Oпштина Битола обезбедува бесплатен превоз до ски терените на Пелистер за време на зимскиот распуст на учениците. Од утре, 10.01.2024, до 17.01.2024, сите ученици, но и сите граѓани ќе можат да искористат бесплатен автобуски превоз до скијачките центри Нижеполе и Копанки.
Денеска на ТРЕТ ДЕН БОЖИК, кога се празнува Светиот првомаченик и архиѓакон Стефан, во храмот Св. Кирил и Методиј – Параклис, се одржа Света Златоустова литургија, со која чиноначалствуваше Неговото Високопреосвештенство Митрополитот преспанско – пелагониски и администратор австралиско-новозеландски г-дин ПЕТАР.
Како добар пастир, Владиката Петар, Божиќните празници ги помина меѓу верниците во Прилеп. На прв ден Божик, Владиката го благослови традиционалниот “Божикен ручек” кој по 19. пат го организираше “Детската амбасада за сите деца во светот”, каде на една трпеза во Прилеп повторно седнаа 400 деца, од различни градови и од различни целни групи.
На втор ден Божик, кога се празнува Собор на Пресвета Богородица и Преподобниот Никодим Прилепски, Владиката Петар чиноначалствуваше со Света Архиерејска литургија во храмот Св. Благовештение – Стара црква.
Нека Христовото раѓање ни донесе мир и љубов во нашите животи! За многу години!
Со бурек, греано вино и топол чај, и оваа година, трет пат по ред, на православниот христијански празник Св.Василиј, а во организација на општина Прилеп, ќе се одржи манифестацијата „На Василица во Прилеп“.
За таа цел општината упатува покана до сите граѓани на ден 14.01.2023 (вторник), во 12 часот заедно да го одбележиме доаѓањето на православната Нова година на платото пред Градскиот Саат.
-Дојдете заедно да го одбележиме доаѓањето на Новата Година според јулијанскиот календар! За секој посетител ќе има парче бурек, а една среќна паричка ќе го најде својот сопственик – велат од општина Прилеп.
-На 08.01.2025 во 20.40 часот во СВР Битола, А.Т.(31) од Битола пријавил дека во периодот од 18.20 до 19.00 часот на ул.„Филип Втори Македонски“ во Битола било одземено неговото патничко возило „форд“ со битолски регистарски ознаки, кое било оставено отклучено со клуч на бравата.
Се преземаат мерки за расчистување на случајот – информираат од СВР Битола.
Божик е време за добрина, надеж и моменти на човечка блискост. Оваа година, MINT Fintech Group го потврди својот ангажман за своите клиенти, носејќи радост и поддршка на семејството Спасовски од Скопје, кое се соочува со тешки предизвици.
По разговорот со мајката на малиот Војдан, која сподели дел од својата семејна борба со нашата вработена во call центарот, информацијата допре до менаџментот. Без никакво барање од семејството, донесовме одлука да обезбедиме поголема финансиска помош за лекувањето на Војдан, кој е симбол на сила и храброст.
Посетата на семејството, која се одржа ден пред Божик, беше исполнета со искрени емоции и желби за побрзо закрепнување. Нашата поддршка беше повеќе од финансиска – тоа беше порака дека вистинската мисија на MINT Fintech Group е да биде партнер, поддршка и пријател на своите клиенти, особено кога животот поставува предизвици.
„Веруваме дека Божик треба да биде убав за сите. Сакаме малиот Војдан да биде силен победник во оваа битка, а на неговото семејство им посакуваме мир, здравје и многу радости во годините што доаѓаат,“ изјавија од MINT Fintech Group.
Овој потег е уште еден доказ дека компанијата ги гледа своите клиенти како дел од едно поголемо семејство. Секоја постапка што го менува нечиј живот е потсетник дека суштината на успехот не е само во бројките, туку во грижата за луѓето.
Виктор Стојанов претседателот на Фондацијата Македонија, кој има забрана за влез во Македонија, повикува на панихида за Мара Бунева во недела на 12 јануари на кејот на Вардар во Скопје и во црквата Свети Димитрија. Според неговата објава на социјалните мрежи, панихиди за Бунева ќе има и во Тетово, Струмица и во Прилеп.
На 13 јануари се навршуваат 97 години од атентатот што го извршила Мара Бунева врз српскиот државен обвинител Велимир Прелиќ во центарот на Скопје. Откако го извршила атентатот, таа се самоубила.
Пред две години, на панихидата за Мара Бунева во Скопје, зборуваше бугарскиот европатеник Ангел Џамбаски.
-На 08.01.2025 во СВР Битола било пријавено дека во периодот од 17.00 часот на 04.01.2025 до 08.00 часот на 08.01.2025 со употреба на сила и подесен алат било влезено во менувачница на ул.„Рузвелтова“ во Битола, сопственост на И.И.(67) од Битола, и биле одземени пари во различни валути и апоени.
Увид извршила увидна екипа на СВР Битола и се преземаат мерки за расчистување на случајот – информираат од СВР Битола.
Лоцирана покрај Градската река, на улица “Кеј 1-ви Мај”, GALA WASH е местото каде можете да му пружите најдобра нега на вашето возило, и сето тоа без чекање, сами, а сега и по најниски цени во целиот град.
Цената на еден жетон е само 25 денари, а со тоа добивате 90 секунди. Она што е особено важно во овие зимски денови, е што само тука вашето возило можете да го перете со топла вода (55 Степени помешана со шампон), а ако сакате вашиот миленик на четири тркала навистина да заблеска, тогаш на располагање ви е и опцијата за нанесување восок со ладен воден млаз.
Покрај тоа GALA WASH нуди и можност за плакнење на возилото без бришење, со дестилирана вода, а откако добро ќе го светнете возилото однадвор, редно е да се упатите на следната станица, односно добро да ја исчистите внатрешноста. За 1 жетон од 25 денари добивате 180 секудни за користење на правосмукалка.
Она што мора да се потенцира е тоа дека автопералната користи исклучиво докажан бренд на хемиски средства, од реномираниот белгиски производител NERTA.
На вас останува после дождливото време, да ги посетите и да се уверите во пишаниот збор одблиску.
Интернет-порталот „Глобал фајерпауер“ неодамна објави листа на 145 земји рангирани според нивната воена сила за 2024 година. На листата за воената моќ на државите, Македонија на почетокот од оваа година е позиционирана на 110-та позиција.
Според листата на најмоќни армии во 2024 година, очекувано на прво место се САД, а потоа следат Русија, Кина, Индија, Јужна Кореја, Велика Британија, Јапонија, Турција, Пакистан, Италија, Франција, итн.
За потсетување, Македонија досега само осум пати беше вбројувана во рангирањата на „Глобал фајерпауер“. Првпат во 2017 г. сајтот ја рангираше нашата војска на досега највисокото 116-то место на листата на држави. Наредната 2018 година, АРСМ беше сместена пониско за шест позиции, односно беше поставена на 122-то место на табелата. Во 2019 година, АРСМ беше сместена пак на 118-то место, во 2020 година таа беше позиционирана на 133-то место на листата на „Глобал фајерпауер“. Војската во 2021 година беше на 133 место, следната 2022 година на 135 место а лани на 108 место на листата најмоќни војски во светот.
Во меѓувреме, познавачите на случувањата, иако очекуваа во новото рангирање нашата земја да се најде повисоко на табелата, бидејќи АРСМ веќе повеќе години е дел од НАТО, иако тоа во практична смисла на зборот го зголемува индексот на моќта на нашата војска на глобално ниво, сепак и оваа година до тоа не дојде.
Во меѓувреме, според сајтот, најмоќна армија во моментов во регионот е Србија, која се наоѓа на 56-то место. Потоа следуваат Бугарија (62-место), Хрватска на (66-то место), Албанија (90), Словенија (91), Македонија (110), БиХ (116), Црна Гора (129), и Косово, кое четврт пат се најде на листата и ја зазема 135-та позиција.
Инаку, според она што е напишано во описот на сајтот, рангирањето е извршено според единица мера наречена индекс на моќ, која произлегува од комплицирани пресметки добиени од информации од јавни извори, како што се веб-порталот на ЦИА, социјалната мрежа Фејсбук, интернет-енциклопедијата Википедија и други. Во рангирањето не се земени предвид нуклеарните способности на оценуваните држави.
Хронологија на рангирањата на македонската армија
Година и позиција на табелата
2024 – 110.
2023 – 108.
2022 – 135.
2021 – 133.
2020 – 127.
2019 – 118.
2018 – 122.
2017 – 116.
Времето денеска ќе биде сончево и релативно топло со мала до умерена облачност и со слаб до умерен ветер од јужен правец. По котлините во поголем дел од денот ќе биде тивко со појава на магла или ниска облачност Минималната температура ќе биде во интервал од -2 до 5, а максималната ќе достигне од 6 до 15 степени Целзиусови.
Во Скопје ќе биде претежно облачно и тивко со појава на магла. Минималната температура ќе се спушти до 2, а максималната ќе достигне до 7 степени Целзиусови.
Според најавите од Управат за хидрометеоролошки работи (УХМР), утре кон крајот на денот и во деновите од викендот ќе има повремени врнежи од дожд, на планините од снег. Поради спуштање на постудена воздушна маса со засилен северен ветер, во сабота врнежите постепено ќе преминуваат во снег и во повисоките, а во недела и во пониските места. Локално се очекуваат пообилни врнежи.
