Главните протагонисти на легендарната хумористична ТВ-серија „Пријатели“ објавија заедничка изјава по повод смртта на нивниот колега Метју Пери. Имено, другите пет од славните шестмина – Џенифер Анистон, Мет Лебланк, Дејвид Швимер, Лиза Кудроу и Кортни Кокс се огласија во списанието „Пипл“ (People).

„Сите сме целосно потиштени. Ние бевме повеќе од колеги-ѕвезди. Ние сме семејство. Има уште многу да се каже, но засега ќе одвоиме миг за да оттагуваме и да ја сфатиме оваа неразбирлива загуба“, се вели во заедничката изјава.

„Пријателите“ додаваат дека ќе кажат и повеќе, кога ќе можат и кога ќе дојде време за тоа.

„Засега мислите ни се со семејството на Мети, неговите пријатели и сите што го сакаа ширум светот“, нагласуваат тие.

Метју Пери, кој го глумеше Чендлер – еден од главните ликови во „Пријатели“, беше пронајден мртов во своето џакузи дома во саботата. Тој имаше 54 години. Истрагата за смртта сѐ уште е во тек. Надлежните во Округот Лос Анџелес потврдија дека обдукцијата е завршена, но се чека токсиколошкиот извештај, и резултатите се очекуваат за неколку недели. Пред зградата на улицата „Бедфорд“ бр. 90, во Њујорк, САД, каде што Чендлер и неговите „Пријатели“ живееја 10 години, обожавателите оставаат цвеќе, фотографии и пораки за покојниот глумец.

ЕЛС – лидерот во поштенскиот сектор, започна паралелно со неколку кампањи одеднаш “СИТЕ НИЕ СМЕ ЕЛС” “КАРГОТО ИМА НОВО ИМЕ-ЕКО ЛОГИСТИК СЕРВИС”, и ја објави својата најголема наградна игра досега, која се одвива на социјалните мрежи facebook, instagram и tiktoк. Дел од најградите ги обезбеди компанијата, дел во соработка со своите соработници.

Ова се правилата на игра:

ПОБРЗАЈТЕ! Можеби следната вредна награда ќе ви припадне вам!

Најмладиот милионер во земјава има 9 години со еден милион денари од закупнина, додека највозрасниот има 97 години и лани остварил доход од 1,2 милиони денари, по однос на пензија и доход од извршена работа, информира денеска директорката на УЈП, Сања Лукаревска на прес-конференцијата на тема: „Годишна даночна пријава – Највисок доход во 2022 година“.

Околу најмладото лице милионер во земјава, Лукаревска вели дека се работи по основ на некакво наследство и оттаму ги влече тие приходи.

Лукаревска исто така обелодени дека најголемата месечна бруто плата во 2022 година била во дејноста трговија на големо со тутун и изнесувала 195.000 евра.

Директорката на УЈП говореше и за полициската акција „Синџир“, при што повеќе бизнисмени се приведени.

-За вакво кривично дело алармиравме заедно со МВР пред околу 2-3 месеци за одредена група даночни обврзници. Имаме соодветни дејствија преземено. За вчерашната акција за злосторничкото здружување на новоформирани компании кои сметководствено евидентирале фиктивен поврат, па со соодветни компензации го изиграле системот, станува збор за други даночни обврзници. Доставени се документи кои беа побарани од Управата за финансиска полиција. Ист е основот на некој начин. Во координација сме со институциите – рече Лукаревска.

Тимот на болницата “Плодност” од Битола уште еднаш покажа дека за нив не постои лимит, кога е во прашање полето на лапароскопската хирургија.

Во текот на вчерашниот ден по лапароскопски пат кај 17 годишна девојка во болницата, била извадена огромна циста, која содржела течност од 2 литри и го исполнувала целиот абдомен на девојката.

„Ваквите цисти најчесто се отстрануваат со класична операција, но ние уште еднаш докажавме дека нема лимит кај нас во полето на лапароскопската хирургија. Денес, девојчето ја напушти болницата, што всушност е најголемата предност на лапароскопските операции, односно брзо опоравување на пациентите, мали посекотини од 5 mm на стомакот и брзо враќање на работните обврски, кратка хоспитализација од само еден ден и што е најважно, има козметички ефект кој што е многу значаен, особено за младите девојки“, вели д-р Христијан Трпчевски.

На 30.10.2023 во Прилеп, полициски службеници од СВР Битола – ОВР Прилеп го лишиле од слобода М.Г.(35) од Прилеп.

При претрес во неговиот дом, извршен со наредба од Основен суд Прилеп, била пронајдена и одземена грутчеста материја.

Лицето било приведено во Полициската станица Прилеп и по целосно документирање на случајот против него ќе биде поднесена соодветна пријава – информираат од ОВР Прилеп.

Фудбалските вљубеници во Прилеп синоќа уживаа во вистинска голеада. Во спортската сала на ООУ “Добре Јованоски”, Победа стигна до вториот триумф во Втората футсал лига, совладувајќи ги со 8:2 гостите Балкан од Скопје.

Една прекрасна атмосфера, полна трибина со навивачи, а фудбалерите на новоформираниот прилепски футсал клуб сето тоа го наградија со одлична игра и убедлив триумф.

За прилепчни Виктор Тошески постигна 4 погодоци, а го следеа Стефан Спиркоски со 2 и Борче Макешоски и Борче Сркески со по еден погодок.

Во следното коло Победа гостува кај Скопје.

Роден е во Антиохија. Во младоста добро ја изучи грчката философија, медицината и иконописот. Во времето на делото на Господ Исус на земјата Свети Лука дојде во Јерусалим и таму Го виде Спасителот лице в лице, ја чу Неговата спасоносна наука и стана сведок на Неговите чудесни дела.

Откако поверува во Господ, свети Лука беше вбројан меѓу Седумдесетте апостоли и пратен на проповед. Заедно со Клеопа Го виде воскреснат Господ на патот за Емаус (Лука 24). По слегувањето на Светиот Дух на апостолите, Лука се врати во Антиохија и таму му стана сотрудник на светиот апостол Павле со когошто патуваше во Рим, обраќајќи ги во Христовата вера Евреите и незнабожшците. „Ве поздравува Лука, лекарот љубезен“, им пишува на колосјаните светиот апостол Павле (Колосјани 4, 14). На молба на христијаните го напиша Евангелието, околу 60 година.

После маченичката смрт на апостолот Павле, свети Лука го проповедаше Евангелието по Италија, Далмација, Македонија и на други места. Ја иконописаше Пресвета Богородица – и тоа не една туку три икони – а исто така, и светите апостоли Петар и Павле. Оттука, свети Лука се смета за основач на христијанскиот иконопис. На старост го посети и Горен Египет. Од Египет се врати во Грција, каде што со голема ревност продолжи да проповеда и да ги обраќа луѓето кон Христа, не обѕирајќи се на својата длабока старост.

Свети Лука ги напиша Евангелието и Делата Апостолски, обете посветувајќи му ги на Теофил, кнезот на Ахаја. Имаше осумдесет и четири години кога злобните идолопоклоници го подложија на маки заради Христа и го обесија на една маслинка во градот Тива (Теба) Беотиска. Чудотворните мошти на овој прекрасен светител во времето на Константиновиот син, царот Констанциј, беа пренесени во Цариград.

Грејната сезона започна, а сметките за струја оваа зима ќе бидат изгор, особено ако дограмата ви е дотраена, а вие се’ уште се двоумите на кого да му ја дадете вашата доверба.

Токму потрошувачката за затоплување на домовите најмногу зависи од квалитетната дограма. Често се случува луѓето да вложат големи средства за обновување на градежната столарија во домовите, а притоа да не бидат задоволни од тоа што го добиле.

За да не бидете измамени, препуштете се на професионалци кои си ја знаат работата и повеќе од една деценија пружаат исклучиво квалитет.

Еуро Глас Трејд е компанија од Прилеп која успешно работи и произведува висококвалитетна градежна столарија. За нивните производи и услуга ќе слушнете само пофални зборови не само во Прилеп, туку и пошироко во целиот регион.

Компанијата се занимава со производство на термопан стакло за градежна столарија, како и производство на ПВЦ и алуминиумски врати и прозорци од брендовите ALUPLAST и PROFILINK. Во својата дејност од Еуро Глас ги следат и спроведуваат сите светски достигнувања, особено кога станува збор за подобрување на енергетската ефикасност.

Во Еуро Глас располагаат со современа технологија за изработка на ПВЦ и алуминиумски врати и прозорци, а во сегментот на застаклувањето произведуваат термопан стакла со два и три слоја стакло, исполнети со аргон, а доколку тоа го бараат клиентите и со четирисезонска заштита.

Се работи за компанија која има за цел да ги задоволи барањата на клиентите и за нив клиентот е секогаш во прво, токму затоа толку долго успешно работат и функционираат на пазарот.

За сите прозорци и врати кои ги произведуваат, од Еуро Глас обезбедуваат бесплатна и максимално стручна монтажа и гарантираат за нивната долготрајност. Сите производи ги задоволуваат најсторогите стандарди за цврстина, издржливост, функционалност и најважно енергетска ефикасност.

Побарајте ги на 078 363 775 и закажете состанок.

Полициски службеници од ОВР Демир Хисар во содејство со криминалистичката полиција на СВР Битола денеска (30.10.2023) на патот меѓу с.Света и с. Единаковци, на подрачје на Демир Хисар, го лишиле од слобода Д.Т.(58) од Демир Хисар, вработен во Шумска полиција во Демир Хисар, поради сомнение за сторено кривично дело по чл.357 од КЗ „примање поткуп”. Д.Т. од лице од Демир Хисар побарал пари, а за возврат да не постапи односно да не санкционира незаконско работење.

Откако му биле побарани пари, лицето го пријавило случајот во СВР Битола и му биле дадени крим-технички обработени пари, кои тој денеска му ги дал на Д.Т..

Веднаш откако му биле предадени парите, Д.Т. е лишен од слобода и кај него се пронајдени 18.000 денари кои потекнуваат од кривичното дело. Д.Т. е приведен во полициска станица Битола и против него ќе следува кривична пријава.