Веќе извесен период, прилепчани се жалат на социјалните мрежи, дека од непознат извор се шири непријатна миризба, која наликува на изгорена пластика, или друг вид на хемикалија.
Никој се уште точно не знае од каде доаѓа миризбата, ниту надлежните, ниту граѓаните, иако сите се сомневаат.
Откако вчера медиумите ја проширија веста, граѓаните почнаа да се самоорганизираат, па така за сабота 16.09.2023, од 11-12 часот, на ул. “Александар Македонски”, кај раскрсницата пред фабриката “Младост”, ќе се одржи протест.
На флаерите кои се појавија низ градот не стои името на организаторот на овој протест, а повикани се сите граѓани да се придружат.