Државната лотарија водена од Перпарим Бајрами пулен на Артан Груби само во јануари дала неверојатни 12 милиони евра за терминали за приредување игри на среќа, 12 милиони евра за апарати за коцкање, рече на денешната прес-конференција портпаролот на ВМРО-ДПМНЕ, Наум Стоилковски.

-Екс шефот на кабинет на Груби, сега директор на Државна лотарија, на 4 јануари дава над 6 милиони евра за апарати за коцкање, на 11 јануари 11 милиони и 200 илјади евра, на 18ти јануари над 3.5 милиони евра за апарати за коцкање, или вкупно 12 милиони евра од 4 јануари до 18ти јануари! Во само две недели лотарија на пријателот на Груби дал 12 милиони евра за апарати за коцкање, истакна Стоилковски.

Тој рече дека ова е резултат на молкот на институциите, ова е резултат на наведнатата глава на СДС, како и дека ова е резултат на разузданоста, неодговорноста, замислената недопирливост на Артан Груби и на ДУИ. Половина година предупредуваме на огромни скандали поврзани со Државна лотарија, со Перпарим Бајрами, со Управниот одбор на Лотарија, и вмешаност на Артан Груби и на ДУИ во тоа.

-СДС и ДУИ, кратат плати под минималец во ФЗОМ, не даваат стипендии на студентите, немаат пари за земјоделците, СДС и ДУИ ги качија сметките за струја, ама затоа за две недели во јануари СДС и ДУИ имаат 12 милиони евра за апарати за коцкање, за Перпарим Бајрами и Артан Груби да се среќни! 12 милиони евра во јануари за апарати за коцкање, се резултат на молкот на институциите и на СДС пред фактите кога уште во октомври посочувавме на насилство озаконето со потпис на Груби, за отворање нови коцкарници. 12 милиони евра за апарати за коцкање, заради молк на СДС пред врските на Артан Груби со Перпарим Бајрами и членовите на Управниот одбор на лотарија. 12 милиони евра за апарати за коцкање заради молкот на СДС пред договорот на Перпарим Бајрами со нова фирма врзана со член на УО на лотарија, за изнајмување на објект во Визбегово за 2.5 милиони евра! Потенцираше портпаролот на ВМРО-ДПМНЕ.

Нема што СДС нема да голтне и пред што нема да заврти поглед само Артан Груби и ДУИ да ги направат среќни со државни пари, нема што нема да премолчат само и само во обид да ги домолат за спас од двоен изборен дебакл СДС. Сите овие договори, вклучително и законите на ДУИ за коцкање мора да минат низ процес на ревизија. Одговорност за вакво расипништво мора да има. Никогаш не било полошо, важно е да ги поразиме, додаде Стоилковски.

На овој ден е роден еден од најголемите актери во Македонија, Благоја Спиркоски-Џумерко.

Денес ќе наполнеше 78 години, но за жал тој повеќе не е со нас.

Спиркоски е роден на 6 февруари во 1946 година во Прилеп, од татко Киро и мајка Марија. Бил член на Народниот театар во Прилеп од 1966 година сè до неговото пензионирање. Остварил голем број на улоги, меѓу кои најзапаметен ќе остане по улогата на Итар Пејо во ТВ-драмата „Солунски патрдии“. Одиграл улоги и во македонските играни филмови: „Тетовирање“, „Викенд на мртовци“, „Како убив светец“, ТВ-сериите: „Бумбари“, „Погрешно време“ и „Наше маало“. Носител е на наградата за животно дело „Војдан Чернодрински“ од 2011 година. Почина во Прилеп на 11 јуни 2015 година.

Покрај таа за животно дело, Џумерко е добитник и на следните други награди:

-Награда “Ристо Шишков”
-Награда за најпопуларно ТВ-лице на “Екран” за улогата на “Пејо” во “Солунски патрдии”
-Награда 3-ти ноември
-2006 – Награда „Петре Прличко“

Почивај во мир великану!

Најновата претстава “Стапица за глувци” во режија Борис Василески, во театарот “Војдан Чернодрински”

-петок 9.02.2024 – 19.30ч.

-сабота 10.02.2024 – 19.30ч.

*****************************

Влезници и резервации на телефонскиот број: 076 442 378

Доцна синоќа е завршена ревизијата на нефункционалните закажани термини за фотографирање на исправи.

Техничкиот министер за внатрешни работи Панче Тошковски вели дека над 30.000 телефонски закажувања го блокираат процесот.

Додава дека пунктовите кои се направени се популистички мерки кои се многу слабо менаџирани. Најави дека во следниот период ќе се воведе двосменско работење за да им се излезе пресрет на граѓаните.

„165.000 граѓани во Скопје имаат закажано термин за вадење на лични документи, кој што број вчера во неделата мојот тим со луѓето вработени во рамките на МВР констатираа дека е неточен“, објаснува Тошковски.

Според него голем дел од предметните закажувања се фиктивни, голем дел од предметните закажувања не се споредени со оние коишто се предомислиле од редовна да влезат во итна постапка, или пак поминале да се сликаат во рамки на пунктот Пролет.

„Така да оваа бројка сама по себе откога направивме првично споредување на податоците ќе падне за отприлика некаде околу 20 отсто. Тоа значи дека отприлика некаде околу 30.000 телефонски закажувања се непотребни, односно несуштински и го оптеретуваат системот, и нереално наместо граѓаните да закажат во август – септември, закажувале во ноември – декември. Тоа е прво. Второ, многу важно, кое ќе биде нашето дејствување од апсект на реорганизирање, пунктот Пролет само уште денес и утре ќе функционира така како што функционира“, вели министерот за внатрешни работи во техничката влада Панче Тошковски.

На 04.02.2024 во 13.00 часот на место викано „Вештачко eзеро“ во Прилеп, полициски службеници од ОВР Прилеп го лишиле од слобода Н.А.(40) од Прилеп.
Тој бил затекнат при бесправна сеча на дрва и кај него биле пронајдени запрежна кола натоварена со огревно дрво и моторна пила.

Притоа, тој ги попречувал полициските службеници при вршење на службените дејствија.

Пронајденото било одземено и предадено на Шумска полиција, а Н.А. бил приведен во полициска станица и по документирање на настанот против него ќе следува соодветна пријава – информираат од СВР Битола.

Колумна на Никола Тасев:

Ковачевски преку телевизија гледа што се случува во „неговата“ влада. Каков крај за надобудниот лидер од „Бихачка“! Кои зборови најбрзо ќе ви текнат, со кои, најсликовито би го објасниле владеењето на неговата и Заевата партија во последните 7 години?

Еве што прво мене ми дојде: попуштање, виткање „кичма“, компромиси на штета на државата, прифаќање на туѓи ултиматуми, усвојување на договори – добиени готови и напишани однадвор, одмакедончување на Македонците, самопонижување, ама и силење кон работниците, силење кон опозицијата…

Има и други зборови, еве како на пример, корупција, сомнителни тендери, злоупотреби на администрацијата, судството… со партиски вработувања, ама во оваа прилика ќе пишувам само за понижувањето на македонскиот народ, за кое СДСМ се потруди да го направи на „ниво“.

Најсвежото понижувањето сервирано од власта е со промената на личните документи. Прво, тоа не смееше да се прифати. Второ, кога веќе ја свиткаа кичмата не направиле анализа колку време е потребно за да се заврши целиот процес, а прифатиле датум до кога ќе важат постојните пасоши. Трето, не се подготвиле оперативно за да го испочитуваат рокот и четврто, не направија соодветна кампања за да го подготват народот. И последицата е – ново понижување, турканици и тепачки пред шалтерите за смена на личните документи. Исто како што беше во времето на Ковид пандемијата со вакцините. Се сеќавате и на тоа, нели? И секако за турканиците, Спасовски го обвини народот.

А притисоци, ултиматуми, „обландирани“ предлози за самопонижување, Македонија имаше од почетокот на осамостојувањето. Сите досегашни водачи на државата, претседатели и премиери, кој помалку, кој повеќе, покажаа дека имаат „кичма“ и наоѓале начин како да ги одбијат. Ама пред 7 години тогашниот премиер Заев го најави новиот курс на бродот Македонија: треба да ја „свиткаме кичмата“, а тој да биде „сидро што ќе влече напред“. И го направи тоа! Се наведна до земја пред странците. Неговиот наследник Ковачевски само продолжи да биде во таа поза. Море понекогаш беше и иновативен – „мешаше“.

Каде е денес Македонија? Дали сидрата Заев и Ковачевски ја повлекоа напред или ја закопаа во место? Дали престанаа маките и понижувањата на Македонците? Дали сме во ЕУ?

Одговорот на овие прашања е добро познат за мнозинството Македонци, на кои СДСМ им покажа како може и свиткан рбет да се скрши.

Го искривија рбетот на македонскиот народ, му го сменија името, историјата, учебниците… се откажаа и од грижата за Македонците во соседните земји, а како тераат – ќе дотераат и до целосно кршење на македонскиот идентитет.

Среќа за 3 месеци се изборите, па македонскиот народ, (оние со здравите кичми) има можност сето тоа да го казни. И да ги натера новите власти да се почитуваат самите, но да ги почитуваат државата и народот. И да знаат дека нивниот легитимитет потекнува од народот, а не од Брисел или од Мала Речица!

Полна со препознатлива позитивна енергија, прилепчанката Билјана Зероска повторно го воодушеви жирито на шоуто “Никогаш не е доцна”.

Исак Шабановиќ едвај чекаше Билјана да запее, а пред самиот настап го интересираше дали во Лондон, каде Билјана живее повеќе години, е подобро отколку на Балканот.

“Кога носиш балканска душа, секаде е убаво, а Англичаните мораат многу да научат од нас, а не ние од нив”, рече Билјана која во овој круг се претстави со песната “Мама миа”, со која го крена цело студио на нозе.

Во ревијалниот дел, на сцената и’ се придружи нејзиниот брат, познатиот прилепски стоматолог, Методија Зероски, кој исто така се занимава со музика, а на клавирот ја придружуваше во песната “Странец во ноќта”.

Настапот на Билјана можете да го погледнете ТУКА , или во видото во продолжение почнувајќи од 1:04:00:

За жал нашата прилепчанка не успеа директно да се пласира во наредниот круг, па само со помош на вашите гласови ќе може да продолжи нејзиното учество во ова шоу.

ГЛАСАЈТЕ ЗА БИЛЈАНА НА СЛЕДНИОТ ЛИНК: https://nnk.app.do/polls/nikad-nije-kasno-glasanje-04-02-2024-glasanje-traje-48h/forms/164860165/thankyou

Малопродажните цени на бензините ЕУРОСУПЕР БС-95 и ЕУРОСУПЕР БС-98 како и на Екстра лесното масло за домаќинство на (ЕЛ-1), се зголемуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 02.02.2024 година и со тоа малопродажната цена на ЕУРОСУПЕР БС-95 изнесува 80,50 ден/лит, малопродажната цена на ЕУРОСУПЕР БС-98 изнесува 82,50 ден/лит, додека малопродажната цена на Екстра лесното масло за домаќинство на (ЕЛ-1) изнесува 77,00 ден/лит.

Малопродажната цена на ЕУРОДИЗЕЛ (Д-Е V), се намалува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 02.02.2024 година и со тоа малопродажната цена на ЕУРОДИЗЕЛ (Д-Е V) изнесува 78,00 ден/лит.

Секторот за внатрешни работи Битола во текот на викендот(02/03/04.02.2024) продолжи со контролите во областа на сообраќајот.

На територија на СВР Битола санкционирани се 226 возачи, меѓу кои 124 мерки за возење повеќе од дозволената брзина, 31 мерки за возење под дејство на алкохол, 21 санкција за управување без возачка дозвола.

Сообраќајните контроли продолжуваат и во наредните денови.

Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.