инцидент“, велат од Министерството за надворешни работи на Бугарија.

Шефот на македонската дипломатија Бујар Османи пак повика односите меѓу фудбалските фанови да не се врзуваат за односите меѓу Бугарија и Северна Македонија. Тој потсети дека Министерството за надворешни работи на Северна Македонија веќе ги осуди инцидентите и побара сторителите да одговараат.

Уште еден пратеник од албанскиот политички блок најави дека нема да ги поддржи уставните измени.

Запрашан дали ќе гласа за уставните измени, единствениот пратеник на Движењето Беса, Фадил Зендели за ТВ21 изјави дека нема да гласа за предлогот кој не вклучува отстранување на терминот „20 проценти“ што се однесува на албанскиот јазик.

Православната црква и верниците на 30 јули го слават празникот на Светата великомаченичка Марина, во народот позната како Огнена Марија, која е почитувана како борец за христијанската вера и заштитничка на жената.

Покрај православните, Огнената Марија ја почитуваат и католиците и оние од исламска вероисповед, кои ја нарекуваат „српска Упаљуша“. Затоа, внимавајте со какви активности ќе се занимавате денес, за да не ви се случи нешто многу лошо.

Денот на Светата маченичка Марина, во народот познат како Огнена Марија, се смета за многу почитуван празник, особено кај жените, па затоа е обичај на тој ден да не се работи физичка работа или работа на нива. Во црковниот календар 30 јули не е означен со „црвена буква“, но жените на тој ден од почит кон овој празник одбиваат дури и да закачат игла.

Во фолклорот се зачувани примери на оган или молњи кои гореле жито, сено и домови на луѓе кои згрешиле работејќи на празникот Огнена Марија во жешките празнични денови.

Светата маченичка Марина е родена во Антиохија, се крстила на 12 години, а на рана возраст ја изгубила мајка си, а татко и кога дознал дека е христијанка ја избркал од дома. На пат од Антиохија го сретнала епархот Олимбриј, кој отишол да ги прогонува христијаните. Бидејќи таа го одбила понудениот брак и поради нејзината вера во Господ Исус Христос, гневниот епарх наредил да биде изложена на најлошите маки.

Народното верување вели дека Огнената Марија гори и казнува со оган и дека громот на овој свет ден е лош знак. Тоа може да значи дека претстои тешка и сушна година, а постарите тврдат дека ваквите ситуации укажувале на болест и сиромаштија.

Кај православните особена стравопочит предизвикува Огнената Марија (која, инаку, во народната традиција е позната како сестра на Илија Громовник и Света Пантелија). На тој ден (30 јули по нов календар или 17 по стар календар) никој не работи бидејќи се смета дека на тој ден секоја работа е неправилна и грешна, дека секој што ќе ја наруши волјата Божја на тој ден. денот не може да ја очекува неговата милост.

Некои православни семејства го одбележуваат споменот на Огнената Марија како слава за крштевање. Моштите на овој светител почиваат во манастирот Света Марина во Албанија, на планината Лонга над Охридското Езеро.

Во текот на изминатата вечер (29/30.07.2023) во периодот од 22.00 до 04.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

При контролата санкционирани се 51 возач (26 во Прилеп, 10 во Битола, 5 во Македонски Брод, 4 во Ресен, по 3 во Крушево и Демир Хисар). За време на контролата биле санкционирани и 49 други видови прекршоци.

Акциски контроли продолжуваат и во наредните денови. Апелираме до граѓаните да ги почитуваат сообраќајните правила – информираат од СВР Битола.

Со трактори на улица, земјоделците од Свети Николе денес излегоа на протест.

Околу 200 земјоделци со 50 трактори изразија револт поради неможноста да си ги наводнуваат нивите, но и зголемувањето на таксите за вода од 70 проценти.

Во поддршка на земјоделците дојдоја Цветан Трипуновски, претседател на Комисијата за земјоделство од ВМРО-ДПМНЕ и пратеничката Благица Ласовска.

„Земјоделците протестираат заради немањето вода за наводнување на околу 1000 хектари земјоделско земјиште во ситуација која браната Калиманци е полна до преливање. Дополнителен причинител за протестот е и тоа што АД Водостопанство ќе им ја зголеми цената на водата за наводнување за над 70 отсто, а водата не стига до земјоделците на полето“, рече Трипуновски.

-Денес дадов поддршка на протестот на земјоделците од Овчеполието. Протестираат затоа што нема вода, да си ги наводнат посевите! ОВА СЕ ДОМАЌИНИ ЛУЃЕ! Владо недемократска, се слушаме ли, напиша Ласовска на Фејсбук.

Насобраните земјоделци особено беа лути после вчерашната изјава на премиерот Ковачевски, кој истакна дека во Слупчане каде не се плаќа струја, најголем број луѓето биле домаќини, па прашаа дали и тие се домаќини што ги плаќаат сите давачки кон државата и притоа придонесуваат преку производство на храна.