-На 22.06.2026 во ОВР Прилеп е пријавено дека на крстосница од ул.„Прилепски бранители“ со ул.„Пере Тошев“ во Прилеп се случила сообраќајна несреќа помеѓу патничко возило „фолксваген пасат“ со прилепски регистарски ознаки, управувано од О.Б.(49) од Прилеп и електричен тротинет, управуван од 16-годишна малолетничка. Во несреќата со тешки телесни повреди се здобила малолетничката, констатирани во Градска болница Прилеп. Извршен е увид од увидна екипа на ОВР Прилеп, информираат од СВР Битола.

Традицијата која трае повеќе од 15 години продолжува и ова лето – во хрватскиот град Омиш повторно се одржува престижниот камп за ракометни голмани, а меѓу избраните тренери е и македонскиот стручњак од Прилеп, Ице Соколески.

Тренерот на голмани во Еурофарм Пелистер и дел од стручниот штаб на кадетската репрезентација на Македонија, по четврти пат во низа е дел од тренерскиот тим на кампот, каде заедно со имиња како Марин Шего, Дино Шпиранец, Харис Поробиќ и останатите, своето знаење ќе го пренесува на младите чувари на мрежата.

Од 22 до 28 јуни, Соколески ќе работи со голмани од целиот свет, споделувајќи ги своите искуства, техники и голмански „тајни“ со новата генерација ракометни таленти.

Кампот во Омиш традиционално собира врвни голмански имиња, а оваа година меѓу демонстраторите се голманите на најсилните европски клубови – Матеј Мандиќ, Виктор Гисли Халгримсон, Урх Кастелиц, Игнасио Биоска, Карим Хендави, Доминик Кузмановиќ…

Македонскиот тренер уште еднаш ја потврдува својата позиција меѓу признатите голмански стручњаци во регионот и Европа.

Понекогаш за да се направи голема промена е потребна само една иницијатива, една добра идеја и неколку луѓе кои ќе кажат: „Ајде да направиме нешто“.

Токму тоа го направија екоактивистите од „Мој Прилеп“, кои ја започнаа акцијата за расчистување на дворот на Ученичкиот дом „Орде Чопела“ – простор кој со години беше запоставен, обраснат со трева, трње, шипови и наталожен отпад.

Без многу зборови и чекање некој друг да го реши проблемот, тие ги зедоа работите во свои раце. Со сопствен труд и ентузијазам го вратија животот во просторот, а нивниот пример покажа дека кога има волја, можат да се направат конкретни резултати.

По нивната акција, се вклучи и ЈП „Комуналец“, чии екипи со механизација и човечки ресурси го завршија финалното расчистување – собирање и транспорт на отпадот до депонијата во Алинци.

Целата на дечките од “Мој Прилеп” е просторот сега да се обележи, и да се врати игралиштето на кое носталгично се сеќаваат генерации прилепчани, каде се преку цел ден и доцна во ноќта, и се чекаше со часови за да се одигра натпревар во мал фудбал или баскет.

За иницијативата интерес покажаа стотици граѓани, кои се нудат со средства и со ресурси да ја помогнат работата на “Мој Прилеп”, но и индивидувално да се вклучат во работните акции.

Од “Мој Прилеп” сега објавија и податоци како граѓаните можат да се вклучат и да помогнат.

-Еве го тој препознатлив прилепски дух на дело! Искрено сум воодушевен од огромниот број пораки и повици од луѓе кои веднаш се пријавија да помогнат. Кога се сака, сè се може со ваква екипа! Бидејќи одѕивот е огромен, еве ги конкретните детали за да се организираме максимално ефективно: Кога и каде се собираме?

и со тоа да испрскаме пред да бележиме со боја. Напомена: Секој е добредојден! Дури и да немате алат или боја, дојдете да се подружиме и да смислиме наредни проекти, стои во соопштението.

,,Тивко е на Ножот“ се зборовите на Христо Силјанов, со кои тој ја опишува страшната тишина што настанала откако загинале „витезите на Ножот“. Битката и денес се слави како симбол на храброст, саможртва и љубов кон слободата.

Здружението ,,Македонска зора”, на 13 месеци пред стогодишнината од битката бара Македонците кои што се бореа на “Ножот” да добијат грандиозен споменик.

Здружението смета дека сегашниот споменик кој постои селото Ракле недоволно добро ја опишува големината на дадената саможртва.

,,Македонците што до последниот куршум го задржаа непријателот за да може другите чети да се спасат и да ја продолжат борбата во Битолскиот, Леринскиот, Преспанскиот и Костурскиот округ.
Мислиме дека треба сите да се обединиме кон оваа петиција и цел”, стои во петицијата објавена на социјалните мрежи.

Петицијата на овој линк

https://www.facebook.com/share/p/1JVvXxKnKd/

,,Опфатени сме од оган, гориме и сме дошле да изгориме.
Сакаме да умреме со достоинство.
Нашето решение е неповратно”, порачале хероите кои одбиле да се повлечат за да можат сите останати да заминат безбедно.

Битката на Ножот која се случила на 14 јули 1907 година е една од најголемите и најкрвавите битки во историјата на македонското револуционерно движење по Илинденското востание. Се одржала на врвот Ножот (во близина на селото Ракле, Прилепско) во периодот на вооружената борба против османската власт и странските пропаганди.

По Илинденското востание во 1907 ВМРО се соочила со зајакнување на српската, грчката и бугарската пропаганда во Македонија. На Рилскиот конгрес (1905) било одлучено да се започне со решителен отпор.

Во мај-јуни 1907 година, во регионот на Бабуна планина (околу Никодин, Прилепско) се собрале четите на:

Тане Николов
Михаил Чаков
Петар Ацев
Иван Наумов (Аљабак)
Христо Цветков (Костурска чета) и други.

Биле ангажирани купно околу 150–200 четници плус селска милиција. По стореното предавство, турскиот аскер со околу 3000 војници, под команда на Енвер-бег го опколиле регионот.

Во текот на битката на 13 јули војводите решиле четите делумно да се повлечат, но групата кпја се борела на Ножот (околу 45–54 четници, главно од костурската чета) одбила да се повлече. Тие избрале да останат и да се борат до крај.

На 14 јули турците ја опколиле височината. Четниците воделе тешка одбрана, но биле значително помалку и без доволно муниција и вода. Кога ситуацијата станала безнадежна, преживеаните четници се самоубиле со бомби при што легнале врз нив и пееле револуционерни песни, за да не паднат живи во раце на непријателот.

Битката завршила доцна попладне. Турците имале големи загуби, но победиле поради бројната надмоќ.

Влупно имало 67 загинати четници од кои околу 45 на самиот врв.

Турските сили команда под Енвер-бег им одале почести на загинатите при што забраниле пљачка и наредиле почесен погреб. Телата биле закопани од локални селани.

Битката станала симбол на македонското херојство и саможртва.

Фотографии од загинатите направени од италијански офицер се рашириле ширум светот и ја прославиле борбата на ВМРО.

Денес се одбележува во Прилеп и Македонија со споменици, песни и манифестации. Постојат и книги, драми и документарни материјали за неа.

Ако сакаш детали за конкретни војводи, песни, книги или нешто друго поврзано – кажи!

Општина Битола во соработка со Универзитетот „Св. Климент Охридски“ Битола по четврти пат ова лето ја организира универзитетската летна пракса, со што се промовира практикантската работа за студентите.

40 студенти ќе имаат можност да ја спроведуваат праксата во одделенијата на Општина Битола, Советот и јавните претпријатија.

Успешна пракса на студентите денеска им посака градоначалникот на Битола Тони Коњановски, кој пренесе искуства од странски земји, каде студенти реализираат вакви пракси и сакаат да бидат дел од општинската администрација затоа што ја подразбираат како сервис на граѓаните и се одговорни за заедницата во која што живеат, а и дека и други општините од Македонија почнале да го следат овој пример.

Ректорот на универзитетот проф. д-р Игор Неделковски кажа дека она што Општина Битола и УКЛО го прават веќе четири години, деновиве како идеја за реализација почна да се организира од страна на државни институции, што за него, за УКЛО, за Општина Битола и за студентите е гордост што се револуционери во оваа идеја која започна пред четири години.

На денешната средба со идните практиканти присутни беа и дел од ректорската управа на универзитетот како и претседателот на Советот Бојан Бојкоски.

Универзитетската летна пракса се спроведува во летните месеци (јули, август и септември) во секторите на Општина Битола и во јавните претпријатија кои се во надлежност на Општина Битола.

Секој од студентите има можност да изведува практикантска работа во период од еден календарски месец за кој ќе добива месечен надоместок од 10.000 денари во нето износ.

Mлад прилепски бенд составен од една девојка и неколку момци, кои едноставно обожаваат добра забава.

За нив жанровите не се важни, од поп и рок до најголемите хитови кои ги знаете. Нивната единствена цел е публиката да биде среќна, на нозе и да пее со нив.

Овој четврток (25.06.) со почеток од 21 часот, настапуваат на Камена бина, како дел од проектот “Од 0 до култура”, па ќе биде убаво да се слушнат како звучат пред поголема публика.

Бендот ќе проба да ја оживее суровата емоција, џез-магијата и препознатливиот ретро-звук на неповторливата Amy Winehouse. Со огромна почит кон нејзиното творештво, во живо ќе ги пренесат безвременските хитови како „Back to Black“, „Rehab“ и „Valerie“.

Бендот го сочинуваат:

• Ана Цветаноска – вокал
• Димитар Колевски – бас-гитара
• Стефан Самарџиоски – тапани
• Леонид Гешоски – гитара
• Леонид Насески – клавијатури

Дојдете пред Камена бина заедно да се забавуваме!

РК Прилеп го официјализира враќањето на Стефан Лозаноски, кој по една сезона помината во Грција повторно ќе го облече дресот на својот матичен клуб.

Лозаноски во Прилеп се враќа со ново искуство, поголема зрелост и квалитет стекнат на меѓународната сцена, што се очекува да биде значаен придонес за тимот во пресрет на новите предизвици.

Прилепската публика добро го познава Стефан како ракометар кој секогаш остава срце на теренот и максимално се вложува во секој натпревар. Неговата посветеност и борбеност беа едни од карактеристиките по кои беше препознатлив во дресот на РК Прилеп.

Неговото враќање претставува дополнително засилување за составот, кој во новата сезона ќе се стреми кон нови успеси и уште подобри резултати.

Од клубот му посакаа повторно добредојде и многу успех, со надеж дека заедно со навивачите ќе создадат уште многу незаборавни ракометни моменти во преполната прилепска сала.

Министерството за јавна администрација денеска ќе го одбележи Денот на јавната администрација под мотото „Доверба, интегритет и резултати: темели на модерна и европска јавна администрација“.

Настанот ќе се одржи во Македонската филхармонија, а предвидени се обраќања на премиерот Христијан Мицкоски, министерот за јавна администрација Горан Минчев и шефот за соработка во Делегацијата на Европската унија, Штефан Худолин.

Со одбележувањето се нагласува значењето на професионална, ефикасна и транспарентна јавна администрација како еден од клучните столбови за европската интеграција и за обезбедување квалитетни услуги за граѓаните и стопанството.

По одличниот прв настап, а на ваше огромно барање, Pub Club Terasa одново го носи Дарко Гроздановски, момчето од Битола кое шармира и освојува со својот глас.

Полн локал, насмеани и распеани гости кои уживаа од прва до последна минута, ете така може да се опише неговото прво гостување во најдобрата тераса во Прилеп.

А вие, ако досега не сте го слушнале во живо, подгответе се за вечер каде што нема седење и нема тивка атмосфера. Дарко не е од оние изведувачи што само ќе излезат и ќе испеат неколку песни. Неговите настапи се гласни, моќни, полни со емоција, адреналин и атмосфера што буквално ја крева публиката на нозе.

Токму затоа и се издвојува од останатите на сцената. Комбинацијата од одличен вокал, сценска енергија, музичка харизма и контакт со публиката прават секој негов настап да изгледа како голем концерт, без разлика дали е клубска вечер или голема сцена.

САБОТА, 27.06. се гледаме на TERASA

Резервирајте навреме на телефонскиот број: 070 304 967

А во продолжение погледнете како си поминавме минатиот пат:

-СВР Битола поднесе кривична пријава против О.Н.(40) од Битола поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“. На 01.02.2026, полициски службеници извршиле претрес во домот на пријавениот, при што бил пронајден и одземен „MMB-CHMICA“ – синтетички канабиноид, информираат од МВР.