25 години од загинувањето на десетмината херои, 25 години непребол и солзи за прилепчаните кои 2001-та загинаа свирепо. Прилеп се сеќава…

На 8 август 2001 година на патот Скопје – Тетово во близина на селото Групчин кај месноста Карпалак од заседа беше нападнат конвој на Армијата на Република Македонија, при што загинаа десет армиски припадници:

Нане Наумоски (48), резервен капетан, Сашо Китановски (40), резервен поручник, Горан Миновски (29), воен обврзник, Ердоган Шабановски (21), воен обврзник, Љубе Грујоски (32), воен обврзник, Бранко Секулоски (43), воен обврзник, Дарко Велјановски (27), воен обврзник, Пеце Секуловски (31), воен обврзник, Веби Рушитовски (26), воен обврзник и Мирко Деспотовски (27), воен обврзник, сите од Прилеп и Прилепско.

Тој ужасен ден, кога мајките ги загубија своите синови, кога сопругите останаа без своите сопрузи, а децата плачеа по своите таткоци, ќе остане вечно во сеќавање на овој град и овој народ, како кобен ден, ден на болка и тага за Прилеп и Македонија.

Градот херој на своите храбри синови им се оддолжи со монументално дело во центарот на градот, спомен обележје кое вечно ќе потсеќа на нивните прерано згаснати животи.

Според календарот на МПЦ (Јулијанскиот календар) денеска е 26 јули, се празнува летна Света Петка Параскева.

Култот кон света Петка кај нашиот народ е многу раширен. Таа се смета за заштитничка од разни нecpeќи, но и од многу болecти, поради што народот ја нарекува уште и мајка Параскева. Многу лековити извори се поврзани со нејзиното име и се наречени Петочни води. Петковден како домашен празник со служби посветени на св. Петка, со чекање гости и со други обичаи и свечености го празнуваат голем број македонски семејства.

Именден празнуваат: Петко, Петкана, Параскева, Пенка…

Светата православна црква празнува три личности со исто име Параскева-Петка поради што кај народот често се мешаат и се мисли дека се работи за иста личност. Најчесто трите се идентификуваат со св. Петка Епиватска позната и како Трновска, чиј спомен се одбележува на 27 /14 октомври. Името го добиле поради тоа што се родени во петок, а петокот како ден пред сабота, бил ден за подготовки за празникот. Во претхристијанскиот период кај Евреите саботата бил празник, а не неделата. Оттука, Параскева значи подготовка.

Првата света Петка е преподобната маченица Параскева Римјанка. Се празнува на 26 јули /8 август и меѓу народот е позната како летна Света Петка. Во нејзиното житие се вели дека нејзините родители биле Римјани и дека и дека таа како единствена ќерка им се родила по долги и искрени молитви кон Бога. Рано се замонашила а подоцна како и многумина други настрадала за верата Христова за време на царувањето на Антонин. На нејзиното мачење присуствувал и самиот император, но кога била фрлена во котел со врело масло и катран таа останалаа неповредена, а од течноста му прснало во очите на императорот по што ослепел. Параскева се помолила на Бога и тој оздравел. Гледајќи ги нејзините страдања, но и чудата што се случувале со нејзино посредство, многумина ја примиле христијанската вера. Поради тоа била исечена со меч, а подоцна моштите ѝ биле пренесени во Цариград. На иконите света Петка Римјанка во рацете држи чинија во која има очи.

Оваа Параскева (Петка) беше родум од Рим. Родителите и беа христијани, така што од мали нозе ја воспитаа во Христовиот дух. Кога и умреа родителите го раздаде целиот свој имот на бедните и се замонаши. Со голема ревност го проповедаше словото Божјо, не криејќи се од никого.

Така и стигна до римскиот суд. Неколку пати беше предавана на маки, но Господ ја исцелуваше на чудесен начин. Најпосле, некој кнез Тарасиј и ја отсече главата. Моштите и беа зачувани, а подоцна пренесени во Цариград. Пострада за Христа во вториот век.

На тој ден се избегнува да се работат тешки работи на нива и дома.

Порано жените верувале дека на утрешниот ден не треба да се меси леб, да се пере, да се изнесува пепел или да се шие, за да не им трнат рацете преку цела година.

Македонската музичка сцена доби уште едно квалитетно авторско дело, а зад него стојат прилепските музичари од Connect Band, бенд кој долго време е препознатлив по врвните настапи, одличната енергија и професионалниот пристап.

Нивната најнова песна „Води ме со тебе“ е модерна љубовна нумера која уште на прво слушање го освојува слушателот. Со впечатлива мелодија, певлив рефрен и современа продукција, песната покажува дека и домашните музички групи можат да создадат композиции кои без проблем можат да застанат рамо до рамо со најдобрите регионални музички проекти.

Особено се издвојува емотивната интерпретација на Игор Чадамов, чиј препознатлив вокал ѝ дава дополнителна тежина и емоција на песната, додека останатите членови на бендот уште еднаш го потврдуваат својот висок музички квалитет.

Connect Band го сочинуваат: Игор Чадамов, Петар Цветаноски, Влатко Милески, Благојче Чиртоски и Мартин Јанкоски, или една одлична петорка и спој кој секогаш има нешто повеќе да покаже и понуди.

Покрај самата песна, големо внимание привлекува и видео спотот кој се снимаше во македонските бисери Охрид и Преспа, кој изобилува со прекрасни кадри покрај езеро и внимателно осмислена визуелна приказна што совршено ја следи атмосферата на композицијата. Секој детал е професионално изработен, а резултатот е видео кое остава силен впечаток уште при првото гледање.

Зад авторскиот тим стојат:

Музика: Петар Цветаноски
Текст: Весна Малинова
Аранжман: Петар Цветаноски и Јордан Манов
Продукција: Јордан Манов – Devil’s Eye Studio
Видео, продукција и сценарио: Epik Visuals – Љупчо Атанасоски
Камера 2: Димитар Долгоски

„Води ме со тебе“ е уште една потврда дека во Прилеп има исклучителни музичари кои со својата работа и креативност создаваат современа македонска музика со висок квалитет. Ова е песна која лесно се памети, се пее и заслужува да стигне до што поголем број љубители на добрата музика.

Поддржете ја домашната музика и уживајте во новото музичко парче на Connect Band – бенд кој одново покажува дека квалитетот секогаш го наоѓа својот пат до публиката.

-На 06.08.2026 во 21:50 часот на кеј „19 Септември“ во Прилеп, полициски службеници од ОВР Прилеп ги лишија од слобода Ј.Р.(27) и Д.Р.(26), двајцата од Прилеп, затоа што при преглед кај нив, кај Д.Р. била пронајдена прашкаста материја. По документирање на настанот ќе следува соодветен поднесок, информираат од МВР.

Битола на 29 август ќе биде центарот на најголемиот музички спектакл под отворено небо ова лето. Продажбата на билетите за првото издание на BASTION PLAZA PARTY е во тек, а организаторите ги повикуваат сите љубители на добрата музика навреме да го обезбедат своето место.

Настанот ќе се одржи на Ракометното игралиште во Битола и ќе понуди вечер исполнета со врвна музичка продукција, одлична атмосфера и настапи на две големи музички имиња.

За загревање на атмосферата ќе биде задолжен еден од најпознатите регионални музички продуценти, DJ, аранжер и долгогодишен соработник на Дино Мерлин – Mahir Beathouse, кој за првпат ќе настапи пред битолската публика со својот нов авторски проект „Abuzenze Vibe“.

Станува збор за уникатен музички концепт кој ги спојува ретро диско ритмовите, афро дип хаусот, регето и современата електронска музика со традиционални балкански мотиви. Посебен момент во неговиот сет ќе биде модерниот ремејк на македонскиот евергрин „Македонско девојче“ од Јонче Христовски, кој добива сосема нов звук, а ја задржува емоцијата на оригиналот.

По неговиот настап, сцената ќе ја преземе Аца Лукас со својот бенд. Еден од најголемите балкански музички ѕвезди, кој долги години нема настапено пред битолската публика, ќе приреди концерт со неговите најголеми хитови и ќе ја заокружи вечерта која веќе се најавува како една од најпосетените музички случувања ова лето.

Со секоја купена карта следува подарок!

Организаторите подготвија и дополнително изненадување – со секоја купена влезница посетителите добиваат ГРАТИС Класик Бургер во Bastion Plaza (автопат Е75, Катланово).

Продажни места:

Битола – Brothers Tobacco (Широк Сокак)
Прилеп – Тобако Малта (ул. „11 Октомври“ бр. 1)
Bastion Plaza – автопат Е75, Катланово

Онлајн продажба преку платформата Wayin на линкот во продолжение: https://www.wayin.mk/shop/events/bastion-plaza-parti

Информации и резервации: 070 221 817

Не ја пропуштајте можноста да бидете дел од првото издание на BASTION PLAZA PARTY – музички спектакл кој ќе ја претвори Битола во центар на најдобрата забава под отворено небо. Обезбедете ја вашата карта навреме и бидете дел од вечер за која долго ќе се зборува.

Вчера околу 11:55 часот во месноста „Чаири“, на атарите на Кривогаштани и Врбјани, избувнал пожар при што биле зафатени големи површини со сува трева, стрништа и балирана слама.

Благодарение на брзата и професионална интервенција на Територијалната противпожарна единица – Кривогаштани, огнената стихија за кратко време била ставена под контрола, а спречено било и нејзиното ширење кон околните земјоделски површини со насади, со што е избегната поголема материјална штета.

Од Општина Кривогаштани упатија искрена благодарност до пожарникарите за нивната навремена реакција и професионален ангажман во заштитата на животите, имотот и земјоделските површини.

Воедно, од локалната самоуправа повторно апелираат до граѓаните да не палат стрништа, сува вегетација и друг растителен отпад, особено во услови на високи температури и зголемен ризик од пожари. Потсетуваат дека користењето оган на отворен простор може да предизвика сериозни последици, а секое забележано појавување на пожар треба веднаш да се пријави до надлежните служби.

„Само со заедничка одговорност можеме да ги заштитиме природата, земјоделските површини и имотот на граѓаните“, порачуваат од Општина Кривогаштани.

Љубителите на автентичните македонски вкусови имаат нова причина за задоволство. Добро познатиот и високо ценет домашен ајвар „Мекиците од Стража“ веќе подолго време во Прилеп е достапен во Liquor Store – еден од најснабдените дисконти за алкохолни и безалкохолни пијалоци во градот.

Подготвен по традиционален рецепт, со внимателно одбрани пиперки и без компромис во квалитетот, ајварот „Мекиците од Стража“ важи за еден од најбараните домашни производи, препознатлив по својот богат вкус и домашна арома. Совршен е како додаток на трпезата, но и како идеален спој со добро вино, ракија или пиво.

Liquor Store, кој се наоѓа на ул. „Егејска“ во Домот „Спиро Забрчанец“, нуди богат избор на пијалоци од реномирани домашни и странски брендови, а со додавањето на овој традиционален македонски производ, концептот „сè на едно место“ добива уште поголема вредност.

Без разлика дали се подготвувате за семејно дружење, празнична трпеза или едноставно сакате да уживате во проверен домашен вкус со внимателно одбран пијалок – Liquor Store во Прилеп е вистинската адреса.

Ајварот „Мекиците од Стража“ веќе ве чека – изберете го омилениот пијалок и уживајте во совршениот спој на вкус и традиција.

Љубителите на театарската уметност на 26 август (среда) ќе имаат можност да уживаат во несекојдневна културна вечер во Кривогаштани, каде за првпат на отворено ќе биде изведена претставата „Девојките на Марко“ во изведба на Театар „Војдан Чернодрински“ – Прилеп.

Настанот е во организација на Општина Кривогаштани и ќе се одржи во дворот на реновираното училиште, со почеток во 20:00 часот.

Публиката ќе има можност да ја проследи една од најпознатите претстави на прилепскиот театар во уникатен амбиент – под отворено небо, што ќе придонесе за поинакво и посебно театарско доживување.

Од Општина Кривогаштани ги покануваат сите жители да бидат дел од оваа културна вечер и заедно да уживаат во магијата на театарската уметност под ѕвезденото небо.

Влезот за претставата е слободен.

Долгот е намален од над 200 на околу 97 милиони денари, реализирани се инвестиции во вредност од околу 150 милиони денари, вработени се 124 лица, а установата доби позитивен ревизорски извештај.

ЈЗУ Општа болница со проширена дејност – Прилеп, која претставува најголема јавна здравствена установа во општината и една од најзначајните здравствени институции во Пелагонискиот регион, денес функционира со 713 вработени и обезбедува здравствени услуги за повеќе од 1.000 пациенти дневно. Со капацитет од околу 345 болнички кревети, болницата опслужува повеќе од 150.000 жители од Прилеп и околните општини.

Според извештајот на раководството, по преземањето на управувањето со установата на 8 август 2024 година била затекната исклучително тешка финансиска и организациска состојба. Болницата, како што се наведува, имала главен долг од над 200 милиони денари, блокирана сметка, голем број доспеани обврски и извршни постапки, без значајни инвестиции во медицинска опрема.

Во изминатата година, како што информира раководството, бил спроведен процес на финансиска консолидација преку воведување финансиска дисциплина, рационално управување со јавните средства и контрола на трошоците. Како резултат на тоа, главниот долг бил намален на околу 97 милиони денари, а истовремено биле намалени и расходите за гориво, сервисирање возила, медицински отпад, медицински гасови, авансни плаќања и други оперативни трошоци.

Паралелно со финансиската стабилизација, болницата реализирала инвестиции во медицинска опрема, апарати и модернизација во вредност од околу 110 милиони денари од сопствени средства. Дополнително, преку донации од компании, фондации и други општествено одговорни субјекти биле обезбедени повеќе од 40 милиони денари за нова медицинска опрема и болнички инвентар. Со тоа, вкупната вредност на инвестициите и донациите достигнала околу 150 милиони денари.

По финансиската консолидација, посебен акцент е ставен и на подобрувањето на условите за работа и престој во болницата. Раководството наведува дека со рационално користење на средствата биле набавени клима-уреди за болничките одделенија и службените простории, а истовремено биле подобрени условите за пациентите и медицинскиот персонал. Во извештајот се посочува и дека во анализираниот период болницата и Здравствениот дом континуирано биле снабдувани со греење, за разлика од претходните години кога, како што се наведува, имало прекини во текот на зимските месеци.

Во извештајот се посочува дека установата добила и позитивен ревизорски извештај, што, според раководството, претставува потврда за воспоставено законито, транспарентно и домаќинско работење.

Значителен акцент е ставен и на кадровското зајакнување на болницата. Во изминатиот период редовен работен однос добиле 124 лица, претежно доктори, медицински сестри и болничари, а дополнително биле преземени осум приватни специјализанти и шест доктори специјалисти од други здравствени установи.

Во извештајот се нагласува и дека болницата посветува особено внимание на стручното усовршување на кадарот. За новонабавената медицинска опрема се организираат обуки од овластени лица, додека докторите и медицинските сестри континуирано посетуваат едукативни програми, стручни обуки и специјализации со цел следење на современите медицински стандарди и унапредување на квалитетот на здравствените услуги.

Во делот на здравствените услуги, раководството истакнува дека во текот на изминатиот период бил воведен поголем број нови медицински процедури и лабораториски анализи, а значително бил зголемен и бројот на оперативни зафати. Според нив, токму проширувањето на обемот на работа и воведувањето современи хируршки техники придонеле за повисоки трошоци за лекови и медицински материјали, што, како што се наведува, претставува резултат на зголемената активност, а не на нерационално работење. Истовремено, обезбедени се континуирано греење во болницата и Здравствениот дом, подобри услови за пациентите и медицинскиот персонал, како и континуирана едукација и стручно усовршување на здравствените работници.

Според раководството, зголемувањето на одредени расходи во текот на 2026 година е резултат на инфлацијата, повисоките цени на производите и услугите, како и проширувањето на здравствените услуги, а не на нерационално работење. Воедно се наведува дека зголемените приходи од партиципација и здравствени услуги се должат на подобрена финансиска контрола и поефикасна наплата на побарувањата.

Од болницата оценуваат дека резултатите постигнати во изминатата година претставуваат основа за понатамошен развој на установата, со фокус на модернизација, финансиска стабилност, подобрување на условите за работа и унапредување на квалитетот на здравствените услуги за пациентите.

Покрај инвестициите и финансиската стабилизација, од болницата потенцираат дека редовно се исплаќаат сите законски надоместоци кон вработените, меѓу кои јубилејни награди, отпремнини, надоместоци за одвоен живот и други права од работен однос. Воедно посочуваат дека, и покрај тоа што годишниот фонд за плати е зголемен за повеќе од 130 милиони денари поради новите вработувања и законските зголемувања на платите, финансиската стабилност на установата е задржана.

Како паднало, така останало…