На 20.10.2023 во 10.00 часот било пријавено дека на ул.„Јоска Јорданоски“во Прилеп, С.М.(50) од Прилеп кој управувал електричен тротинет паднал на коловозот.
Во несреќата тој се здобил со тешки телесни повреди, констатирани во Градската болница Прилеп.
Извршен бил увид од увидна екипа од Полициската станица Прилеп – информираат од ОВР Прилеп.
Канцеларијата на Европската унија во Косово потврди дека визната либерализација за граѓаните на Косово ќе стапи на сила на 1 јануари 2024 година, јави дописникот на МИА од Приштина.
Во одговорот до порталот Калѕо (kallxo.com), Канцеларијата на ЕУ укинувањето на Шенген-визите за косовските граѓани го нарече историски момент во односите ЕУ-Косово.
– Визната либерализација за имателите на косовски пасоши ќе стапи на сила од 1 јануари 2024 година. Ова ќе им овозможи на граѓаните на Косово да патуваат како туристи во ЕУ без визи 90 дена во период од 180 дена, се наведува во одговорот за приштинскиот медиум.
Од таму, исто така, најавија дека персоналот на ЕУ во Косово учествува во информативни активности како дел од кампањата за визна либерализација.
– Ова е важен историски момент во односите меѓу ЕУ и Косово и важен чекор на патот на Косово кон ЕУ. ЕУ во Косово ја започна кампањата „Истражи ја Европа“ за да ги објасни придобивките од визната либерализација, но и одговорностите и ограничувањата. Персоналот на ЕУ во Косово, исто така, учествува во информативни активности во неколку градови низ Косово, како дел од владината кампања за визна либерализација, изјави за Калѕо портпаролката на Канцеларијата на ЕУ во Косово, Јоана Лахана.
Прашањето за визите за Косово беше дел од дискусијата оваа недела поради изјавата на францускиот претседател Емануел Макрон во вторникот во Тирана.
Врз основа на преводот на изјавата на Макрон за време на неговата средба со албанскиот премиер Еди Рама во Тирана, медиумите во Косово објавија информација дека Франција ја суспендирала визната либерализација за косовските граѓани. Подоцна беше објавено дека преводот не бил соодветен и дека изјавата на Макрон била во смисла дека Приштина треба да ги одржи ветувањата во однос на договорите со Србија, како што Франција го одржала своето ветување за либерализацијата.
На 43-годишна возраст, како последица на повреди здобиени во сообраќајна несреќа во населбата Варош, вчера попладне животот го загуби сопственикот на “Авто Контрол”, Љупчо Перканоски.
Перканоски беше сопруг и татко на две деца, голем човек, хуманист и почитуван млад бизнисмен, не само во Прилеп, туку и во целата држава.
Со неговата упорност и трудољубивост, Перканоски успеа неговата автомеханичарска работилница да ја претвори во еден од најуспешните бизниси во Прилеп, но и во една од најдобрите македонски компании во оваа област
Заедно со неговаата сопруга Даниела, плодовите од својот успех несебично ги споделуваа со заедницата и направија од “Авто Контрол” една од најголемите општествено одговорни компании.
Донираа во образование, култура, медиуми, луѓе на кои им беше потребна помош.
Неговото прерано заминување го потресе целиот град и предизвика тага и негодување. Погребот ќе се одржи денеска на новите градски гробишта во Прилеп, во 15:30ч.
Во интервју за „Клик плус“ на ТВ 21 претседателот Стево Пендаровски прашан дали ќе ги покани на кафе кандидатите за претседател, одговори дека не може да ги покани.
-По нашите прописи во тие 20 дена јас сум кандидат, морам некои работи и како претседател да ги извршувам, но јас сум кандидат повеќе отколку претседател – рече Пендаровски.
Со оваа изјава Пендаровски индиректно најави дека на следните претседателски избори ќе биде повторно кандидат за претседател, односно дека ќе бара втор мандат.
Официјално засега кандидатура најави Вело Марковски кој ќе побара поддршка од 10.000 граѓани, чии потписи ќе се собираат согласно законските прописи по распишување на изборите. СДСМ и ВМРО-ДПМНЕ се уште не се изјасниле за кандидати.
Редовниот термин за избор на претседател се движи во последните 60 дена од мандатот на актуелниот претседател, наназад од 12 мај. Првиот круг според ова би требало да се случи во периодот од 14 март до 21 април.
Прилепскиот музички состав “Ексклузив Бенд” ја сними својата прва песна и видео запис. Насловот на песната е “Нека е со среќа”, за чиј текст, музика и аранжман се погрижи Гоце Костоски – Пејак.
Песната е снимена во студиото Prosound Production, a за видеозаписот и монтажата се погрижи Taso Photography.
Eдна убава свадбарска песна која со сигурност ќе одекнува на многу веселби.
“Концепт за култура” oд Скопје во своите виртуелни прошетки низ знаменитостите на Македонија, ги внесе и Марковите Кули во Прилеп. Еден прекрасно изработен приказ на локалитетот по кој Прилеп е препознатлив, и покана за сите кои не го посетиле овој локалитет, да дојдат во Прилеп, да уживаат во убавините на градот, убавата храна, а патем да да се запознаат со славното минато на прилепчани.
Прошетката низ МАРКОВИТЕ КУЛИ можете да ја направите ТУКА
А во продолжение луѓето од “Концепт за култура” го прикажаа целиот историски развој на овој локалитет.
Марковите кули се наоѓаат на северната периферија на градот Прилеп. Во 2006 година Марковите кули се прогласени за споменик на природата.
Со археолошките истражувања откриени се повеќе фази на живот и тоа:
Енеолит:
Најстарите траги од користењето на овој простор се поврзуваат со времето на доцни[1]от енеолит, кога на горните делови од ридот Маркови Кули егзистирала помала неутврдена населба, а на северните падини од возвишението Чардак се откриени остатоци од станбен објект лоциран во внатрешноста на една помала пештера.
Бронзено време:
Раното бронзено време (2500 – 1700 год. пр.н.е.) го потврдуваат остатоците од некропола откриени на јужните падини и во подножјето на ридот, поточно, во северниот дел од населбата Варош. Откриени се шест гробови од типот цисти, оградени и покриени со камења или камени плочи. Следната етапа на бронзеното време (XV-XIII век пр. н.е.) е презентира од уникатниот наод на гроб во пештера, откриен на локалитетот Светец. Во таа пештера-процеп е откриен гроб со керамиран покојник, чиишто остатоци биле поставени во керамичка урна, вкопана во земја, странично потпрена со камења.
Железно време:
Железното време на простор на Марковите Кули е потврдено со фрагментирани остатоци откриени на јужниот и западниот сегмент од подножјето, како и врз највисоките партии од ридот. Во источниот сегмент од возвишението Чардак се откриени уникатните цртежи врз карпа, кои според стилско-иконографските особености и археолошкиот контекс се датираат во железното време.
Класичен период:
Класичниот период (IV век пр. н.е.) го презентираат остаоците од некропола откри[1]ени во западниот дел од комплексот Маркови Кули, т.е. во месноста Заград. Имено, на овој простор се откопани 36 гроба со кружно-овална и правоаголна форма, различни според својата ориентацијата. Покојниците биле кремирани.
Хеленистичко време:
За разлика од фрагментарноста на претходните етапи, досега откриените материјални ос[1]татоци од хеленистичкото време (III до крајот на I век пр. н.е.) на просторот од Марковите Кули овозможуваат во основни црти реконструкција на изгледот на населбата, а со овој период се поврзува првичната изградба на фортификација на горните партии од ридот. Ѕидовите од ова време биле изведени од необработени камења поврзани со варов малтер.
Римско време:
Во раноримското време (I-III век) продолжува да егзистира населбата на јужните делови од археолошкиот комплекс Маркови Кули, што го потврдуваат фрагментарно зачуваните остатоци од населбински слоеви во коишто се откривани делови од садова и градежна керамика, орудија, монети и сл. Најиндикативна потврда за користењето на овој простор во првите векови од новата ера се големиот број откриени делови од камена пластика, за жал, најчесто откривани надвор од нивниот архитектонски контекст.
Доцно римско време:
Со доцноримското време (крајот на III – доцен V век) се поврзува егзистирањето на една поголема населба од градски вид, чии остатоци: акропол, утврдено подградие и отворена населба, се откривани во горните партии од ридот, како и во западните, југозападните и јужните сегменти од археолошкиот комплекс.
Доцно античко време:
Во доцноантичко време (доцен V – крајот наVI век) или барем во поголемиот дел од овој период, може да се следи натамошната егзистенција на двата основни сегменти од спомена[1]тата населба: акрополот со утврдено подградие и неограден сегмент од населбата.
Ран среден век:
Сознанијата од анализа на културните слоеви, особено на интактните археолошки слоеви во секторот Сред Кули, несомненено го[1]ворат дека во раниот среден век (крајот на VI/почеток на VII – средина на IX век) просторот на Маркови Кули во најголема мера бил напуштен.
Полн среден век:
Зародишот на средновековниот Прилеп, поточно, неговата протоурбана фаза со сигурност може да се поврзе со полниот среден век, т.е. крајот на IX/ првите децении. Можат да се издвојат две основни фази во развојот на полносредновековниот Прилеп и тоа:
Прва фаза (крајот на IX/првите децении на X до првите децении на XIII век)
Втора фаза (првите децении на XII до почетокот на XIII век)
Доцен среден век:
Во текот на XIII и XIV век Прилеп покажува типични карактеристики на доцносредновековен град со особено воено-политичко, културно и економско значење за средишните делови од Балканскиот Полуостров. Притоа, можат да се издвојат три развојни фази, меѓусебно различни според распространетоста, содржината и распоредот на структуралните елементи на населбата.
Прва фаза (1204 – 1259) – Оваа фаза на доцниот среден век на поширокиот балкански простор е одбележана со падот на Цариград под власта на крстоносците (1204 – 1261), додека на просторот од се[1]верна Пелагонија се манифестира со интензивни воени активности, што условило често и краткотрајно завојување на градот од страна на Бугарија, завладување од претендентите на византискиот трон и др.
Втора фаза (1259 – 1334) – Втората доцносредновековна фаза е одбележана со обновата и обидот за враќање на стариот сјај на Византија, во што регионот на северна Пелагонија има исклучителна улога; во почетокот како место на разрешница на внатрешните судири, а на крајот од оваа фаза Сред Кули, северен сегмент 36 како последна точка на одбрана на Византија од разурнувачката моќ на српската држава во експанзија.
Трета фаза (1334 – 1392) – Оваа фаза се карактеризира со интензивен економски и културен развиток на градската населба во рамките на српската држава и соодветно на тоа, максимален развиток на економскиот сегмент во цивилниот дел на населбата: панагириште и производствени целини. Во согласност со интензивните воено-политичкиот случувања поврзани со српската експанзија, а подоцна и со одбраната од османлиските освојувања, фортификацискиот сегмент е развиен на неопходно доцносредноековно рамниште.
Отомански период:
По дефинитивното воено завојување на северна Пелагонија во 1392 год., населбата распространета на просторот од културниот комплекс Маркови Кули ги губи градските карак[1]теристики, а на горните партии од ридот е стационирана помала воена посада, како што впрочем е забележано во патописните записи на Евлија Челеби од XVIII век.
„На претседателот на бугарската фондација „Македонија“, Виктор Стојанов, изречена му е доживотна забрана за влез во Македонија, Ова го потврди тој за порталот „Лупа.бг“. Тој веќе имаше забрана од една година и 3 месеци. Кога му завршила се упатил кон Скопје, но бил вратен назад на граница бидејќи забраната му била продолжена на неодредено време.
„Добив доживотна забрана за влез во Македонија. Нема причина да не ми биде дозволен влез во земјата. Немам ни казна за непрописно паркирање таму, но непожелен сум. Во РСМ имам спроведено над 500 хуманитарни иницијативи, се обидов да му помогнам на Скопје побрзо да влезе во ЕУ, како и да ги зближам двата народа. Наместо благодарност, добив забрана. Ќе ја запознаам со ова Европската комисија против расизам и нетолеранција (ЕКРИ) на Советот на Европа. На овој начин работите нема да останат незабележани“, рече Стојанов.
Тој потсети дека поради омраза кон бугарскиот народ, влезот на Северна Македонија во ЕУ беше одложен. Оваа одлука беше донесена на Самитот на Берлинскиот процес во понеделникот во Тирана. Зелено светло на патот кон евроинтеграциите добива само Албанија, за која во јануари следната година се отвора преговарачко поглавје.
„Некои опозициски партии се виновни за заостанатоста на Северна Македонија, како и претседателот Стево Пендаровски. Наместо да гради мостови меѓу двете земји, тој постојано ги уништуваше“, истакна Виктор Стојанов.
Според него, Албанија целосно заслужува да го продолжи својот пат кон европската интеграција. Има многу добро законодавство за малцинските права. Во земјата живеат 100.000 Бугари, а во Тирана 12.000. Од Бугарите таму има советници на министри, Бугарите се и директори на претпријатија.
Фондацијата „Македонија“ е активна и во Албанија. Обезбедуваме учебници, алатки, таблети. Таму сме добредојдени и не чекаат“, истакнува Стојанов.
-Влезовите на градовите го претставуваат лицето на секоја Општина. Денес започнавме со градежните активности и подготовки за нов асфалт на дел од улицата ,,Цар Самоил” односно самиот влез на градот од страната на Битола – информира на ФБ градоначалникот на општина Прилеп, Борче Јовчески.
Водиме грижа на сите сегменти во однос на патната инфраструктура во општина Прилеп и ќе продолжиме да делуваме и инвестираме во секој дел, во секоја населба и населено место во нашата општина Прилеп – пишува Јовчески.
Октетот “Прилеп” синоќа го одржа својот традиционален годишен концерт, кој како и секогаш предизвика воодушевување кај прилепската публика.
Гости им беа Викторија Георгиоска, Миле Кузманоски и Белинда Ристеска, чии вокални способности дополнително ја разубавија вечерта.
Во продолжение погледнете дел од изведбите:
Во рамките од 8-то коло во ракометната Супер лига, РК Прилеп гостува кај Бутел во Скопје. Бутелчани се на делба на третото место со Пролет, и досега имаат 4 победи и 3 порази, за разлика од прилепчани, кои досега забележаа два триумфи, еден нерешен резултат и 4 порази.
За да останат во игра за плеј-оф разигрувањето, бодовите се императив за прилепчани во утрешниот дуел, за кој капитенот Велески за “24 ракомет” вели дека треба да се одигра на високо ниво и без грешки.
Велески вели дека атмосферата во клубот е одлична и ги имаат на располагање сите играчи.
За потсетување, тренер на екипата на Бутел е уште еден прилепчанец, екс репрезентативецот Горан Кузманоски – Таста.
