(Видео) Јованоски: “На есен ќе гледаме фудбал на новиот стадион” – Состојбата на терен сепак различна?

Кон крајот на јули годинава градоначалникот на општина Прилеп, Илија Јованоски од градскиот стадион “Гоце Делчев” истакна дека реконструкцијата на стадионот ќе биде извршена до крајот на градежната сезона и дека се надева дека есенва фудбалската јавност ќе може да гледа фудбалски натпревари.

Сепак, според фотографиите од терен, на стадионот сеуште се извршуваат градежни работи, а тревникот никако да раззелени.

Јованоски тогаш посочи дека за тревникот надлежна била Фудбалската федерација на Македонија, но досега нема истакнато како завршиле разговорите со првите луѓе таму и кога конечно Прилеп ќе добие модерен стадион.

Додека на стадионот сеуште се работи и не се знае крајниот рок на завршување на сите активности, фудбалскиот клуб Победа мачи мака во Втората лига – Исток и моментално се наоѓа на дното.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.