Македонијо благодарам. Промените доаѓаат. Македонија повторно твоја! Ова го истакна лидерот на ВМРО-ДПМНЕ Христијан Мицкоски, по завршувањето на сенародниот собир пред Влада во организација на ВМРО ДПМНЕ, а со кој се одбележа почетокот на кампањата за Претседател на Република Македонија на кандидатката Проф. Др Гордана Силјановска Давкова.
https://www.facebook.com/share/p/p2zq2q8CPS1CoWcG/?mibextid=oFDknk
Возач на автобус, македонски државјанин роден 1965, загинал денеска во сообраќајна несреќа во Италија, а 12 патници, исто така македонски државјани, се полесно повредени, соопшти Министерството за надворешни работи.
МНР било информирано од нашата Амбасада во Рим дека на автопатот меѓу градовите Асколи Пичено и Анкона во Италија се случила сообраќајна несреќа во која учествувал автобус на туристичка агенција од Северна Македонија, при што, како што се наведува „на самото место починал возачот на автобусот – Р. И. (1965) додека полесно повредени се 12 патници, исто така наши државјани“.
-Министерството преку Амбасадата во Рим останува во континуирана комуникација со надлежните италијански институции, кои работат на целосно расчистување на случајот, информираше вечерва МНР.
#AscoliPiceno, #incendio in galleria a Cupra Marittima, sulla A14: proseguono da parte dei #vigilidelfuoco lo spegnimento degli ultimi focolai e lo smassamento del materiale bruciato [#4aprile 16:30] pic.twitter.com/ODPk69LzB6
— Vigili del Fuoco (@vigilidelfuoco) April 4, 2024
Според објавите на италијанската противпожарна служба, несреќата се случила во тунел на наведениот автопат, а македонскиот автобус се судрил со товарно возило натоварено со алкохол.
„Главната причина зошто Македонија не преговара за членство со ЕУ и главната причина за уназадувањето на Македонија е невладеењето на право“, истакна Александар Николоски, потпретседател на ВМРО-ДПМНЕ и носител на листа во ИЕ4 во Отвореното студио пред започнување на големиот народен митинг пред Влада на Република Македонија.
„Еден од темелниците кој што беше срушен во изминатиов период е Кривичниот законик кој што да потсетам беше набрзина донесен минатото лето во Собранието со европско знаменце и беше експресно истиот ден потпишан од Стево Пендаровски, кој што за жал ја извршува функцијата претседател на државата“, укажа Николоски.
Николоски додаде дека со потпишувањето на измените на Кривичниот законик практично се удри во темелите на правната држава и на владеењето на правото во Македонија.
„Тоа е по мене едно од најголемите злосторства кои што Пендаровски направи. Нешто што дефинитивно мора да менуваме. Мора да воведеме функционален систем на владеење на правото и реална правна држава“, нагласи тој.
Тој посочи дека граѓаните се прашуваат зошто Пендаровски го направи тоа. Пендаровски посакува во јавноста да се прикаже како скромен и некорумпиран, но човек кој што потпишува Кривичен законик за амнестија на криминалци не може да е ниту скромен, ниту некорумпиран. Веројатно е многу алчен, веројатно е многу корумпиран и затоа го направи тоа.
Танцовото студио New Generation од Прилеп е формирано во април 2011 година, и досега клубот може да се пофали со стотици успеси, како на домашни, така и на меѓународни натпревари и првенства.
Дечките заедно со нивниот ментор, Оливер Богојевски, се вистински амбасадори на Прилеп и Македонија, а сега имаат потреба од сите граѓани и сите стопанственици кои сакаат да помогнат, за да отпатуваат на Светско првенство во Будимпешта, Унгарија.
Во апелот за помош на танцовото студио стои:
Министерот за внатрешни работи Панче Тошковски денеска (04.04.2024) во прилпескиот крај беше во посета на полициските одделенија Кривогаштани и Ропотово и одделението за внатрешни работи Прилеп, каде одржа работни состаноци со раоводниот кадар на тие организациски единици.
На подрачјето кое го покрива ПО Кривогаштани со 13 населени места безбедносната состојба е стабилна и оваа организациска единица е една од ретките каде кадровската пополнетост е на највисоко ниво.
Што се однесува до ПО Ропотово има недостаток на раководен кадар и што поскоро треба да се направат соодветни распоредувања со цел да се овозможи непречено функционирање на одделението.
„ОВР Прилеп се соочува со недостаток на службени возила кои се неопходни за ефикасно постапување, но сепак во делот на реализирани кривични дела се бележи зголемена ефикасност во последните два месеци. За оваа полициска станица советот на Општина Прилеп избра командир, но од страна на Владата беше поништен актот доставен од моја страна поради што бев спречен да донесам решение за негово назначување се до вчера кога добив правосилна пресуда од Управниот суд со која е поништена ваквата незаконска одлука на Владата, па така во наредните денови ПС Прилеп ќе добие командир.“, констатираше министерот Тошковски.
На 03.04.2024 во 18.45 часот во СВР Битола, 55 годишен битолчанец пријавил дека бил физички нападнат од неговиот син на возраст од 25 години, кој употребил и остар предмет.
Се преземаат мерки за расчистување на настанот – информираат од СВР Битола.
Двајцата жители на околината на Бор, се осомничени за убиството на малата Данка Илиќ (2), која со денови ја бараше цела Србија, регионот и дел од европските земји, надевајќи се на чудо и среќен крај. Прво ја удриле со автомобил, а потоа еден од нив излегол од возилото и наводно, според неофицијални информации на српските медиуми, го задавил детето кое лежело на патот и плачело.
Многу брзо по исчезнувањето на малата Данка двајцата се приведени и сослушани во рамки на истрагата и тврделе дека немаат никаква врска со исчезнувањето на девојчето.
Но, на полицијата и биле многу сомнителни, па упорно ја продолжувале истрагата и во таа насока.
Клучниот момент беше објавувањето на видеото од Виена, кога двајцата си размениле порака „Го виде ли ова во Виена, се извлековме“, откри истрагата.
Во третиот петок од Великиот Велигденски пост со почеток од 17 чадот, во храмот св. Кирил и Методиј – Параклис, ќе се служи Големо повечерие на кое ќе се чита акатист посветен кон Пресвета Богородица и ќе се осветува петтолебие за здравје и спасение на верниот народ. Потоа ќе се одржи и предавање во овогодишниот циклус од предавања на тема за ПРВОРОДНИОТ ГРЕВ на кое ќе предава отец Јове Тренчевски, во просториите на административната зграда.
ВОЕДНО И ПОКАНА до верниот народ, свештеното братство за присуството на предавањето. Храбра наша Војвотко победоносна, ние, слугите твои од зло избавени, песни пофални ти воспеваме, Богородице.
Но Ти, Која крепост имаш непобедлива, од секоја беда ослободи не, да повикуваме:
Радувај се, Невесто Неневестна!
130 млади шахисти учествуваа на традиционалниот Меѓународен младински шаховски турнир “Наум Наумоски – Борче”. Шахистите беа поделени во 3 групи, и тоа: во категорија до 8 години, до 10 и до 18 годишна возраст.
Учество на турнирот зеде и 15-годишниот Никола Павлески од Прилеп, на кого за влакно му избега првото место на турнирот во категорија до 18 години.
Никола забележа 5 победи и две реми партии, а ова е негов највреден шаховски успех досега.
Да му посакаме желби за уште поголеми успеси во иднина и искачување на европски и светски шаховски пиедестали.
Пред музичкиот дел на 7.издание на Џез фактори фестивалот во Битола, се одржа промоција на книгите на новинарот и публицист
Љупчо Јолевски, “Радио“ и “Неправилен ритам- Приказни од современата македонска музичка сцена“, во Центарот за култура. Авторот заедно со повеќе уметници направија мултимедијална промоција.
За музичкиот дел се погрижија Јордан Костов и Глигор Кондовски, а водител беше актерот Игор Трпчески.
Дел од промоцијата беа и видео пораките на Крсте Роџевски, Бранко Николов (Фолтин), Сашо Поповски.
На промоцијата говореше и рецензентот, Дејан Трајкоски.
„Во нашиот медиумски контекст, Јолевски е УЧИТЕЛОТ. Се разбира, воопшто не е претерано да се каже така. Всушност, неправедно е да не се каже така. Затоа што на прстите од една рака се бројат луѓето со повеќедецениски стаж коишто со елан на младич пишуваат за состојбите во културата, а со таква силна наобразба. Доказ за тоа е тоа што, барем во музиката, нема новинар којшто подобро ја знае не само џез музиката, туку и музиката на светот, домашната андерграунд музика, и кој во исто време бил активен сведок на цела една повеќе од четири децениска музичка, но и културна историја“, истакна Трајкоски.
Присутните воодушевени, а авторот Јолевски истакна:
„Многу ми е драго кога ќе слушнам дека некој си поминал добро на некоја промоција. Кога ги подготвував моите две книги сакав да направам нешто што ќе ги надмине рамките кои се веќе востановени, работејќи и во електронски медум, но и во печатен, решив да направам магазински тип на книга, каде подеднакво важна ќе биде и фотографијата, но и пишаниот збор. Да се сретнат двете работи, да се вкрстат и да се направи нешто ќе го испровоцира читателот и визуелно, меѓутоа она што ќе го прочита, барем малку да му отвори некоја нова страница, некој нов видик, некои нови авантури да му донесе. Треба да се излезе од постоечките рамки и на промовирање на едно дело, музика, настан“.
Рече дека е посебно среќен затоа што се сретна со двајца многу добри колеги, пријатели, битолчани.
„Така е. Се сретнав со Панде Димитровски со кого своевремено бевме во весникот „Млад Борец“, еден од весниците кој го донесе македонското новинарство, македонската медиумска демократија. Тука е и Петар Ставрев со кого патував низ Европа, зборувајќи за колекциите на винил плочи и мојата желба е еден ден да ја стигнам таа негова колекција“.
„Радио“ е објавена пред пет години и е книга која се занимава не со радиото како медиум, туку со нешто друго, со сето она, што, како културна рубрика која Јолевски или како новинар, во културната рубрика на Радио Слободна Европа, успеа да го вообличи во радио прилог, во интервју, рецензија, во осврт, нешто што беше емитувано на програмата, нешто што, беше трка со времето, стигна на време, сето тоа, да излезе во час, час и половина, прво како текст, па како радио прилог, па потоа како, веб-сајт.
„Неправилен ритам“ се занимава со современата музичка сцена, книга во која на 800 страници се поместени бројни интервјуа, со по авторот најзначајните ликови на она што претставува наша музика, македонска музика: Анастасија, Архангел, Влатко Стефаноски, Леб и сол, Симон Трпчески, Дарија Антовска итн.
На самата промоција вниманието го привлече девојчето кое едноставно се качи на сцената и танцуваше додека одеше видео записот на Сашо Поповски.
„Иднината на македонската култура, танцот, македонскиот џез“ коментираа сите.
„Неправилен ритам“ е посветена на трите внуци на Јолевски.
„Книгата е посветена и на сите оние деца, идни генерации кои ќе имаат услови да направат нешто повеќе за нашата Македонија, ваква каква што ја знаеме, што би рекол Симон Трпчески центарот на светот и Македонија лулка на културата“, додаде Јолевски на промоцијата.
Љупчо Јолевски професионалната новинарска кариера ја започнал во почетокот на 1980-те во весникот на младите на Македонија – „Млад борец“. Безмалку едновремено со почетокот од Интердисциплинарните студии по новинарство на Универзитетот „Свети Кирил и Методиј“ во Скопје. Најнапред бил соработник, потем и новинар и уредник на културната рубрика во Редакцијата. Паралелно соработувал во Македонската радио телевизија, на почеток во младинските емисии на Втората програма во Радиото, а потоа како автор и водител на музичко-забавната емисија ВИДЕОМЕТРОНОМ и на контактната НЕДЕЛНО ПОПЛАДНЕ. Една деценија подоцна, во 1990-те се префрла во Втората програма на Македонското радио, каде бил новинар и водител на неколку контактни и музички емисии, за да од 1995 година покрај редовните програмски обврски, цели четири години биде уредник – координатор на култната Стотројка (Музичкото радио – Канал 103), која во тој период за своите програмски дострели ја добива и Годишната награда на МРТВ. Истото ова признание што го доделуваше МРТВ Љупчо Јолевски, како новинар и уредник, ќе го добие во 1998 година. Во таа декада и половина, тој со своите текстови бил присутен во ревијата Екран, изданијата на Детска радост – посебно НАШ СВЕТ, во НОВА МАКЕДОНИЈА (соработник на Оливер Белопета во подготовката на саботната Музичката страница), магазините „Рок“, „Време – забаве“, „Македонско време“, „Град“… На почетокот на новиот милениум Јолевски од МРТВ заминува во Телевизија Скопје (подоцна Алфа) и неделникот „Старт“. Од таму, патот го води во ДНЕВНИК, каде скоро четири години бил новинар и уредник на Забавната рабрика. Потем исто толку време поминал во новооснованиот дневен весник ВРЕМЕ и во наредните три години бил задолжен за екипата новинари од оваа област во НОВА МАКЕДОНИЈА. Паралелно, цели деценија и половина ја водел сопствената музичка авантура „Скопје, Париз – Тексас“ на РАДИО РАВЕЛ, бил уредник и на македонскиот месечник за култура LIFE MAGAZIN, соработувал во подготовката на единици за македонската музика во Светската музичка енциклопедија и на делот за Македонија и нејзината современа музика во енциклопедиското издание на МУЗИКА, оригинално објавено во Велика Британија и потем преведено во балканските земји од белградска „Просвета“. Речиси од самото основање на Радио Слободна Европа на македонски јазик и се до пензионирањето (октомври 2022 година), Љупчо Јолевски беше новинар и дописник на овој светски медиум. Инаку, Љупчо Јолевски има објавено две книги „Радио“ и „Неправилен ритам – Приказни од современата македонска музичка сцена“ и за својата долгогодишна работа во новинарството минатата година ја доби наградата „13 ноември“ што ја доделува Град Скопје.
