СДСМ во изминатите шест години сериозно инвестира во унапредување на образованието, како во човечкиот капитал, така и во подобри услови за одржување на наставниот процес, велат од партијата.

„Платата на наставниот кадар во изминатите шест години владеење на СДСМ е покачена за 55 отсто.

Освен во платите, инвестираме и во инфраструктурата во образованието, реконструирани и изградени се над 80 основни и средни училишта.

Продолжуваме со капитални инвестиции и вложувања во подобри инфраструктурни услови за образование, како еден од врвните приоритети“, истакнуваат од партијата на власт.

СДСМ, како што додаваат, работи на достоинствено вреднување на трудот на наставниците, создава современо образование за секое дете, која ќе ја движи државата напред.

Снег предизвика потешкотии на возачите на патиштата во високите места во источна Турција, а од машините за чистење снег веќе работат, пренесе БТА повикувајќи се на турската телевизија Си-Ен-Ен-Турк.

Во источниот дел на округот Ван падна првиот снег сезонава.

Снежните врнежи и маглата го отежнаа сообраќајот на превојот Карабет на надморска височина од три илјади метри. Надлежните ги предупредуваат граѓаните да бидат внимателни.

Првиот снег веќе падна во областа на популарниот турски ски-центар Паландокен во источниот округ Ерзурум, јави агенцијата Анадолија.

Врнежи од снег на повисоките места и обилни врнежи од дожд во пониските области беа пријавени и во Хакјари, југоисточна Турција. Бела покривка се формира и на врвовите на локалната планина Сумбил.

По Штип, Битола, Велес, Прилеп и Кочани песните од проектот „Македонијо во срце те носиме“ синоќа се пееја во Тетово на Градскиот плоштад.

Проценките се дека тетовчани ги урнаа сите рекорди на посетеност. Една прекрасна атмосфера за која тетовчани уште долго ќе раскажуваат.

Еве дел од атмосферата:

„Во 2022 ја донесовме методологијата која сите пензионери ја поздравија и рекоа „да, тоа е систем кој носи до поголеми пензии. Секоја година се усогласува со 50 отсто од трошоци за живот и 50 отсто од порастот на просечната плата. Усогласувањата во март и септември се речиси 14 отсто,“ истакна Тренчевска во емисијата „Што мисли Народот“ на ТВ Стар.

Министерката праша зошто 5000 денари и зошто минимална пензија 20.000 денари. И дали пензионерите кои протестираат имаат направено анализа.

„5000 денари линеарно покачување значат 330 милиони евра на годишно ниво само за покачувањето. Плус за редовната исплата на пензиите. Дали е реално кога се соочуваме со наследен дефицит на фондот за пензиско, којшто од година на година го намалуваме, да го оптовариме со 330 милиони евра и доведеме во прашање исплатата на сегашните и идни пензионери!“ рече Тренчевска.

Министерката посочи дека пораст на пензиите од 24 отсто за година и половина е историско. Како и дека во 2022 година на сите 336 илјади пензионери се даде по 3000 денари, и за оние со пониски пензии по 6000 и 3000 денари како поддршка за најранливите.

„Денес имаме демократија и секој може да излезе на протест што не беше случај со претходната власт. Лидерот на опозицијата кога го прашаа што би направил за пензионерите, рече дека ќе разговара со пензионерите. Нешто што ние од почеток го правиме.“ посочи Тренчевска.

Министерката потенцираше дека пензијата е економска категорија и дека висината на пензијата зависи од должината на работниот стаж и висината на примањата за време на работниот стаж.

„Оние пензионери кои денес земаат 13.200 денари, најголем дел од нив на решението за пензија им пишува дека оствариле 4000, 5000 …9000 денари, меѓутоа заради солидарниот систем, државата донела гарантирана минимална пензија која е во моментов 13.200 денари и разликата од тоа што го оствариле до минималната пензија државата го обезбедува,“ истакна Тренчевска.

Таа се осврна на минималните пензии во регионот, па посочи дека во Хрватска таа изнесува околу 160 евра, а во Србија 10.800 денари.

„Оваа Влада се грижи за пензионерите. Повторно ќе донесеме пакет мерки каде што ќе бидат таргетирани пензионерите со ниски пензии. Меѓутоа нема да се нанесе штета на стабилноста на пензискиот фонд,“ посочи таа.

Децата од предучилишна возраст од општините Босилово и Ново Село добија современ едукативен центар и безбеден простор за социјализација и игра. Членовите на локалната заедница, компании од приватниот сектор, локални граѓански организации и Агенцијата на САД за меѓународен развој (УСАИД) преку Програмата за развој на заедницата ги здружија своите сили во поставување и опремување нов предучилиштен едукативен центар „Огражденски пеперутки“ кој се наоѓа во селото Радово, општина Босилово. Едукативниот центар има капацитет за околу 20 деца со можности за негово проширување во иднина.

Амбасадорката на САД во Македонија, Н.Е. Анџела Агелер, и ВД. Директорот на Канцеларијата на УСАИД за економски развој, г. Кристофер Доџ, ги посетија децата во едукативниот центар и разговараа со градоначалникот на општина Босилово, г. Ристо Манчев, и жителите за предизвиците со кои тие се соочуваат и како истите може да се надминат. Амбасадорката Агелер ја истакна важноста на соработката помеѓу локалните актери за решавање на локалните приоритети и стимулирање на економскиот развој во руралните средини.

Од почетокот на септември, околу 20 деца од регионот се запишаа во едукативниот центар каде секојдневно имаат пристап до предучилишно образование, дружење и игра со своите врсници што влијае на зголемување на квалитетот и опфатот на образованието во руралните заедници. Со тоа, мајките на овие деца сега можат поактивно да пристапат кон пазарот на трудот и да се вклучат во локалната работна сила. Се очекува овој предучилиштен едукативен центар да има позитивно влијание врз намалување на миграцијата поради тоа што семејствата ќе можат да ги најдат потребните образовни и згрижувачки услуги во својата заедница наместо истите да ги бараат во поголемите, урбани центри.

Преку вакви активности, УСАИД ги поддржува и поттикнува локалните актери од јавниот, приватниот и граѓанскиот сектор да осмислуваат, финансираат и имплементираат иницијативи што ги бараат граѓаните како решенија на локалните предизвици. Центарот „Огражденски пеперутки“ е поддржан на Програмата на УСАИД за развој на заедницата, имплементирана од Мрежата за рурален развој на Северна Македонија во соработка со ЛАГ Беласица-Огражден, која ја опфаќа територијата на општините Босилово, Василево, Ново Село и Струмица, како и останати четири Локални акциски групи од регионот.

Maркукуле дознава дека вечерва инспектори на Управата за јавни приходи од повеќе градови го “чешлаат” Прилеп.

Граѓани информираат дека инспекторите биле групирани во десетина групи и го проверуваат работењето на прилепските угостители и дуќанџии, а неофицијално изречени се и повеќе казни.

Повеќе информации очекуваме во текот на утрешниот ден.

Основното јавно обвинителство Битола поведе постапка против едно лице за кое постои основано сомнение дека сторило кривично дело – Насилство од член 386 став 3 во врска со став 1 од Кривичниот законик.

На 30 септември, во кафе бар на улицата „Генерал Васко Карангелевски“ во Битола, осомничениот извршил грубо насилство и ја загрозил сигурноста на едно лице.

Додека оштетениот седел на маса во угостителскиот објект, осомничениот му се приближил и без повод и причина започнал да го удира со тупаници по главата, нанесувајќи му телесни повреди. Потоа подигнал стол и се обидел да го фрли кон оштетениот, но бил спречен.

Со насилството предизвикал вознемиреност и кај останатите присутни гости во објектот.

Јавниот обвинител до судијата на претходна постапка од Основниот суд Битола достави предлог за определување мерка притвор спрема осомничениот. Судијата го прифати предлогот и донесе решение со кое определи притвор во траење од осум дена.

Ако досега се двоумевте на кого да му ја доверите доставата на вашите пратки, а притоа истите безбедно и брзо да стигнат на одредената дестинација, не чекајте повеќе, затоа што “Пост Експрес” е вистинскиот избор.

По најниски цени, во современи возила и најважно, побрзо од другите, “Пост експрес” ќе биде ваш главен партнер за развој на вашиот бизнис.

Koмпанијата е една од водечките за брзи пратки, чиј раст и развој не застанува од денот на нејзиното формирање. Нивната визија е поврзување на целата територија на Република Македонија, со цел создавање услови за непречена трговија, каде далечината нема да биде пречка за размената на пратки.

“Пост експрес” изгради нови стандарди во дејноста во Македонија, а нивниот тим ви стои на располагање за транспорт на секаков вид пратки.

Во нивната листа на услуги спаѓа:

Стручниот тим, амбициозноста, професионалноста и љубезниот приспат со клиентите се примарните принципи на работа на компанијата.

“Пост експрес” има свои пунктови на три локации во Скопје и во 21 град во Македонија. Повеќе погледнете ТУКА

Вашата доверба доверете им ја на најдобрите. Кога “Пост Експрес” е вашиот партнер за достава, веќе сте го направиле вистинскиот избор!

-Почитувани, ги покануваме сите членови и симпатизери на МК Рид 36, на средба со генералниот секретар Ѓорѓија Сајкоски пред просториите на месниот штаб, во текот на утрешниот ден со почеток во 18 часот и членовите и симпатизерите на МК Жабино Маало во 18:45 во паркот во населба Жабино Маало – информираат од ОК ВМРО-ДПМНЕ Прилеп.

Во саботата, во центарот на Скопје се одржа Меѓународната велосипедската трка трофеј „Скопје“, која е единствена трка во Македонија која се вози во попладневен термин. Трката беше следена од голем број граѓани, кои беа воодушевени од овој спортски настан. Велосипедистите на ВК и Сервис „Илинден“ oд Прилеп настапија со 5 велосипедисти и ја покажаа моќта што ја поседуваат.

Пласманот на велосипедистите е следниот:

– Андреј Маџоски II место – Јуниори ( I место за ранг листа)
– Константин Костоски I место – Кадети
– Никола Ристески II место – Кадети
– Младен Петрески VI место – Кадети
– Стефан Маџоски II место – У15

Следна планирана препрека е престижната трка “Juniori kroz Vojvodinu”, која е во 2 етапи и ќе се вози на 7. и 8. октомври во Србија, каде ВК и Сервис „Илинден“ е поканет да учествува.