Човечките приказни не треба да се оддалечуваат од луѓето и од непосредноста. Посебно актерските човечки приказни имајќи ја предвид ситуацијата со сите предизвици на театарските сцени во Прилеп важно ми беше да го покажам она што сите ние го знаеме: Прилеп имал, има и ќе има театарски уметници. Театарот за разлика од другите медиуми не може да биде зачуван на ниту еден адекватен начин освен преку пишаните, снимените, фотографираните и раскажаните податоци. Затоа одлучив приказната за театарскиот Прилеп да ја раскажам низ чаршијата надвор од стерилните услови на сите институции, рече Ана Стојаноска, уметнички директор на МТФ „Војдан Чернодрински“ синоќа на отворањето на Музејот во движење, посветен на тројцата легендарни прилепски театарски уметници – Кирил Ристоски, Благоја Спиркоски – Џумерко и Благоја Ристоски – Платнар.

На невообичаен начин, преку изложба на фотографии, лични предмети, артефакти, на неколку локации низ градот, во места пријатели на фестивалот, авторите на изложбата Звонко Димоски и Ана Стојаноска го доловија животот на овие уметници и приватно и професионално. Емотивна средба беше ова и за членовите на нивните семејства.

-Прилеп е во тесна врска со својот театар, поточно, не може да се замисли животот во Прилеп без театарот, навиките за одење во театар, прераскажувањето на театарските претстави, поздравувањето на актерите низ чаршијата, гордоста од нивните успеси по фестивалите и гостувањата во и надвор од нашата земја. Театарот за разлика од другите медиуми не може да биде зачуван на ниту еден адекватен начин освен преку пишаните, снимените, фотографираните и раскажаните податоци – рече Стојаноска.

Програмата „Прилеп во фокус“ ви овозможува да зачекорите во животот од едни од најзаслужните прилепски уметници, и со тоа секој посетител да го искуси сценско-изведувачки и аудиовизуелениот начин на значењето на Прилеп во однос на македонскиот театар. Изложбите ќе бидат достапни за посетителите до крајот на фестивалот.

На третиот фестивалски ден гостуваше екипата на Штипскиот театар со претставата „Сите најубави нешта“ во режија на Нела Витошевиќ. Топлата и трогателна претстава која во фокус го става менталното здравје ја одушеви публиката.

Се одржа и тркалезна маса за претставата „Црно семе“ на Битолскиот театар. Секоја генерација има свое време. Оваа наша генерација има своја порака која нема допирни точки со онаа од филмот. Битолскиот театар има силни индивидуалци, а во претставата беа ставени во колективна игра, рече Васко Мавровски, актер и директор на театарот.

Режисерот Андреј Цветановски му ја посвети претставата на неговиот татко Владо Цветановски, а изведбата во Прилеп беше токму на денот на неговиот роденден.

За режисерот Цветановски најважно е да се дојде до вистината, а не дали начинот е класичен или современ.

-Иако дејството се случува 1947 година има доволно современ контекст. Тој колективен прогон на индивидуалните судбини за мене беше клучен во претставата. И иако играта е колективна, има индивидуални улоги, судбини кои, сепак, целосно не отскокнуваат, рече Цветановски.

Актерот Мартин Мирчевски кој го толкува ликот на Андон нагласи дека не се осмелил да прави споредба со култниот филм „Црно семе“. А театарот или го доживуваш или не, рече тој.

-Филмот е антологија. Кај нас, во претставата, целиот процес стана многу спонтан, се роди енергија. Не ги сфаќам потребите за класификација. Сакам театарот да ме возбудува во работата. Театарот или го доживуваш, или не, рече Мирчевски.

Присутните на разговорите го нагласија еден од навпечатливите сценски изрази во претставата – појавата на Ангелина, жената на Андон.

Вечерва во 19 часот од официјалната програма ќе биде изведена „Сите прекрасни нешта“ во режија на Нела Витошевиќ, продукција на Народниот театар од Штип. Улогите ги толкуваат: Ефтим Ѓаурски, Милорад Ангелов, Марија Минчева Андонова, Стефанија Митовска, Ава Хусеини и др.

Денеска во 11 часот ќе биде промовирани нови драми од наградите на „Еуродрам“, а на пладне ќе следува тркалезна маса за претставата „Сите најубави нешта“ на Штипскиот театар, од официјалната програма.

Вечерва во 19 часот, на големата сцена на Центарот за култура ќе игра ансамблот на Албанскиот театар со претставата „Ричард Трети“ во режија на Куштрим Бектеши. Улогите ги толкуваат: Адем Карага, Шкумбин Истрефи, Теута Ајдини Јегени, Вјолца Бектеши Хамити, Амернис Нокшиќи, Абедин Алими, Осман Ахмети, Музбајдин Ќамили, Дритеро Аме, Фисник Зеќири, Ментор Курти, Генци Мирзо, Рахим Рамадани, Сара Бајрами, Гентиана Рамадани, Хетем Етеми, Сабина Мемиши Асланај и Дениз Рустеми.

Покровители на фестивалот се Министерството за култура и туризам и Општина Прилеп. И оваа година фестивалот има предзнак екофестивал и има соработка со „Пакомак“. Спонзори се: Витаминка, Прилепска пивара и Diners Club International.

Македонската фудбалска репрезентација ги продолжува настапите во квалификациите за Светското првенство 2026 година.

„Црвено-жолтите“ по ремито со Белгија во петокот во Скопје, на средбата со Казахстан одат по трите бода за да останат конкурентни за висок пласман во Ј-групата.

Во текот на вчерашниот ден Македонците го одработија официјалниот тренинг на теренот со вештачка трева каде ќе се игра натпреварот.

Почетокот на дуелот Казахстан – Македонија е закажан за 16 часот.

На табелата лидер е Велс со 7 бода (3 натпревари), Македонија има 5 (3), Казахстан 3 (2), Белгија 1 (1), Лихтенштајн 0 (3).

-На 07.06.2025 во ОБВР Прилеп било пријавено дека околу 18.00 часот на крстосицата од ул.„Александар Македонски“ и ул.„Борка Талевски“ во Прилеп, патничко возило удрило во велосипед управуван од Е.П.(42) од Прилеп, по што возачот со возилото го напуштил местото.

Во несреќата, велосипедистот Е.П. се здобил со тешки телесни повреди, констатирани во болницата во Прилеп.

Увид на местото извршила увидна екипа од ОВР Прилеп – информираат од СВР Битола.

Со истражната постапка за пожарот во кочанската дискотека “Пулс” е опфатено уште едно лице за кое е поведена истрага за – Тешки дела против општата сигурност од член 292 во врска со член 288 од Кривичниот законик.

„Во текот на досегашната постапка се обезбедија докази согласно кои за сега осомничениот се утврди дека е одговорно лице – реален сопственик на осомниченото правно лице – агенција за обезбедување на имот и лица од Скопје.

Согласно доказите, тој раководел со деловниот потфат и целокупното работење на агенцијата, заедно со претходно осомничениот управител и со овластеното лице на подружницата во Кочани.

„Тие без да имаат склучено договор со корисникот на услугата Кабаре ПУЛС Кочани, во текот на 2025 година вршеле обезбедување на имот и лица за клубот. Новиот осомничен во континуитет активно раководел со планот и начинот за давање на услугата обезбедување преку правното лице. Заедно со осомничените кои биле ангажирани како обезбедување, спротивно на повеќе членови од Законот за приватно обезбедување, без каква било претходна безбедносна проценка и план за обезбедување, како и без проверка на условите за противпожарна заштита и опасност од пожари, без да извршат проверка по однос на сигурносните услови во кабарето од аспект на имот и лица, особено по опасност и можност за евакуација, во текот на вечерта кога настанал пожарот не контролирале и овозможиле влез на деца во објектот, не воделе грижа за преполнетоста на капацитетот за посетители во објектот, не спречиле внес и користење на експлозивни материи – пиротехнички средства од членовите на музичката група, со кои бил предизвикан пожарот, поради што настапила смрт кај 62 лица, со тешки телесни повреди се здобиле 157 лица, а со телесни повреди се здобиле 54 лица“, велат од Обвинителството и додаваат:

Врз основа на судска наредба вчера беше извршен претрес на две локации во Скопје и во Пробиштип, како и во автомобилот на осомничениот, при што беше одземена обемна документација поврзана со правното лице и електронски уреди. Лицето е лишено од слобода и со оглед на сите околности и законски основи, јавниот обвинител денеска до судијата на претходна постапка од Основниот кривичен суд Кочани ќе достави предлог за определување мерка притвор.

Пред малку во Прилеп, дрвокрадците со директен судар го уништија службениот Дастер на Шумската Полициска Станица во Прилеп – напиша вечерва на социјалните мрежи заменик директорот на Македонски шуми, Кире Михаилов.

-Кога објавувам дека овие бандити не бираат средства да избегаат, дел од граѓаните во коментари на моите објави се потсмеваат.

Нема ниту милиметар да отстапиме од борбата со криминалците, а одговорност ќе има за сите – стои во објавата од Михаилов.

https://www.facebook.com/share/p/1DnKdDycaX/

Хотел Салида Прилеп ги известува своите ценети гости и пријатели, дека повторно започнува со работа со полн капацитет на сите легла. Брендот на Прилеп во хотелиерството, ова лето е спремен да ги дочека и да ги стави на располагање своите соби за сите нашинци од дијаспората и секој намерник и гостин во градот под Марковите Кули.

На две локации, на влезот во Прилеп од страната на Битола и веднаш до Економскиот факултет во северниот дел од градот.

Хотелот кај “Паркот на револуцијата” брои 29 соби и 4 луксузни апартмани со вкупен капацитет од 60 легла. Исто така, гостите имаат собна послуга на располагање од 24 часа.

Секоја соба или апартман е опремена со директна меѓународна телефонска линија, бесплатен безжичен интернет, мини бар, кабловска телевизија, аларм за итни случаи, централна климатизација и друго.

Хотелот кај населбата “Варош” брои 12 соби и 2 луксузни апартмани со вкупен капацитет од 38 легла.

Секоја соба или апартман е опремена со директна меѓународна телефонска линија, бесплатен безжичен интернет, мини бар, кабловска телевизија, аларм за итни случаи, централна климатизација и друго.

За потсетување, Салида ја има и една од најдобрите ресторански услуги. Ќе бидете угостени со разновидна традиционална македонска храна за топло добредојде во градот херој.

Почувствувајте го Прилеп на најдобар начин. Професионалност, гостопримство, удобност и гурманско уживање, СЕ НА ЕДНО МЕСТО!

Резервирајте навреме! Тимот на хотел “САЛИДА” ве очекува!

-На 07.06.2025 во 02.00 часот пред ноќен клуб лоциран во Прилеп, полициски службеници од ОВР Прилеп ги лишиле од слобода А.К., Ѓ.А.П., М.А., О.Т., М.К. и Х.Ј., сите од Прилеп, затоа што го нарушиле јавниот ред и мир со меѓусебна физичка пресметка.

По документирање на настанот, против нив ќе следува соодветна пријава – информираат од СВР Битола.

Иако се’ уште не е завршено првенството во ракометната Супер лига, РК Прилеп веќе размислува за следната сезона и започна со ангажирање на засилувања.

Нов играч во редовите на прилепчани ќе биде репрезентативецот од Грузија, Сандо Дарсанија.

20-годишниот десен бек веќе има репрезентативно искуство и настап со Грузија на Европското првенство во 2024год. Неговото име се очекува да биде големо засилување во Прилеп.

Кога станува збор за Грузијците, тие не се ништо ново во македонската Супер лига и во РК Прилеп. Во Прилеп во сезоната 2020/21 настапуваа дури четворица: Реваз Чантурија, Хазеин Рустамов и Мириан Гавашелишвили, а на голот извонреден беше четвртиот Грузиец, Зураб Цинцадѕе, и сите беа одлични.

Чантурија беше и тренер на тимот.

“Поезија во движење” е изложбата на фотографии од Тони Трипуноски-Геџо отворена синоќа во Ликовна Галерија Прилеп.
Нашиот сограѓанин, кој живее и работи во Австралија се претстави со документарна фотографија, на која се овековечени луѓе од секојдневието,
кои авторот ги среќавал.

Изложбата ја отвори актерот Игор Трчески.

Тони – Геџо, започнал со филмска фотографија, за потоа да премине на дигитална фотографија, опсервирајќи ја човековата природа. Секоја фотографија кај него има приказна.

– Фотографијата на Геџо се фокусира на поезијата напишана на лицата на луѓето, на спонтаните насмевки, откривајќи ја внатрешноста. Неговото патување со фотографијата ја отсликува и неговата животна филозофија. Геџо преку неговиот објектив го документира секојдневниот живот – се вели во образложението за изложбата.