– Во моментов гори фабрика за гипс, картони и други материјали и пожарот е активен и не е локализиран. Сè уште чекаме информации за предизвиканото загадување бидејќи здравјето на граѓаните во околината е најважно. Првичните информации велат дека нема ослободување на отровни гасови. Побаравме и извештај од стручни лица за квалитетот на воздухот, изјави Стојанче Ангелов, директорот на Центарот за управување со кризи.
На новинарско прашање дали реакцијата на пожарникарите била навремена, Стојанче Ангелов одговори дека при секој пожар, дали урбан или шумски, најголемата одговорност ја има градоначалникот.
Сличен пожар гледав во САД и таму пожарникарите беа побавни од нас. Ваквите пожари се шират бргу и тешко се гаснат поради материјалите кои согоруваат. Ова е максимумот што може да се направи, одговори Стојанче Ангелов.
ВИДЕО: “СИТЕЛ ТВ”
