Уверливата победа против Словенија во осминафиналето од Светското првенство, шведските ракометарки ја прославија со танц во соблекувалната и покажаа дека освен што знаат да прослават победа очигледно знаат и да прослават.
Женската ракометна репрезентација на Шведска е еден од фаворитите за медал на Светското првенство во Германија, а на тој пат во осминафиналето им дојде Словенија.
Иако Словенките играа многу добро во групната фаза, против Швеѓанките немаа шанса. Шведска победи 33:21 и се пласираше во најдобрите осум, каде ја чека дуел со Данска, која беше подобра од домаќинот Германија.
А прославата на уверливата победа на Швеѓанките почна уште во соблекувалната. Непосредно пред туширањето шведските ракометарки почнаа да танцуваат, а според прикажаното може да се види дека танцот е извежбан до последниот детаљ.
