Eкипата на Боби Мојсов, предводена од капитенот Филип Велески, утре гостува во Скопје кај Мулти Есенс.
Прилепчани се фаворити и ќе атакуваат на третата победа сезонава. За разлика од гостите, домашната екипа во моментов е без ниту освоен бод.
“Протеински” 100% подготвени прилепчани ветуваат нови три бода и нова радост за ракометните вљубеници во градот под Марковите Кули, а со тоа и продолжување на главната цел, излез на европска сцена на крајот од сезоната.
“ГОДИШНА ИЗЛОЖБА НА ДЛУП 2023”, групна изложба на ликовни уметници ќе биде отворена на 10 октомври 2023/ вторник/ од 18.00 ч. во ликовниот салон на ЦК „Марко Цепенков“.
Новините коишто често се појавуваат на современата ликовна сцена секогаш поттикнуваат возбуда и восхит кај верните следбеници и љубители на уметноста.
Тргнувајќи од личната потреба за творечко откривање и креативно истражување, уметниците на ДЛУП Прилеп континуирано ги развиваат своите артистички и автономни стилски изрази, а преку организацијата на разни групни и тематски изложби тие имаат можност да се афирмираат во општествените кругови оставајќи свој автентичен печат.
На 10.10.2023 година (вторник) во Ликовното фоаје при НУЦК “Марко Цепенков” – Прилеп, ликовните уметници на ДЛУП ја реализираат “ГОДИШНАТА ИЗЛОЖБА НА ДЛУП 2023” со цел заедно со граѓаните да го прослават државниот празник 11 -ти Октомври, Денот на народното востание – вели Викторија Димеска, историчар на уметност.
На изложбата ќе учествуваат активните членови на Здружението:
Александра Богоеска, Александар Џинго, Анита Сот Јовеска, Бојана Артиновска, Верче Николоска, Викторија Димеска, Елена Димоска, Емил Солески, Маја Ралева – Миладиновски, Марјан Стојановски, Марта Макеска, Методи Исков, Ферди Булут и Филип Јовески.
На 05.10.2023 на патот кон с.Волково, прилепско, полициски службеници од СВР Битола – ОВР Прилеп ги лишиле од слобода Т.М.(22), Д.М.(21), О.П.(22) и М.Г.(22), сите од Прилеп, затоа што при преглед на патничко возило „ауди а3“ со прилепски регистарски ознаки, во кое се превезувале, била пронајдена и одземена марихуана.
Лицата билее приведени во полициска станица и по целосно документирање на случајот ќе следува соодветна пријава – информираат од ОВР Прилеп.
Oпштина Прилеп ја објави официјалната програма за одбележување на 82-годишнината од Денот на народното востание – 11-ти Октомври.
Одбележувањето започнува во недела на 8. октомври, со велосипедската тура “Sava Mariovo Tour”, која започнува од 10ч на плоштадот “Александрија”. Во речиси исто време започнува Меѓународниот турнир во џудо “Прилеп град херој -2023”, а вечерта со почеток од 19ч. ќе се одржи традиционалниот Меѓународен детски фестивал “Ѕвездички”.
Целосната програма погледнете ја во продолжение:
Од денеска се применува новата стапка на Данокот на додадена вредност од 10 отсто за голем дел од прехранбените производи.
Па така, повисоки цени ќе добијат брашното, џигерот, сладоледот, замрзната риба, освен осличот, пастрмката и пангата, замрзнатите теста, млечните сирни намази, сирењето и урдата, зденката, пармезанот, ајдемер и гауда кашкавалот, павлаката за готвење, растителните сирења и намазите.
Поскпува и храната за децата – гризот, овесните снегулки, муслите, сладоледот, еурокремот, сите видиви бонбони, чипсот, потоа чаевите, тропското овошје, сите видово сушено овошје, сусамот, сончогледот, инстант кафињата, наполитанките, компотите, црниот бибер, мастиките.
Oва се останатите производи:
Викендов започнува првенството во Втората кошаркарска лига, во која екипата на Мега Баскет од Прилеп избори пласман со одличните резултати минатата сезона.
-Конкуренцијата е далеку посилна, па затоа и предизвикот е далеку поголем. Ростерот на екипата во најголема мерка е истиот, со мали промени кои се надеваме дека ќе го подигнат квалитетот на двете страни од теренот – велат од Мега Баскет.
Првото коло го прилепската екипа го игра на домашен терен, а противник е “довчерашниот” прволигаш – екипата на КК КУМАНОВО 2009. Терминот е добро познат (сабота, 07.10.2023 година, 19:00 часот), а локацијата исто така – салата на ООУ “Добре Јованоски”.
Главен спонзот на тимот е “Прилепска пиварница”, а спонзори се и “Комфи ангел”, “Бимфуд” и “Матадор”.
На натпреварот од сениорите ќе претходи и дуел на младите екипи до 16 години меѓу Мега Баскет – ТФТ Скопје. Овој натпревар се игра со почето од 16:00часот.
Вчера во спортската сала “Јане Сандански” во Скопје, се одржа Државното првенство во бодибилдинг и фитнес за 2023 година.
Натпреварот беше во организација на Бодибилдинг и фитнес федерацијата на Македонија, а учесниците се натпреваруваа во категории тинс, јуниори, сениори и ветерани, во машка и женска конкуренција.
Учество на натпреварот зеде и младата бодибилдерка од Прилеп, Андреа Аврамоска, која во три дена освои нов сребрен медал во конкуренција бикини фитнес за сениори.
Ова е огромен успех за нашата прилепчанка, ако се има во предвид дека Андреа за релативно краток временски период, со макотрпна работа, посветеност и неверојатна желба, го постигна нејзиниот атлетски изглед.
Само пред три дена, младата прилепчанка стигна до сребрен медал во истата конкуренција на “Паљо класик опен 2023“ во Битола.
-За прво искуство и прва сезона во овој спорт, задоволна сум од себе и своите успеси. Ова е дефинитивно еден од спортовите кои бараат извонредна дисциплина, а најмногу од се правилни луѓе околу спортистите. Огромна благодарност до Ангела Гелинческа , мојот ментор, која ме запозна со се што ми беше потребно, секогаш тука за било каква поддршка и бескрајно топла и мила личност – напиша Андреа.
Функционерските плати ќе бидат поголеми и до 400 евра од идната година. Според законот тие растат согласно растот на просечната плата. Ова значи дека околу 2.000 функционери ќе добиваат уште повисока плата по она 78% покачување кое го крена револтот на максимум кај граѓаните – објави “АЛФА ТВ”
Покачената плата која сега „ легнува “ на сметките на функционерите е според исплатената просечна плата во 2022, а во 2024 просекот ќе биде според она што е годинава. Во јули просекот во Македонија е 36 286, а се очекува до крај на годината да е значително поголем, со оглед на тоа што се покачија и платите во јавниот сектор .
Законот вели дека платата се утврдува според основицата која е просечната плата на што се додава искуството:
Платата на функционер и на раководен работник се утврдува на начин што основицата за пресметување на плата се множи со утврдениот коефициент и се зголемува за процентот за работното искуство. Работното искуство се вреднува така што платата во месечен износ се зголемува процентот утврден за работното искуство од 0,5% за секоја започната година работен стаж, а најмногу до 20%.
Коефициентот за утврдување на платата за претседател на Република Македонија, претседател на Собранието и претседател на Владата, изнесува до 4,50, стои во Законот .
Според ова ако се земе просечната плата исплатена во јули годинава, и додаденото искуство би илзегло дека првиот човек на државата со 33 години работно искуство би земал околу 190 илјади денари , што е повисоко за околу 30.000 колку што доби со минатото покачување
Целиот прилог погледнете го ТУКА
Домаќинствата евтината дневна тарифа на електричната енергија ќе може да ја користат од 13 до 15 часот, одлучи Регулаторната комисија за енергетика. Оваа бенефиција граѓаните ќе започнат да ја користат од декември. Иако, првично беше најавено дека евтината дневна тарифа ќе биде вратена со стартот на грејната сезона, тоа нема да се случи, регулаторот и ЕВН постигнаа, два часа поевтина струја во текот на денот домаќинствата да користат од декември.
„Дневна евтина тарифа ќе стартува во декември, граѓаните ќе можат да ја користат во периодот од 13 часот до 15 часот и секако останува на сила и ноќната евтина тарифа од 22 часот до 7 часот изутрина.
Но, според информациите кои ги добивме од енергетската компанија која е во приватна сопственот, ЕВН Македонија само 170 илјади броила се со далечинска комуникација, односно толку броила може да се ресетираат директно од објектите на ЕВН, останатите нешто над 650 илјади броила ќе треба екипи на енергетската фирма да ги сетираат на лице место. Од ЕВН за ТВ 24 велат дека најголемиот дел од броилата ќе ги приспособат уште на први декември, а проблем може да им претставуваат недостапните броила.
„Од први декември ќе влегува во сила, новиот тарифен систем, а од тогаш ќе започне и сетирањето на броилата. До тогаш ЕВН ќе ги направи сите технички подготовки и софтверски тестирања и слично.“
Евтината дневна тарифа беше укината од страна на регулаторна на први јануари ланската година. Образложението тогаш беше дека тоа многу ја чини државата во време на енергетска криза. Кризата со енергенски не е завршена и ризиците се се уште присутни во однос на тоа како ќе се движат цените на електричната енергија и гасот на светските берзи.
Граѓаните утре повторно ќе се соочат со нов ценовен шок. Владата по итна постапка го донесе законот за повисоко ДДВ, но листата на производи ја криеше, споменувани беа само перките од ајкула, чија семето, тартуфите, сирењето со мувла.
Сепак од утре поскапува речиси се’. Сител телевизија ја објави листата на производи за кои од владата уверуваа дека ќе бидат само луксузни.
За Владата во луксузот се вбројува и брашното, џигерот и сладоледот. Со повисока стапка од 10 отсто ќе се даночат сите видови замрзната риба, освен осличот, пастрмката и пангата, замрзнатите теста, млечните и сирни намази, сирењето и урдата, зденката, пармезанот, ајдемер и гауда кашкавалот, павлаката за готвење, растителните сирења и намази.
-Меѓу нив е и лутеницата, цвеклото, фефероните, мајонезот, сите видови апетисани, компоти, конзервирана храна, полнети макарони, тортиљи, нудли. Поскапуваат и храната за децата – гризот, овесните снегулки, муслите, сладоледот, еурокремот, сите видиви бонбони, чипсот. По нови повисоки цени ќе се продаваат и сите чаеви, тропското овошје, сите видово сушено овошје, сусамот, сончогледот, инстант кафињата, наполитанките, црниот бибер, мастиките, најголем дел од зачините, објави Сител.
Маркетите веќе ја добиле листата производи и ги подготвуваат новите цени. Со зголемување на ДДВ во буџетот власта очекува да се соберат дополнителни 70 милиони евра.
