Во најновата петочна колумна, новинарот Зоран Момироски се осврна и на случувањата во прилепската болница “Борка Талески”, каде претходната гарнитура остави околу 120 вработени без решен работен статус.

-Новогодишни ,,непријатни колетчиња,, ќе добијат поголем дел од околу 120 работно ангажирани во прилепската општа болница. Ова и покрај нивната потреба, согласност за продолжување на договорите нема. Ова значи по повеќе годишно нивно вложување на трудот ама и ветување од СДСМ дека само што не им е трансформиран работниот однос од договорен во постојан испадна лажна надеж. На колку од овие околу 120 нема да им биде продолжен договорот, наскоро ќе се знае. Но за наши услови не ќе биде мал.

Поради ова мора да се знае кој на кого му ветувал. Кој на кого евентуално му барал и добил пари или е платено во натура. И кој ја играше оваа валканата игра – напиша Момироски.

Православната црква денеска го празнува Свети Андреј Првоповиканиот, првиот следбеник и прв апостол Христов, кој умре на крстот поради неговата посветеност на новозаветната вера.

Син на Јона и брат на Петар, родум од Витсаида, рибар по занимање. Најпрво му беше ученик на свети Јован Крстител, но кога свети Јован покажа со прст на Господ Исус велејќи: „Еве го Јагнето Божјо!“ (Јован 1, 36), тогаш Андреј го остави својот прв учител и тргна по Исуса.
Потоа го приведе кон Господа и својот брат Петар. По слегувањето на Светиот Дух, на овој прв апостол Христов му падна во дел да го проповеда Евангелието во Византија и Тракија, a потоа во земјите Дунавски, па во Русија и околу Црното Море и најпосле во Епир, Грција и Пелопонез, каде што и пострада. Во Византија постави прв епископ во лицето на свети Стахиј; во Киев забоде крст на една височина и прорече блескава христијанска иднина за рускиот народ; во Тракија, Епир, Грција и Пелопонез приведе во верата мноштво народ и им постави епископи и свештеници. Во градот Патра изврши многу чуда со името на Христа и придоби многумина за Господа, меѓу кои беа братот и жената на царскиот намесник Егеат.

Разјарен заради ова, Егеат го подложи светиот Андреј на маки, а потоа го распна на крст. Додека беше жив на крстот, апостолот им кажуваше корисни поуки на христијаните што се беа собрале околу неговиот крст. Народот сакаше да го симне од крстот, но тој се спротивстави на тоа. Најпосле, апостолот почна да Му се моли на Бога и притоа некоја необична светлина го заблесна целиот. Тоа светло озарување траеше околу половина час, а кога исчезна, апостолот Му ја предаде својата душа на Господ. Така го заврши својот земен век првоповиканиот апостол, којшто прв од Дванаесетте големи апостоли Го позна Господа и тргна по Него. Пострада за својот Господ во 62 година.

Додека ги лекувал сиромашните и болните за време на неговиот живот, чудесните ефекти на неговите мошти продолжиле и по неговата смрт, според традициите. Главата на светителот сега е во Рим, а едната рака е во Москва.

Според народните верувања, Свети Андреј се смета за заштитник на големите животни. Тој разговара со нив, а тие го слушаат. Во минатото, мечкарите го славеле празникот на Свети Андреј, верувајќи дека овој светец ги скротува мечките како кучиња и дека патува низ светот јавајќи го овој ѕвер.

Во пресрет на Андреј, за мечките се варело пченка, или се правело специјална торта, со која наводно и била врзана вилицата на мечката, за да не го заколе добитокот.

Се верува дека на тој ден мечките не им прават штета и не ги допираат луѓето и затоа не е соодветно да се оди на лов за нив.

Денес во „модерно време“ не треба да перете, пеглате, шиете или да правите нешто со облеката.

Со денови грга вода на улицата “Цане Илиоски” во Прилеп, се пожалија жителите, кои бараат екипите на ЈКП Водовод и канализација дефектот што поскоро да го санираат.

Граѓаните велат водата е драгоцена течност и жално е со денови да се создаваат вакви загуби, особено сега кога сметките за вода не се воопшто ниски.

Апелираме до надлежното јавно претпријатие побрзо да ги санира дефектите, се со цел загубите на вода да се сведат на минимум.

За оваа убавина не е потребен посебен коментар, само уживајте во видеото во продолжение:

Секоја чест на колективот, на директорот, на сите ученици и технички персонал во училиштето! OOУ “Климент Охридски” прерасна во бренд образовна институција на Прилеп.

-На 12.12.2024 во ОВР Прилеп било пријавено дека на ул.„Октомвриска” во Прилеп било опожарено патничко моторно возило „ауди” со прилепски регистарски ознаки, сопственост на Ј.Н.(51) од Прилеп.

Пожарот бил изгаснат од екипа на Територијалната противпожарна единица Прилеп, а повредени лица нема.

Увид извршила увидна екипа на ОВР Прилеп и се преземаат мерки за расчистување на настанот – информираат од МВР.

Ова е втор случај на опожарено возило на истата улица во Прилеп во само една недела.

Претходно на 06.12.2024 во 03.40 часот во ОВР Прилеп беше пријавено дека на ул.„Октомвриска“ во Прилеп било опожарено патничко возило „мазда“ со прилепски регистарски ознаки, сопственост на Б.T.(32) од Прилеп.

Владата објави дека во Буџетот за 2025 година обезбедени се средства за ваучери од 250 евра за набавка на електронски уреди – телефон, компјутер или таблет за сите студенти.

За следната година,како што соопштија од таму, има и средства од 10 милиони евра кои ќе бидат наменети за млади до 29 години за отпочнување бизниси, односно финансиска поддршка до 30.000 евра за бизнис за млади.

„Ваучерот за студентите од 250 евра за купување на електронски уред ќе им овозможи на студентите да имаат пристап до технологијата што им е потребна за да успеат во денешниот дигитален свет.

Додека пак, финансиската поддршка до 30.000 евра за младите за отпочнување на бизнис, значи дека младите ќе можат своите бизнис идеи да ги преточат во бизнис планови“, информираат од Владата.

Храмот Св. Петка во населбата “Точила” во Прилеп, по повод заштитникот на градот Св. Никола, организира духовно-образовна детска академија насловена како “Децата во чест на Св. Никола”.

Поканата од храмот во целост ја пренесуваме во продолжение:

-Со радост Ве известуваме и покануваме во сабота, на 14 декември 2024 година, со почеток во 11:00 часот, во храмот „Св. Петка“ во Прилеп кога ќе се одржи духовно-образовна детска академија „Децата во чест на св. Никола“ а во соработка со ООУ „Блаже Конески“.
Настанот ќе вклучува музички хорски изведби и рецитал со содржини инспирирани од христијанските вредности и верата, изведени од ученици од основното училиште. Покрај тоа, посебен момент ќе биде промоцијата на детската книшка „Приказна за св. Никола“, адаптирана за најмладите, збогатена со икони и православни илустрации кои ги прикажуваат клучните моменти од животот на св. Никола, патронот на нашиот град Прилеп.
Овој настан е плод на заедничката соработка меѓу храмот „Св. Петка“ и ООУ „Блаже Конески“, со цел да се поттикнат младите кон духовен, културен и образовен развој преку уметничко и книжевно изразување.

Сообраќајот на државните патишта се одвива тековно во зимски услови, по наместа влажни коловози.

Намалена видливост поради магла до 50 м. има на планинскиот превој Плетвар.

Сите патни правци во државата се проодни, без забрани и ограничувања, информира ЈП Македонијапат.

Соочен со кривичниот прогон кој го најави обвинителот Коцевски за случајот со мито за опструкција на судски процес за Мијалков, поранешниот „прв“ вицепремиер , десна рака на Ахмети и висок функционер на ДУИ, Артан Груби, кој се најде на црната листа на САД, вечерва преку социјалните мрежи објави дека се повлекува од политичкиот живот и дека за тоа го информирал лидерот на партијата Али Ахмети.

Во соопштението кое за граѓаните е од сферата на „верувале или не“ – Груби наведува дека бил „чист како солза“, но дека решил да се повлече за да не биде, како што вели, ничиј политички товар и дека одлуката ја донел за мир на неговото семејство и зачувување на личниот интегритет. Во превод, притисокот на ДУИ и Ахмети по шлаканицата од амбасадорката Агелер и САД си го сторил своето. Груби стана и првата „СОЛЗА“ на Црната листа на САД. Претходно беше и ПРВ ВИЦЕПРЕМИЕР на Заев и Ковачевски…

-Ова е тешка одлука, но неопходна за мир на моето семејство и за зачувување на мојот личен и политички интегритет, како и за поддршка на континуитетот на работата и посветеноста на нашиот лидер Али Ахмети, вели Груби во објава на Фејсбук.

Вели дека бескомпромисно е посветен на еднаквоста на Албанците во Македонија, на целосната интеграција во НАТО, на стратешкото партнерство со Соединетите Американски Држави и на членството во Европската Унија.

-Тоа се вредности кои не се само моја мотивација, туку и обврска која отсекогаш сум ја чувствувал. Нашите достигнувања, на кои сите бевме сведоци, не се само заслуга на мојата и посветеноста на моите колеги, туку и на искрената и континуирана поддршка на нашите пријатели од Соединетите Американски Држави и на Европската Унија. Фактот што денес Северна Македонија е членка на НАТО и ги започна преговорите за членство во Европската унија е јасен доказ за оваа соработка и заендичка посветеност. Но, цената на оваа посветеност, цена која отсекогаш била во служба на вредностите и правдата, е тешка за мене и за моето семејство, наведува Груби во објавата.

Стејт департментот ја прошири црната листа со имињата на Груби и судијата Енвер Беџети од Апелациониот суд, обзнанувајќи дека примале мито со цел да ги поткопаат судските процеси поврзани со кривичната осуда на поранешениот директор на Управата за безбедност и контраразузнавање (УБК) Сашо Мијалков.

Од Јавното обвинителство вчера информираа дека е оформен предмет за обезбедување на докази за евентулна кривична одговорност за лицата ставени на црната листа на САД.

-Со оглед на сериозноста на наводите поради кои наведените лица беа назначени на листата, ги искористив своите овластувања и уште вчера оформив предмет со цел да се обидеме да обезбедиме докази со кои ќе ја провериме евентуалната кривична одговорност на лицата кои се доведуваат во врска со дејства на поткуп и трговија со влијание, истакна државниот обвинител Љупчо Коцевски на брифингот со новинарите.

Лидерот на ДУИ, Али Ахмети вчера во изјава за медиумите рече дека партијата не ги оспорува одлуките на Стејт департментот и дека Груби ќе го води процесот со факти, посочувајќи на неговото право на жалба.

Реномираната авиокомпанија Туркиш ерлајнс од идната година, од 27ми воведува линија Охрид-Истанбул, објави на социјалната мрежа на Фејспук вицепремиерот и министер за транспорт Александар Николоски.

-Од 27-ми март, Туркиш ерлајнс започнува да лета на линијата Охрид-Истанбул.

Летовите од аеродоромот Св. Апостол Павле во Охрид ќе започнат со летниот ред на летање на 27 март и ќе сообраќаат четири пати неделно и тоа во понеделник, четврток, петок и недела, пишува во својата објава Николоски.