Дирекцијата за заштита и спасување во текот на вчерашниот ден го затвори прилепскиот театар „Војдан Чернодрински“, дознава Инфомакс, поради констатирани неправилности и прекршувања во низа закони, кои пропусти претставуваат непосредна опасност од настанување на пожар и експлозја во објектот, отежната евакуација на лица присутни во објектот при појава на акцидентална ситуација и оневозможување на ефикасна интервенција на спасувачките тимови при настување на пожар и експлозија во објектот со што директно се загрозува животот на лицата присутни во објектот.

-Утврдените неправилности и недостатоци при инспекцискиот надзор претставуваат непосредна опасност од настанување на пожар и експлозја во објектот,отежната евакуација на лица присутни во објектот при појава на акцидентална ситуација и оневозможување на ефикасна интервенција на спасувачките тимови при настување на пожар и експлозија во објектот со што директно се загрозува животот на лицата присутни во објектот,Народен театар „Војдан Чернодрински“ Прилеп како објект од јавен карактер од областа на културата за одржување на јавни масовни приредбии манифестации – велат во дописот од ДЗС до ИНФОМАКС.

Целиот текст прочитајте го ТУКА

Mинистерство за транспорт го објави списокот на носители на лиценци од градежното работење и  урбанистичко планирање за кои се води постапка за одземање на лиценците за работа.

На списокот се 479 лиценци кои се дел од обемна контрола на издадените лиценци почната на крајот на минатата седмица.

Од досегашните контроли на над 3100 лиценци се констатира следната состојба:

Кај 479 лиценци констатирано е дека по издавањето на лиценците правните лица престанале да ги исполнуваат законските услови врз основа на кои истите се издадени поради тоа се ќе се донесат решенија за одземање и тоа:

• на 73 правни лица  лиценца А за изведувач на градби од прва категорија
• на 228 правни лица  лиценца Б за изведувач на градби од втора категорија,
• на 9 правни лица  лиценца А за надзор над изградбата на градби од прва категорија,
•  на 32 правни лица  лиценца Б за надзор над изградбата на градби од втора категорија,
• на 32 правни лица  лиценца А за проектирање на градби од прва категорија,
• на 78 правни лица  лиценца Б за проектирање на градби од втора категорија,
• на 7 правни лица  лиценца  Б за ревизија на проектна документација на градби од втора категорија,
• на 3 правни лица лиценца А ревизија на проектна документација на градби од прва категорија,
• на 2 правни лица лиценца за управител за одржување на објекти од прва и втора категорија,
• на 2 правни лица лиценца управител на градба,
• на 13 правни лица лиценца за изработка на урбанистички планови.

-Целокупниот список ќе биде доставен до Министерството за внатрешни  работи, до Јавното обвинителство, до ЗЕЛС и останати засегнати институции со цел за понатамошни постапки – велат од Министерството за транспорт и врски.

Во четвртиот петок од Великиот Воскресенски пост со почеток од 16 часот, во храмот св. Кирил и Методиј – Параклис, ќе се служи Мало повечерие на кое ќе се чита акатист посветен кон Пресвета Богородица и ќе се осветува петтолебие за здравје и спасение на верниот народ.

Потоа ќе се одржи и предавање од овогодишниот циклус на предавања на тема: “Божјата волја за нас – нејзиното спознавање и исполнување во животот” на кое ќе предава АРХИМАНДРИТ НИКОДИМ СОЛУНЧЕВ , од манастирот Успение на Пресвета Богородица – ТРЕСКАВЕЦ во просториите на административната зграда.

Воедно упатуваме и ПОКАНА до верниот народ на Прилеп со помасовно присуство на предавањето.
Храбра наша Војвотко победоносна,
ние, слугите Твои од зло избавени,
песни пофални Ти воспеваме, Богородице.
Но Ти, Која крепост имаш непобедлива,
од секоја беда ослободи не, да повикуваме:
Радувај се, Невесто Неневестна!

Во дигиталната ера кога брзината е сѐ– довербата станува клучна валута. MINT Fintech Group и OneID објавуваат нова стратешка соработка насочена кон нова заштита на корисниците од финансиски измами и дигитален идентитет кој нуди максимална безбедност.

Преку интеграцијата на OneID – платформа за сигурна дигитална идентификација – корисниците на MINT ќе добијат можност за проверка на идентитет без споделување на чувствителни податоци, преку едноставна и безбедна процедура.

Ова партнерство е повеќе од технолошко решение

„Во време кога измамите стануваат сè попаметни, ние стануваме потемелни. OneID е логичен чекор напред во нашата визија: финансиски услуги кои се не само паметни и брзи, туку и длабоко одговорни,“ изјавуваат од MINT Fintech Group.

Договорот веќе е склучен, а новата заштитна функционалност ќе биде активно достапна наскоро.

Оваа соработка е само дел од пошироката трансформација која ја води MINT: постојано унапредување на корисничкото искуство, фокус на софистицираност во секој детал и развој на платформи што ги надминуваат стандардите – и по функционалност, и по етика.

Од технолошка иновација до емпатична дигитална комуникација, MINT останува посветен на создавање финансиски екосистем кој не е само модерен – туку и хуман.

За повеќе информации:

www.mint.com.mk | www.oneid.mk

Од април ќе се исплаќа законски предвидениот минималец или околу 2.200 денари повеќе од сегашната минимална плата, рече денеска премиерот Хртистијан Мицкоски. Според него, доколку следните месеци дојде до договор меѓу работниците и работодавачите за повисок износ, ќе се направат законски измени и дополнително нивелирање.

– Денеска имаме владина седница, разговарав со министерот за економија, ќе поминеме информација. Согласно Законот мислам дека минималната плата ќе се зголеми на ниво од 24 400, така е според Законот. Немаме репрезентативен синдикат во Економско-социјалниот совет, се формираше Комисија која ќе ја утврди репрезентативноста. Се надевам дека наскоро тие што ќе бидат репрезентативни претставници на работниците заедно со работодавачите ќе постигнат консензус, а ние тој консензус ќе го почитуваме. Ако се договарат за поголема сума, ќе го промениме Законот и ќе навлеземе во дополнително нивелирање, истакна Мицкоски, одговорајќи на новинарски прашања по поставувањето на камен-темелникот на мега-паркот во Радишани.

Во врска со вработувањата во Државниот пазарен инспекторат (ДПИ), премиерот напомена дека Владата е должна да ги обезбеди сите капацитети на институциите и тоа ќе го стори.

– Се што е потребно ќе направиме, вклучително и вработување лица во ДПИ. Не станува збор за тоа дека нешто не е спроведено или предвидено. Жалам што мораше ова да се случи за сите да се освестат дека работите повеќе од 30 години биле погрешни и да, ние ќе ги корегириаме. Поразивме судска мафија, врховен судија фативме со мито во џебот и претседател на Советот на обвинители, во постапка се т.н мазут мафија и т.н. енергетска мафија, во бегство е т.н. коцкарска мафија, приведена е уличната мафија и сега на ред дојде и оваа мафија која царувала, но и таа ќе биде пооразена, а ќе следат и други. Македонија мора да биде пристојно место за живеење, а Владата е должна да ги обезбеди сите капацитети на институциите, како на инспекторатите, така и на МВР и на затворската полиција за да може овој систем беспрекорно да функционира. За жал, наследивме девастиран, урнисан систем, но се трудиме и ќе го доведеме во ред, подвлече Мицкоски.

Прашан за најавените измени на Законот за работно ангажирање, објасни дека со него ќе се регулира работниот однос на пензионираните лица и студентите.

– За законските измени добивме делумно поддршка и од опозицијата. Ќе се регулира работниот однос на пензионираните лица и студентите што досега беше дел од сивата економија. Целта е да се зголемат вработеноста и продуктивноста во насока на зголемување на економските перформанси. Задоволни сме од резултатите во третитот и четвртиот квартал, тие се над три проценти, меѓу петте во европа, за првиот квартал годинава очекуваме поволни резултати, задоволни сме од нивото на странските инвестиции кое е историски највисоко, задолвлни сме и од извозот и индустриското производство кои почнуваат да растат. Сите економски перформанси и индикатори покажуваат знаци на консолидирање, истакна Мицкоски.

После една недела пауза поради деновите на жалост во Македонија поради трагедијата што се случи во Кочани, Битолскиот театар продолжува оваа недела со изведба на редовниот репертоар. Вчера на сцената беше изведена претставата „Жиголо“, праизведба на македонскиот текст од авторот Игор Кузмановски, во режија на Благој Мицевски, која ќе се изведе и на 28.март.

Во среда на 26-ти ќе се изведе „Снежана и седумте џуџиња“ во режија на Драгана Милошевска Попова, а во сабота претставата „Хамлет денот на убиствата“ во режија на Марјан Неќак.

Светскиот Ден на театарот на 27- ми март, ќе се одбележи со изведба на претставата со која беше одбележан и 80 годишниот јубилеј на Битолскиот театар, „Ѓоре Магаревски“ во режија на Благој Мицевски, Софија Ристевска Петрушева и Јован Ристовски.

Играат актерки и актери од сите генерации, вклучувајќи ги и пензионираните. Во три кратки едночинки улогата на Ѓоре ја играат актерите од НТБ, Марјан Ѓоргиевски кај режисерот Благој Мицевски, Александар Димитровски кај Софија Ристевска, и Никола Пројчевски кај Јован Ристовски. За сценографијата се погрижи Валентин Светозарев, костимографија Благој Мицевски, Андреј Папаз Ѓоргиевски, драматург Билјана Крајчевска,
светло мајстор Игор Мицевски, Горан Петровски, тон мајстор Александар Димовски, шминка Стефанија Илиевски, видеооператор Владимир Переловски, автор на плакат Сашо Илковски, инспициент Димитар Михајловски.

Влезниците за оваа претстава ќе бидат по цена од 100 денари, а целиот приход од продадените влезници ќе биде наменет за настраданите во Кочани. Ќе бидат прочитани и пораките по повод Денот на театарот, светската ќе ја прочита Ана Грамосли, а македонската Никола Стефанов.

Се работи за првата претстава која се одиграла на македонски јазик во слободна Македонија, на 14 ноември, 1944 година. Тогаш беше одиграна едночинката „Ѓоре Магаревски“ или „Петтоимениот Ѓоре“ од Владо Малески, во режија на Димче Стефановски. Во првото театарско јадро на овој град тогаш беа Јорго Цаца, Вера Вучкова, Димче Стефановски, Ацо Стефановски, Мери Бошкова, Симо Георгиевски,Славче Матевски, Георги Карев, Јован Бејко.

Во меѓувреме од одбележувањето на јубилејот до денес, во НТБ се потпишаа и Меморандуми на соработка со Здружението на пензионери, Македонското научно друштво Битола, Државното музичко училиште, беше промовирано историското катче на НТБ, во кое децата и посетителите се запознаат со историјата на Битолскиот театар, се гостуваше во Прилеп по повод јубилејот на театарот со претставата „Кокошка“, како и во Штип со претставата „Којзнае зошто“. Во завршна фаза е и опремувањето на новата просторија во која ќе се чува архивата на НТБ, проектирана според барањата на Државниот архив на Република Македонија. Оваа година ќе биде промовирана и Монографијата „Народен театар Битола“, на авторот Иван Додовски, испишана на 310 страници, испечатена од Графопром Битола.

Деветнаесет годишниот Јован Костадинов кој спаси 20 животи во пожарот во дискотеката „Пулс“ во Кочани денеска се врати во средното училиште „Ванчо Прќе“ во Виница.

Младиот херој, како што го нарекуваат, во училишниот двор беше пречекан од соученците со аплаузи, транспаренти и прегратки. Горди на него, учениците и наставниот кадар му посакаа топло добредојде.

Јован беше пуштен на домашно лекување откако лежеше на Клиниката за токсикологија. Денеска, во своето училиште, доби она што најмногу му требаше – поддршка, љубов и признание за своето големо срце.

Министерството за енергетика, рударство и минерални суровини објави Јавен оглас за финансиска поддршка за потрошена електрична енергија за 2025 година, наменета за лица кои спаѓаат во категоријата ранливи потрошувачи на енергија. Оваа мерка е дел од Програмата за заштита на ранливи потрошувачи на енергија за 2025 година (“Службен весник на Република Македонија” бр. 34/25), со цел да се обезбеди директна поддршка за граѓаните на кои им е најпотребна.

Кој има право на финансиска поддршка? Финансиската поддршка е наменета за следните категории граѓани:

Домаќинства со едно или повеќе деца со попреченост, корисници на посебен додаток согласно Законот за заштита на децата, чиј вкупен нето доход во 2024 година на месечно ниво не го надминувал износот од:

-42.000 денари за домаќинство со два члена,

-60.000 денари за домаќинство со три члена,

-80.000 денари за домаќинство со четири и повеќе члена.

Згрижувачи кои згрижуваат едно или повеќе лица во своето семејство и се корисници на надоместок за згрижување согласно Законот за социјалната заштита, при што нивниот вкупен нето доход на месечно ниво не го надминувал предвидениот праг според бројот на членови во домаќинството (од 42.000 до 160.000 денари).

Износ и времетраење на поддршката Министерството доделува финансиска поддршка преку намалување на месечната сметка за потрошена електрична енергија во износ од 1.000 денари месечно, сметано од денот на поднесување на барањето. Поддршката ќе се доделува во текот на 12 месеци или до исцрпување на предвидените средства согласно програмата.

Лицата кои веќе користат гарантирана минимална помош и добиваат паричен додаток за енергенси во согласност со Законот за социјална заштита, како и старите лица кои користат финансиска поддршка согласно Законот за социјална сигурност на стари лица, не се опфатени со оваа мерка.

Процедура за аплицирање Рокот за поднесување на барањата изнесува 30 дена од денот на објавување на јавниот оглас. Заинтересираните лица треба да поднесат пополнет образец за барање (Образец 1 или Образец 2, во зависност од категоријата) достапен во архивата на Министерството или на официјалната веб-страница: https://www.ea.gov.mk/

Со барањето е потребно да се достават следните документи:

Изјава заверена на нотар за точност на приложената документација;
Фотокопија од Решение за стекнато право на посебен додаток или надоместок за згрижување;
Фотокопија од последната сметка за потрошена електрична енергија;
Фотокопија од лична карта на барателот;
Доказ за членовите на домаќинството.
Министерството ги повикува сите граѓани кои ги исполнуваат условите да аплицираат навремено и да ја искористат оваа можност за намалување на трошоците за електрична енергија.

За повеќе информации, посетете ја веб-страницата на Министерството: www.ea.gov.mk или контактирајте на [email protected] за прашања во врска со јавниот оглас.

Видеолотарија Касинос Австрија ја продложува соработката со македонскиот мотоциклистички шампион Христијан Бузалковски, кој е член на Здружение Мото клуб СЕВЕНТУ ОНЕ TEAM Скопје. Со најновото спонзорство, ќе овозможиме учество на Бузалковски на ФИМ Европскиот шампионат во брзински мотоциклизам.

Благодарност до Видеолотарија Касинос Австрија за поддршката која ми ја даваат веќе неколку години. Ова спонзорство ќе ми овозможи да се натпреваруваме на ФИМ Европскиот шампионат во брзински мотоциклизам во класата Супер сток 1.000цц. Покрај ова натпреварување, ќе учествуваме и во светскиот Ендуранс шампионат, 24хч Ле Манс, која важи за најтешка трка по изджливост. Очекуваме сериозен успех, изјави македонскиот мотоциклистички шампион Христијан Бузалковски.

Крег Белами, селекторот на Велс, ја сподели својата солидарност за трагедијата што ја погоди Македонија пред натпреварот во Скопје.

„Пред се, би сакал да изразам сочувство на семејствата на жртвите на трагедијата во Македонија. Знаеме низ што поминува земјата и целиот народ, ние во Велс се имаме соочено со многу трагедии, па сакам во името на целиот Велс да кажам дека жалиме со вас заради трагедијата. Тешко е да се зборува за фудбал во ова време“, изјави Белами.
Белами исто така истакна дека во последните денови направиле анализа на Македонија како екипа, нагласувајќи ги нивните добри контра напади. Тимот ќе мора да ги задржи и добрите поединци на составот. Тој истакна дека Македонија ќе биде многу мотивирана.