Фудбалската федерација на Шпанија ја одреди казната за неспортското однесување на Нејмар на мечот меѓу Барселона и Малага.
Бразилскиот напаѓач доби суспензија на три натпревари и нема да може да им помогне на своите соиграчи на големото дерби против Реал Мадрид, кое ќе се одигра наредниот викенд. По оваа одлука Нејмар им се извини на раководството, стручниот штаб и соиграчите и вети дека никогаш нема да му се повтори.
Сепак, како што откриваат шпанските медиуми, Барселона веднаш побарала од својот фудбалер во наредните неколку седмици да го посети клупскиот психолог, кој ќе има задача да му помогне на Нејмар да го смени своето однесување.