Растеретено, но без потценување на противникот, Македонија стигна и до втората победа на Светското првенство во Франција.
Во салата во Мец, нашите момци вечерва ја совладаа репрезентацијата на аутсајдерот Ангола со резултат 22:31 (9:14 ), кои за време на мечот на моменти се покажаа како цврт костен, иако Македонија за време на целиот меч ја имаше предноста и контролата во свои раце.
Kaj нас капитенот Лазаров во негов стил постигна 10 погодоци, Гоце Ѓорѓиевски постигна 5, Стоилов 2 , Маркоски 2, исто како и Дејан Манасков.
За одбележување е и тоа што прилепскиот голман Благојче Трајковски на два пати се запиша во листата на стрелците.
Со оваа победа нашата репрезентација ги отвори вратите кон осминафиналето, а борбата за подобар пласман на табелата штотуку следува.
Веќе во понеделник Македонија игра против Словенија, која ќе биде првиот сериозен тест за можностите на нашата репрезентација.
А.Г.