Ангажманот на Венко Филипче во 4 изборна единица е потенцијална лидерска битка во СДСМ, смета потпретседателот на ВМРО-ДПМНЕ Александар Николовски.

Николовски вели низ 4 ката во седиштето на СДСМ на Бихаќка од луѓето кои што го поддржуваат Филипче се зборува дека по изборите се надева да го преземе раководењето на СДСМ и дека затоа влегува во оваа изборна трка.

Филипче да одговори за неговата улога како Министер за здравство во справување со ковид кризата, бара Николовски кој поставува шест конкретни прашања:

▪️ Прво каде е тој во однос на модуларната болница во Тетово која што изгоре и 14 човечки животи кои што беа загубени таму

▪️второ што мисли за тоа што Македонија имаше меѓу највисоките смртности во корона пандемијата

▪️трето каква е неговата улога при набавката на вакцини преку сомнителни фирми од Хонг Конг за трговија со јужно овошје,

▪️четврто каква е неговата улога во процесот на приватизација на стерилизацијата во сите Јавно здравствени установи во Македонија,

▪️петто дали се обидувал или не една приватна болница во Македонија на сила или под притисок да биде продадена на еден бизнисмен од Албанија,

▪️шесто каква е неговата улога во случајот Онкологија и семејството Пановски

Целата прес конференција на Николоски во продолжение:

Искра е 17 месечно детенце кое е родено со спинална мускулна атрофија – Тип 1. Искра не знае што значи да дишеш слободно, со полни гради бидејќи е на респиратор од раѓање, и не може да живее без него. Искра никогаш во животот нема вкусено храна, бидејќи се храни со назогастрична сонда која и влегува преку носето. Нејзината приказна ќе го скрши и најтврдокорното срце: имала 6 операции на нејзиното мало срценце досега, една од нив и на дијафрагмата, со цел да се дијагностицира состојбата, но оваа болест е толку ретка, што ваквите генетски тестови кај нас ги има само во МАНУ, но проблемот со ретките болести е што треба некој да ги препознае за да знае да упати каков тест да се направи. Малата Искра имала среќа, во белградскиот педијатар кој работел во Систина и кој во неможноста Искра да ги движи рачињата ја препознал болеста и ги упатил на тестирање.

Искра никогаш не земала воздух, и не може да дише без респиратор, а знаеме каква е ситуацијата за респиратори кај нас: таа користела респиратор од петгодишниот Петар, кој за жал починал, и неговите родители го предале за Искра. За жал, респираторот откажал пред 5 дена, на 22 март, по што Искра била транспортирана на Клиниката за детски болести, но и таму откажал респираторот, и сега е Искра во Систина, во исчекување да и помогнеме да се купи мобилен респиратор.

Не постои цена за да може Искра да земе здив. Во име на таткото Гоце Трајковски, Ве молиме да одвоите колку што имате за да се спаси ова мало, невино детенце, кое веќе видело многу страдање во својот краток живот.

ДОНИРАЈТЕ ТУКА за респираторот за Искра да се набави што поскоро!

По повод големиот велигденски пост, секој петок на вечерната богослужба се пее акатистот на Пресвета Богородица и се осветува петтолебие за здравје и спасение на верниот народ, велат од храмот Св. Кирил и Методиј – Параклис од Прилеп и ги покануваат сите верници, откако ќе заврши вечерната богослужба, да присуствуваат на “агапе” (вечера на љубовта) на која овој петок ќе се зборува на тема “ВОСКРЕСЕНИЕ И ЖИВОТ”, а ќе предава ПРОТОЕРЕЈ ЖИВКО ДЕСПОДОВСКИ.

Повеќе од 100 млади шахисти од 14 различни земји, изминатиот викенд се дружеа во Белград на шаховскиот турнир “Шаховски средби на идните шампиони”. Македонската делегација беше најбројна со 15 шахисти, при што Кирил Николоски од Скопје освои златен медал, а Теодора Ѓорѓиеска од Прилеп се закити со бронзен медал.

-На турнирот освен симултанки и предавања, одигран беше и рапид турнир во пет различни возрасни категории. Сите учесници-тренери и шахисти наградени, насмеани и почитувани. Пример како треба да се организира еден шаховски настан – напиша на ФБ, претседателот на Шаховскиот клуб “Прилеп”, Тони Кироски.

На 23.03.2024 година – Тодорова сабота, се одржа промоција на стихозбирката „Молк пред стиховите“ на Ирена Дончева, во Спомен куќа „Тодор Проески“, во организација на НУ Центар за култура „Десет Дена Крушевска Република“-Крушево. Промотор на книгата беше Елена Христоска која ја претстави книгата со голема емоција.

Стиховите пред публиката ги пренесе Ана Стојанов,која низ воздишка го читаше секој стих.

Дончева за својата книга вели дека е инспирирана од нејзиното секојдневие и е наменета за сите кои го обожаваат пишаниот збор.

Вечерта беше исполнета со емоции и позитивна енергија, за која што е заслужна и присутна читателската публика.

Од транспортно возило, улиците во Прилеп се послани со бела прашкаста материја – информираат од ЈКП “Koмуналец” Прилеп.

-Непознато транспортно возило со движење од излезот на патот за Маркова чешма, по улиците,, Александар Македонски”, “Димо Наредникот” и дел од булеварот ,, Гоце Делчев”, по целата траса на движење истурал бела прашкаста материја во поголеми количини. Од страна на ЈКП,, Комуналец”, е поднесена Пријава за непознат сторител до Инспекторатот при ЛС, кој веќе е на терен да ги утврди причините и сторителот. Граѓаните кои телефонски звонат во ,, Комуналец” и реагираат на прашината да ги информираме дека цистерните се полнат со техничка вода и во секој момент ќе бидат на терен, а во текот на денешниот ден ќе бидат измиени улиците – напишаа од јавното претпријатие на Фејсбукк.

Со изведбата на претставата „Аудиција“ во режија на Владимир Милчин,  театарот „Војдан Чернодрински“ на 27 март (среда) од 19.30 часот, ќе го одбележи Светскиот ден на театарот. Влезниците за претставата се бесплатни и ќе можат да се подигнат во среда од 18.30 до 19.30 часот на билетарницата од театарот .

Во горчливата комедија, се зборува за копнежот по малку подобар живот, кој е можен само подалеку од провинцијата и татковината. Играат Марија Спиркоска Илијеска, Даниела Иваноска, Ангела Наумоска, Сара Спиркоска,  Јасмина Мицовска Станкоска, Наташа Ачански, Илија Вилчески, Александар Тодески, Игор Трпчески, Зоран Иваноски и Михајло Миленкоски.

Македонската порака за светскиот ден на театарот ја напиша режисерот Коле Ангеловски, кој посочи дека е голем празник за театарџиите. ( дел од пораката)

-Тој ни доаѓа како куќна слава. И тогаш театрите се обидуваат, на тој ден, да дадат премиера (по можност добра) па потоа коктелче, баш како на куќна слава…. Долго време сум во театарот и имав прилика да доживеам два радикално различни периоди во животот на Македонскиот театар. Првиот, кога Македонија, во склоп на Југославија, водеше сметка за културата….тогаш театрите ги водеа компетентни и значајни личности и се’ функционираше како што треба….. Во независна Република Македонија имаше околу 20 национални установи кои целосно беа финансирани од Министерството за култура. Дојде демократијата, во театрите дојдоа партиски директори, кои си носеа партиски режисери, кои си бираа партиски глумци и соработници и со големи буџети правеа големи проекти, не претстави, проекти според големи автори. Големи најави, мали резултати. Ќе се променеше власта, нови партиски директори, нови партиски режисери, нови соработници, големи автори, големи најави, а се помалку публика, помалку репризи….. Секоја година со ребалансот на буџетот, парите во културата се намалуваа за 10 %, 20 %,…. Сега со овие средства што ги добија театрите, со исклучок на две, три претстави што имаат пристојни буџети, ќе крпарат со сценографии и костимографии од фундус, музика ќе симнуваат од Јутјуб, хонорарите, ако воопшто ги има, ќе бидат минимални. Ќе гледаме, по кој знае кој пат нови видувања на „Тартиф“, на дела од Шекспир, Стефановски… Ќе „измислиме нов правец’’ во театарот – „Гол театар“: празна сцена, две столици, црни завеси… Зградите на театрите ќе се распаѓаат, вода ќе тече од сите страни, греење ќе нема, стотина дипломирани млади актери ќе чекаат некој од театрите да респише конкурс , за евентуално да бидат примени… посочува Ангеловски.

Светската порака ја напиша Јон Фосе, писател и драматург од Норвешка, кој посочи дека добрата уметност успева на свој, чудесен начин, да ги соедини уникатното со универзалното. (дел од пораката)…

-Но ни допушта да разбереме каде е разликата, на она што би се рекло – што е уникатно, а што универзално; и со тоа, уметноста ги пробива јазичните бариери, географските граници на сите земји, држави; и ги соединува, не само индивидуалните квалитети на луѓето, туку и индивидуалните особености на сите групи на народи, од сите нации. Уметноста не го прави тоа со изедначување на различностите, за да нè направи исти или еднакви, туку напротив, го прави со покажување на различното во нас, на другото, туѓото. Секое добро уметничко дело се состои од – токму тоа – од нешто туѓо, нешто необично, нешто што не можеме да го разбереме целосно, но на некој начин, сепак го разбираме. Содржи мистерија, би рекол. Содржи нешто што нè воодушевува и што нè тера да ги надминеме нашите поставени бариери, и со тоа го создава тоа себе надминување, што нè носи над земните и материјални потреби од физичката реалност, што секое уметничко дело мора да го содржи во себе и да нè води кон тоа – посочува Фосе,  додавајќи дека секое уметничко дело длабоко во себе се врти околу едно единствено нешто: земајќи ги сосема посебните и комплетно уникатните нешта, правејќи ги универзални.

Поради тоа што поголемиот јагниња годинава беа откупени за извоз за католички Велигден и најмногу за Италија, тоа се одразува на цената по оние малку што останаа да се продаваат на домашниоот пазар.

Граѓаните кои сакаат да купат јагне за празникот Велигден, ќе треба да потрошат околу 100 евра, но сточарите се жалат дека интересот е слаб, пишува порталот „Фактор“

„Од сточарска фарма е поевтино и купувачот ќе види кое јагне го сака. Купуваат и од фармери директно, ако има јагниња. На граѓаните им е скапо, на нас евтино“, велат сточари за Фактор.

„Од сточар најскапото е 300 денари за килограм жива мера.

Ако е заклано цената е од 450 до 550 денари за килограм. Зависи кое јагне, според квалитетот. Прва класа ќе изнесува 450 до 480 денари килограм, млечно, младо јагне.

Втора класа е ако јагнето жива мера е над 20 килограми. Тоа е до 530 денари, ако го земаат од фарма, а во кланица е поскапо, над 600 денари за килограм.