На 54-годишна возраст почина Метју Пери, актерот кој беше најпознат како Чендлер Бинг од серијата „Пријатели“.

Полицијата во Лос Анџелес ја истражува смртта на Пери, изјави за Си-Ен-Ен извор од органите за спроведување на законот. Во моментов нема сомневања за прекршоци, рече изворот, меѓутоа, инцидентот останува под истрага од страна на Одделот за грабежи-убиства на полицијата во Лос Анџелес.

Властите одговориле на повик околу 16 часот од неговиот дом, каде што бил пронајден во џакузи без знаци на живот. На местото на настанот не е пронајдена дрога. Според други извори, безживотното тело на Пери го пронашол неговиот асистент.

– Скршени од тага сме поради смртта на нашиот драг пријател Метју Пери. Метју беше неверојатно надарен актер и неизбришлив дел од семејството на телевизиската група на Ворнер Брос, се вели во соопштението на компанијата.

– Влијанието на неговиот комичен гениј се почувствува низ целиот свет, а неговото наследство ќе живее во срцата на многумина. Ова е ден што го крши срцето и ние ја испраќаме нашата љубов до неговото семејство, неговите најблиски и сите негови посветени обожаватели, додава Ворнер Брос.

Роден во Вилијамстаун, Масачусетс, од татко актер и мајка новинарка, Пери отиде да живее со мајка му во Отава, Канада, откако неговите родители се разделија.

Една од првите страсти на Пери бил тенисот и стана најдобро рангиран тенисер во Канада. Како и неговиот татко, и помладиот Пери развил интерес за глума откако како тинејџер се преселил во Лос Анџелес за да живее со него.

Првата забележлива улога на Пери беше мала улога во драмата „240-Роберт“ во 1979 година. После тоа, други битни улоги имаше во серии, вклучувајќи ги „Чарлс одговорен“ (Charles in Charge), „Сребрени лажици“ и „Шоуто на Трејси Улман“.

Неговата прва филмска улога беше додека беше во средно училиште, играјќи заедно со Ривер Феникс во филмот од 1988 година „Ноќ во животот на Џими Рирдон“. Годината пред објавувањето на филмот, Пери глумеше во ситкомот „Втори шанси“ (подоцна преименуван во „Момците ќе бидат момчиња“), за човек кој умира и се враќа на земјата за да го менторира своето помладо јас, кое го игра Пери.

Серијата не успеа да ја најде својата публика, но Пери продолжи да добива повеќе улоги од висок профил во ТВ проекти, вклучувајќи ги „Growing Pains“, „Who’s The Boss“ и „Beverly Hills, 90210“.

Но, улогата на љубезниот и саркастичен Чендлер во ситкомот „Пријатели“ во 1994 година го направи познат.

Во ноември 2022 година, тој објави мемоари со наслов „Пријатели, љубовници и големата страшна работа: Мемоар“.

Во него, Пери откри дека неговата злоупотреба на опиоиди довела до руптура на дебелото црево кога имал 49 години. Лекарите му дадоа два проценти шанса да преживее, напиша тој, и тој беше во кома две недели, а потоа уште неколку месеци во болница.

На актерот му биле направени 14 операции за да се поправат сите абдоминални оштетувања, а тој призна дека одел на рехабилитација 15 пати во текот на годините со надеж дека ќе ја ослободи од зависноста од дрога.

Пери беше во врска со книжевната менаџерка Моли Хурвиц во 2018 година, а парот се сврши во 2020 година. Тие ја прекинаа свршувачката во 2021 година, а Пери тогаш изјави: „Понекогаш работите едноставно не функционираат и ова е една од нив. На Моли и посакувам се најдобро“.

На 27.10.2023 на патниот правец Прилеп – Градско околу 00.30 часот патничко моторно возило „фолксваген голф 5“ не застанало на претходно издадени наредби од полициски службеници за сопирање на возилото и при тоа удрило еден од полициските службеници.

Од страна на полициските службеници биле испукани куршуми, но возилото не застанало и го напуштило местото.

Подоцна возилото е пронајдено. Се преземаат мерки за расчистување на случајот – информираат од МВР.

Во својата неделна колумна на Радио Пела, новинарот Момироски најави голема бизнис буна со кривични пријави и барања за оштета против сите инволвирани во проектот за реконструкција на улицата “Леце Котески”.

– ГОЛЕМА БИЗНИС БУНА СЕ СПРЕМА СО КРИВИЧНИ  ПРИЈАВИ И СО БАРАЊА ЗА ОТШТЕТА ПРОТИВ СИТЕ ИНВОЛИВИРАНИ ОД АПЛИЦИРАЊЕ ДО РЕАЛИЗИРАЊЕ  НА  ЗАПОЧНАТАТА  РЕКОНСТРУКЦИЈА НА УЛИЦАТА „ЛЕЦЕ КОТЕСКИ“. ОВА ВЕЛАТ НЕ ЛИЧИ НИ НА СОКАК НИ НА МАЛСКА УЛИЧКА, А ЗА СОВРЕМЕН ВЛЕЗ И ИЗЛЕЗ НА ПРИЛЕП КОН КРУШЕВО МОЖЕ САМО ДА СЕ СОНУВА. ЗГОРА НА ТОА ШТО ПРОЕКТОТ E ЦЕЛОСНО УТНАТ КАКО ЗА СЕГАШНИ И ИДНИ  ПОТРЕБИ, САМАТА ГРАДЕЖНА АКТИВНОСТ Е ВОН СТАНДАРНА И НЕ Е ПРОФЕСИОНАЛНА. ТОКМУ ПОРАДИ ВАКВИТЕ ПРОПУСТИ УШТЕ СЕГА СИТЕ ФИРМИ И НАСЕЛЕНИ МЕСТА КОИ  ГРАВИТИРААТ КОН ОВОЈ ДЕЛ ОД ПАТОТ БЕЛЕЖАТ ОГРОМНИ  ЗАГУБИ. НАМЕСТО НОВОТО СООБРАЌАЈНО РЕШЕНИЕ  ДА ПОНУДИ НОРМАЛЕН  УСЛОВ ЗА ЕФИКАСЕН И БЕЗБЕДЕН СООБРАЌАЈ И ДА ГАРАНТИРА ПРИСТАПНОСТ, БРЗИНА И ЕКОНОМИЧНОСТ, СИТЕ СЕ ЧУДАТ КОЈ „МАЛОУМНИК“ ПОБАРАЛ  ВАКВО ПРОЕКТ РЕШЕНИЕ!?! И КОИ УШТЕ ПОГОЛЕМИ „МАЛОУМНИЦИ“ СЕ ПРАВАТ НА МУТАВИ  И СИ МОЛЧАТ, А ПРИТОА СО МАЛИОТ ПРСТ НЕ  САКААТ ДА  МРДНАТ ЗА ДА СЕ СПРЕЧИ ОВАА УРБАНА  КАТАСТРОФА – ПРАШУВААТ  БИЗНИСМЕНИТЕ ОД ОВОЈ ДЕЛ НА ГРАДОТ?!? ВО НИВНОТО ОТВОРЕНО ПИСМО МЕЃУ ДРУГОТО СТОИ: „ПОДОЛГО ВРЕМЕ СО МЕСЕЦИ СЕ СООЧУВАМЕ И СО НЕСТРУЧНО ИЗВЕДУВАЊЕ НА ГРАДЕЖНИТЕ РАБОТИ, НО И СО ПРЕДВИДЕНИТЕ РОКОВИ, НАЧИНОТ И ТЕКОТ НА САМИТЕ  ГРАДЕЖНИ РАБОТИ КОИ СЕ ИЗВЕДУВААТ НА ЦЕЛАТА ОПЕРАТИВА КОЈА НА          2 .130 МЕТРИ СКОРО 10 МЕСЕЦИ ЌЕ ГО ОНЕВОЗМОЖИ ПРИСТАПОТ ДО НАШИТЕ ДЕЛОВНИ ОБЈЕКТИ. ОСОБЕНО ШТО НАЈГОЛЕМ ДЕЛ ОД БИЗНИСОТ Е ПРЕКУ ТРАНСПОРТ НА НАШИТЕ ПРОИЗВОДИ СО ТЕШКИ ТОВАРНИ ВОЗИЛА. А, ШИРИНАТА НА УЛИЦАТА НЕ ГИ ЗАДОВОЛУВА СТАНДАРДИТЕ НА РЕГИОНАЛНА УЛИЦА ИЛИ РЕГИОНАЛЕН ВЛЕЗ И ИЗЛЕЗ ВО ГРАД. ОВА Е СТРАМ  ЗА МИНИСТЕРСТВОТО ЗА ТРАНСПОРТ И ВРСКИ И ЗА ЛОКАЛНАТА САМОУПРАВА. ОВА Е СТРАМ ЗА ГРАДОТ! “И  ПОКРАЈ СИЛНИТЕ РЕАКЦИИ  СИТЕ  ПРОДОЛЖУВААТ ДА МОЛЧАТ И НАДЛЕЖНИ ИНСТИТУЦИИ, ПА ДУРИ  И НОВИНАРИ И ГРАЃАНИ.

Целата колумна можете да ја прочитате ТУКА.

Извор: Радио Пела

Израелските одбранбени сили објавија „итна порака за жителите на Газа“ каде што ги повикуваат цивилите од северниот дел на Газа привремено да се преселат на југ.

„Движете се на југ за своја безбедност“, рече портпаролот во видео пораката.

„Ова не е само мерка на претпазливост, ова е итна молба“.

An urgent message for the residents of Gaza: pic.twitter.com/GAW3a7lWt8

— Israel Defense Forces (@IDF) October 28, 2023

На 26.10.2023 година во просториите на ресторан Центар во Прилеп од 12:00 до 13:30 часотсе одржа дисеминација на проектот ChemDM – Chemical Dancing Models (Хемиски танцувачки модели) во рамките на ERASMUS + програмата, финансиски поддржан од Европската Унија и менаџиран од Националната агенција за европски образовни програми со мобилност од 01-11-2021 до 01-11-2023 год. во рок од 24 месеци.

Дисеминацијата беше организирана и спроведена од страна на професорите кои беа вклученни во проектниот тим, Ружа Ангелеска – професор по хемија, Христина Манческа – професор по хемија, Кети Ефремоска Наумоска –професор по англиски јазик, воедно и локален координатор на проектот, со поддршка на директоката на СОУ Гимназија „Мирче Ацев“ – Прилеп, Весна Михаиловска.

На настанот беа поканети и присутни гости, директори и наставници од сите локалниосновнни и средни училишта од Прилеп, како професори по хемија и биологија од ОСМУ„Д-р.Јован Калаузи“ од Битола и СОУ Гимназија „Добри Даскалов“ од Кавадарци, претставници од подрачно одделение на Бирото за развој на образованието и претставнинци од локалната самоуправа.

Истовремено настанот беше следен виртуелно преку програмата „Zoom“ од страна на гости од ПМФ-институт за хемија Скопје и професори по хемија од други градови кои не беа во можност физички да присуствуваат.

На дисеминацијата присутните беа запознати со основните информации за проектот, за партнер училиштата од земјите учесннички и мотивот,идејата, целите како и чекорите на имплементација за овој проект.

Главната цел на овој проект беше дигитално трансформирање на образовните методи и содржини во четирите средни училишта кои учествуваат во проектот преку креирање и имплементација на нова наставна програма во наставниот процес со која ќе се развиваат дигитални вештини и компетенции на наставниот кадар и на учениците, на присутните им беше поделен примерок од настваната програма со прирачник во печатена форма и УСБ-стик. во електронска форма, со надеж дека програмава и прирачникот ќе најдат свое место во подобрување на методите за совладување на содржините по хемија, биохемија и други природни науки во овој виртуелен свет, а воедно ќе го поттикнат БРО, МОН и сите засегнати структури, за понатамошно усовршување на програмите, и нивна имплементација за почеток како факултативен предмет.

Процентот на возрасни Италијанци кои живеат со своите родители одамна е доста висок, а една мајка била принудена да преземе драстични мерки откако нејзините два сина – и двајцата во четириесеттите години – одбиле да ја напуштат удобноста на семејниот дом.

Неименуваната жена, која има 75 години, од градот Павија, е уморна од тоа што мора да ги издржува своите синови од 40 и 42 години и во неколку наврати се обидела да ги убеди да започнат самостоен живот, особено што се вработени.

„Но, никој не сакаше да слушне ништо за тоа!“, рече таа, според извештајот во локалниот весник La Provincia Pavese.

На мајката ѝ пречело и тоа што нејзините синови не придонесувале ниту за домашните трошоци, ниту за домашните обврски. Така таа ги однела на суд, што кулминирало со пресудата на судијката Симона Катерби, која сочувствувала со нејзината мака и издала наредба за иселување на мажите.

Во пресудата се наведува дека иако на мажите сè уште живеат дома првично им била гарантирана „родителска обврска да дадат поддршка“, тоа повеќе не е оправдано со оглед на фактот дека тие се постари од 40 години. Мажите имаат рок до 18 декември да се иселат.

Речиси 70 отсто од луѓето во Италија на возраст меѓу 18 и 34 години сè уште живеат во исто домаќинство со своите родители, според податоците од 2022 година, односно 72,6 отсто од мажите и 66 отсто од жените.
Студија од 2019 година покажа дека од младите кои живеат дома, 36,5 отсто се студенти, 38,2 отсто имаат работа, а 23,7 отсто бараат.

Иако отсекогаш постоела култура на повеќе генерации кои живеат под еден покрив во Италија, бројот на млади луѓе кои остануваат подолго во семејниот дом е зголемен во последните години, главно како резултат на тешките економски услови и долгото време потребно за да се најде стабилна работа.

Иако наредбата за иселување на наследниците е ретка, во Италија има случаи кога родителите биле изведени на суд од нивните возрасни деца кои сè уште очекуваат финансиска поддршка, пренесува РТС.

Во еден случај, во 2020 година, италијанскиот Врховен суд ја одби жалбата на 35-годишен музичар кој тврдеше дека неговите приходи од 20.000 евра не се доволни за живот и дека му требаат пари од родителите. Неговиот случај беше отфрлен, со судската одлука дека младите немаат автоматско право на финансиска поддршка од нивните родители.

Денеска (28.10.2023) полициски службеници од Бирото за јавна безбедност во координација со ОЈО Скопје, по претходно добиени оперативни сознанија и наредба за претрес од Основен кривичен суд Скопје, извршија претрес во Казнено поправната установа Идризово, во полуотворено одделение, при што се пронајдени 63 мобилни телефони, 82 ножа, 4 шила, 71 полнач за телефони и дрога.

При преземањето службени дејства, се собрала поголема група затвореници која пружила активен отпор, но биле совладани по преземени мерки и активности. При тоа, со повреди се здобиле 10 полициски службеници, а со повреди се здобиле и дел од затворениците. По документирање на случајот, ќе бидат поднесени соодветни поднесоци.

Ракометарите на РК Прилеп го забележаа и шестиот пораз сезонава, откако синоќа загубија на домашен терен од екипата на Пролет со 19:22 (11:13 на полувремето).

Прилепчани одиграа изедначен натпревар, во кој резултатот беше во егал речиси до последната четвртина од натпреварот, но при резултат 17:17, гостите направија разила од 4:0, па за момците на Боби Мојсов новиот пораз беше неминовен.

Домашната публика навикна на головите на Владан Кастратович кој и синоќа беше одличен со 8 погодоци, но недостасуваше помош од останатите соиграчи.

Со овој нов пораз РК Прилеп полека го губи чекорот за пласман на едно од првите четири места, кои водат во плеј-оф разигрувањето.

Во наредното коло прилепчани му гостуваат на Вардар во Неготино.

На 27.10.2023 во 16.33 часот во СВР Битола е пријавено дека на локалниот пат за с.Грешница, Македонски Брод кај место викано „Каменица“ се случила сообраќајна несреќа помеѓу патничко моторно возило „голф“ со регистарски ознаки од Македонски Брод, управувано од Л.П.(67) од с.Модриште, Македонски Брод, а во кое сопатничка била Л.П.(67) и патничко моторно возило „сузуки“ со кичевски регистарски ознаки, управувано од С.Н.(58) од Македонски Брод, во кое сопатничка била М.Н.(44).

По несреќата возачот С.Н., неговата сопатничка М.Н. и сопатничката во другото возило Л.П. се пренесени во болница во Прилеп каде од лекар на Л.П и се констатирани тешки телесни повреди, а на С.Н и М.Н. им се констатирани телесни повреди.

Увид на местото на настанот извршила екипа од Полициска станица Македонски Брод.

Генералното собрание на Обединети нации синоќа со 120 гласа „за“, 14 „против“ и 45 „воздржани“, усвои Резолуција со која се повикува на итно хуманитарно примирје во Појасот Газа. „против“ беа 14 земји, меѓу кои Израел и САД, а 45 беа „воздржани“.

Од нашиот регион, Словенија, БиХ и Црна Гора гласаа „за“ резолуцијата, Хрватска беше „против“, додека Србија, Албанија, Македонија, Бугарија и Грција беа „воздржани“.

Во резолуцијата, на предлог на Јордан, а во името на арапските држави, се осудуваат сите акти на насилство против палестинските и израелските цивили, како и терористичките и неселективни напади. Резолуцијата нема обврзувачки карактер, но затоа има политичка тежина.