Извршниот одбор на СДСМ синоќа даде согласност за 19 кандидати за градоначалници на претстојните локални избори.

Како што соопшти партискиот лидер Венко Филипче, за општина Центар кандидат е актуелниот градоначалник Горан Герасимовски, за Аеродром д-р Александар Трајановски, за Ѓорче Петров Костадин Ацевски – претседателот на ОО на СДСМ, за Крива Паланка актуелниот градоначалник Сашко Митовски.

Утврдени се кандидати и за Чучер Сандево, Берово, Лозово, Чешиново Облешево, Богданци, Дојран, Могила, Неготино, Крушево,…

-Кандидатите се избрани врз основа на најавените принципи, со прилично широк консензус во општинските организации, луѓе имаат кредибилитет и легитимитет да ја побараат довербата, некои првпат некои повторно, рече Филипче.

Тој најави дека во наредните недели ќе ги објават имињата на кандидатите и за останатите општини.

Има општини, како што рече, за кои разговараат да поддржат и други кандидати освен од СДСМ.

За кандидатите што ги објави Филипче согласност треба да даде и Централниот одбор на партијата.

Ова се 19 општини за кои се знаат кандидатите:

Општина Центар – Горан Герасимовски (актуелен градоначалник)

Општина Аеродром – д-р Александар Трајановски

Општина Ѓорче Петров – Костадин Ацески

Општина Чучер Сандево – Сашо Комненовиќ (актуелен градоначалник)

Општина Берово – Илија Рунтевски

Општина Крива Паланка – Сашо Митовски (актуелен градоначалник)

Општина Лозово – Ацо Велковски

Општина Чешиново Облешево – Горанчо Крстев

Општина Богданци – Блаже Шопов

Општина Дојран – Ристо Џинев

Општина Могила – Зоран Ристевски

Општина Неготино – Петар Мантев

Општина Новаци – Љубе Кузмановски

Општина Росоман – Стојанче Николов (актуелен градоначаник)

Општина Вевчани – Стефан Радионоски

Општина Крушево – Томе Христоски (актуелен градоначалник)

Општина Ресен – Александар Бузлевски

Општина Штип – Павел Иванов

Општина Гази Баба – Влатко Митовски

Управниот одбор на Кошаркарската федерација на Македонија одржа состанок на кој беа донесени неколку важни одлуки, а воедно е решено зборот „северна“ да се тргне од името на федерацијата после период од шест години.

Ова значи дека се враќа старото име „Кошаркарска федерација на Македонија“ и кратенката ќе биде КФМ, наместо досегашната – КФСМ.

За потсетување, кошаркарската репрезентација беше првиот национален тим кој настапи со дресови на кои беше напишано „Северна Македонија“

Градоначалникот на општина Битола, Тони Коњановски, советникот Бојан Бојкоски и претставници од одделението за комунални дејности во општина Битола, денес извршија увид на работните активности за санација на јужната трибина на стадионот „Петар Милошевски“. Со овој проект, во износ од 46.031.312 денари опфатена е санација на постоечките скалници – седишта, премачкување, обработка, поставување на седишта, за што ќе бидат набавени 4852 парчиња, вклучувајќи ги и резервните и ќе се изврши заштита на сите челични елементи, вклучувајќи ја и настрешницата.

Проектот за санација на јужната трибина на стадионот „Петар Милошевски“ е проект за кој Општина Битола, доби финансиска поддршка од Владата на Република Македонија, преку првиот повик за инвестициии во инфраструктура.

Паралелно, Општина Битола во соработка со ФФМ работат на исполнување на условите на УЕФА, за одигрување на меѓународниот натпревар на 9 септември за селекциите до 21 година, помеѓу Македонија и Италија.

-ОВР Прилеп поднесе кривична пријава против О.О.(45) од Прилеп поради постоење основи на сомнение за сторено кривично дело „организирање на отпор“. На 23.03.2025 во семејниот дом во Прилеп, пријавениот пуштал гласна музика и на тој начин не почитувал Одлуката на Владата на РСМ за прогласена седумдневна жалост поради трагедијата во Кочани – информираат од МВР.

-СВР Битола поднесе кривична пријава против лицето А.С.(34) од с.Дебреште, прилепско, поради постоење основи на сомнение за сторени кривични дела „затајување“ и „лажно пријавување на кривично дело“. На 20.05.2025, пријавениот пријавил дека во спортска обложувалница во с.Ропотово, општина Долнени, едно лице ги оштетило апаратите за игри на среќа и одзело пари. Но, по преземени мерки и активности било констатирано дека пријавениот лажно пријавил, односно дека тој го сторил делото со со подесен алат – информираат од МВР.

Наташа Малинкова има одлична порака – живејте и сакајте без правила зашто „НЕМА ПРАВИЛА“

Наташа Малинкова деновиве на јавноста реши да ѝ ја претстави својата нова песна со наслов „Нема правила“. Станува збор за, како што вели, емотивна баладa која допира длабоко и зборува за љубов која не познава и признава граници, која нема логика и, се разбира, ниту правила.

„Нема правила“ е искрен крик на срцето што сè уште чека, што се буди со спомени и живее и кога љубовта е далеку. Текстот и интерпретацијата ја доловуваат болката, страста, но и надежта што останува во едно срце што љубело длабоко. Во песната доминира чувството дека понекогаш не можеш да го објасниш ниту да го контролираш она што го носиш во себе. Љубовта не следи правила, не се води по план – таа е хаос, сила и убавина во иста мера“, вели Наташа и додава: „Имам само еден живот, една песна – недопеана.“

Комплетен автор на песната која претендира да стане вистински летен хит – инаку уште едно лично, артистичко отворено писмо за сите оние кои некогаш љубеле без објаснување, без услови, само со цело срце, е нејзиниот долгогодишен соработник Столе Аврамов, во чие студио Аврамов рекордс и е снимена.

Видеото, пак, е со потписот на 351 Студио – екипа која повеќе од една деценија е посветена на креирање визуелно зачудувачки и влијателни креативни решенија. Впрочем, видеото за „Нема правила“ е доказ дека надвор од границите на можеби очекуваното видео парче, а од кои излегува Наташа секогаш има многу повеќе.

Уживајте во оваа летна тема, спакувана наменски да нѐ расположи, да нѐ размрда и да нѐ потсети дека во миговите кога можеби сме нерасположени или, што се вели ‘не ни е денот’, насмевка може да ни измами само убава музика и мислата дека после дожд секогаш доаѓа сонце. И, секако, дека што и да се случува во животот сепак во спомените остануваат само убавите работи.

Слушнете ја „Нема правила“ и не заборавајте – бидете свои, бидете спокојни, среќни и насмеани и едноставно уживајте во секој миг од животот без објаснувања, услови, со сето срце и без правила зашто НЕМА ПРАВИЛА!

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,57% во однос на одлуката од 19.6.2025 година.

Малопродажнaта цена на ЕУРОДИЗЕЛ (Д-Е V) се зголемува за 2,00 ден/лит. Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат.

ПроКредит Банка свечено ја отвори новата услужна единица на нова локација во Прилеп, со нов модерен изглед и врвна услуга. Во пријатна атмосфера, во друштво на своите соработници и клиенти, банката го потврди продолжувањето на својата стратегија за ширење и унапредување на мрежата на услужни единици низ Македонија.

Новата локација, која се наоѓа во самиот центар на градот, на познатата цветна улица Илинденска бр. 41, ќе овозможи подобро банкарско искуство и зголемена достапност за клиентите.

„Не отвораме само нова услужна единица, туку поставуваме уште еден темел на доверба, стабилност и посветеност кон развојот на нашата заедница. Со ова проширување, го потврдуваме нашето долгогодишно ветување – да бидеме блиску до луѓето, до бизнисите, и до сите кои се стремат кон одржлив и одговорен напредок. Прилеп е град со богата историја, силен претприемачки дух и вредни луѓе. Веруваме дека тука има огромен потенцијал за малите семејни бизниси, за иновативните стартапи, но и за секој поединец кој сака да управува одговорно со своите финансии” – истакнаа од ПроКредит Банка.

За разлика од претходната локација каде што беше достапна само Зона 24/7, новата услужна единица дополнително нуди целосна банкарска поддршка. Клиентите имаат можност да добијат персонализирани финансиски совети, пристап до поголем број на банкарски услуги и поддршка од тим професионалци кои се достапни да одговорат на сите нивни потреби.

Новата услужна единица ќе работи од понеделник до петок, од 08:30 до 16:30 часот.

Повеќе информации за локациите и услугите на ПроКредит Банка се достапни на официјалната веб-страница.

Фото/shilomagazine.com.au/

На 19.06.2025 во 22.30 часот во СВР Охрид било пријавено дека на кружен тек од бул.„Туристичка“ со ул.„Јане Сандански“ во Охрид, патничко возило „фолксваген голф“ со охридски регистарски ознаки, управувано од И.С.(22) од с.Пашино Рувци, прилепско, со престој во Охрид, удрило во метален столб, а потоа и во пешаците А.Б.(44) од Охрид и Д.П.(52) од Скопје.

Од здобиените повреди А.Б. починала во Специјалната болница „Св.Еразмо“, а лекар констатирал смрт. Со тешки телесни повреди се здобил Д.П., додека со телесни повреди се здобиле возачот И.С. и неговиот сопатник К.М.(19), констатирани во болницата „Св.Еразмо“ и во Општата болница Охрид. Извршен бил увид од увидна екипа од СВР Охрид, а по наредба на Јавен обвинител, И.С. бил лишен од слобода поради постоење основи на сомнение за сторено кривично дело по член 300 став 2 од Кривичниот законик.

Фото/shilomagazine.com.au/

Новата учебна година во Битола ќе ја почнат 529 првачиња и тоа е за 238 првачиња помалку затоа што лани беа запишани 767 првоодделенци.

Најмалку првачиња запишани се во основните училишта „Александар Турунџев“ и „Св. Кирил и Методиј“ каде во училишните клупи ќе седнат 10 во Кукуречани и 24 деца во Битола, а најмногу првачиња, вкупно 94 запишани се во општинското основно училиште „Св. Климент Охридски“.

Од секторот за образование на Општина Битола за МИА потврдија дека во сите основни училишта има помал број на првачиња и според евиденцијата во ООУ „Ѓорги Сугарев“ ќе учат 30 првачиња, во ООУ „Трифун Пановски“ запишани се 37, во ООУ „Коле Канински“ запишани се 43, а во ООУ „Гоце Делчев“ се запишаа 45 првачиња. Само 30 првачиња ќе учат и во основното училиште „Крсте Петков Мисирков“ во селото Бистрица.

Помал број на првачиња годинава ќе учат и во основните училишта „Тодор Ангелески“, „Стив Наумов“, „Елпида Караманди“ и „Даме Груев“, посочија од Општина Битола.