Министерот Спасовски не убедува дека МВР се справува со нелегална сеча на шуми.

-Сега започнавме и со надзор практично на шумските предели со Одделот за воздухопловни единици. Заедно со специјалните полициски единици тие се движат на потенцијални места каде имаме дојави дека има опустошување шума и директно ги затекнуваме и фаќаме на лице место. Имавме неколку акции во Скопје, Струга… Тоа е еден модус операнди на којшто работат полициските службеници, да можеме на моменти каде што тие се наоѓаат, на местата каде вршат нелегална сеча – на лице место се затекнуваат и тука практично ги обезбедуваме сите докази за ова кривично дело. Ова е врвен приоритет на МВР. Секако дека ваквите летови се добри и за набљудување на државната граница, за процесот на миграција, работењето на граничните служби – сето тоа е во функција на подобрување на безбедносната состојба, истакна министерот Спасовски.

Во организација на Кино сојузот на Македонија и Народна техника, во петокот во Мулти културниот центар во Кочани се одржа 52. Државен фестивал на непрофесионален (аматерски) филм.

На фестивалот во конкуренција беа 70 филмови од цела Македонија, а филмот “Ти можеш” на прилепчаните Марјан Беџоски и Никола Димески влезе во 14 официјални и освои две награди – златна плакета за краток филм и златна плакета за сценарио.

Овие награди на двајцата прилепчани и нивниот филм им носат и учество на интернационалниот филмски фестивал Union Internationale du Cinéma.

Честитки за постигнатиот успех и уште поголеми во иднина.

Ракометарите на РК Прилеп го претрпеа и петтиот пораз сезонава, откако на гостувањето во Скопје кај Бутел загубија со 27:21 (13:12 на полувремето).

Иако прилепчани одиграа солидно прво полувреме и после неколку водства на Бутел со 3 гола разлика, стигнуваа до егал или гол разлика, а во вториот дел се играше гол за гол се до последните 15 минути, кога на теренот играше само еден тим – РК Бутел.

Домаќините направија серија од 8:1 и го срушија сонот за бодови на прилепчани од овој дуел. Со ова Кузманоски им се реваншираше на своите сограѓани за поразот во првото коло, кога во Прилеп резултатот беше 28:27.

За потсетување, во пресрет на натпреварот капитенот Велески за “24 ракомет”, истакна дека за бодови во Бутел треба да се одигра натпревар без грешки, но неговиот “рецепт” донесе -6 наместо +6 на крајниот резултат од семафорот.

Речиси стандардно во редовите на РК Прилеп најдобри поединци беа Владан Кастратович и Квастек Томислав со по 5 погодоци, а Рајатовски постигна 4.

Прилеп има само 7 бода на табелата и иако се’ уште е почеток на сезоната, веќе е на минус 5 од местата кои носат во плеј-оф разигрувањето.

Во наредното коло РК Прилеп го пречекува Пролет.

Фото/илустрација

На 20.10.2023 од страна на полициски службеници од ОВР Прилеп, со наредба од Основен суд Прилеп, извршен е претрес во домот и други простории во Прилеп и во с.Славеј, каде живее и ги користи Д.Т.(32).

При претресот биле пронајдени и одземени оружје за сигнализација марка „Екол“ модел „Фират Магнум“ кал.9мм.

По комплетно расчистување и документирање на случајот ќе следува соодветен поднесок.

Легендарниот англиски фудбалер, Боби Чарлтон, почина на 86-годишна возраст, пренесуваат англиските медиуми.

Во соопштението на неговото семејство, кое го пренесе Манчестер Јунајтед, се наведува дека Чарлтон починал опкружен со своето семејство.

Sir Bobby Charlton, the Manchester United and England legend, has died aged 86. pic.twitter.com/Rv4r2tHyKC

— Sky Sports News (@SkySportsNews) October 21, 2023

Чарлтон беше најдобар стрелец за Јунајтед (249 гола) и Англија (49) повеќе од 40 години, додека Вејн Руни не го престигна.

Тој одигра 758 натпревари за Јунајтед од 1956 до 1973 година. Со Јунајтед освои три титули во англиската лига и еден ФА Куп.

Американскиот претседател и се обрати на нацијата и побара од Конгресот уште 100 милијарди долари помош за Израел и Украина.

Бајден со остар тон ги поврза настаните на Блискиот Исток со војната во Украина, која трае речиси 20 месеци.

– Пред нас е пресвртница во историјата. Ова е еден од оние моменти во кои одлуките што ги носиме денес ќе ги обликуваат следните децении – рече американскиот претседател на почетокот на својот говор.

– Како претседател, за мене нема поголем приоритет од безбедноста на Американците кои се држат како заложници. Хамас е извор на зло. Хаосот може да се прошири и на други делови од светот, особено на Блискиот Исток.

– Хамас и Путин претставуваат различни закани, но тие имаат една заедничка работа: сакаат целосно да ги уништат соседните демократии. Знам дека овие конфликти изгледаат далеку – и природно е да се прашувате зошто тоа им е важно на Американците. Да се ​​осигураме дека Израел и Украина ќе успеат е од клучно значење за американската национална безбедност. Ако не ги запреме апетитите на Путин за моќ и контрола во Украина, тој нема да се ограничи само на Украина. Ние сме посилни од кога било досега. Америка сè уште е светилник за светот. Сепак, не можеме да дозволиме ситната партиска политика да застане на патот на нашата одговорност како голем народ. Америка нема да дозволи да победат терористи како Хамас и тирани како Путин.

Европјаните се обидуваат да се убедат себеси дека Украина наводно ќе победи на бојното поле. Многу луѓе во Европа се уморни од Украина, изјави шефот на руската дипломатија Сергеј Лавров во интервју за телевизијата „Русија 24“.

„Тие се убедуваат себеси дека Украина ќе победи на бојното поле и затоа мора да направат се за да се случи тоа. Ајде, ве молам. Ги знаеме нашите цели, знаеме дека се бориме за праведна кауза“, нагласи тој.

„Мислам дека многумина во Европа се уморни од Украина. По инерција, со самохипноза, тие сè уште се обидуваат да ја одржат оваа ситуација на површина“, рече Лавров.

Претходно рускиот претседател Владимир Путин изјави дека Русија не започнала никакви борбени операции, туку се обидува да ги прекине.

Во рамките на деветтото коло од Втората фудбалска лига, екипата на Победа попладнево гостуваше кај Кожув во Гевгелија, и успеа да го запише првиот бод на гости сезонава.

И покрај мноштвото шанси на двете страни, мрежите на двајцата голмани мируваа, па натпреварот заврши со непопуларни 0:0.

Победа е на деветтата позиција на табелата со освоени 12 бода. На врвот се Беса со 22, Детонит и Охрид со по 19 и Пелистер со 18 освоени бода.

Во наредното коло црвено-белите од Прилеп го пречекуваат Караорман.

На 20.10.2023 во 23:50 часот во Битола полициски службеници од СВР Битола го лишиле од слобода Д.М.(39) од Битола, поради тоа што околу 21:00 часот физички ја нападнал неговата 41-годишна поранешна сопруга.

По целосно документирање на случајот ќе следи соодветен поднесок.