Вредноста на Синдикалната кошничка за август 2023 година изнесува 49 345 денари, соопшти Сојузот на синдикатите на Македонија (ССМ).
Како што наведува ССМ, иако се намалува инфлацијата од месец за месец и за јули изнесува 8,3 отсто, сепак минималната кошница е зголемена од предходниот месец јули за 725 денари.
-Тоа зголемување го трпат работниците и граѓаните во оваа држава најголемо зголемување има кај исхраната и пијалоците за 1,9 отсто, оценува Сојузот.
Aмбициозниот тим на РК Прилеп, новата сезона во ракометната Супер лига ќе ја започе утре со дуел против РК Бутел. Натпреварот против екипата од Скопје прилепчани го играат со почеток од 19ч, а локацијата одново е спортската сала во СОУ “Ристе Ристески-Ричко”.
Прилепчани сезоната ја почнуваат со нов спонзор и со повеќе засилувања, а тука се и неколкумината искусни играчи, кои останаа да ги бранат клубските бои предводени од капитенот Филип Велески.
Во изјава за “24Ракомет”, Велески ги сподели размислувањата за новата сезона:
Тој вели дека очекува со поддршка од публиката сезоната да ја започнат со победа. Исто така капитенот ја потенцира одличната атмосфера која владее во тимот, а за новајлиите вели дека одлично се вклопиле во новата средина. Велески истакна дека тимот е комплетен, а желбата за докажување која владее во таборот на прилепчани и добрата одбрана, ќе бидат клучни за прв триумф.
Утре, на 11-ти септември, Православната црква и нејзините верници го одбележуваат обезглавувањето на Свети Јован Крстител, празник познат и како есенски ден на Свети Јован.
Овој празник е сеќавање на неговото страшно страдање, ден на строг пост, без оглед дали е среда или петок или не (во некои делови, ништо не се јаде дури додека не се стемни), а во црковниот календар е обележан со црвена буква.
Јован постојано ги проповедал позитивните животни принципи и жестоко го критикувал неморалот, лагите и развратот, кои во тоа време во Римската империја го достигнале својот врв. Посебно на удар на неговите критики бил управникот на Галилеја Ирод Антипа. Тоа е синот на стариот Ирод оној што наредил да се заколат сите деца во Витлеем, во времето кога требало да се роди Исус Христос, за со нив да биде погубен и Спасителот. Ирод Антипа бил оженет со ќерката на еден арапски кнез по име Арета. Но тој, таков поган каков што бил и од погано семејство, ја истерал својата законита жена и се оженил со својата снаа Иродијада, жената на својот брат Филип кој бил жив. Иродијада со себе ја довела и својата ќерка од првиот брак Саломија. Тоа не го дозволувале ниту законите на Мојсеј, а Јован жестоко го критикувал. „Не ти личи да ја земеш жената на брат ти“, му велел на царот. Затоа Ирод решил да му се освети. Се плашел да го убие зашто целиот народ го почитувал за пророк, но го ставил во затвор за да го заплаши.
Особено лута и осветољубива била Иродијада. И таа чекала прилика да му се освети. Еднаш кога Ирод организирал прослава на својот роденден со присуство на мноштво народ, меѓу кои и највидните државни првенци, кога обилно се пиело вино, кога се играло и пеело, одеднаш се појавила Саломија, ќерката на Иродијада, која што со својата игра толку го занесла Ирод што тој и ветил дека во тој момент ќе и исполни секаква желба, ќе и даде се што ќе посака, дури да се работи за половината од царството. Саломија не знаела што да посака, па отишла да се посоветува со својата мајка. Пакосната мајка што долго го чекала овој час веднаш и рекла да ја побара главата на Свети Јован. Кога Саломија тоа му го соопштила на Ирод тој се изненадил, но ветувањето дадено пред многу народ го обврзувало и морал да го исполни.
За кусо време девојката ја имала на послужавник глава на Свети Јован која ја предала на својата мајка, а оваа пак не задоволувајќи се со тоа, му го бодела со игла јазикот што зборувал за нејзиниот неморал. Телото на светителот го зеле неговите ученици и го погребале, а главата пакосната Иродијада ја закопала на некое нечисто место, во дворецот на Ирод. Се плашела дека ако главата и телото бидат на едно место можело да се служи пророкот да воскресне. Меѓутоа една благочестива жена на дворот на Ирод не можела да трпи главата на пророкот да биде закопана на нечисто место, па ја откопала тајно, ја однесла во Ерусалим и ја погребала на Елеонската Гора. Царот Ирод кога разбрал дека Исус лекува болни воскреснува мртви и прави чуда, мачен од сопствената совест, си помислил дека пророкот Јован воскреснал. Некои мислеле дека тоа е пророкот Илија други дека е некој друг пророк, а царот Ирод бил убеден дека е токму Јован кому што тој наредил да му ја пресечат главата. Народот бил сведок дека сите што биле заслужни за погубувањето на пророкот ги стигнала заслужената казна. Ирод ја загубил битката со арапскиот цар Арета, таткото на неговата прва жена кој сакал да ја измие навредата и да ја поврати честа на својата ќерка. Бил испратен на заточение заедно со Иродијада, каде што во навреди и понижувања двајцата ги завршиле животите. И Саломија не останала неказнета. Таа се удавила во реката.
На празникот Отсекување на главата, треба да се пости, и никогаш да не се јаде и да се пие нешто црвено, бидејќи тоа потсетува на пролеаната крв на Свети Јован Крстител. Исто така, не треба да се работи тешка работа.
60 екипи и над 800 деца од генерациите 2011, 2012, 2013, 2014, 2015 и 2016 од денеска до недела, ќе се натпреваруваат на фудбалскиот турнир “Евро Гол – Македонија Куп”, кој вечерва на спектакуларен начин беше отворен на “Могилата на непобедените” во Прилеп.
На фудбалските натпревари им претходеше огномет, а свои настапи имаа играорци од КУД “Мирче Ацев” и гимнастичарите од КГС “Партизан- Соколи” Прилеп. Додека главни ѕвезди на вечерта беа децата од “Дајте музика”, кои одржаа одличен концерт пред стотици присутни.
Еден прекрасен настан кој престојниов викенд треба да се посети. Овие детски екипи заслужуваат поддршка, а кој знае, можеби еден ден токму од овие екипи ќе проникнат идни репрезентативци и македонски спортски амбасадори.
Сатницата и распоредот на натпреварите можете да ги погледнете ТУКА
На 07.09.2023 во 16.40 часот во СВР Битола, А.Н.(44) од Битола пријавила дека во 03.00 часот во казино во Битола, каде била вработена, по претходна расправија, била физички нападната со тврд предмет од нејзината колешка И.Д.(21) од Битола.
Се преземаат мерки за расчистување на случајот – информираат од СВР Битола.
На 08.09.2023 во 09.20 часот во Полициска станица Прилеп е пријавено дека во Прилеп е нарушен јавниот ред и мир со физичка пресметка помеѓу М.К.(63) и Д.Р.(40), двајцата од Прилеп.
Се преземаат мерки за расчистување на случајот – информираат од ОВР Прилеп.
Претседателот на Владата Димитар Ковачевски, се обрати и со видео порака, во чест на денешниот голем државен празник 8 Септември, со којашто на сите граѓани во државата го честита Денот на независноста.
„Денешниот 8 Септември, денот на независноста на Република Северна Македонија го дочекуваме во напредна држава, членка на НАТО и држава со реални перспективи за членство во Европската Унија до 2030 година. На овој датум, пред 32 години, огромно мнозинство од граѓаните се изјаснија дека сакаат да живеат во независна, самостојна, суверена и прогресивна држава. Генерациите од 1991-та година, ги водеше гласот за слобода, државност и интеграција, што одекнува од Илинден 903-та и АСНОМ 44-та година. И тие одговорија со граѓанска и политичка одговорност кон аманетот и перспективите“, рече Ковачевски.
Како што вели, 32 години по прогласената независност на нашата Република, Гласникот на слободата, 8 Септември, денес бара слух од сите нас, за континуиран развој.
„Денешниот 8 Септември повикува на слободно одлучување како демократска должност, за подобар живот на сегашните и идните генерации. Со разумни и храбри одлуки нашата држава дојде до независност по мирен пат и притоа ја сочува унитарноста. Воведовме своја државна валута. Знаме. Химна. Станавме членка на Обединетите нации. Надминавме воен кофликт. Станавме членка на НАТО. Отпочнавме преговори со Европската Унија. Денес живееме во држава со осигурани територијални граници. Со признаен македонски јазик и македонски идентитет. Држава којашто е пример за почитување на човековите права, како успешна, мултиетничка и мултикултурна функционална демократија. Европа во мало“, додаде Ковачевски и додаде:
„Ако некогаш било вистинското време: да го обезбедиме животниот стандард што го посакуваме, квалитетот на живот што го заслужуваат нашите млади, да живееме во земја во којашто владее функционално право, во еколошки чиста, зелена средина, енергетски независна држава, со конкуретно земјоделство, со шанси за пристап до европскиот пазар од половина милијарда луѓе – тоа е денес. Интеграцијата во ЕУ за нас дома значи уште погoлeми плати, нови работни места и поголем избор, повеќе современи градинки, училишта и болници, многу поголема државна поддршка за домашните претпријатија, уште повеќе странски инвестиции. Граѓаните денес сакаат да живеат во ваква, современа држава, којашто е дел од Европската Унија. Почитувани граѓани – нека ни е честит и вековит 8 Септември – Гласник на слободата!” истакна Ковачевски.
Колумната со наслов “ВО ПРИЛЕП НЕ Е ПРОБЛЕМ, А СЕ’ Е ПРОБЛЕМ”, на која автор е новинарот Зоран Момироски, а неделно се објавува на Радио Пела, стана дефинитивно текст кој со нетрпение го исчекуваме.
Овој пат како дел од колумната тој сподели една интересна комуникација помеѓу двајца партиски активисти на СДСМ:
– ДЕКА РАБОТАТА Е ТРГНАТА ВО НЕПОВРАТ МИ ПОТВРДУВА ЕДНА ФБ КОМУНИКАЦИЈА КОЈА ЈА ВОДАТ ДВАЈЦА ПОЗНАТИ ПРИЛЕПСКИ ЧЛЕНОВИ НА СДСМ НА ТЕМА – ЦАКИО. ЕДНИОТ МУ ПИШУВА НА ПЕЛАГОНИСКИОТ КООРДИНАТОР НА СДСМ АЛЕКСАНДАР ЦУЦУЛОСКИ ОД БИТОЛА: НАШИОВ ПРЕТСЕДАТЕЛ, МИСЛИ НА ЗОРАН ПАЧЕШКОСКИ – ЦАКИО, НАЈМНОГУ ШТО ДОСЕГА ИМА СРАБОТЕНО Е САМО ЛИЧНИОТ ИНТЕРЕС. КООРДИНАТОРОТ БАРА ПРИМЕРИ ЗА АРГУМЕНТИРАЊЕ НА КВАЛИФИКАЦИИТЕ. ЗА ПОТОА, НА ОВА ОВОЈ АЛЕКСАНДАР ЦУЦУЛОСКИ ДА МУ ОДГОВОРИ НА ЧЛЕНОТ НА СДСМ: БРАТ, НЕ ГО ПОЗНАВАТЕ ЦАКИО! ЗОРАН ПАЧЕШКОСКИ Е СПРЕМЕН ДА ЈАДИ САМО ЛЕБ И МАРГАРИН ЗА ПАРТИЈАТА. ТОЈ, МИСЛИ НА ЦАКИО, Е СПРЕМЕН И ДА СЕ САМОРАЗНЕСИ ЗА СДСМ! ЈА ЧИТАМ ОВАА КОМУНИКАЦИЈА И НЕ МОЖАМ ДА ПОВЕРУВАМ ШТО ПИШУВА ЕДЕН КООРДИНАТОР НА РЕГИОН. САМ ВО СЕБЕ СИ ПОСТАВУВАМ ПРАШАЊЕ: КОЈ КОГО ПРАВИ БУДАЛА ВО ОВАА КОМУНИКАЦИЈА?! АЛО, КОМУНИКАЦИЈА ВО 21 ВЕК!!! ПА УШТЕ ГЕНЕРАЛНИОТ ДИРЕКТОР НА ТУТУНСКИ КОМБИНАТ БИЛ СПРЕМЕН ДА ЈАДЕЛ ЛЕБ И МАРГАРИН ЗА ПАРТИЈАТА И КАКО МУЏАХЕДИН ДА СЕ САМОРАЗНЕСЕ ЗА СДСМ?!?! ОВДЕ НЕДОСТИГА УШТЕ ТОА ЗА ОВОЈ АЛЕКСАНДАР ДА КАЖЕ ПО ЧИЈА НАРЕДБА ЦАКИО БИ ОБЛЕКОЛ ЕКСПЛОЗИВЕН ЕЛЕК, БИ ГО АКТИВИРАЛ И БИ СЕ САМОРАЗНЕСОЛ…
Двајца прилепчани, татко и син синоќа загинаа во пожар што избувнал во нивниот семеен дом на улицата „Цане Илиоски број 87а“ во Прилеп.
Пожарот во надлежните служби бил синоќа пријавен околу 21,45 часот.
– Околу 22 часот синоќа добивме пријава за пожар за запалена куќа на улицата „Цане Илиески“ број 87а“. За гаснење на пожарот интервениравме со три возила и девет пожарникари. Опожарени беа дел од катот на куќата – дневна просторија и кујна. Затекнато е едно изгорено лице, а другото лице, задушено од чадот извлечено е надвор од куќата и предадено на службата за Итна помош каде е констатирана смрт. Двете лица се на возраст од 60-тина и 80-тина години. Лицата пред да стигнеме веќе биле починати, вели Кристијан Момироски, командир на противпожарната единица од Прилеп.
Едниот прилепчанец бил затекнат во дневната просторија и целосно изгорен, а другиот во претсобјето и се задушил.
Пожарот е изгаснат и е спречено да се прошири на другиот кат и на соседните куќи.
Увид на местото на пожарот направија полицијата и основен јавен обвинител. Се врши истрага за да се откријат причините за пожарот и трагедијата. На лице место беше и екипата на службата за Итна помош која ја констатирала смртта на двајцата прилепчани
-Синоќа околу 21,45 часот добивме повик во Итната помош од полицијата која беше на терен дека има опожарена куќа. нашата екипа на лице место дозна дека во куќата има две лица кои не се извлечени. На пожарникарите им требаше околу 20 минути да стигнат до телата. Едното тело беше целосно опожарено, а другото делумно. Првично од ситуацијата која ја видовме, сигурно дека двете лица се имаат задушено од чадот. Еден од луѓето што живее таму ни кажа дека биле подвижни, но останале во куќата да го гаснат пожарот. Во куќата живееле тројца, од кои едниот излегол да побара помош. Викал по нив да излезат, ама тие останале во куќата да го гаснат пожарот. Ние ја утврдивме смртта, а потоа надлежност презеде основниот јавен обвинител, ни изјави Даниел Аврамоски началник на службата за Итна помош- Прилеп
Сосетка потврди дека во куќата живееле тројца, татко со двајца синови. Обдукцијата телата на загинатите ќе ги утврди причините за смртта, а надлежни инспектори ќе ја вршат истрагата за причината за пожарот.
Утрово куќата ја посети и градоначалникот Јовчески кои изрази сочуство за трагедијата и двата загубени животи на нашите сограѓани. Тој најави дека Локалната самоуправа на Општина Прилеп со сите свои капацитети и можности, ќе даде максимална поддршка.
Општина Македонски Брод, на пригоден начин одбележа 79 години од ослободувањето. Одбележувањето започна со посета на првачињата на кабинетот на Градоначалникот, за да продолжи со положување цвеќе на спомениците на паднатите борци.
Потоа во Домот на културата беше одржана свечена академија, на која беа доделени плакети на заслужни граѓани.
Во рамките на свечената академија беше поставена и изложбата ” 120 години од Илинденското востание”. Свеченоста беше завршена со пригоден коктел.
