На 15 jуни, во ООУ „Кочо Рацин“ во Прилеп се одржа 4-тиот Хакатон од Првата Национална Олимпијада за Вселената. Организатори на истиот се ЊуМенс Бизнис Акцелератор и Фондацијата Голдилокс со поддршка на Американската Амбасада. Хакатонот се одржува по повод 10-годишниот јубилеј на хакатонот NASA Space Apps Challenge. Тоа е STEM натпревар во знаење и креативност за основци и средношколци.

Тимот „Team Intelligence“ од Гимназијата „Мирче Ацев“, во кој се учениците: Софија Настоска од I-6, Георги Николоски од I-4 и Никола Бонески од III-8, под менторство на професорката по физика Марина Попоска, во категоријата средношколци, го освои I (првото место).

Тимот учествуваше со сопствена изработка – Патување од Земјата до Марс со макета, едукативен и забавен стрип и сопствена презентација со анимација, видео и квиз тест кој присутните можеа да го решаваат преку QR код на екранот.

На секој од учениците им беа доделени и златни медали, што им ги врачи градоначалникот на Општина Прилеп д-р Борче Јовчески.

По одличните оценки од страна на комисијата за изработката и презентацијата, тимот го освои првото место и си обезбеди учество на финалниот настан на средината на Септември оваа година, што ќе се одржи во Скопје, кога за прв пат ќе бидат лансирани 2 метео балони Ballon SAT кои ќе летаат во земјината атмосфера до почетокот на вселената, а ќе бидат опремени со сензори и експерименти направени од победниците на регионалните натпревари.

На Софија, Георги и Никола, на професорката Марина и на нашето училиште СОУ Гимназија „Мирче Ацев“ им беа доделени сертификати за успешно учество.

Украинскиот претседател Володимир Зеленски изјави дека поразот на Украина од Русија на крајот може да ја принуди Америка да избере помеѓу „распад на НАТО“ и самата да војува.

„Хил“ објави дека Зеленски тоа го кажал во интервју за NBC News.

– Ако Украина загуби, ако Русија ја окупира Украина, Русија ќе продолжи кон балтичките земји, Полска и така натаму. И тие ќе започнат вojна со една од членките на НАТО и во тој момент САД ќе треба да изберат меѓу распадот на НАТО и војување – рече Зеленски.

https://twitter.com/Maks_NAFO_FELLA/status/1669396546800975873?ref_src=twsrc%5Etfw%7Ctwcamp%5Etweetembed%7Ctwterm%5E1669396546800975873%7Ctwgr%5E18cb7f9aa8636c9e19b13435acbff32165d51c0f%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4180890%2Fzelenski-upozorio-ameriku

Основното јавно Прилеп донесе Наредба за спроведување истражна постапка против едно лице од селото Славеј за кривични дела – Тешки дела против безбедноста на луѓето и имотот во сообраќајот од член 300 став 2 во врска со член 297 став 1, како и – Неукажување помош на лице повредено во сообраќајна незгода од член 301 став 2 во врска со став 1 од Кривичниот законик.

Во врска со сообраќајна несреќа која се случи на 9 јуни на улицата „Александар Македонски“ во Прилеп, против осомничениот 26-годишник досега се водеше постапка за предизвикување сообраќајна несреќа од полесен квалификаторен облик и по предлог на обвинителството му беше определена мерка куќен притвор во траење од 8 дена. Но, во текот на предистражната постапка се прибавија докази кои упатуваат на основано сомнение дека тој сторил потешко кривично дело против безбедноста на јавниот сообраќај, па надлежниот јавен обвинител отвори истрага и достави предлог да му биде определена мерка притвор.

Согласно доказите, на критичниот ден, тој управувал патничко моторно возило Фолксваген голф со прилепски регистарски ознаки, иако не ја поседувал потребната здравствена и психофизичка способност за управување со моторно возило – без очно помагало поради намалена видна функција за 50% (бинокуларно гледање). Спротивно на одредбите од Законот за безбедност на сообраќајот на патиштата, се движел со брзина од 74,2 км/ч на место каде максимално дозволена брзина на движење изнесува 50 км/ч. Возилото не го држел што поблиску до десниот раб на коловозот, со што го загрозил јавниот сообраќај и го довел во опасност животот и телото на луѓето.

Кога пристигнал наспроти фабриката „Металец“ во Прилеп со тркалата од десната страна на возилото излегол надвор од површината од десниот раб на коловозот, односно на земјеното проширување, па со предниот десен дел од возилото удрил во задното тркало од велосипед марка „Ендуро“ управуван од оштетената – сега почината велосипедистка.

Во моментот на ударот таа стоела со велосипедот на земјеното проширување покрај десниот раб од коловозот, а како последица од ударот била отфрлена на тревната површина од десната страна од коловозот. При ударот оштетената добила тешки телесни повреди кои резултирале со смртна последица, а возачот на автомобилот ја оставил без помош и веднаш го напуштил местото на несреќата.

Судијата на претходна постапка го прифати предлогот на обвинителот и со решение на осомничениот му определи мерка притвор во траење до 30 дена.

На 19 јуни 2023/ понеделник/ од 20.00 ч. во кино МИС СТОН при ЦК „Марко Цепенков“ премиерно ќе биде прикажан филмот „Некрстени денови“.

Влезници по цена од 100 денари на билетарницата од киното понеделник од 10 -12 и од 18 до 20.00 часот.

Податоци за филмот

НЕКРСТЕНИ ДЕНОВИ (Ballad of Piargy, 2022)                                                           Иво Трајков/ Ivo Trajkov, SK/MK/CZ, 100’

Кратка содржина

Во пролетта 1939 г. се пренесува веста дека во малото планинско село Пиарџи (Piargy), затрупано од лавина снег пред само неколку дена, се родил Антихристот. Бискупот бара точно да се истражат изјавите на Јоанка, единствената преживеана од катастрофата, за да дознае што навистина се случило.

Љубов, страст, надеж, грев и казна.

Ова се зборовите што најдобро би ја опишале атмосферата во најновиот филм на Иво Трајков, симбол на модерната Содома и Гомора.

Визуелно раскошна приказна, базирана на кратка приказна на словачкиот писател Франтишек Швантнер (František Švantner), филмот импресионира со својата оригиналност и раритетност во пристапот на темата. Преку брилијантната црно-бела фотографија тој суптилно и нетенденциозно ни доловува атмосфера на историска драма и претставува огледало на хипокризијата на моралот, религијата и патријархалната традиција во општеството – подеднакво релевантна денес, како и во периодот непосредно пред Втората светска војна.

Филмот „Некрстени денови“ во словачко-македонско-чешка копродукција има учествувано на голем број меѓународни филмски фестивали и е добитник на повеќе награди, меѓу другите и на фестивалите во Буенос Аирес, Брисел, Фестивалот на независен филм во Монтреал итн.

Претставата „My Name is Medeja“ на Народниот театар од Битола ја доби наградата за уметничко остварување во целина на 57. МТФ „Војдан Чернодрински“ во Прилеп. Меѓународно жири во состав: Јанко Љумовиќ од Црна Гора, претседател и Милош Љумовиќ и Мирослав Мики Радоњиќ, членови доделија 15 награди. Не се додели наградата за текст.

Наградите ќе им бидат врачени на лауреатите вечерва во 20 часот во Центарот за култура „Марко Цепенков“ во Прилеп, а во нивна чист, Српското народно позориште од Нови Сад ќе ја изведе претставата „Последниот балкански вампир“ од Дејан Дуковски, во режија на Александар Поповски.

Уметничкиот директор Љумовиќ истакна дека „My Name is Medeja“ и „Чудна случка со кучето во ноќта“ се издвојуваа по својата естетика и по истражувачкиот театар што во нив го има. Жирито се согласи дека македонскиот театар треба да продолжи да истражува, дека актерската игра била најдоброто во сите претстави. Тие порачаа театарските менаџери повеќе да се фокусираат на домашната драма.

-Естетските и уметничките квалитети на претставата на Битолскиот театар, и ставот на режисерот Хорват кој влегува во проблемите на современоста се нешто импресивно кои ја означуваат мисијата на театарот денес. Денешниот театар ја промислува современоста преку стварноста. Очигледно има две претстави кои се издвојуваат. Тие претстави покажуваат високо постигнат уметнички резултат, ансамблите исклучително го изнесоа режисерскиот концепт – истакна Љумовиќ.
Претставата „My Name is Medeja“ ги доби следните награди: Награда за рекламен материјал за Сашо Илковски, награда за музика на Драго Ивануша, награда за главна женска улога за Илина Чоревска, награда за најдобра режија за Себастијан Хорват.

Претставата „Чудна случка со кучето во ноќта“ во режија на Зоја Бузалковска ги доби следните награди: Награда за кореографија и сценски движења за Симон Симоновски, награда за костимографија на Елена Вангеловска и Раде Василев, награда за сценографија за Константин Трпеноски, награда за најдобра женска епизодна улога за Емилија Мицевска за улогата на Џуди, главна машка улога за Дамјан Цветановски за улогата на Кристофер Бун.

Наградата за современа сценска драматизација ја доби Лидија Митоска-Ѓоргиевска за „Мистерија Буфо“
Наградата за млад актер „Трајко Чоревски“ ја доби Хакан Даци за улогата на Катуриан во претставата „Човек перница“ во изведба на Турскиот театар од Скопје, копродукција со „Машина продакшн“ и „Пик продукција“. За истата претстава, за улогата на Микаил, актерот Дин Ибрахим ја доби наградата за најдобра машка епизодна улога.

Наградата за млада актерка ја добива Матеа Јанковска за Роња во „Роња, ќерката на ограбувачот“ на Театар за деца и младинци од Скопје.

-На 16.06.2023 на ул„8 Септември“ во Битола, полициски службеници од Полициската станица за безбедност на патниот сообраќајот при СВР Битола го лишиле од слобода Д.П.(24) од Битола затоа што кај него била пронајдена и одземена марихуана.

-На 15.06.2023 на ул.„Сремска“ во Битола, полициски службеници од криминалистичката полиција при СВР Битола го лишиле од слобода Б.М.(23) од с.Беранци, битолско, затоа што кај него била пронајдена и одземена марихуана.

По документирање на двата случаи ќе биде поднесен соодветен поднесок – информираат од СВР Битола.

Претседателот на ВМРО-ДПМНЕ, Христијан Мицкоски при денешната неговата посета во Ваташа каде присуствуваше на одбележувањето на 80 години од стрелањето на 12 ваташки младинци и запрашан дали има одговор од Ковачевски за дебата рече дека јасно е дека Ковачевски е киднапиран домазет во својата Влада, се плаши да оди на избори, се плаши да излезе на ТВ дуел, и таква е ова политичка матрица на овие луѓе.

-Човекот е кукавица, човекот е киднапиран домазет во својата Влада, се плаши да оди на избори, се плаши да излезе на ТВ дуел, таква е ова политичка матрица на овие луѓе. Освен тоа што уште некое време ќе бидат таму каде што се, јас не очекувам било каква креативност, еднаш кукавица, цел живот кукавица. За да нема вака кажавме така кажавме, средба на тимови, средба на лидери, еве јавно пред македонската јавност, очи во очи да си кажеме тоа што сакаме па народот нека суди и нека пресудува, рече тој.

Во најновата колумна за порталот на “РАДИО ПЕЛА”, новинарот Зоран Момироски, меѓудругото се осврна и на именувањето на нов директор во Тутунскиот Комбинат во Прилеп.

-ЗОРАН ПАЧЕШКОСКИ – ЦАКИО ПРЕТСЕДАТЕЛОТ НА ОО НА СДСМ ВО ПРИЛЕП ОД ПОЧЕТОКОТ НА НЕДЕЛАВА ВЕЌЕ „ЧУЧНА“ ВО ДИРЕКТОРСКАТА ФОТЕЛЈА НА ТУТУНСКИ КОМБИНАТ. НЕКОЛКУ ДЕНА ПРЕД ТОА НЕКОЈ ОД О.К. ВМРО-ДПМНЕ ПРИЛЕП СЕ ПРИСЕТИ ДЕКА АКО НЕ ПОВЕЌЕ, БАРЕМ, ЗА ПРЕД СВОЕТО ЧЛЕНСТВО ТРЕБА ДА ДАДЕ ПОЛИТИЧКА ИЗЈАВА ЗА НОВАТА ФУНКЦИЈА НА ЦАКИО, ПА МЕЃУ ДРУГОТО ИСТАКНА ДЕКА ПАЧЕШКОСКИ ОТКАКО „ГИ СРЕДИЛ РАБОТИТЕ КАКО РАКОВОДИТЕЛ НА ПЕ НА МИНИСТЕРСТВОТО ЗА ЗЕМЈОДЕЛСТВО, А СО ТОА И МАКИТЕ И ПРОБЛЕМИТЕ НА ЗЕМЈОДЕЛЦИТЕ, ГАЗДИТЕ НА СДСМ ГО ИСПРАТИЛЕ НА МЕДЕН МЕСЕЦ ВО УЈП, ЗА ОД ТАМУ ЕКСПРЕСНО ДА ГО ПОСТАВАТ ЗА ДИРЕКТОР НА ПРИЛЕПСКИОТ ТУТУНСКИ КОМБИНАТ. И ТОА НЕ Е ПРОБЛЕМ. НИВНО ПРАВО Е ДА ЈА КРИТИКУВААТ ГРАДСКАТА, А СО ТОА И ГЕНЕРАЛНАТА КАДРОВСКА ПОЛИТИКА НА СДСМ. ПРОБЛЕМ Е ШТО ОВИЕ ОД ВМРО-ДПМНЕ НЕМААТ ОДГОВОР НА ПРАШАЊЕТО: ЦАКИО ОД ЗЕМЈОДЕЛИЕ НА МЕДЕН МЕСЕЦ ВО УЈП ГО ИСПРАТИЈА КАКО НЕВЕСТА ИЛИ КАКО ЗЕТ?! А ТОА ПОДРАЗБИРА – НА ФУНКЦИЈАТА ГЕНЕРАЛЕН ДИРЕКТОР НА ТУТУНСКИ ДОЈДЕ, КАКО ШТО ВЕЛИ ОНАА НАРОДНАТА: КАКО ИСКУБАНА КОКОШКА ИЛИ КАКО ПОПАРЕН ПЕТЕЛ?!? Е ТОА ВИЕ ОД ВМРО-ДПМНЕ СТЕ ДОЛЖНИ И КАКО ОПОЗИЦИЈА И КАКО ВЛАСТ ВО ГРАДОВ ПРЕКУ ИЗЈАВИ ДА ОДГОВОРИТЕ – пишува во својата колумна Момироски.

Оваа сезона управата на РК Прилеп е ангажирана клубот да биде со многу поквалитетен ростер и во таа насока продолжен e договорот со столбот на одбраната Филип Велески, Цветаноски, Бикоски, Ангелески, Трајчевски, a во игра се уште неколку звучни имиња со кои клубот е во преговори.

Чаршијата шпекулира дека Претседателот на клубот Мариновски е во преговори со звучно тренерско име, стратег кој со новите засилувања би обезбедил место во плеј оф.

Во првото коло на почетокот на септември, прилепската публика очекува успешен старт и победа над новиот клуб на прилепчанецот Кузманоски, кој од неодамна е тренер на РК Бутел.

Во Кавадарци синоќа се одржа Свечена академија по повод 80 години од убиството на 12- те Ваташки младинци од страна на бугарскиот фашистички окупатор.

На настанот беа присутни голем број на гости, како и семејствата на 12-те ваташки младинци, со кој и го најавивме утрешното чествување на 80 години од стрелањето, кое ќе биде пред споменикот на 12-те ваташки младинци во месноста Моклиште.

Настанот беше затворен со маестралната изведба на ,,Ми заплакало селото Ваташа’’ и ,,Цветови’’ од Славко Јаневски од страна на Игор Џамбазов, Андријана Јаневска и Катерина Танева.

Слушнете во продолжение: