Градоначалникот на Прилеп, Марјан Ристески денеска присуствуваше во сите основни училишта во Прилеп, по повод почетокот на новата учебна година.

Ристески  им го честита почетокот на новата учебна година на првачињата и на сите ученици посакувајќи им најубави желби во Новата учебна година.

–Нека е честит почетокот на новата учебна година  и  денот  кој особено ќе го паметите вие, првачињата кои денеска ќе седнете во училишните клупи. Со овој чин, ние ја искажуваме својата гордост и гордоста на вашите родители, бидејќи созреавте  за да можете да се соочите со најголемиот предизвик пред вас, да учите, да се образувате и да станете еден ден генерација на нови градители на развојот на општеството, посочи Ристески во своето обраќање.

На сите првачиња денеска им беа подарени распореди за часови со порака „Најубави желби во новата учебна година“. Ристовски денеска беше присутен во основното училиште во градот ООУ „Кочо Рацин“ на Рид  кое доби убаво уреден двор. Реконструкцијата опфати нова ограда, летна училиница (летниковец), зеленило и осветлување со што комплетно се заврши уредувањето на ова основно училиште.

Mae Дејкоска членка н а борачкиот клуб “7-ми Мај” од Прилеп од 19.09 до 25.09.2016 година, ќе ги брани боите на Република Македонија и на Армијата на Република Македонија на “Светското армиско првенство” во борење.

Натпреварувањето ќе се одржи во Скопје, а  прилепчанката ќе настапи  на 21.09 во категоријата до 60 килограми.

Врие во опозицискиот табор по последниот Договор за избори на 11 септември на кој може да се види и потписот на опозицискиот лидер Зоран Заев. Членството на СДСМ, експертската јавност блиска до опозицијата но и луѓето кои се редовни пред касата на СОРОС разочарани што по повеќе од две години лидерите решија да стават крај на политичката криза.

На социјалните мрежи може да се види незадоволството од постигнатиот договор, проследено со коментари дека Заев ставил потпис на документот за крај на неговата политичка кариера.

И експертите кои важат за блиски до опозицијата кои редовно ги бранеа ставовите од Бихаќка сега велат дека договорот е „набивање рогови“ на нацијата и обид да се извади тезата дека „магарето лета“

„Исходот на вчерашните преговори наликува на набивање воловски рогови врз цела нација од страна на четирите партии, а притоа нѐ уверуваат дека само што не сме полетале како гулаби.  Реалноста е едноставна и спротивна на изјавите на лидерите на големата четворка и на странските дипломати. Во Македонија нема ни минимум услови ниту за фер ниту за слободни, а камоли за демократски избори“ – вели аналитичарот Арсим Зеколи во изјава за Дојче Веле на македонски, медиум кој важи за близок до опозицијата.

Сличен е ставот и на екс гувернерот Петар Гошев кој во последните година дена вложуваше максимални напори да се вгнезди на колку што е можно подобро место во опозицискиот табор.

„Да се даде таква изјава во околностите што ни се познати на сите, значи да се каже дека магарето станало пердувесто животно и дека пролетало. Услови за фер и демократски избори нема. Нема, затоа што ниту една од основните причини кои доведоа до политичката криза на суштински начин не е отстранета“– вели Гошев за Дојче Веле.

Тој додава дека во вакви услови речи си извесно е дека Груевски ќе однесе уште една победа на изборите во декември.

Со таков став се речи си сите политички аналитичари, а особено оние кои редовно го следат расположението на граѓаните кои најавуваат реприза на резултатите од 2014 година кога Заев доживеа класичен дебакл со скоро 200.000 гласа разлика.

Неофицијални извори од Бихаќка велат дека опозицискиот лидер бил свесен дека го чека пораз, но притисокот од меѓународниот фактор по две одлагања изборите конечно да се одржат бил пресуден. Неофицијално, Заев на соработниците им велел дека секој пораз под 100.000 гласа разлика можат да го сметаат за победа и во периодот по изборите да се обидат да издејствуваат некој формат на широка влада, начин на кој би си овозможиле спротивно на волјата на граѓаните да останат дел од власта.

Сепак, најголем дел од луѓето во раководните тела на партијата се свесни како стојат работите на терен и дека очекуваат по изборите, Заев да си замине од лидерската позиција за партијата да може колку толку да се консолидира и да спаси што може да се спаси до локалните избори идната година.

Интензивно се работи на поставување на бекатон плочки во должина од еден километар на улицата „Трајко Николоски“.
„Со овој инфраструктурен зафат започнавме и ќе продолжиме и понатаму. Во текот на оваа година е предвидена изградба на нови тротоари на улиците „Самоилова“, „Ленин“, „Димче Антулески“, како и на други локации“, посочи градоначалникот Ристески во својата изјава.

Со поставувањето на бехатон плочки и средувањето на тротоарите на овие фрекфентни сообраќајници значително ќе се олесни движењето на пешаците. Ваквиот тип на инвестиција чини 2.639.617,оо денари, средства обезбедени од локалната самоуправа.

Започна со работа новиот добиточен пазар во Кривогаштани, инвестиција тешка 300.000 пари обезбезбедени преку Агенцијата за финансиска поддршка на земјоделството и руралниот развој. Инаку ова е еден од најсовремено уредените добиточни пазари во Македонија.

„Ова е фактички првата фаза од изградбата на сточниот пазар. Општина Кривогаштани има во план во наредните години со нов повик преку Агенцијата да ја реализира и втората фаза од изградбната на пазарот, што ќе опфати уште поголем број на боксови како и мини кланица за потребите на лицата кои ќе ја носат тука стоката. Планираме покрај тоа во втората фаза да се направи и еден специјален бокс  за живина. Така што комплетирано со новиот зелен пазар чија изградба ќе започне наскоро, а кој ќе се наоѓа веднаш до сточниот пазар, ќе се добие еден целосен комплекс кој ќе го користат сите жители на Македонија и пошироко“, изјави Тони Заткоски, градоначалник на Кривогаштани.

Од општина Кривогаштани велат дека од наредната година на овој сточен пазар било планирано да се организираат и саеми за стока, каде би се изложувале примероци не само од Македонија, туку и од околните балкански држави.

„Самиот сточен пазар располага со 37 боксови за крупна стока со капацитет од 170 грла и тоа крупна стока или 240 телиња. Располага со 20 бокса со капацитет од 200 грла овци и 20 бокса со капацитет од 20 грла свињи“, рече Благоја Христоски, директор на ЈП „Пелагонија“ – Кривогаштани.

На вчерашниот прв ден од неговото отворање, пазарот беше преполн и сточарите бараа место повеќе каде да ги сместат животните кои ги продаваат. Тие се задоволни од тоа како е изграден пазарот.

„Пазарот како што гледате во Кривогаштани е топ, преполн е. Има една нормална цена која се движи од 95 до 105 денари за килограм. Претежно народот е задоволен, нема засега подобра цена. Инаку пазарот е добар, супер е уреден, со боксови, покриен е“, велат дел од сточарите.

Во петок 2 септември 2016 во 20.00 часот во галеријата од ЦК,,Марко Цепенков,,во Прилеп ќе биде отворена изложба на дела од уметниците Ива Јосифова, Горан Боев и Трајче Јованов од Кавадарци.

Податоци за уметниците

Ива Јосифова, Кавадарци . Дипломирала на Факултет за ликовни уметности – Скопје, отсек сликарство и рачно правена хартија

До сега има реализирано многубројни самостојни и групни изложби во земјата и странство (Италија ,Германија, Словенија, Франција, Бугарија, Србија, Хрватска и др).

Добитник е на неколку награди:

2002, Скопје,Студенско интернационално арт биенале (СИАБ) ,

2006, Кавадарци, Признание од областа на уметноста, за посебни придонеси и афирмација на градот во Републички и меѓународни рамки,

2004 – 2005 добитник на две награди за дизајн на производи од рачно правена хартија во Меѓународната организација за унапредување на занаетчиството и дизајнот, Aid to artisans

Горан Боев, Кавадарци

Факултет за Ликовна Уметност завршува во Скопје, 2005 година, на отсек сликарство со конзервација и реставрација во класата на проф. Благоја Маневски. Магистрира на истиот факултет под менторство на проф. Симон Шемов во 2009 година. Во периодот од 2007 до 2011 година работи како асистент на Факултетот за Арт и Дизајн при Европскиот Универзитет на Р. Македонија (ЕУРМ).

Од 2011до 2014 година работи како зограф во манастирот Св. Јован Крстител (Бигорски манастир). Пред македонската публика, досега, се има претставено со 9 самостојни изложби а има земено учество на бројни групни изложби ликовни колонии во земјата и странство. Има остварено студуски престој во САД, Франција и Италија.

Член е на ДЛУМ и ДЛУК.

Трајче Јованов, Кавадарци,

Факултет за Ликовна Уметност завршува во Скопје на отсек графика со конзервација и реставрација во класата на проф. Димитар Малиданов, 2009 год.

Досега има реализирано 1 самостојна изложба и учествувано на повеќе групни изложби (Кавадарци, Неготино, Скопје, Гевгелија, Тетово).

Член е на ДЛУК.

Пуштени се  во продажба блок карти за двомеч дуелот од првото коло во  ЕХФ купот помеѓу екипите на РК Прилеп и швајцарскипот ПФАДИ Винтертур.

Влезниците се со симнболична цена од 100 денари и важат за двата натпревари.

Двата натпревари прилепчани ќе ги играат како домаќини во Универзалната сала, при што првиот дуел ќе го имаат во сабота, 3-ти септември со почеток од 19:00 часот, а вториот дуел е закажан за наредниот ден во истиот временски интервал.

Картите за натпреварите се продаваат во City Tobaco  во центарот на градот.

Професионалните фризери и стилисти се вистински уметници. Доказ за тоа се двете видеа кои следуваат и кои ќе ви го покажат патот до совршена и раскошна женска фризура, што уште на прв поглед ќе ви го освои срцето.

Погледнете и пробајте:

А.Г.

Марјана Станојковска нема намера да престане да ѝ го расипува „мирот“ на машката популација во земјава.

Атрактивната Марјана на Инстаграм, како подарок за крај на летото, сподели фотографии од кои на посилниот пол ќе им застане здивот.

Близначките Рози и Руби Формоса, кои беа родени со споени црева, денес ќе го имаат првиот училишен ден. Лекарите им прогнозирале само 20% шанси да преживеат бидеќи го делеле абдоменот и дел од цревата. Нивната мајка Ангела изјави дека девојките се возбудени што ќе одат во училиште.

“Пред четири години не можев да замислам дека ова ќе се случи. Кога бев бремена мислев дека никогаш нема да го видам нивниот прв училишен ден. Ова е прекрасно, благодарам на болницата Gosh”

Се присети колку и било тешко кога лекарите и откриле дека девојчињата се во ретка медицинска состојба која се случува еднаш на секои 200.000 пораѓања. Близначките се родени во Универзитетската болница во Лондон. Тие биле префрлени во GOSH болницата каде се и оперирани.

“Времето брзо помина, пребрзо. Нивната постара сестра е веќе на школо, така што и тие се возбудени. Многу се слични, тврдоглави и одлучни”