Од недела времето ќе биде стабилно со ниска утринска температура и со пораст на дневната, освен по одделни котлини каде ќе има појава на магла и ќе се задржи студено преку целиот ден.

Времето утре ќе биде облачно и студено со повремени врнежи претежно од снег, особено претпладне. Долж Повардарието ќе врне дожд, освен во повисоките делови од котлините каде врнежите ќе бидат од снег. Локално ќе има појава на голомразица. Ќе дува засилен северен ветер (и над 60 km/h).
Во Скопје облачно со повремени врнежи од дожд, а во повисоките делови од котлината од снег. Попладне врнежите ќе престанат. Ќе дува умерен до засилен северен ветер.

Од недела времето ќе биде стабилно со ниска утринска температура и со пораст на дневната, освен по одделни котлини каде ќе има појава на магла и ќе се задржи студено преку целиот ден.

Општина Прилеп традиционално и оваа година ќе го одбележи патронот на градот, Св. Никола. Како што веќе е познато, домаќин оваа година е компанијата “Комфи Ангел”, а од општината ја објавија програмата за одбележување на градската слава.

Чествувањето започнува во 08:00 часот со Архиерејска Божествена литургија со која ќе чиноначалствува митрополитот Преспанско-Пелагониски, г. Петар, во црковниот храм „Св. Блоговештение“-Прилеп.

Ќе следува Литија во чест на Св.Никола Чудотворец, којс ќе започне во 11:00 часот, од црквата Св. Благовешетение до Параклисот „Св. Никола“.

Потоа е Водосветот и прережувањето на празничниот колач, кое ќе се изврши пред Параклисот на „Св.Никола“ во центарот на градот во 11:30 часот.

А, потоа, за сите добронамерници ќе биде послужена празнична, посна, светиниколска трпеза и ќе се одржи пригодна културно-уметничка програма на плоштадот „Александрија“ .

Во пресрет на престојните Новогодишни и Божиќни празници, Секторот за внатрешни работи Битола ги потсетува граѓаните дека неовластената употреба на пиротехнички средства е казнива согласно Законот за прекршоци против јавниот ред и мир, Законот за заштита од експлозивни материи и Кривичниот законик на Република Македонија.

Затоа, апелираме до граѓаните да ги почитуваат законските прописи и да соработуваат со полицијата доколку забележат лица кои продаваат пиротехнички средства и да ги пријават на полициски службеници лично или преку телефонските броеви 112 и 192.

Упатуваме апел особено до малолетниците да не употребуваат петарди, бидејќи тие претставуваат опасност за нивното здравје.

Како и секоја година, така и оваа, во пресрет на Новогодишните и Божиќните празници, Отсекот за превенција при Секторот за внатрешни работи Битола спроведува интензивни кампањи, се изработуваат летоци и плакати, рекламни материјали, одржува различни предавања со целни групи преку кои укажуваат на можните последици од употребата на пиротехничките средства.

Полициските станици, пак, со спроведување на акциски контроли и проверки работат на откривање и санкционирање на лицата кои вршат нелегална продажба на пиротехнички средства.

На 14.12.2023 во 20.45 часот на ул.„Караорман” во Битола, полициски службеници од СВР Битола ги лишиле од слобода И.Р.(23), Е.Р.(30), двајцата од Прилеп и Г.М.(18) од Битола затоа што при преглед кај нив, кај И.Р. биле пронајдени и одземени мархуана и капсули трамадол.

Лицата се приведени во полициска станица Битола и по документирање на настанот против нив ќе следува соодветна пријава.

Да ја пречекаме новата година со позитивна енергија и добро дело.

Под слоганот “Заедно за нов живот”, за прв пат во Прилеп оваа година ќе се одржи предновогодишен хуманитарен концерт, по повод предвремено родени деца.

Дојдете и уживајте во празничната магија со познати музички имиња од нашиот град и пошироко.

Концертот ќе се одржи во Дом на култура “Марко Цепенков” на 23.12.23 Сабота со почеток од 18:00h

Карти во продажба во: Кафе “Стори”, кафе “Еспресо” и кафе галерија “Лувр”.

Најубавата новогодишна приказна е во Ливинг Хоме Центар!!!

По повод празникот Св.Никола шопинг авантура, -15% попуст на новогодишниот асортиман.

Купете го вашиот омилен украс и заштедете!

Овој викенд 15.12 (петок) и 16.12 (сабота)

Побрзајте!!!

Откупувачите ги отворија пунктовите за откуп на тутунот, но тутунарите не го донесоа родот на проценка на вагите иако денеска е последниот ден од законскиот рок за почетокот на откупната кампања. Според Сојузот на земјоделските здруженија на Македонија, производителите нема да го носат родот на вагите додека не се зголемат откупните цени, а велат дека и откупувачите со немањето слух за барањето на тутунарите калкулираат зашто родот годинава е преполовен.

– Ние чекаме и сѐ уште очекуваме некој од откупувачите да се одважи за ги зголеми цените. Досега не покажаа слух на нашето барање да се зголемат цените, минимум за 20 насто а и повеќе иако претходните месеци ни најавуваа дека тоа ќе го сторат. Но од тоа досега нема ништо. Од друга страна се калкулира поради преполовениот род. Се очекуваат околу 13 000 тони тутун. На овој начин си играат со маката на тутунарите. Ги повикуваме да ги зголемат цените зашто ваквата ситуација нењ им оди во прилог ниту на откупните фирми, ниту на производителите, изјави Менде Стомнароски, претседател на Сојузот на земјоделските здруженија на Македонија.

Ваквата ситуација која одамна не се памети да нема врвувица на откупните пунктови и на вагите за преземање на родот на тутунот, ја доведува иднината на тутунопроизводството во земјава.

– Вака се доведува во прашање производството на оваа битна индустриска гранка. До година може и уште повеќе да се намали производството, иако во последно време останаа да произведуваат само повозрасните тутунопроизводители. Сѐ уште очекуваме откупувачите да илезат во пресрет за зголемување на цените, вели Стомнароски.

Годинашниов род на тутунот е квалитетен и според Сојузот, се цени на околу 13 000 тони. Досегашните цени се 300 денари за прва, 240 за втора и 180 за трета класа.

Неодамна на трибина за состојбите во тутунопроизводството што се одржа во Прилеп, националната земјоделска мрежа побара 600 денари за килограм откупен тутун за производителите ги покријат трошоците и да имаат рентабилност во производството.

На 12.12.2023 во 19:30 часот, полициски службеници од ОВР Прилеп на ул. “Гостиварска” во Прилеп, заради сомнение за сторено кривично дело тешка кражба во куќа ги лишиле од слобода Џ.Џ. (23)  и тројца малолетници, сите од Прилеп.

По документирање на случајот, против сторителите ќе следува соодветна кривична пријава – информираат од ОВР Прилеп.

Неформалната хуманитарна организација “Св. Никодим” при црквата Свето Благовештение во Прилеп, по 16-ти пат ја организираа хуманитарната акција за Божик.

Во четирите храмови во Прилеп ќе бидат поставени добо познатите црвени кутии, каде гаѓаните ќе можат да оставаат парични прилози, со кои потоа ќе бидат купени пакети со храна и хемиски средства за околу 150 семејства.

Целта и оваа годна е Божиќниот дух да се донесе до секоја трпеза и секое семејство како што доликува да го печека Христовото раѓање.

Кутиите за донации ќе бидат поставени до 28 декември, а пакетите ќе бидат поделени пред Божик.

Се ближи големиот христијански празник Св. Никола, заштитникот на Прилеп и празник кој секоја трета куќа во градот под “Марковите Кули” го има за куќна слава.

Прилепските домаќинки одново ќе се зафатат со приготвување на вкусни посни специјалитети, меѓу кои главни се малите посни прилепски сармички.

За новопелените прилепски снаи кои оваа година влегоа во светиниколски куќи да се покажат во најдобро светло, ви го пренесуваме оригиналниот рецепт за вкусни посни сармички.

1. Оризот, црниот пипер, солта, црвениот пипер и маслото се мешаат заедно.

2. Листовите од киселата зелка се сечат на мали парчиња ( отприлика 3 x 5 сантиметри ) .

3. Со мало лажиче се зема од филот отприлика 5-6 зрна. Се виткаат мали сармички и се стегнуваат со рака за да бидат цврсти и во варењето да не се растурат.

4. На дното од тенџерето се ставаат листови од зелка. Врз нив се редат сармичките во круг. Кога ќе се исполни првиот ред, врз сармичките се тура 100 мл масло, 2 лажици црвен пипер и малку црн пипер.

5. Потоа се реди вториот ред и пак врз нив се става масло, црн и црвен пипер. На крај се ставаат листови од зелката.

6. Сармите се полеваат со вода и 2 чаши расолница за да се покријат сармичките.

7. Се става капак за да се потиснат сармичките.

8. Се вари на 180 степени 3-4 часа и од време на време се долева со вода.