Претседателот на ВМРО-ДПМНЕ, Христијан Мицкоски заедно со потпретседателот Александар Николоски и членот на ИК на ВМРО-ДПМНЕ Драган Ковачки е во дводневна посета на Швајцарија.

Денеска во Женева тој имаше состанок со претседатели на многу задгранички комитети на ВМРО-ДПМНЕ од Европа.

-Навистина една исклучително квалитетна атмосфера, мотивирани се луѓето сите тие си ја љубат својата татковина Македонија и се подготвени да дадат максимум во периодот кој следи да успееме заедно да ја поразиме коалицијата СДСМ – ДУИ и како што вие дадовте една фантастична најава да донесеме промени. Бидејќи промени се потребни во Македонија.

Ценам дека сите овие луѓе кои денеска се заедно со нас овде во Женева имаат план како да дејствуаат во месеците кои се пред нас. Продолжуваме денеска со трибина во Лозана потоа утре продолжвуаме во местото Тринген каде повторно ќе имаме трибина.

Цениме дека оваа мобилизација ни е потребна бидејќи периодот кој следи е нависитна предизвикувачки и е потребна што е можно поголема мобилизација на дијаспората да излезе да гласа на следните претседателски и парламентарни избори бидејќи се суштинкси за иднината на Македонија. Она кое го слушнав од луѓето овде се незадоволството како Владата на СДСМ и ДУИ се однесува кон дијаспората игнорантскиот однос, немањето механизми да се одговори на нивните барања и потреби, потоа бариерите при можните инвестиции и вложување во Македонија. Огромното ниво на корупција и криминал во рамки на државните институции, образованието исто така беше предмет на дискусија и испраќањето на лица кои вршат образовен процес во рамки на дијаспората. Навистина една корисна дебата, корисна дискусија, јас сум многу среќен и задоволен што можев со овие луѓе денеска да се видам кои од цела Европа се собраа овдека во Женева и ќе дадат додадена вредност понатмау во програмата на ВМРО-ДПМНЕ и се разбира во рамките на теренските активности на ВМРО-ДПМНЕ не само во Македонија туку и во дијаспората, изјави Мицкоски.

Во текот на изминатата вечер (02/03.01.2024)во периодот од 22.00 до 04.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

При контролата санкционирани се 14 возачи од кои (9 во Битола,4 во Прилеп,еден Македонски Брод),а откриени биле и 13 останати прекршоци.

Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи – информираат од СВР Битола.

Околу 1.500 граѓани вчера лично поднеле барања до Архивата на Министерството за економија за ваучер за набавка на инвертер клима уред, а во четвртокот тоа го направиле 500 граѓани. Дополнително голем дел од апликациите пристигнале по пошта, претежно од граѓани од другите градови во земјава и тие ќе се обработуваат во текот на викендов, информираат од Министерството за економија.

Од Министерството за економија очекуваат набрзо да се искористат сите средства предвидени за набавка на клима уреди. За првата мерка крајниот рок е 12 февруари, а за втората 15 февруари годинава. За лично да поднесат барање до архивата, како што велат, граѓаните чекаат по околу 20 минути.

Распишан е и јавен оглас за избор на фирми од каде што граѓаните ќе може да набавуваат клими.

Ваучерите ќе се делат по принципот прв дојден – прв услужен. За да го остварат правото на учество по овој јавен оглас домаќинствата во изминатите три календарски години треба да не користеле средства од било кој извор за надомест на трошоци за грејни уреди – печки на пелети или високоефикасни инвертер клима уреди, да немаат приклучок на градско централно греење во станбениот објект каде што ќе биде инсталиран уредот. Покрај тоа, уредот ќе треба да биде купен и вграден во текот на 2024 година, најдоцна до 30 ноември годинава, на адресата која е наведена во барањето.

Набавениот уред задолжително треба да има минимум COP 3.0, да грее на надворешна температура од -15 степени Целзиусови и да биде најмалку А+ енергетска класа за потрошувачка на електрична енергија за греење.

За да аплицираат на огласите граѓаните треба да пополнат барање кое што може да го подигнат во Архивата на Министерството за економија или на веб-страницата на Министерството за економија, изјава за точноста на податоците заверена на нотар, фотокопија од лична карта од сите членови на домаќинството, како и копија од последна платена сметка за електрична енергија.

Согласно Програмата за заштита на ранливи потрошувачи на енергија, лицата со ниски примања за самец со вкупни приходи до 21.000 денари, домаќинство со два члена со вкупни приходи од 30.000 и домаќинство со три члена со вкупни приходи од 35.000 денари, може да добијат ваучер во вредност од 27.000 денари во бруто износ по домаќинство, со вклучен ДДВ за купување и вградување високоефикасни инвертер клима уреди, а лицата со ниски примања за домаќинство со четири члена со вкупен приход од 40.000 денари и домаќинство со пет члена и повеќе со вкупен приход од 45.000 денари може да добијат ваучер за инвертер клима во вредност од 30.000 денари во бруто износ по домаќинство, со вклучен ДДВ.

Согласно Програмата за поттикнување на енергетската ефикасност во домаќинства ваучер во вредност од 25.000 денари по домаќинство, со вклучен ДДВ, може да добијат домаќинствата кои живеат на територијата на општините на Пелагонискиот регион – Битола, Демир Хисар, Кривогаштани, Крушево, Могила, Прилеп, Ресен, Новаци, Долнени и Југозападниот регион – Вевчани, Дебар, Дебрца, Кичево, Македонски Брод, Охрид, Пласница, Струга, Центар Жупа.

Ваучер во износ од 23.000 денари по домаќинство, со вклучен ДДВ, може да добијат домаќинствата кои живеат во Скопскиот, Источниот, Југоисточниот, Североисточниот, Вардарскиот и Полошкиот регион.

Денеска се одбележуваат 20 години од загинувањето на македонската пејачка на народни песни, Петранка Костадинова.

На 3 февруари 2002 година, таа загина во сообраќајна несреќа во центарот на Скопје. Пред несреќата, била во МРТВ за да ја направи студиската снимка на песната што требало да ја изведува на престојниот фестивал “ГОЦЕ ФЕСТ”. Таа е воедно и нејзината последна снимена песна.

Појавата на Петранка Костадинова, во македонската народна песна, беше онаа врзивна нишка, што го дава континуитетот на фолклорното творештво со новосоздадената музика. Всушност, нејзината појава е врзана со почетоците на авторизација на песните пишувани во духот на народната староградска песна. За првпат таа ги има испеано песните на Наско Џорлев, “Не кажувај либе добра ноќ” и “Во Струмица на улица”.

Оттогаш, Петранка Костадинова во својот репертоар ги има испеано речиси сите македонски народни бисер- песни, но како и секој вреден изведувач, има барем една песна што се врзува за неговата интерпретација. Нејзина песна беше “Кирјана”.

Во својата триесетгодишна кариера, Петранка учествуваше на речиси сите фестивали за новосоздадена песна, што се создаваа во Македонија, од кои ќе останат запаметени песните: “Леонид со мајка вечера” од првото “Валандово”, “Мајсторе, мајсторе”, “Две калинки”, “Слушни ја сестро песната”, “Мајка”, дуетот со Ѓоко Дончев- “Името не го даваме”, хумористичната песна испеана со Ленче Кукиќ- “Една куќа, две жени”…

Речиси сиот свој живот Петранка Костадинова била слободен уметник, иако својот живот го заврши како членка на Ансамблот за народни песни и игри „Танец“.

Незаборавни остануваат нејзините интерпретации на песните „Не кажувај либе добра ноќ“, „Кирјана“, „Во Струмица на улица“, „Мајка“, „Мајсторе, мајсторе“, „Земи си златни ѓердани“ и многу други.

Родена била во Сомбор, во 1948 година

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,52% во однос на одлуката од 29.1.2024 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,804%, кај дизелот за 3,431%, кај екстра лесното масло за 2,549% и кај мазутот зголемувањето е за 0,719%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,306%.

Малопродажната цена на ЕУРОДИЗЕЛ (Д-Е V) се зголемува за 2,00 ден/лит и сега изнесува 78,50 ден/лит.

Од 3.2.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 79,50 (денари/литар)
Моторен бензин ЕУРОСУПЕР БС – 98 81,50 (денари/литар)
Дизел гориво ЕУРОДИЗЕЛ БС (Д-Е V) 78,50 (денари/литар)
Масло за горење Екстра лесно 1 (ЕЛ-1) 76,00 (денари/литар)
Мазут М-1 НС 41,439 (денари/килограм)

„Сите вие што сте родени од 1991 година наваму во индексот кај држава на раѓање треба да ставате исклучително само Македонија и ништо друго. Никакво РСМ, Р.С.М., РС Македонија и слично не сакам да видам“, порачува професорот на Филозофски факултет др. Владимир Трајковски во објава на Фејсбук до неговите студенти.

„Таму не ви пишува држава на живеење, а дури и тоа да ви пишува, не мора да бидете толку политички коректни.

Или можеби грешам ние имаме пет годишни деца на студии, откога некои политиканти на сила и со манипулации го прифатија пежоративното име. Берете ум во глава!“ напиша Трајковски на Фејсбук.

-Навистина сум многу среќен кога се пеат моите песни. Но среќата е неизмерна кога моите песни ги пеат оние најмалечките, најслатките, душичките – напиша на својот ФБ профил естрадниот пејач, Спасен Силјаноски, кој искористил дел од своето слободно време да се дружи со мали играорци.

Извадоци од полицискиот билтен на МВР

-На 31.01.2024 во 13.20 часот во ОВР Прилеп, А.Р.(55) пријавил дека на ул.„Т.Николоски“ бил каснат од куче скитник.

-На 31.01.2024 во 15.40 часот во СВР Битола, В.Н.(21) од Битола пријавил дека на ул.„Димче Лахчански” во Битола бил каснат од куче скитник .

-На 31.01.2024 во 21.00 часот во СВР Битола, И.М.(43) од Битола пријавил дека на ул.„Широк Сокак“ во Битола неговата малолетна ќерка била касната од к

Три години и осум месеци затвор за поранешниот косовски министер бидејќи „ги почастил“ Бехтел и Енка со дополнителни 53 милиони евра. Пал Лекај е осуден за злоупотреба на службената положба и намерно оштетување на државниот буџет бидејќи на американско-турскиот конзорциум кој го изгради автопатот „Арбен Џафери“ им исплатил повеќе од договореното – oбјави “ТВ АЛФА”.

Заедно со него е осуден и поранешниот секретар на Министерството Небих Шатри на една година и осум месеци, директорот за набавки Бесим Тахири на една година и осум месеци затвор и советникот Есет Бериша на 3 години и три месеци. Во своите прелиминарни изјави, сите обвинети се изјаснија за невини.Адвокатите на осудените по одлуката се изјаснија дека ќе се жалат до Апелациониот суд – пишува Коха.

„Коха“ пишува и дека пред неколку години според извештајот на фирмата која го врши надзорот,, паричната обврска во однос на конзорциумот била 14 милиони евра. Но тој извештај поранешниот министер никогаш не го презентирал јавно, а извршната власт сепак одобрила исплата на дополнителни 53 милиони евра на фирмата што го изгради автопатот.

Ова е само еден во низата скандали за кои повеќе домашни и странски медиуми предупредуваат дека се поврзани со „Бехтел и Енка“, компанијата која ќе ги гради коридор 8 и 10д во Македонија. Потпишувањето на договорот беше пропратено со бројни скандали во однос на транспарентноста на постапката, изборот за надзор, цената.

Девет месеци по „фрлањето на лопатите“, „Бехтел и Енка“ се уште не почнале со градба. За сега во тек се гео-механички истражувања за дел од автопатите и експропријацијата. За 2023 година од буџетот беа предвидени 243 милиони евра за американско турскиот конзорциум, а оваа година ќе добијат уште 250.

Овие патишта ќе се прават по принципот „клуч на рака“, односно Бехтел и Енка ќе си изготват физибилити студија, ќе проектираат и целосно ќе го изведат проектот.

ИЗВОР: “АЛФА ТВ”

Новинарот Зоран Момироски го продолжи серијалот колумни: “Во Прилеп не е проблем, а се’ е проблем”, кој отсега ќе оди на неговата ФЕЈСБУК СТРАНА (Зоран Момироски).

Mомироски одново пишува за сите неделни случувања во градот и разни пикантерии, а особено интересен е делот каде новинарот пишува за наводна договорна коалиција на општинско ниво помеѓу двете најголеми партии, или во случајов на двајцата претседатели на ОК ВМРО-ДПМНЕ, Дејан Проданоски и ОО СДСМ Прилеп, Зоран Пачешкоски.

-Првите работни денови по формирањето на техничката влада, меѓу тутунарите во прилепско дојде и Цветан Трипуноски заменик дополнителен министер за земјоделие. Цветан го слушна тоа што го знае и им кажа дека нема овластување ама меѓу редови му кажа: Ако гласате и ме изгласате до година нема да имате проблеми. И толку, човекот си замина за Скопје!

Факт е дека откупот на тутунот и цените не се тема за гласност на ОК на ВМРО – ДПМНЕ ама, не се тема на гласност и за (не) работењето на Локалните власти власти ни за ОО на СДСМ. Порано во предизборен период ,,фрчеа,,соопштенија, изјави, фрчеа аргументи и противаргументи . Сега молк и кај едните и кај другите.Молчат оти ,,наводно,,така ,,братски,, да не се напаѓале си се договориле Цакио од СДСМ и Декио од ВМРО-ДПМНЕ. Сомневањата кои со месеци висат над прилепската јавност дека оваа ,,тајна колација ,,си функционира безпрекорно и си опстојува во сите сегменти на живеењето очигледно стануваат се појасни. Единствено и во едниот и во другиот табор само се подгрева членството и се инсистира на единство со цел да се извојува победа. Дали и во овој случај важи народната: “СЛОЖНИ ПОПОВИ И ВО ПОСНО СИ МРСАТ”, е прашање за еден долар – пишува еден од најискусните прилепски новинари во овој дел од колумната.