Поставувањето на новиот АТМ систем во М-НАВ е од исклучително значење за повисоко ниво на безбедност, сигурност и ефикасност во управувањето со воздушниот сообраќај, истакна заменик претседателот на Владата и министер за транспорт, Александар Николоски при посетата на М-НАВ и контролната кула Скопје.

Значењето е уште поголемо ако се земат бројките дека има преку 12 % зголемување во првите шест месеци од 2026 година во однос на 2025 година на бројот на прелети над македонското небо.

-АTM системот е технолошко решение кое што директно ќе придонесе за повисоко ниво на безбедност, сигурност и ефикасност во управувањето со воздушниот сообраќај и со воведувањето во употреба, М-НАВ добива комплетно ново решение. Она што можам да го кажам е дека во 2026-тата година, во првите шест месеци имаме прелет на 173.000 воздухоплови над македонскиот воздушен простор. Тоа се и оние коишто слетуваат на нашите аеродроми, но и оние коишто прелетуваат. Само за споредба, тоа е зголемување од 12,2% во однос на 2025-та, 23% во однос на 2024-та и 27% во однос на 2023-та година, а само во јули месец низ македонскиот воздушен простор имаме 42.000 прелети, истакна Николоски.

Како што рече овој систем е поврзан со скандали во владата на СДСМ и ДУИ, но со поставување на новото раководство на М-НАВ, со добра координација системот е инсталиран и ставен во функција.

-Набавката е започната уште во 2014 година, а договорот е склучен во 2018 година со италијанската компанија Леонардо. Од 2018 до 2024 година нема никакви активности, со тоа се соочуваа и истражните органи во изминатиот период. Со изборот на новото раководство на М-НАВ почна интензивна работа, со што еве денес сведочиме на ставање во целосна функција на ATM системот, изјави Николоски.

Во 2025 година поставен е и новиот радарски систем на контролната кула во Скопје и истиот е во завршна фаза на тестирање.

-Слична е и судбината со радарот. Имено, радарот првпат договорот е потпишан во 2022-рата година, но до 2024-тата година нема никакви активности. Во 2025-тата година новото раководство на М-НАВ започна со активности — градежни активности и сите потребни останати активности — за целосна инсталација на новиот радар. Новиот радар веќе е на контролната кула и во моментов се вршат потребните тестирања. Во текот на септември или октомври месец ќе биде целосно ставен во функција, со што македонското небо ќе има највисок систем на контрола и највисок систем на безбедност. Со воведувањето на овие два системи — ATM системот и новиот радар — целосно го покриваме македонското небо на највисоко ниво што во моментот во светот може да се најде на контрола на безбедност, истакна Николоски.

Територијалната противпожарна единица (ТППЕ) Битола, со целокупниот расположлив капацитет, повеќе од 33 часа интервенираше на пожарите што на 12 август 2026 година, околу 15:30 часот, избувнаа прво во селото Маково, потоа нови пожари се појавија и во селата: Граешница, Кукуречани, м.в Ергела, Гнеотино, а најтешка беше борбата со огнот во селата Ивањевци, Новоселани и Лознани. Интервенцијата на противпожарните екипи траеше до 14 август, до 01:00 часот по полноќ.

Во текот на ноќта, како поддршка на битолските пожарникари, се приклучија екипи од ТППЕ Кавадарци, тимови за брз одговор од Дирекцијата за заштита и спасување со четири возила „пинцгауер“, како и жители од месното население.

Пожарите во сите села се целосно изгаснати. Изгаснат е и пожарот во селото Лопатица, каде што исто така интервенираше екипа на ТППЕ Битола.

Во селото Маково пожарот е локализиран. Сепак, на мал дел од непристапен терен, каде што има експлозивни направи од Првата светска војна, сеуште забележлив е чад.

Од ТППЕ Битола информираат дека на сите локации станува збор за подметнати пожари, кои претставуваа сериозна закана за населените места.

Општина Битола изразува голема благодарност до сите ангажирани противпожарни екипи за нивната храброст, пожртвуваност и професионалност. Со нивното навремено и ефикасно дејствување беа спречени големи опасности за куќите и другите објекти во селата на територијата на општините Могила и Новаци.

Општина Битола и ТППЕ Битола апелираат до сите граѓани да се однесуваат совесно и одговорно, да не палат оган на отворен простор, се со цел да се спречи повторување на вакви опасни состојби.

На 14 и 15 август, Битола ќе пулсира во ритамот на чалгијата!

„Битолски чалгиски денови“ – првиот фестивал посветен на чалгиската музика во градот, во рамките на БИТ ФЕСТ, во организација на Културно-информативниот центар – Битола.

Во продолжение програмата за двата фестивалски дена:

14 август

11:00 – Семинар „Канон – Чалгиска музика“, Офицерски дом

18:00 – Пајтонско дефиле, Широк Сокак

20:30 – Чапче и Тајфата

21:30 – Филип Шурбевски Езгија Квартет

22:30 – „Мерак чалгии“, Димитар Андоновски и Бојан Стојков

15 август – Стара битолска чаршија

20:30 – Чапче и Тајфата

22:00 – Љубојна и Битолскиот Чалгиски Оркестар

Два дена чалгија. Два дена традиција. Една Битола.

-Да ја оживееме музиката на чаршијата и заедно да создадеме нова битолска фестивалска традиција, порачуваат организаторите.

Овој викенд AVRA го води Прилеп низ две различни, но подеднакво атрактивни коктел приказни!

Во петок ве очекува киселкаст, свеж и совршено избалансиран SOUR COCKTAILS FRIDAY, а во сабота атмосферата се сели во Бразил со BRAZILIAN COCKTAILS и вистински tropical vibes!

ПЕТОК, 14 АВГУСТ – SOUR COCKTAILS FRIDAY

Љубителите на свежи, киселкасти и добро избалансирани коктели ќе имаат можност да го изберат својот фаворит – Whiskey Sour, Tequila Sour, Vodka Sour, Aperol Sour, Gin Sour или Amaretto Sour.

Секој коктел е 230 МКД, а изборот е само ваш!

САБОТА, 15 АВГУСТ – BRAZILIAN COCKTAILS

Во сабота AVRA ве носи директно во Бразил! 🇧🇷 Очекувајте коктели инспирирани од најживите градови на Јужна Америка, Brazilian Sounds, tropical vibes и вкусови кои совршено го носат летото!

🍹 Rio de Janeiro — Classic Caipirinha
🌶️ São Paulo — Spicy
🍋 Salvador — Sour
🥭 Recife — Tropical

Коктелите во сабота се по 250 МКД.

Два дена, две различни атмосфери и една адреса за совршен летен викенд – AVRA!

Резервирај навреме на: 078 564 477

Затоа, одбери си ден, избери си коктел и наздрави за летото!

За православните христијански верници од утре почнува двонеделниот Богородичен пост, кој е посветен на Успението на Пресвета Богородица. Овој пост е востановен во молитвено сеќавање на Пресвета Богородица, а со цел во периодот на неговото времетраење уште поинтензивно да се изискува молитвеното застапништво од Пресветата Богомајка.

По својата временска должина тоа е најкраткиот од четирите годишни пости и трае 15 дена, односно секоја година започнува на денот на прославувањето на светите седум макавејци (1/14 август), а завршува на благденот Успение на Пресвета Богородица (15/28 август). Сигурни сведоштва за оформувањето на Богородичниот пост најнапред наоѓаме во списите на Теодор Студит (IX век), а тој е конечно утврден од Светата Црква на Цариградскиот собор во 1166 година, иако верните уште многу векови порано пребивале во пост исчекувајќи го денот посветен на Успението на Богородица.

Богородичниот, односно Успенскиот пост настапува еден месец по празнувањето на Соборот на светите апостоли Петар и Павле, а пред големите празници на Преображението Господово на гората Тавор и Успението на Божјата Мајка (познат во нашиот народ и како Голема Богородица). За разлика од Великиот и Петровденскиот пост, овој пост не започнува секогаш од понеделник, односно неговиот почеток може да се случи во кој било ден од седмицата. Овие пости не се толку строги како Великиот, но се построги од Петровденскиот и Божикниот пост. До празникот Преображение Господово, кога во храмовите се осветува грозјето, Црквата нe задолжува да се воздржуваме од тој плод. На празникот Преображение Господово, според црковниот типик на трпезата се дозволува риба.

И покрај постоењето на ориентирни правила во однос на позволените и забранети продукти за исхрана, никогаш не смее да се заборави дека сржта на православната антропологија е во тоа дека од човекот не треба да се стори проста маса, туку секој е и треба да остане конкретна личност. Оттаму, „строгоста“ на личното применување на физичката страна на постот зависи од личносниот совет од духовниот отец кон своето духовно чедо. Константата, пак, која треба да се следи во секој повеќедневен пост, а која никако не се „разблажнува“ е духовната страна на постењето.

Духовниот пост секогаш подразбира одрекување од сите облици на грешни и зли мисли, желби и дела, додека телесниот пост е само неопходно помошно средство за успешна духовна борба против страстите.

Денот на празнувањето на Успението на Пресвета Богородица, 28 август, е неработен за граѓаните од православна вероисповед во земјава.

Вчера беше најтежок ден од почетокот на сезоната на пожари, со регистрирани најмалку 52 пожари на отворен простор, информира директорот на Дирекцијата за заштита и спасување, Стојанче Ангелов.

Еден од најтешките пожари е во близина на Прилеп, покрај патот кон Битола. Иако пожарот се шири во рамничарски дел, силниот ветер значително ја отежнува интервенцијата.

Пожарот е ставен под делумна контрола, а во него изгорела штала во која имало одредена количина тутун.

Ангелов упати апел до граѓаните да бидат особено внимателни и да не предизвикуваат пожари, предупредувајќи дека секоја невнимателност во вакви услови може да има сериозни последици.

„Секојдневната битка со десетици пожари е тешка. Доволна е една искра за да се случи вистинска катастрофа“, порача Ангелов.

-На 12.08.2026 во 13:35 часот, полициски службеници од ОВР Прилеп, со наредба од Основен суд Прилеп, поради сомнение за кривично дело „убивање или уништување на заштитени видови на дива флора и фауна” по член 232-а од Кривичен законик, извршија претрес во домот на Н.Ј.(46) од Прилеп. При претресот биле пронајдени и одземени 10 птици од видот Carduelis – Carduelis и кафез. По документирање на настанот ќе следува соодветен поднесок – информираат од МВР.

-На 13.08.2026 во 03:00 часот на место викано „Голема грива“ во Национален парк „Пелистер“, полициски службеници од Полициското одделение Велушина и од криминалистичката полиција при СВР Битола ги лишија од слобода Н.С.(33) од Битола, Р.Ј.(53) од с.Кишава, битолско и Б.Г.(48) од Битола. Тие биле затекнати со огнено оружје во строго заштитена зона, при што се лишени од слобода, одземено им е оружјето и по документирање на настанот ќе следува соодветен поднесок, информираат од МВР.

Ликот на човек по 24-часовно дежурство понекогаш кажува повеќе од илјада зборови.

Умор, исцрпеност, непроспиена ноќ, но и чувство на одговорност кое не престанува ниту за момент. Токму таков е ликот на д-р Михајло Вангелов од Битола, кој објави фотографија после 24-часовно дежурство во Клиничката болница, каде долги години е дел од медицинскиот тим.

Зад ваквиот изглед стојат една хистеректомија, една инструментална ревизија, три спонтани породувања, четири царски резови и дури 44 прегледи.

Бројките можеби изгледаат само како статистика, но зад секоја од нив стои пациент, семејство, одлука и огромна одговорност.

„Ликот на човек по 24-часовно дежурство. Ликот по една хистеректомија, една инструментална ревизија, три спонтани породувања, четири царски резови и 44 прегледи“, пишува д-р Михајло.

Но, како што самиот нагласува, зад уморниот лик не стои само замор.

Стојат 24 часа непрекината концентрација, одлуки кои мора да се донесат за неколку секунди, огромна одговорност и грижата за човечки животи.

„Ова не го пишувам за да се пофалам. Го пишувам за да покажам што значи еден обичен работен ден за медицинскиот работник“, посочува тој.

И токму во тоа е суштината на неговата порака.

Зад секој лекар, медицинска сестра, акушерка и секој друг здравствен работник стои човек. Човек кој се уморува, кој има свое семејство, свои грижи и свои проблеми, но кој во моментот кога ќе влезе во ординацијата или операционата сала мора да биде целосно посветен, смирен и прецизен.

Од него се очекува да не погреши. Да биде концентриран и по 12, 18 или 24 часа работа. Да носи одлуки кога секоја секунда може да биде важна. Да остане професионален и кога телото веќе бара одмор.

Затоа, неговата порака е едноставна: имајте почит, трпение и разбирање кон медицинските лица.

Бидејќи зад белиот мантил не стои машина.

Стои човек.

Човек кој секој ден ја носи тежината на туѓото здравје и живот.

А можеби токму тоа е нешто што сите треба почесто да го имаме предвид кога ќе се сретнеме со лекар или медицински работник – дека и тие имаат граници, замор и свои битки, но и покрај сè, секој ден повторно ја избираат професијата во која туѓиот живот е на прво место.

На влезот во градот, во дворот на АМД Прилепец, започнува со работа нова самоуслужна перална – модерен концепт кој на едно место за првпат во Прилеп нуди дури пет боксови за самостојно перење на вашето возило.

На 14, 15 и 16 август, ПЕРЕЊЕТО Е ГРАТИС ЗА СИТЕ ВОЗИЛА!

Пералните ќе работат 24/7, па без разлика дали сакате да го измиете автомобилот рано наутро, попладне или доцна навечер, вратите се отворени за вас.

Системот е едноставен и лесен за користење. Избирате ја соодветната програма и започнувате да го трошите времето. Доколку сакате да ја промените програмата, едноставно притискате ПАУЗА, ја избирате посакуваната програма и продолжувате со перењето.

Достапни се различни временски опции:

10 денари – 30 секунди
20 денари – 60 секунди
50 денари – 150 секунди
100 денари – 300 секунди

Пет боксови, современ начин на перење, работа 24 часа во денот, 7 дена во неделата и целосна слобода сами да одлучите како ќе го измиете вашето возило.

Дојдете, пробајте го новото место за вашето возило и уверете се колку едноставно може да биде совршено чист автомобил!