Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,38% во однос на одлуката од 8.4.2024 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,536%, кај дизелот намалувањето е за 0,730%, кај екстра лесното масло зголемувањето е за 0,580% и кај мазутот намалувањето е за 2,057%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,362%

Од 16.4.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 86,50 (денари/литар)

Моторен бензин ЕУРОСУПЕР БС – 98 88,50 (денари/литар)

Дизел гориво ЕУРОДИЗЕЛ БС (Д-Е V) 77,50 (денари/литар)

Масло за горење Екстра лесно 1 (ЕЛ-1) 77,50 (денари/литар)

Мазут М-1 НС 44,302 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат.

Малопродажната цена на ЕУРОДИЗЕЛ (Д-Е V) се намалува за 0,50 ден/лит.

Малопродажната цена на Екстра лесното масло за домаќинство на (ЕЛ-1) се зголемува за 0,50 ден/лит.

Малопродажната цена на Мазутот М-1 НС се намалува за 0,871 ден/кг и сега ќе изнесува 44,302 ден/кг.

-Напоменуваме дека ова се максималните цени на нафтените деривати од 00:01 часот на 16.4.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна.

Вчера Битола и битолчани беа сведоци на едно прекрасно адреналинско шоу. Над 500 моторџии од цела Македонија со своите миленици пристигнаа на плоштадот “Магнолија”, каде ја отворија мото сезоната за 2024 година.

Настанот беше во организација на Мото асосцијацијата на Македонија на мото клубови, а домаќини во Битола беа членовите на Мото клубот “Конзули”.

Битолчани беа воодушевени од глетката и ја искористија можноста да се фотографираат со голем број уникатни примероци, кои на “Магнолија” ги имаше од сите брендови.

-Битола беше центарот на мото културата, градот на моторите. Првиот настан на МАМ “Отворање на мото сезона” ги надмина и нашите очекувања и со ова сме охрабрени посериозно и попосветено да продолжиме со работа. Благодариме на сите МК, МЦ, МГ и интернационални клубови и слободни возачи кои присуствуваа на настанот и го одбележуваме почетокот на мото сезоната во Македонија. Оваа традиција ќе ја негуваме секоја година и со очекување во се поголем број на членови на МАМ и посетители на настанот. Имајте безбедни километри и убави моменти со Вашите миленици на две тркала – напишаа од Мото асоцијацијата на социјалните мрежи.

ФОТО/Мото Асоцијација на Македонија на МК мото клубови

Три изведби на претставата “Хамлет” во прилепскиот народен театар “Војдан Чернодрински”:

– Четврток 18 април 2024 – 20.00 ч.
– Сабота 20.04.2024 – 20.00ч.
– Понеделник 22.04.2024 – 20.00ч

***************
Влезници на тел.076 442 378

ХАМЛЕТ-Според трагедијата на Вилијам Шекспир, со користење на драмите „Во малиот дворец“ на Станислав Игнациј Виткиевич и „Чест“ на Васил Иљоски

Режија и адаптација: Бранко Брезовец
Сцена: Пеце Ристески
Костими: Сузана Брезовец
Светломајстор: Ристе Гркоски
Тон мајстор: Томе Темелкоски
Витражи: Марта Црнобрња
Соработник на режија: Борис Василески
Соработник за драматуршки прашања: Лидија Митоска-Ѓорѓиевска

Играат:

ХАМЛЕТ / Роднината / Стефан – Зоран Иваноски
ЛАЕРТ – Димитар Ѓорѓиевски
КЛАУДИЈ / ПРИЗРАКОТ / Тобожиќ – Андон Јованоски
ГЕРТРУДА / Сеништето / Ванѓа – Даниела Иваноска
OФЕЛИЈА / Aнета / Mилка – Марија Спиркоска Илијеска
ПОЛОНИЈ / Никола – Игор Трпчески
ХОРАЦИЈ / Коздроњ – Илија Волчески
РОЗЕНКРАНЦ – Александар Тодески
ГИЛДЕНСТЕРН – Михајло Миленкоски
ПРВИОТ ГРОБАР – Виолета Чакарова
ВТОРИОТ ГРОБАР – Наташа Ачански
ФОРТИНБРАС – Ана Митоска

Инспициент: Елена Иваноска
Суфлер: Лилјана Батлеска
Реквизитер: Гоце Тодороски
Гардеробер: Снежана Ѓорѓиоска
Фризер-перикер: Даринка Богоеска
Декоратери: Сашо Смоквоски, Роберт Стојкоски, Владимир Владимироски, Јане Јанкулоски
Дизајн на плакат: Ловро Брезовец

На 13.04.2024 во 10.38 часот во СВР Битола било пријавено дека на стариот пат Ѓавато-Тополчани, патничко возило „киа“ со битолски регистарски ознаки, управувано од П.С.(70) од Битола, излетало од коловозот.

Во несреќата со повреди се здобиле возачот и сопатничката Н.С.(65), констатирани во Медицинскиот центар Битола, каде што биле задржани на лекување, а на 14.04.2024 возачот П.С. им подлегнал на повредите.

По наредба на јавен обвинител, телото на починатиот било предадено на обдукција – информираат од МВР.

Во период од јуни 2022 до минатиот месец се дадени незаконски парични средства на над 1000 граѓани во име на социјална помош. Со ова е оштетен буџетот на Министерството за труд и социјална политика за 155.038.530,00 или над 2.5 милиони евра, изјави министерот за труд и социјална политика Ѓоко Велковски.

Во моментов изготвени и донесени се 1134 решенија за прекин на Гарантирана минимална помош и Социјална сигурност со забрана за користење на правото во наредните 12 месеци.

Граѓаните имаат право на редовен правен лек до второстепените органи па дури потоа центрите за социјална работа ќе склучат спогодби за враќање на неосновано примените парични средства.

-Ја искористиле Ковид кризата кога се олесниле условите за користење на социјалните права од аспект на поседување регистрирано моторно возило и во системот влегле сите возила постари од пет години. Иако официјално Ковид кризата завршила на 30.06.2022 година, ништо не се преземено за преиспитување на предметите на корисниците што поседуваат регистрирано моторно возило и истите останале во системот на социјалната заштита и неосновано ги користеле правата – изјави Велковски.

Според него, јасен е Законот за социјална заштита од 2019 година и подзаконските акти каде јасно и прецизно е определено дека доколку подносителот/корисникот поседува регистрирано моторно возило не може да го оствари и користи правото на ГМП, па оттука се поставува прашањето што работеле раководните структури на министерството во овие 18 месеци.

-На 20-ти Јануари 2024 година е склучен договорот за размена на податоци на дата базите по електронски пат помеѓу тогашните министри Тренчевска и Спасовски. Првата размена на податоци е направена дури на 5-ти Март 2024 година што го поставува прашањето: Зошто се чекало? А што правела министерката до 20 јануари 2024 година? Дали се обезбедувале податоци секој месец како што предвидува законот или пак размената на податоци преку CD или USB е доставувано во нереално време односно со задоцнување од неколку месеци со што се овозможило во системот да влезат лица на кој не им следуваат овие права. Се уште останува енигма и прашањето, зошто се чекало моето назначување како технички министер за да почне размената на податоците кога истата можела да се направи и веќе наредниот ден а тоа е 10 дена пред моето назначување за министер – праша министерот Велковски.

Претходно министерот Велковски информираше дека најмногу незаконски исплати има во Прилеп, Битола, Скопје и Гостивар.

Или како што истакна Велковски во прес конференцијата одржана на 18.03.2024, вкупната бројка на детектирани злоупотреби е за 2.252 лица и тоа:

Берово – 15; Битола -166; Валандово – 23; Велес – 98; Виница – 11; Гевгелија – 9; Гостивар – 164; Дебар – 31; Делчево – 3; Демир Хисар – 3; Кавадарци – 23; Кичево – 49 ; Кочани –18; Кратово – 4; Крива Паланка – 9; Крушево – 22; Куманово – 235; Македонски брод – 6; Неготино – 4; Охрид – 40; Прилеп – 229; Пробиштип – 1; Радовиш – 56; Ресен – 1; Свети Николе – 6; Скопје 714; Бутел – 45; Гази Баба – 79; Карпош – 125; Кисела Вода – 155; Центар – 38; Чаир – 151; Шуто Оризари – 121; Струга – 32; Струмица – 70; Тетово – 150; Штип – 59.

Иако претходно апелиравме за погрешното паркирање кај џамијата во Прилеп, се чини дека инаетот кај дел од нашите сограѓани е поголем, па и понатаму ги оставаат своите возила каде ќе стигнат.

(ФОТО) Да можат со автомобилите и на Градскиот Саат ќе се качат

Не само што се попречува слободното движење на граѓаните, туку и се уништува и така дотраениот плочник во овој дел од чаршијата.

Веројатно да можат, со автомобилите ќе се качат и на Градската Саат кула….

Од Обвинителството за гонење организиран криминал и корупција информираат дека утрово имало голема акција во која се уапсени 17 затворски припадници.

Од ОЈОГОКК најавија дека наскоро ќе има повеќе детали и соопштение.

Минатата недела во затворот Идризово имаше голема полициска акција и претреси со специјалци.

Тогаш беше потврдено дека се потрупани два тунели односно канали кои не се во употреба и за кои постоеле сомнежи за можно користење за бегство на затвореници.

Дочекајте го Велигден во Крушево со Panorama All Season Adventure.

На 4. мај од 10 до 16 часот, бидете дел од највозбудливата open air забава за целото семејство во најголемиот адреналински парк во Македонија. Детска програма, настапи во живо на Пајак и Бени Шаќири, забава со диџеи и адреналински авантури во текот на целиот ден.

Дојдете и поминете незаборавен и возбудлив велигденски викенд во Крушево со PANORAMA ALL SEASONS ADVENTURE.

Инфо и резервации на 072805805

Над еден милион евра државни пари се поделени како социјална помош на лица кои не ги исполнувале условите оти на свое име имале возило, покажаа првичните анализи во Министерството за труд и социјална политика. Социјални работници за „Макфакс“, неофицијално, велат дека сумата ќе расте оти се уште во пресметката не се опфатени сите центри за социјална работа.

„Во незаконски исплати предничат Гостивар и Прилеп. Таму незаконски се исплатени најмногу пари. И сумата за Скопје, ако се соберат сите општини, не е мала, но Гостивар и Прилеп се на врвот на листата по незаконски исплати доколку се земе предвид бројот на жители и поделените пари како помош од државата“, неофицијално брифираат социјалните работници.

Техничкиот министер за труд и социјала Ѓоко Велковски, иако најави дека на 5 април ќе биде извесно колку пари се проневерени оти ќе се исплаќа социјалната помош , бројки не соопшти. Од неговиот кабинет најавуваат дека првични податоци ќе бидат објавени следната недела.

„Се уште се работи на собирање на сумите по исплатата на социјалната помош месецов. Следната недела пред јавноста ќе ги презентираме наодите“, велат од кабинетот на техничкиот министер за „Макфакс“.

Најпрецизно, пак, ќе се знае колкава е проневерата во Министерството за труд и социјала за два месеци кога техничкиот министер Велковски очекува да завршат рачните проверки на секое барање за социјална помош во сите центри за социјална работа низ државата.

На почетокот на минатиот месец техничкиот министер Велковски обвини за милионски криминал со социјалната помош откога првпат во Министерство направија електронско вкрстување на податоците со Министерството за внатрешни работи и открија дека 2.252 лица кои примиле социјална помош имале возило на свое име иако еден од условите е да немаат возило.

Во Окружниот суд на Менхетен во Њујорк денеска почнува судењето на поранешниот американски претседател Доналд Трамп и тоа ќе биде прво судење на американски претседател во историјата.

Доналд Трамп е обвинет за фалсификување деловни документи кога и платил на порно актерката Сторми Даниелс, преку својата адвокатка, 130.000 долари за таа да не зборува јавно за нивната наводна афера.

Трамп ги отфрли сите обвинувања и ги оцени како политички мотивирани.