На 17.12.2023 во 01.05 часот на ул.„Индустриска” во Битола, полициски службеници од СВР Битола ги лишиле од слобода М.В.(32) и М.К.(32), двете од Битола.

При преглед во патничко возило „алфа ромео“, во кое биле, биле пронајдени предмети со остатоци од прашкаста материја, додека во близина на возилото биле пронајдени неколку пакувања со прашкаста материја.

По документирање на случајот ќе биде поднесен соодветен поднесок – информираат од СВР Битола.

На 16.12.2023 во 15.09 часот во СВР Битола, С.А.(45) од Прилеп пријавил дека на ул„Орде Чопела” било опожарено неговото патничкото возило „фиат“ со прилепски регистарски ознаки.

Пожарот бил изгаснат од екипа на Територијалната противпожарна единица Прилеп, а повредени лица.

Увид бил извршен и се преземаат мерки за расчистување на настанот – информираат од СВР Битола.

Во изјава за медиумите, Меџити нагласи дека се прави еден значаен исчекор за нашите граѓани, за заштита на пациентите и за осовременување и усовршување на здравствениот систем.

„Со оваа соработка помеѓу двете Министерства за здравство и внатрешни работи, овозможуваме заедничко дејствување на припадниците на хеликоптерската единица при МВР и здравствените установи, односно употреба на хеликоптер за транспорт на пациенти. Хеликоптерот има медицинска опрема за воздушен транспорт, а ГОБ 8 Септември ќе овозможува искусен стручен тим за придружба на пациентот. На овој начин овозможуваме подобра заштита како и побрз транспорт на пациентите до здравствените установи. Драго ми е за соработката, која уште повеќе ќе унапредува и ќе се обидеме понатаму да ја развиваме, а граѓаните на Северна Македонија треба да знаат дека секогаш сме овде за нивните потреби“, рече Меџити.

Заменичката Манолева информираше дека опремата опфаќа монитори за следење витални параметри и инвазивен мониторинг, дефибрилатор, кислородна боца, аспиратор, како и лекови и други медицински инструменти.

„Дополнителна опрема ќе се обезбедува во зависност од дијагнозата на пациентите кои ќе има потреба да се транспортираат. Покрај со медицинска опрема, хеликоптерот е екипиран со доктор и медицинска сестра. Транспортот е целосно бесплатен за пациентот, а за потребата од ваков транспорт ќе врши стручна проценка директорот на установата од каде примарно е пациентот, како и според итноста на состојбата. Нашата тенденција е во иднина да се формира и посебен call центар одговорен за координација, како и да се прошири проектот со вклучување повеќе центри“, изјави Манолева.

Утрово, беше изведен пробен лет од Градската општина болница „8 Септември“ – Скопје до Клиничката болница Битола како една од пооддалечените точки.

Поранешниот градоначалник на општина Прилеп, Марјан Ристески раскажува како ПРИЛЕП ГО ДОБИ ПАТРОНОТ НА ГРАДОТ СВ.НИКОЛА:

Во не толку далечната 2006 година при посетата на Општина Прилеп (старите бараки) на Митрополитот Преспанско/Пелагониски и Австралиско/Новозеландски г-н Петар, во мое присуство како Градоначалник, заедно со намесникот од Прилеп покојниот протоереј-ставрофор Блаже Станкоски, тогашниот актуелен Претседател на Совет Диме Стевананџија и неколку вработени во Општината се разговараше за започнување на изградба на црквата “Св.Петка” и уште неколку цркви во градот и на територијата на Општина Прилеп (кои подоцна сите се изградија).

На таа средба во мојот работен кабинет, некако спонтано произлезе идејата Прилеп да има свој патрон заштитник-Светец.

Во тој момент Владиката Петар, паметам, му се обрати на сега покојниот намесник
Блаже со зборовите: “Види Блаже во тефтерот која е најголема слава во градот?”

Тогаш Блаже и сите останати едногласно потврдивме: СВЕТИ НИКОЛА е најголемата слава во градот под Марковите Кули, кога секоја втора фамилија слави, а другите одат на гости, едноставно целиот град празнува‼️

И тогаш одлуката беше јасна: СВЕТИ НИКОЛА ДА БИДЕ ЗАШТИТНИК СВЕТЕЦ НА ГРАДОТ ПРИЛЕП, А ОВОЈ ГОЛЕМ ДЕН ПАТРОН ПРАЗНИК‼️

После донесената Одлука, Директорот на ЈП ПУП – Бранко Нешкоски доби задолжение за изготвување идејно решение за ПАРАКЛИС во центарот на градот во чест на Св.Никола.

Со голем број донации од фирмите и еснафот на градот, експресно се изгради параклисот во близина на раскрсницата до новата Општинска зграда, кој стана симбол на патронот на град Прилеп, а ликот на Свети Никола се изгравира на автентичен бел прилепски мермер.

На 19.12.2006 година, на големиот ден Свети Никола, на седница на Советот на Општина Прилеп, на предлог на МПЦ- Преспанско пелагониска епархија и Градоначалник на Општина Прилеп, Св.Никола ЕДНОГЛАСНО и со воодушевување од сите советници, беше и официјално прогласен за заштитник светец и патрон празник на град Прилеп‼️

На првото официјално одбележување на овој голем ден на градот покрај покровителот-Општина Прилеп, улогата на домаќин на празникот Св.Никола беше доделена на Пере Макески сопственик на градежната фирма-Прилепец која и официјално го празнуваше Св.Никола како свој патрон/слава…

И еве, од тогаш наваму, 17 години достојно се празнува овој голем празник на градот, со Божествена литургија која се одржува во црквата “Св.
Благовештение”, со Литија до параклисот во чест на Св.Никола во центарот на градот, а потоа со богослужба и посна трпеза за сите граѓани, проследено со богата културно-уметничка програма.

Со овој историски чин:

-Прилеп прв пат во историјата доби заштиник светец.

-По примерот на Прилеп и другите градови во Македонија наредните години прогласија свој заштитник светец.

-На овој празник, прв пат град од Македонија беше запишан во ГИНИС, со
80 191 посни сарми, кој рекорд сè уште не е срушен.

-На овој ден општествено одговорните фирми со гордост се пријавуваат за домаќини на овој празник, ден кога се сплотува целиот град примајќи гости од секаде.

Свети Никола- заштитникот на сиромасите, болните, децата, морепловците…бдее и го штити градот сите овие години‼️

Нека е за многу години! Честит и вековит да е “Св.Никола”-патронот и заштитник на Прилеп!

Честита слава и среќни имендени на сите славеници!

На традиционалниот турнир во мал фудбал “Св. Никола 2023” во полн ек се натпреварите од групната фаза. Во изминатите 7 дена публиката уживаше во одлични дуели на теренот и многу погодоци, а она што е за пофалба е организацијата на турнирот.

Организаторите како новина на турнирот оваа година воведоа и ВАР систем, што на натпреварите и тоа како им дава поголемо значење и се елиминираат сите сомнежи и дискусии за исправност на судиските одлуки.

За споредба ФФМ се уште работи на имплементација на ВАР системот во македонскиот фудбал, па еве им солиден пример од Прилеп од кој можат да учат.

Менувачница “Марфил” во Старата чаршија во Прилеп, врши продажба и откуп на криптовалути, и тоа: Bitcoin, Ripple, Tether, Ethereum и Litecoin.

Брзо, ефикасно и сигурно плаќање преку RIA и МоneyGram трансфер на пари.

Посетете ги и дознајте повеќе информации.

Милијардерот Марк Закерберг гради голем комплекс на Хаваи кој би требало да служи како засолниште во случај на апокалипса.

Комплексот има подземен бункер и сопствени извори на храна и енергија. Вредноста на целиот проект е 100 милиони долари, а американските медиуми наведуваат дека станува збор за тајно засолниште на милијардерот.

Комплексот на основачот на Facebook, наречен Koolau Ranch, е веќе делумно изграден и веројатно ќе биде еден од најскапите лични градежни проекти во светот. Комплексот на островот Кауаи ќе се состои од повеќе од десет згради со две централни вили кои ќе бидат поврзани со тунел кој води до подземно засолниште од речиси 500 квадратни метри со отвор за бегство. Имотот ќе има најмалку 30 спални соби и 30 бањи, како и куќи за гости и кластер од 11 куќички на дрво во форма на диск поврзани со мостови од јаже.

Денеска сме во една целодневна посета на Кавадарци, има како што веќе и спомена доктор Николов Академија на Комисијата за здравство, на која што ќе се поразговара за состојбите, но и проблемите во здравството, изјави денеска потпретседателот на ВМНРО-ДПМНЕ Александар Николоски.

Николоски истакна дека по парламентарните избори одговорност за скандалот со Онкологија ќе има, власта штити веледрогерија, а тоа ги чини граѓаните живот.

-Она што би сакал на почетокот да го кажам е дека огромниот скандал кој што беше врзан со лечењето на болните од малигни болести и случувањата на Клиниката за онкологија, како што гледате власта целосно се обидува да го стиши. Имено, ни истрага не се отвори за манипулациите, за кои што јавно се говореше и за кои што собраниската Анкетна комисија донесе соодветни ставови кои што беа презентирани низ повеќе испрашувања кои што ги правеше истата таа комисија. Сите се свесни дека скандал има. Сите се свесни дека има потенцијални неправилности, но власта сакајќи да ги затскрие и да ги заштити првенците на власта кои што очигледно се дел од овој скандал, не отвори ни истрага како што кажав. А, најверојатно и најбитната причина зошто не отвораат истрага е затоа што сакаат да ја заштитат веледрогеријата која што е еден од најголемите донатори на СДСМ во моментот. Но, тие активности и тоа што го прават со заштита на оваа омилена веледрогерија и првенците на власта за жал чинат човечки животи. И да кажам дека после парламентарните избори кои што ќе се случат на 8-ми мај, ова ќе е една од првите активности која што ќе ја преземеме за да се побара одговорност во однос на овој случај.

Потпретседателот на ВМРО-ДПМНЕ понатаму информираше дека ќе се сретнат со пензинерите, како и средби со граѓаните на Кавадарци.

-Денес исто така ќе имаме средба и со пензионерите со кои што ќе зборуваме за состојбата во која што живеат. Наш план е пензиите да растат и да се зголемуваат, имаме конкретно ветување дека во рок од една година пензиите линеарно ќе пораснат за 5.000 денари по пензионер, што е едно сериозно зголемување во однос на ова што сега го има како пензии. И имаме план како и понатака после тоа да пензиите се прилагодуваат на потребите и на животниот стандард. Исто така ќе имаме и средби со граѓаните во Кавадарци, кај што ќе поразговараме на актуелните теми кои што ги засегаат, рече Николоски.

Компанијата “АМД Прилепец” започна со едукативни работилници во училиштата во општина Прилеп, на кои целта е учениците да се стекнат со знаења за основните сообраќајни правила и прописи, како и со знаења за зголемување на безбедноста во сообраќајот.

Првата од низата едукативни презентации од “АМД Прилепец” ја одржаа во СОУ “Ристе Ристески – Ричко”, каде учениците покажаа голем интерес и интерактивно се вклучија за време на предавањето.

На само 1.5 км од центарот на Прилеп, компанијата “Специјал градба” започна со реализација на нивната најнова мисија, а тоа е изградба на најсовремениот досега станбен комплекс во градот под Марковите Кули.

Објектот кој веќе е во напредна градба, се наоѓа на улица “Круме Беќар”, во населбата “Рид”, на широк простор, и според она што може да се види од плановите за изградба, ќе биде нешто за што прилепчани досега само можеа да сонуваат.

Станбениот комплеск – или HILL RESIDENCE располага со 9 типови на станови, чија површина се движи од 50 до 70м2, и истите ќе бидат изградени со целосна енергетска ефикасност.

Идните домови ќе бидат опремени со германски врати и дограма со двојни термопан стакла. Во зима топло, лете ладно, затоа што зградата ќе има изолација од 12цм, а впечатливо е и тоа што секој стан ќе има обезбедено високо ефикасно ладење, греење и најважното – бесплатно гаражно паркинг место.

Со три зборови: УДОБНОСТ, КВАЛИТЕТ И ФУНКЦИОНАЛНОСТ! Сето тоа и многу повеќе ќе добиете, ако HILL RESIDENCE биде вашиот избор за нов дом.

И секако побрзајте! Затоа што HILL RESIDENCE веќе ги доби своите први сопственици на станови, кои едвај чекаат изградбата да заврши и да се вселат во својот дом од соништата. Контактирајте на следниот телефонски број: 073 333 300 и закажете средба.

Плановите од становите и сите останати проекти на “Специјал Градба” можете да ги погледнете ТУКА

А за сите поволности кои ги нуди компанијата, како и соработките кои ги имаат со други компании за попусти за уредување на становите, погледнете повеќе ТУКА

ЗА КОМПАНИЈАТА ИНВЕСТИТОР НА HILL RESIDENCE:

“Специјал Градба” e компанија основана во 2011 година, која за време на досегашното постоење, се најде на листата на 200 најуспешни компании, направена од Европската бизнис асоцијација во Македонија.

Компанијата е позната по тоа што во објектите кои ги градат користат градежни материјали со одлични термички, акустични и хидроизолациски својства, и сето тоа исклучиво од лиценцирани произведувачи. Мисија на компанијата е изградба на високо енергетско-ефикасни објекти, се со цел задоволни клиенти преку заштеда на енергија, но и намалување на негативните влијанија врз животната средина, што пак ја покажува општествената одговорност на компанијата.