Во моменти кога фудбалскиот миленик на прилепчани се наоѓа во незавидна позиција, без сериозни спонзорства и без квалитетни засилувања, можностите се само да се избори опстанок во Втората фудбалска лига.

Но, како што најавивме пред неколку месеци, се чини дека на агонијата се гледа крајот. Светло на крајот од тунелот се новите акционери кои во моментов работат на примопредавање на сопственичката структура во клубот.

Пред согледувањето на можностите и капацитетите на клубот и пред донесување на долгорочен план, новите акционери донесоа одлука средствата од продажбата на билети за престојниот натпревар помеѓу Победа и Башкими, да бидат наменети за помош на семејствата на жртвите и повредените од трагичниот настан во Кочани.

Натпреварот се игра во сабота (29.03.) со почеток од 15:00 часот, а билетите ќе се продаваат по цена од 100 денари. Билети ќе бидат во продажба од среда, а ќе можат да се купат од штанд, кој ќе биде поставен на градскиот плоштад “Методија Андонов-Ченто”.

Да покажеме хуманост и сплотеност, во сабота да го исполнеме градскиот стадион “Гоце Делчев” до максимум!

-СВР Битола поднесе кривична пријава против С.Д.(44) од с.Дебреште, општина Долнени, поради постоење основи на сомнение за сторено кривично дело ,,кражба“ и против С.Д.(55) од Прилеп поради постоење основи на сомнение за сторено кривично дело „несовесно работење во службата“.

На 03.11.2020 првопријавениот во атарот на с.Пешталево, пријавениот бил затекнат како управува товарно возило „ман“ натоварено со букови дрва на кои немало и не поседувал документација.

Додека, второпријавениот – главен инспектор за општ криминалитет во Надворешна канцеларија за криминалистички работи при ОВР Прилеп, не се придржувал на прописите и стандардите, со што овозможил кривично правен настан, за кој биле обезбедени докази, да не биде процесуиран до надлежното Основно јавно обвинителство и на тој начин овозможил да течат роковите за кривично гонење – информираат од СВР Битола.

Бензините од ноќеска на полноќ поскапуваат за половина до еден денар, а цената на дизелот се намалува за половина денар по литар, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши намалување на малопродажните цени на нафтените деривати во просек за 0,04 отсто во споредба со претходната пресметка.

Малопродажната цена на бензинот ЕУРОСУПЕР БС-95 се зголемува за половина денар по литар и ќе изнесува 75 денари за литар, ЕУРОСУПЕР БС-98 поскапува за еден денар и ќе се продава за 77,5 денари по литар, додека цената на ЕУРОДИЗЕЛ (Д-Е V) се намалува за поливина денар и ќе изнесува 68 денари за литар.

Со одлуката на РКЕ не се менува малопродажната цена на Екстра лесното масло за домаќинство (ЕЛ-1) и останува 68 денари за литар, а цената на Мазутот М-1 НС се намалува за 0,590 денари за килограм и ќе изнесува 40,755 денари.

Од РКЕ велат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,721 отсто и кај екстра лесното масло за 0,706 отсто, додека кај дизелот има намалувањето за 0,522, а кај мазутот за 1,881 отсто. Курсот на денарот во однос на доларот по кој беа формирани цените со претходната пресметка е понизок за 0,1162 отсто.

Денеска околу 14 часот пред Центарот за социјална работа Прилеп, A.J.(50) oд Прилеп влегол во канцеларија на службеничка вработена во институцијата и испукал два куршуми од огнено оружје кон нејзе.

Од испуканите куршуми, службеничката М.Ѓ. (38) од Прилеп, се здобила со прострелна рана, според неофицијални информации, во стомакот и е примена во градската болница “Борка Талески”

Според информации од болницата М.Ѓ. е моментално во стабилна состојба.

Од ОВР Прилеп пак информираат дека А.Ј. е приведен, а кај него освен огнено оружје пиштол, бил пронајден и нож.

Според неофицијални информации, службеничката работела на предмет на осомничениот, а тој не бил задоволен од исходот и подолго време ја демнел.

Денеска околу 14 часот пред Центарот за социјална работа Прилеп, засега непознато машко лице испукално неколку куршуми од огнено оружје.

Во пуктотницата со прострелна рана се здобила М.Ѓ. (36) од Прилеп, вработена во институцијата.

Маркукуле дознава дека повредената се здобила со влезно-излезна рана во десниот дел од градниот кош. М.Ѓ. е примена во градската болница “Борка Талески” и е моментално во стабилна состојба.

Засега не се познати причините кои довеле до настанот, а не е познат ниту идентитетот на сторителот.

Очекувајте повеќе информации во текот на денот.

Пред неколку минути прeд Меѓуопштинскиот центар за социјална работа Прилеп имало пукотници, во кои една жена се здобила со прострелни рани.

Повеќе информации за кратко.

На 58-та седница на Советот на Општина Прилеп, која ќе се одржи на ден 25.03.2025 година (вторник), прва точка на дневниот ред е донесување на Одлука за доделување на хуманитарна помош за повредените и настраданите во трагедијата што се случи во дискотеката „Пулс“, во Општина Кочани.

По примерот на повеќе други општини, и општина Прилеп се солидаризира со семејствата на настраданите и повредените од кочанската трагедија, па се очекува одлуката едногласно да биде поддржана од сите советници.

Покрај тоа, советниците на оваа седница ќе гласаат и по 25 други точки:

2. Предлог-Одлука за измена и дополнување на Одлуката за измена и дополнување на Одлуката за извршување на Буџетот на Општина Прилеп, за 2025 година.
3. Предлог-Одлука за усвојување на Извештајот-Информацијата за безбедносната состојба на подрачјето на ПС од Општа надлежност-Прилеп, за 2024 година.
4. Предлог-Одлука за утврдување на приоритетен проект финансиран преку Европска Инвестициона Банка во рамки на Проектот за подобрување на водната инфраструктура на општините во Република Северна Македонија.
5. Предлог-Одлука за давање согласност и овластување за потпишување на Договор/и за грант.
6. Предлог-Одлука за давање согласност и овластување за измирување односно пренасочување на средства од буџетската сметка на Општина Прилеп.
7. Предлог-Одлука за дополнување на Одлуката за одредување на јавните паркиралишта на кои ќе се врши наплата на паркирање.
8. Предлог-Одлука за прифаќање на донација во ствари од страна на Комфи-Ангел ДОО Прилеп.
9. Предлог-Одлука давање согласност на Годишен план за измена и дополнување на Годишниот план за вработување за 2025 година, на ЈКП “Пазари”-Прилеп.
10. Предлог-Одлука за давање согласност на Одлуката за утврдување на вредноста на бодот за пресметување на платите на вработените во ЈКП “Пазари” -Прилеп, за 2025 година.
11. Предлог-Одлука за давање согласност на Одлуката за утврдување на максималниот износ на вредноста на бодот за пресметување на платите на административните (јавни) службеници за 2025 година во ЈОУДГ ,,Наша иднина’’ Прилеп.
12. Предлог-Одлука за давање согласност на Одлуката за расходовање на нефункционална оштетена и дотраена електронска опрема, на ООУ “Кире Гаврилоски-Јане”- Прилеп.
13. Предлог-Одлука за давање согласност на Одлуките за отпис-расход на расипаните, дотраени и неупотребливи основни средства, на ООУ “Добре Јованоски”- Прилеп.
14. Предлог-Одлука за давање позитивно мислење на Статутот на ООУ “Круме Волнароски” с.Тополчани- Прилеп.
15. Предлог-Одлука за давање позитивно мислење на Статутот на ООУ “Страшо Пинџур” с.Мало Коњари- Прилеп.
16. Предлог-Одлука за давање согласност на Програмата за изведување на научно наставни – екскурзии во учебната 2024/2025 година на ООУ “Страшо Пинџур” с.Мало Коњари- Прилеп, за III (трето), VI (шесто) и IX (деветто) одделение.
17. Предлог-Одлука за давање согласност на Програмата за изведување на научно наставни – екскурзии во учебната 2024/2025 година на ООУ “Круме Волнароски” с.Тополчани- Прилеп, за III (трето), VI (шесто) и IX (деветто) одделение.
18. Предлог-Правилник за измена и дополнување на Правилникот за доделување на награди за талентирани (наградени) ученици во основните и средните училишта во Општина Прилеп.
19. Предлог-Решение за именување членови на Управниот одбор на ЈОУ Градска библиотека “Борка Талески”-Прилеп.
20. Предлог-Решение за именување на претставник на Општина Прилеп во Училишниот одбор на ООМУ “Ордан Михајлоски-Оцка”-Прилеп.
21. Предлог-Решение за именување на претставник на Општина Прилеп во Училишниот одбор на ООУ “Коцо Рацин”-Прилеп.
22. Предлог-Решение за именување на претставник на Општина Прилеп во Училишниот одбор на OОУ,,Добре Јованоски’’-Прилеп.
23. Предлог-Одлука за донесување на детален урбанистички план за четврт 2, блок 2.10, фаза нацрт план, плански период 2021 – 2026 год., Општина Прилеп.
24. Предлог-Одлука за донесување на детален урбанистички план за четврт 2, блок 2.14 и 2.15, фаза нацрт план, плански период 2024 – 2029 год., Општина Прилеп.
25. Предлог-Одлука за донесување на урбанистички проект со план за парцелација за ГП бр.42 и 43 (како дел од ДУП за УАЕ бр.7) во една градежна парцела (ГП бр.1), КО Прилеп, Општина Прилеп.
26. Предлог-Програма за изработка на урбанистички планови на територијата на Општина Прилеп, за 2025 година.

Несовесни граѓани направија депонија во паркот на улицата “Петта прилепска бригада”, по реновирање на стан.

-Вака се реновира стан на двосмерната ,, Петта прилепска”. Целиот мебел, инвентар, облека и друг отпад исфрлен во паркот. Се работи за двајца сторители оној кој го продал станот и оној кој го купил, според информациите од станарите. Несовесните граѓани се пријавени во Инспекторатот – напишаа од ЈКП Комуналец на социјалните мрежи.

Фудбалската репрезентација на Србија во Белград играше реванш од плејофот од Лигата на нации против селекцијата на Австрија, а коментаторот на РТС, Александар Стојановиќ, не можеше да ги задржи емоциите пред почетокот на мечот.

Видеото можи да го видите тука:

https://x.com/sportsscandals1/status/1903859575121477636?ref_src=twsrc%5Etfw%7Ctwcamp%5Etweetembed%7Ctwterm%5E1903859575121477636%7Ctwgr%5Ea6c6c79dcd2cef8b8cdd185944e6b27d645b94b1%7Ctwcon%5Es1_c10&ref_url=https%3A%2F%2Fkurir.mk%2Fsport%2Ffudbal%2Fsrpskiot-komentator-zaplaka-za-vreme-na-minutata-molk-za-nastradanite-vo-kochani-video%2F

Во денешниот билтен со дневни настани, МВР информираше дека на подрачјето на Прилеп во изминатото деноноќие приведени се 12 лица, од кои едно е малолетно, поради непочитување на одлуката на Владата за седумдневна жалост за трагедијата во Кочани.

Маркукуле од читатели доби видео од група млади луѓе кои кај Центарот за култура “Марко Цепенков” пуштале гласна музика и се забавувале, додека цела држава тагува по животите на нивните врсници и се моли за оздравување на повредените.