Заменик министерот за економија и труд, Марјан Ристески, деновиве ќе биде во работна посета на Кина, а на покана на кинеското министерство за трговија.

Ристески и неговиот тим, се дел од македонската делегација, која учествува на Четвртиот саем за соработка на Кина, со државите од Централна и Источна Европа, за размена на стоки и трговија (China-CEEC Expo 2025).

Саемот се одржува од 22 до 25 мај во кинескиот град Нингбо.

-На саемот кој годинава се одржува со наслов „Нова визија за иднината“ учествуваат 14 македонски компании со презентација на нивните производи. Целта на China-CEEC Expo 2025 е развивање на трговската соработката помеѓу Кина и државите од Централна и Источна Европа, како и презентирање на можностите за инвестирање. Во рамки на официјалната посета остварив средба со заменик министерот за трговија на НР Кина задолжен за надворешна трговија, г-дин Линг Џи (Ling Ji), каде разговаравме за досегашната економска соработка помеѓу двете држави. Економската соработката помеѓу двете земји е на високо ниво, со голем потенцијал и можности за проширување, а ние ќе продолжиме да работиме на зајакнување на комуникацијата за стабилен развој на економските и трговските односи – напиша Ристески на социјалните мрежи.

Договорот за стратешко партнерство меѓу владите на Република Македонија и на Обединетото Кралство ќе биде потпишан денеска во Лондон. Премиерот Христијан Мицкокси денеска истакна дека по потпишувањето ќе дојде во парламент пред пратениците, ништо нема да се злоупотреби.

-Дел од проектот е изградба на пруга која ќе ги поврзе Табановце со Гевгелија, реконструкција и модернизација на истата, завршување на Клиничкиот центар во Штип заедно со зграда за Медицински факултет и студентски дом. Изградба на болницата во Кичево заедно со здравствен дом и целосна реконструкција на Клиничката болница во Тетово. Тука не застануваме. Имаме уште најмалку 60 проценти од рамката која ни е на располагање. На ваков начин се гради државата, истакна Мицкоски.

Премиерот дециден во однос на прашањето за изградба на мигрантски кампови.

-Таква работа кај нас ќе нема, рече тој.

Договорот ќе го потпишат вицепремиерот и министер за транспорт Александар Николоски и британскиот министер за економија и извоз Герет Томас.

Посетата на британската престолнина Николоски кој предводи владината делегација во која се и потпретседателот на Владата и министер за животна средина и просторно планирање Изет Меџити, министерката за образование Весна Јаневска и директорот на ЈП за Железничка Инфраструктура Синиша Ивановски, официјално ја започна вчера со средба со претставници на Инструментот за поддршка на надворешното финансирање (УКЕФ) во британското Министерство за финансии.

Договорот што ќе биде потпишан денеска, порано неделава беше усвоен од македонската Влада, откако премиерот Христијан Мицкоски и неговиот британски колега Кир Стармер постигнаа согласност за стратешко партнерство на средбата одржана во рамки на Самитот на Европската политичка заедница во Тирана.

Договорот за стратешко партнерство меѓу двете земји, кој се оценува како историски, е резултат на повеќемесечни интензивни преговори меѓу дипломатски и експертски тимови од двете страни и претставува потврда за конкретна и долгорочна определба за зајакнување на билатералните врски и економската соработка со Обединетото Кралство.

Изборните штабови и машинерии на политичките партии полека, но сигурно се подготвуваат за престојните локални избори. Реториката се заострува, се прават анализи за да се изберат најдобрите кандидати за градоначалници и членови во советите, се интензивираат теренските посети…

Прилеп несомнено е еден од градовите кој е од огромно значење за двете најголеми политички партии, ВМРО-ДПМНЕ и СДСМ. Победата тука познавачите велат дека ја отсликува ситуацијата во целата држава, па неслучајно во минатото двете партии ставале силен фокус на градот под Марковите Кули.

Со оглед на тоа, правиме анализа на изминатите локални изборни циклуси и резултатите кои ги постигнаа политичките партии.

На минатите локални избори ВМРО-ДПМНЕ со актуелниот градоначалник, Борче Јовчески, издвојува огромна победа со разлика од 7.500 гласа. Победата не беше случајна и беше одраз на погрешните политики на претходната владеачка структура, како и на лошото менаџирање со општината.

ВМРО-ДПМНЕ со оваа победа ја задржа традицијата постојано да победува во т.н. бастион, каде всушност речиси и да нема загубено.

Гледано наназад, од локалните избори во 2005 година, кога на чело на општината дојде актуелниот заменик министер за економија и труд, Марјан Ристески, партијата нема загубено на избори во Прилеп. Некој ќе рече, дека партијата претрпе пораз во 2017, кога Ристески по четврт пат ја бараше поддршката на граѓаните, и ќе згрешат.

Во тој изборен циклус противник на Ристески беше Илија Јованоски, а стануваше збор за избори кои се одвиваа под силни притисоци, со екстремен инженеринг, нелегални прислушкувани разговори, со огромно полициско присуство….

Во едни вакви околности загуби ВМРО-ДПМНЕ, но не и Ристески, кој освои 20.917 гласови, бројка на гласови која партијата за време на неговото владеење редовно ја поседуваше, за разлика од СДСМ кои во Прилеп знаат да паднат и под 10.000 освоени гласови.

Изборните резултати на партијата во тие години главно се должеа на одличното менаџирање со општината. Прилеп беше лидер во искористување на пари преку проекти, како од Владата, така и од меѓународните фондови и Европската Унија. Градот доживеа вистинска ренесанса, а во бенефитите уживаа сите.

Ако се вратиме малку поназад и ги прегледаме изборните резултати од локални избори во 2013 и 2009 година, ќе видиме дека Ристески освои рекордни 29.266 во 2009 и 28.632 гласови во 2013 година, резултати кој тешко дека било која политичка елита некогаш ќе ги повтори во градот под Марковите Кули.

Имајќи го во предвид сето ова, не случајно неговото име повторно се споменува меѓу потенцијалните кандидати на владеачката партија за престојните локални избори.

Kaко ќе одлучат од ВМРО-ДПМНЕ останува да видиме во периодот кој следи.

Вчера во Прилеп започна Државното првенство во тенис за основци, кое се одржува во организација на Федерацијата на училишни спортови на Македонија и Сојузот на училишни спортови на Прилеп, а со поддршка од Министерството за спорт и Локалната самоуправа на Општина Прилеп.

Околу 40 млади тенисери од цела Република Македонија ги одмеруваат своите спортски вештини и покажуваат фер-плеј дух, борбеност и љубов кон спортот.

На отворањето на првенството присуствуваше и претседателката на Советот на Општина Прилеп, која на учесниците им посака добредојде и многу успех на натпреварите.

Општина Прилеп и понатаму останува посветена на поддршката и промоцијата на спортот и младите таленти, како клучен сегмент од здравиот и активен развој на новите генерации.

Претставата „12“ во режија на Синиша Евтимов, во продукција на Македонскиот народен театар од Скопје, ќе го отвори 59. издание на Македонскиот театарски фестивал „Војдан Чернодрински“ во Прилеп. Отворањето ќе биде во 20 часот на сцената на Центарот за култура „Марко Цепенков“. „12“ е дел од официјалната селекција на фестивалот. Во претставата играат: Ѓорѓи Јолевски, Гораст Цветковски, Тони Михајловски, Никола Ристановски, Благој Веселинов, Александар Микиќ, Игор Џамбазов, Јордан Симонов, Сенко Велинов, Оливер Митковски, Владо Јовановски, Сашко Коцев, како и Тања Ивановска (Судија).

Пред изведбата, ќе им бидат врачени наградите за животно дело на актерите Снежана Коневски-Руси, Гоце Тодоровски и Соња Михајлова.

На затворањето на фестивалот на 13 јуни, на истата сцена од 20 часот, ќе биде изведена претставата „Вистината 2“ од Флоријан Зелер, во режија на Владимир Јурц. Ќе настапат: Виктор Арсов, Ева Скендеровска, Столе Мицов и Тања Мицков. Претставата имаше премиера на 8 мај годинава.

Влезниците за претставите ќе бидат пуштени во продажба на 2 јуни, на билетарницата на Центарот за култура „Марко Цепенков“, како и онлајн. Сите дополнителни информации за фестивалот публиката може да ги побара на интернет-страницата на фестивалот www.mtf.com.mk

Ви ја споделуваме целосната програма на фестивалот:

6.6.2025 (петок)

20:00 НУЦК „Марко Цепенков“
Свечено отворање на 59. МТФ „Војдан Чернодрински“ − Прилеп

12
НУ МАКЕДОНСКИ НАРОДЕН ТЕАТАР − СКОПЈЕ
Времетраење: 90 минути
Претставата е наменета за возрасна категорија 16+

7.6.2025 (сабота)

10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

11.00 Кино „Мис Стон“
Драмолетање

12:00 НУЦК „Марко Цепенков“ (фоаје)
Разговори на тркалезна маса

19:00 НУЦК „Марко Цепенков“
ЦРНО СЕМЕ
НУ НАРОДЕН ТЕАТАР − БИТОЛА
Времетраење: 110 минути

21:00 Галерија
СИТЕ НАЈУБАВИ НЕШТА
„ОХО продукција“ − Скопје
Времетраење: 75 минути

8.6.2025 (недела)

10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

11.00 Кино „Мис Стон“
Драмолетање

11:00 НУЦК „Марко Цепенков“ (фоаје)
Промоција на театарска и театролошка литература

12:00 НУЦК „Марко Цепенков“ (фоаје)
Разговори на тркалезна маса

17-19:00 Кино „Мис Стон“
Проекција на документарните филмови на Благоја Ристески-Платнар

19:00 НУЦК „Марко Цепенков“
СИТЕ ПРЕКРАСНИ НЕШТА
НУЦК „АЦО ШОПОВ“ − ШТИП
Времетраење: 80 минути

21:00 Саат-кулата
Отворање на Музејот во движење
ПРИЛЕП ВО ФОКУС

9.6.2025 (понеделник)
10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

11:00 НУЦК „Марко Цепенков“ (фоаје)
Промоција на наградите на „Еуродрам“

12:00 НУЦК „Марко Цепенков“ (фоаје)
Разговори на тркалезна маса

19:00 НУЦК „Марко Цепенков“
РИЧАРД ТРЕТИ
НУ Албански театар − Скопје
Времетраење: 180 минути со една пауза

10.6.2025 (вторник)
10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

11:00 НУЦК „Марко Цепенков“ (фоаје)
Промоција на театарска и театролошка литература

12:00 НУЦК „Марко Цепенков“ (фоаје)
Разговори на тркалезна маса

19:00 НУЦК „Марко Цепенков“
ПАРОВИ
ДРАМСКИ ТЕАТАР − СКОПЈЕ
Времетраење: 90 минути

20:00 Кафе-бар „Тротоар”
ЛА МАКБЕТ
„Хибрид продукција“ − Скопје
Времетраење: 40 минути

22:30 НУЦК „Марко Цепенков“
БУРА
НУЦК „МАРКО ЦЕПЕНКОВ“
ТЕАТАР „ВОЈДАН ЧЕРНОДРИНСКИ“ − ПРИЛЕП
Времетраење: 80 минути

11.6.2025 (среда)
10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

12:00 НУЦК „Марко Цепенков“ (фоаје)
Разговори на тркалезна маса

19:00 НУЦК „Марко Цепенков“
РАЦИН
НУ НТ „Јордан Хаџи Константинов-Џинот“ − Велес
Времетраење: 100 минути

21:30 Кино „Мис Стон“
ВАМПИРИ
„Театар за сите“ − Скопје
Времетраење: 17 минути

23:59 НУЦК „Марко Цепенков“
ТУКА ЌЕ НИ БИДЕ КРАЈОТ
Факултет за драмски уметности − Скопје
Времетраење: 90 минути

12.6.2025 (четврток)
10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

12:00 НУЦК „Марко Цепенков“ (фоаје)
Разговори на тркалезна маса

18:00 НУЦК „Марко Цепенков“
ПАР РАСПАР
НУ ТЕАТАР „КОМЕДИЈА“ − СКОПЈЕ
Времетраење: 120 минути

21:00 НУЦК „Марко Цепенков“ (105)
СЛЕПЦИ
НУ Турски театар − Скопје
Времетраење: 130 минути

22:00 Гастробар „Монарка“
КАЗАБАЛКАН
Здружение за развој на театарска продукција „Оска“ − Скопје
Времетраење: 90 минути

23:00 НУЦК „Марко Цепенков“ (фоаје)
Разговори на тркалезна маса

13.6.2025 (петок)

12:00 НУЦК „Марко Цепенков“ (фоаје)
ПРЕС-КОНФЕРЕНЦИЈА

20:00 НУЦК „Марко Цепенков“
Свечено затворање на фестивалот и доделување на наградите
ВИСТИНАТА
НУ ТЕАТАР „КОМЕДИЈА“ − СКОПЈЕ
Времетраење: 90 минути

-На 20.05.2025 во 21.06 часот во СВР Битола е пријавено дека на регионалниот пат Битола-Прилеп, кај мостот на река Шемница, се случила сообраќајна несреќа помеѓу патничко возило „фолксваген голф” со битолски регистарски ознаки, управувано од Г.Л.(56) од с.Горно оризари, битолско и трактор со приколка, по што возачот на тракторот го напуштил местото на несреќата. Во несреќата возачот на патничкото возило Г.Л. се здобил со тешки телесни повреди, констатирани во Клиничка болница Битола. Увид извршила увидна екипа на СВР Битола – информираат од МВР.

Во насока на надминување на проблемите со оштетениот асфалт на улица „Бурса“, Општина Битола, во координација со Единицата за имплементација на Проектот за поврзување на локални патишта во Република Македонија при Министерството за транспорт и Светска банка, иницираше детални лабораториски анализи на вградениот асфалт.

Целта на постапката е утврдување на причините за појавените оштетувања и дефинирање на соодветно и трајно решение.

Градоначалникот Тони Коњановски, при посетата на теренот, истакна дека приоритетот на Општината е дефинирање и спроведување на оваа локација на трајно и ефикасно решение, кое во иднина, ќе спречи појава на слични дефекти и на други улици.

„Секогаш инсистирам да зборуваме за решенијата, бидејќи граѓаните не заслужуваат само објаснувања за проблемите – туку конкретни и видливи резултати од реализацијата на инвестициите. Иако Општина Битола не е директен финансиер на овој проект, како краен корисник имаме одговорност да бараме квалитетна реализација, без дополнителен финансиски товар врз општинскиот буџет,“ нагласи Коњановски.

Градоначалникот потврди дека во моментов се вршат лабораториски испитувања на вградениот асфалт, чија анализа треба да покаже дали се исполнети потребните критериуми, посебно имајќи го предвид фактот што низ улицата треба да сообраќаат тешки товарни возила.

„Нашата заложба е јасна – да изградиме инфраструктура што трае. Тоа треба да биде заложба и на секој изведувач на градежните работи. Тука сум за да најдеме решение и да спречиме појавување на вакви проблеми на други локации. Од секоја идентификувана слабост мора да извлечеме поука и да поставиме повисоки стандарди за секој нареден проект, а со тоа да спроведиме решенија и да не дозволиме неквалитетна изведба“ додаде Коњановски, кој за време на целата реализација на проектот ја следи изведбата на терен.

Со ваков пристап, Општина Битола испраќа порака дека транспарентноста, одговорноста и квалитетот се клучните принципи во реализацијата на капиталните проекти.

Верниците на православната црква денеска го одбележуваат летниот Свети Никола, празник посветен на преносот на моштите на Светиот отец Николај – Мирликискиот чудотворец.

Христијаните веруваат дека Свети Никола е чудотворец и дека се случуваат многу чуда од неговите чудесни мошти. Овој светител спасил заробени и изгубени бродови, па затоа се смета за заштитник на морнарите. Затоа морнарите често го повикуваат во опасни ситуации или бродски бродоломи.

Овој светител – милостив, мудар и бестрашен свештеник, го поминал својот живот во служба на Бога. За време на неговиот живот, тој веќе се сметал за светец, а верувањето дека може да помогне и да излечи било каква болка, се одржува до денес.

На овој датум, сите бродови, каде и да беа, ги испуштија своите сидра и почиваа до следниот ден, давајќи слава на овој светител. Денес чамците често застануваат додека морнарите му се молат на светителот и потоа продолжуваат со своето патување.

Христијаните веруваат дека со неговите чудесни сили, Свети Никола им помага на сите што му се обраќаат за помош во болест, беспомошност и душевно страдање. Со помош на неговата молитва, погледот е вратен на слепите, а чувството за слух е вратено на глувите.

На овој ден, според традицијата, никогаш не треба да ја перете облека, да ја чистите куќата и да правите какви било домашни работи.

Во прилепско празникот се празнува во село Загорани, каде има прекрасен манастир посветен на Св. Никола.

Загорани се наоѓа во Прилепско Поле, југозападно од градот Прилеп. Селото се наоѓа на граница меѓу возвишението Шипковица на југоисток и низински дел на северозапад. Околни населби се Веселчани, Чепигово, Тројкрсти и др. Куќите се групирани во три маала: Горно, Црквенско и Долно.

До селото се пристигнува преку стариот пат за Битола, каде доколку доаѓате од Прилеп, се врти десно веднаш под депонијата Алинци.

По тесниот пат најпрво се стигнува до Веселчани, а веднаш потоа е и Загорани. Манастирот Св. Никола е оддалечен на само 500 метри над селото, а околу него изобилува зеленило.

Она што е интересно е дека околу манастирот, а и во неговите темели, се забележуваат остатоци од некое дамнешно време.

Локалните жителите велат дека на тоа место имало ранохристијанска базилика, а црквата е градена на тие темели.

Денеска во ова светилиште ќе има голем број верници, ќе има празничен ручек и пригодна забава. Посетете го манастирот, уживајте во убавата природа и поминете еден убав празничен ден.

ПРЕМИУМ ЏЕКПОТOT со фантастичниот МЕРЦЕДЕС АМГ на Видеолотарија Касинос Австрија влезе во зона на паѓање. Кој ќе биде неговиот среќен сопственик, ќе дознаме многу скоро

Возбудата започна. ПРЕМИУМ ЏЕКПОТ со неверојатниот автомобил кој сите го посакуваат- МЕРЦЕДЕС АМГ, влезе во зона на паѓање. Оваа фаза е дефинитивно една од најочекуваните, а можеби токму Вие ќе бидете следниот среќен добитник.

ПРЕМИУМ ЏЕКПОТ на ВЛТ е џекпот добивка од времен карактер, која може да се постигне само еднаш. Потребниот влог за постигнување на оваа добивка на видеолотариските терминали е 40 денари по спин, на која било игра.

Сите сакаме да дознаеме кој ќе се вози во оваа нова убавица- МЕРЦЕДЕС АМГ. Побарајте ја најблиската ВЛТ локација и забавувајте се одговорно

Во петок, на 23 мај 2025 година, со почеток во 10:00 часот а по повод чествувањето на празникот на светите браќа Кирил и Методиј – македонски и сесловенски просветители и рамноапостоли, храмот „Св. Петка“ ќе биде домаќин на свечена прослава заедно со учениците и наставниците од ООУ „Блаже Конески“ – Прилеп.

Настанот ќе се одржи на платото пред храмот „Св. Петка“ и ќе биде збогатен со:
🎶 Хорски и соло изведби на учениците
🎤 Рецитали со духовна и просветителска содржина
🎨 Изложба на ученички творби
✂️ Креативни работилници во духот на празникот

Со овој настан продолжуваме да ја негуваме плодната соработка меѓу храмот и училиштата, покажувајќи дека духовноста, просветата и љубовта кон татковината се темели врз кои се гради иднината на нашите деца.

Ве покануваме сите – родители, наставници, верници и граѓани, да присуствувате и заедно да го прославиме ликот и делото на светите браќа Кирил и Методиј – темелот на словенската писменост и духовност.