„Граѓани на Израел, ние сме во војна – ова не е операција, туку војна“, рече Нетанјаху во видео пораката и додаде дека Израел ќе победи.

Во видеото, Нетанјаху објаснува дека Хамас утрово спорвел изненадувачки убиствен напад врз државата Израел и нејзините граѓани.

„Ги повикав раководителите на системот на безбедност, пред сè дадов инструкции за чистење на населбите од инфилтрирани терористи. Таква акција се спроведува во моментот“, порача Нетанјаху.

Потврди и дека наредил обемна мобилизација на резервисти и најави одговор со обем каков што непријателот досега не видел“.

Ги повикува граѓаните на Израел да се придржуваат на упатствата и инструкциите на војската.

Netanyahu: We are at war.#Israel https://t.co/3bCtSxqirN

— RedStateSupport 🇺🇸🦅 (@RedStateSupp) October 7, 2023

На 06.10.2023 во 21.05 часот било пријавено дека на регионалниот пат Прилеп-Крушево се случила сообраќајна несреќа помеѓу патничко моторно возило „киа“ со охридски регистарски ознаки, управувано од Д.Т.(46) од Битола, и патничко моторно возило „ауди“ со прилепски регистарски ознаки, управувано од И.Б.(43) од Прилеп.

Во несреќата со тешки телесни повреди се здобил возачот Д.Т. кој бил пренесен во Градска болница-Прилеп каде починал, а по наредба на јавен обвинител телото е предадено за обдукција.

Исто така, во несреќата со тешки телесни повреди се здобиле малолетен сопатник од Прилеп во возилото „ауди“, а возачот И.Б. и сопатниците И.Б.(38) од Прилеп и уште еден малолетник се здобиле со телесни повреди, кои им биле констатирани во Градска Болница-Прилеп.

Увид на местото на настанот извршила увидна екипа од Полициска станица Прилеп и Јавен обвинител – информираат од СВР Битола.

Извадоци од полицискиот билтен на МВР

-На 06.10.2023 во 17.30 часот во близина на угостителски објект во Прилеп од полициски службеници е лишен од слобода П.Ѓ.(29) од с.Обршани,прилепско, затоа што кај него била пронајдена и одземена марихуана.

-На 06.10.2023 околу 19.20 часот во Битола од полициски службеници се лишени од слобода С.Н.(47) и К.З.(34), двајцата од Битола, затоа што кај С.Н била пронајдена и одземена марихуана, а кај К.З. била пронајдена и одземена грутчеста материја.

По целосно документирање на двата случаи ќе бидат поднесени соодветени поднесоци – информираат од МВР.

Близначиња чии родители се од Бразил, а живеат во моментов во Македонија, се родија во болницата “Плодност” во Битола.

-Фотографиите го доловуваат моментот на првиот контакт на таткото со двете новородени машки близначиња.

Синоќа околу 23:30ч. на патниот правец Прилеп-Кривогаштани, се случила тешка сообраќајна несреќа во која учествувале две возила.

Според неофицијалните информации кои ги имаме, двете возила биле со крушевски регистарски ознаки, а несреќата се случила кога едното од возилата во кое се превезувал само возачот, удрило во автомобил во кој се превезувало цело семејство – татко, мајка и две деца.

Од ударот возачот кој сам се превезувал починал на лице место, а возачот и членовите на семејството во другиот автомобил се здобиле со повреди. Маркукуле дознава и дека едното од децата со потешки повреди е пренесено итно во скопските клиники.

Повеќе информации во текот на денот.

Полициски службеници од Криминалистичката полиција при СВР Битола, денеска (06.10) по добиени оперативни сознанија во врска со кривичното дело “предизвикување општа опасност” односно намерно предизвикување на пожар во с.Лопатица, битолско, го приведоа В.В. (54) од с.Лопатица.

По документирање на случајот, против В.В. ќе биде поднесена кривична пријава по чл. 288 од КЗ – информираат од СВР Битола.

Резултатите од последниот спроведен попис на население во 2021 година покажаа дека во Македонија има 1.8 милиони жители или намалување од околу 180 илјади жители споредено со последниот одржан попис во 2002 година кога биле околу 2 милиони жители1. Сепак, иако бројот на вкупно население се намали за околу 9%, процентот на младо население во возрасната група 15-29 години забележа диспропорцијално поголемо намалување – стои во најновото истражување од Институтот за дигитализација, економија и иновации, насловено како “КАДЕ ЖИВЕАТ МЛАДИТЕ ВО МАКEДОНИЈА?”

Според истражувањето во изминатите две децении, општина Прилеп загубила нешто над 32% од младото население, односно од 16.870 млади луѓе на возраст од 15-29 години во 2002година, според последниот попис во 2021година, во општина Прилеп живеат 11 452 млади луѓе, или 5 418 помалку.

Ако пак се земе во предвид дека по завршувањето на пандемијата голем број млади заминаа на работа во Хрватска, Германија и останатите европски земји, а добар дел од нив не се враќаат назад, оваа бројка е уште помала.

Целото истражување за тоа каква е состојбата во останатите општини во Македонија, погледнете го ТУКА

Во најновата колумна за “РАДИО ПЕЛА”, новинарот Зоран Момироски, меѓудругото, се осврна и на внатрепартиските случувања во ОО СДСМ Прилеп, во чиј штаб според пишувањето, деновиве се случила една инстересна ситуација.

-НА КРАЈОТ ОД МИНАТАТА НЕДЕЛА СЕ ОТВОРИЈА ВРАТИТЕ НА ОО НА СДСМ – ПРИЛЕП. ТИ ИМАЛО ВЕЧЕРНА ,,СЕДЕНКА“ ВО ПРЕДИЗБОРЕН АМБИЕНТ. НА РЕГИОНАЛНИОТ СОСТАНОК НА ТИМОТ ЗА ПОБЕДА ПРИСУСТВУВАЛЕ МИНИСТЕРКАТА ЗА ТРУД И СОЦИЈАЛНА ПОЛИТИКА ЈОВАНА ТРЕНЧЕСКА И ПОТПРЕТСЕДАТЕЛОТ НА СДСМ ПЕРО КОСТАДИНОВ, ГРАДОНАЧАЛНИК НА ВАЛАНДОВО, ОПШТИНА СО НАД 10.000 ЖИТЕЛИ, БЛИЗУ СЕДУМ ПАТИ ПОМАЛА ОД ПРИЛЕП. ГИ СЕДНАЛЕ ПРИЛЕПСКИВЕ КООРДИНАТИВЦИ ЗА ДА ИМ КАЖАТ ШТО ТРЕБА ДА СЕ РАБОТИ ВО 4 ТАТА ИЗБОРНА ЕДИНИЦА. СЕДЕЛЕ И ЧЕКАЛЕ, ОТИ ПРЕТСЕДАТЕЛОТ НА ОО НА СДСМ ЗОРАН ПАЧЕШКОСКИ ДОЦНЕЛ НА СРЕДБАТА. СЕДЕЛЕ И МЕЃУ СЕБЕ ТИВКО НА ШЕГА СИ ВЕЛЕЛЕ: „СЕДЕТЕ И ЌУТЕТЕ. ЦАКИО ТРЕБА ДА ДОЈДИ. ЌЕ СЕДИМЕ, ЌЕ ЧЕКАМЕ, ОТИ ИМА КОГО ДА ГО ЧЕКАМЕ.“ СИ СЕДЕЛЕ ОВИЕ ПРИЛЕПСКИВЕ КООРДИНАТИВЦИ. СЕДЕЛЕ И ЧЕКАЛЕ И ОВАА МИНИСТЕРКАВА ТРЕНЧЕСКА, А БОГАМИ ДРЕМЕЛ И ЧЕКАЛ И ПОТПРЕДСЕДАТЕЛОТ КОСТАНДИНОВ. ТИЕ ИМААТ ВРЕМЕ ЗА ЧЕКАЊЕ И ЗА ТРОШЕЊЕ. АМА ЦАКИО НЕМА. ГО СЛУШАМ МУАБЕТОВ И СИ ВЕЛАМ – ОВИЕ ШТО ЧЕКАЛЕ СЕ „ЧУКНАТИ“ ИЛИ ЦАКИО Е ТОЛКУ ПАМЕТЕН И МОЌЕН ШТО МНОГУ МНОГУ НЕ ГИ ,,МАТИ“. НАКРАЈ СИ ВЕЛАМ: „АЛАЛ ДА ТИ Е ЦАКИ.ТАКА ТРЕБА!!!“ ВО ОВАА ПРИКАЗНА ИМА УШТЕ ЕДЕН МАЛ, АМА МНОГУ БИТЕН КУРИОЗИТЕТ. ВО ПОБЕДНИЧКИОВ ТИМ НЕ БИЛ СУГАРЕСКИ ОТИ ИЗГУБИЛ НА ЛОКАЛНИТЕ ИЗБОРИ. АМА Е ЗА ВО ВЛАДИНАТА КОМИСИЈА ЗА ОДЛУЧУВАЊЕ. А БЕ СЕ ЗНАЕ КОЈ Е ЗА ТРКИ ЗА ИЗБОРИ, КОЈ ЗА ФУНКЦИИ – пишува Момироски.

Уште две среќни приказни доаѓаат од Клиниката за гинекологија и акушерство оваа недела – информираат од оваа државна клиника на социјалните мрежи.

-По 52 дена дружење со докторите и со сестрите од Одделението за интензивна нега и терапија (ОИНТ), во средата Матеј го испративме дома.

Марта Јолевска го роди во 29-та гестациска недела со само 960 грама, а Матеј си замина од ГАК со 1900 грама.
Вчера пак и малата Тара си отиде дома по 48 дена престој на ОИНТ.

Оваа новородено исто така дојде на свет во 29-та гестациска недела, а си замина дома во прегратките на мајка му Назире Селмани со тежина од 1880 грама.

ЈЗУ У Клиника за гинекологија и акушерство – Скопје им посакува среќно детство и безброј насмевки да им измамуваат во своите најблиски – стои во објавата на оваа вест која никого нема да остави рамнодушен.

Вицепремиерот Фатмир Битиќи смета дека е погрешно прочитана листата на производи, поради тоа што одлуката има два дела, првиот дел е продукти кои спаѓаат во повластената тарифа, односно повластената даночна стапка од пет посто.

– Таму е дефинирано, за разлика од претходното дефинирање во Законот, до детали кои се продукти спаѓаат во повластената даночна стапка од пет посто. И понатаму на страна 46 од одлуката се вели повластената стапка од данокот на додадена вредност, се применува врз прометот на следните услуги. Има вкупно 358 продукти или царински тарифи со одредени продукти кои спаѓаат во новата стапка, од 10 посто, рече Битиќи.

Тој објасни дека ако има некакви пропусти на следната седница на Владата ќе бидат решени.

– Ако трговците и производителите различно ја прочитале или не е доволно јасна, некој не знае дали на пример кравјото сирење треба да влезе во пет или 10 посто, можеме истата да ја објасниме и на следната владина седница такви пропусти ако има да ги решиме. Мора да кажеме што е тоа што сметаме дека треба да го стимулираме. Граѓаните имаат навики на храна, но одредени продукти ако во овој момент сметаме дека треба да бидат во стапката од 10 посто, оставаме простор да се ревидира ако тоа е дел од секојдневната исхрана на граѓаните. Сметам дека може да има различно толкување на одредени царински стапки, на одредени продукти затоа што не е целосно јасно, вели тој.

Битиќи се согласува дека млечен премаз со висока масленост од овчо млеко треба да биде несекојдневен и треба да има стапка од 10 осто. Но, тој вели дека има простор јасно да се каже за кои продукти станува збор.

Вицепремиерот не знаеше да одговори зошто ајварот останува со 5 посто, а лутеницата со 10 посто. Тој не сакаше да навлезе во дефиницијата што е луксуз. Рече дека може да е пропуст и дека за десетина производи нема проблем да се направи измена.

За чипсот, гумите за џвакање, сладоледот, тој кажа оти спаѓаат во категоријата на нездрави производи затоа што има повисока шеќерна вредност и не смета дека е основен прехранбен производ.

За цвеклото како здрава храна и е со 10 посто, Битиќи додаде дека ќе се ревидира.

Во однос на цената ја јајцата и оризот тој кажа дека таа цена е поадекватна во овој временски период.

– Ние не ги носиме мерките на штета на едните или другите. Мораме да донесеме мерки кои што ќе ја ублажат кризата и нема да нанесат штета на производителите, рече Битиќи.

Не е вистина дека има зголемување на цената на над илјада производи, опфатени се 358 категории на производи, додаде тој.

– Маркетите треба да започнат од денеска да ги менуваат цените од производите. Веќе во вторник имаме закажано седница на влада и може да се ревидира одлуката. Не гледам голем проблем за корекција на десетина производи, кажа Фатмир Битиќи одговарајќи на новинарско прашање.