Лидерот на Чеченија, Рамазан Кадиров, стана една од централните фигури после мечот од второто коло од групната фаза на Светското првенство помеѓу Русија и Египет.
Базата на репрезентацијата на “фараоните” се наоѓа во Чеченија, а после победата на Русите со резултат од 3:1, Кадиров на социјалните мрежи објави фотографии од атмосферата во неговата куќа, каде тој го гледал мечот со своите соработници.
Кадиров победата на руската репрезентација над Египет ја нарече “триумф” и му честиташе на Путин, како и на сите играчи.
