дома блог страница 2925

Денеска се празнува Св. апостол и Евангелист Матеј: Честит именден Мате, Матеј, Матеја…

Според календарот на МПЦ (Јулијанскиот календар) денеска е 16 ноември.

Денеска е Св. апостол и Евангелист Матеј.

Светиот апостол и евангелист Матеј се викал Ливиј и бил цариник. Во тоа време цариниците и луѓето што собирале данок биле презрени и омразени од Јудејците поради тоа што од Божјиот народ собирале пари за неверникот окупатор односно за римските власти.

Кога Свети Јован Крстител го подготвувал народот за доаѓањето на царството небесно, односно кога ги повикувал луѓето да се покаат, најавувајќи го доаѓањето на Спасителот многумина цариници и порезници дошле кај него прашувајќи го што да прават. На тоа тој им одговарал: „Не земајте повеќе од одреденото“.

После Христовото вознесение бил избран за дванаесетти апостол, на местото на предавникот Јуда. Откако врз апостолите слегол Светиот Дух, тие се распрснале по светот да го проповедаат Евангелието.

На Матеј му се паднало да проповеда во Партија, Мидија и Етиопија. Најпосле, пострадал маченички за Христа, во Етиопија.

Именден денеска празнуваат: Матеј, Мате, Матеја…

Безвременски играч! Лазаров по втор пат во неколку дена во последна секунда донесе победа за Нант (ВИДЕО)

Вторпат по неколку дена македонскиот ас Кирил Лазаров се покажува како клучен човек во клучните момент на неговиот Нант. Откако ја одведе својата екипа во групната фаза на ЕХФ Купот, македонскиот десен бек синоќа беше автор на победничкиот погодок во пресвртот на Нант кај Шамбери.

Домашната екипа водеше во текот на целиот натпревар, но екипата на Лазаров успеа некако да израмни во последните две минути од натпреварот, па дури и да добие слободен удар поради техничка грешка на Шамбери во последната секунда.

Овој тежок удар, нашиот репрезентативен капитен мајсторски го реализираше и му донесе победа на Нант.

Погледнете:

Унгарките масовно се мажат за субвенции, даночно ослободување и простени кредити од државата

Мерките на унгарската влада за зголемување на наталитетот субвенционирани со кредити, веќе довеле до зголемување на бројот на венчавки, иако се уште не може да се каже дали ќе се зголеми наталитетот.

Приоритет на премиерот Виктор Орбан е да ги поттикне Унгарците да склопуваат повеќе бракови и да имаат повеќе деца, со цел Унгарија демографски да се поправи.

Поради тоа, владата на Унгарија воведе повеќе даночни олеснувања за младите семејства.

Неговиот план вклучува доживотно даночно олеснување за жените кои ќе родат четири или повеќе деца. Жените помлади од 40 години, при склучување на прв брак можат да добијат заем од околу 32,578 евра. Една третина од заемот ќе биде простен, кога таа ќе роди друго дете, а целиот долг ќе биде отпишан ако роди трето дете.

Според податоците на унгарскиот завод за статистика, во првите девет месеци, склучени се 20 отсто повеќе бракови отколку во првите девет девет месеци од 2018 година, што е рекорд уште од 1990 година.

Само во септември биле склучени 29 отсто повеќе бракови отколку во истиот месец минатата година, што е најголема бројка на венчавки во тој месец во Унгарија уште од 1979 година.

Овој месец повеќе од 50.000 парови се пријавиле за субвенционирање на кредити.

(Видео) Меркел падна на Берлинската конференција

Германската канцеларка Ангела Меркел се сопна и падна качувајќи се на бината од која требаше да се обрати на Берлинската конференција за мултилатерална трговија и дигитална безбедност.

Меркел потоа се пошегувала дека не ги забележала скалите, но дека следниот пат сигурно ќе ги искористи.

Заев повтopно paзговаpaл со лажна личнocт

Хибриден напад врз премиерот Зоран Заев, во кој бил злоупотребен идентитетот на младата еко-активистка, Грета Тунберг е разоткриен пред неколку дена, изјави денеска ПР советникот на премиерот, Марјан Забрчанец, на дискусијата за дезинформации на конференцијата е-Општество.

Тој во своето излагање соопшти дека манипулаторите употребиле брендирани е-маил адреси и телефонски броеви, и преку официјално барање до македонско дипломатско претставништво, успеале да закажат и да реализираат телефонски разговор со премиерот Заев, претставувајќи се како Грета Тунберг и нејзиниот татко.

Одредени делови од разговорот биле сомнителни за премиерот и за неговите советници, но сепак била донесена одлука разговорот да оди до крај, со цел да се разоткрие сомнежот.

-Веднаш после завршениот разговор, ги направивме сите проверки за верификација на идентитетот на соговорниците и денес со сигурност можеме да кажеме дека разоткривме хибриден напад врз кабинетот на премиерот. После разоткривањето, стапивме во контакт со семејството на Грета, ги известивме за сите детали, ги известивме дека ќе објавиме во јавност, а од таму добивме одговор дека и тие се многу вознемирени од ваквите вести, дека ќе пријават за злоупотребата до надлежните органи, и дека се многу благодарни што сме ги информирале за оваа злоупотреба, додаде Забрчанец.

Според него, овој случај на хибриден напад е многу пософистициран од случајот со руските пранкери, но внимателната комуникација овозможила да биде разоткриен и разобличен.

Забрчанец во своето излагање уште додаде дека ваквите софистицирани хибридни напади врз демократските влади имаат цел да ги затворат и уплашат отворените општества, но дека македонската влада нема намера да отстапи од отвореноста и транспарентноста за која се залага.

Чecтojнова: Нeгoтино пpeд бyнт, дeпониja во Тиквешиjaта не смee да има

(Фејсбук статус на пратеничката Павлинче Честојнова од редовите на ВМРО-ДПМНЕ)

“Во срцето на Тиквешијата нема место за депонија!

Оваа депонија е планирана да се гради на 9км од Неготино, на 5км од Пепелиште, на 6км од Криволак, на 200 м од заштитено еколошко подрачје,на 4км од подземни пумпи за вода од кои вода за пиење зема с.Пепелиште, дел од касарната Криволак и воените објекти во Пепелиште.

Оваа депонија планирано е да акомулира околу 1500м3 дневно отпад! А за тоа каков СЕ отпад планираат да се депонира овде “објаснето” е во студијата изготвена од самата фирма на десетина страни, накратко СЕ освен нуклеарен отпад, но имајќи во предвид која е фирмата што ќе гради и тоа не би било чудно!

Наводно, странската фирма која ќе ја гради депонијата е со “богато” досие, протерани од повеќе земји на Балканот заради недозволена трговија со сомнителен и високо токсичен отпад, поврзани со аферата во Дризла кога исчезнаа 3000 контејнери високо токсичен отров, поврзани со афери во Бугарија и Албанија.

Дали треба да очекуваме дека истите тие ќе ни гарантираат дека отпадот кој што ќе го прибираат ќе биде само од Македонија, а не и од цела Европа???

Напротив треба на сите да ни биде јасно дека во Неготино ќе се собира цел токсичен отпад од Европа!

Треба на сите да ни биде јасно и дека подземните води ќе се загадат, дека нашите земјоделски производи кои се извезуваат насекаде низ светот нема да го носат приматот дека се од “чисто еколошко подрачје”, нема веќе да бидиме препознатливи како регион кој извезува високо квалитетно вино, оваа депонија ќе го уништи земјоделието!

И уште појасно да ни биде, оваа темпирана бомба ќе остави тешки последици по сите нас што живееме овде, но најстрашно е што последиците ќе се чувствуваат уште стотици години по затворањето на оваа депонија!
Ќе дозволиме ли нашите идни генерации да ги трпат сите тие последици заради нечии бизнис интереси?

Ова е рамно на геноцид на жителите на Општина Неготино!!!

Првиот човек во градот се крие позади Советот на Општината и Советниците од Сдс, затоа ќе ги повикам и нив:
Почитувани Советници од Сдс, не дозволувајте да бидете изманипулирани и изиграни, Вие сте тие кои можат ова ВЕДНАШ да го спречат! Избрани сте од народот, затоа послушајте го гласот на народот, бидете сигурни дека тоа е единствениот начин да донесете правилна одлука!!!”.

Димовски до Заев: “Ветено и 100% нереализирано?” (ВИДЕО)

На денешната собраниска седница предвидена за поставување пратенички прашања пратеникот од ВМРО – ДПМНЕ Илија Димовски не постави прашање до премиерот Зоран Заев, затоа што, како што рече, се претпоследни пратенички прашања на овој собраниски состав, а актуелната Влада има уште 25 работни дена, но читаше одговори и ветувања од премиерот дадени од собраниската говорница во многу области.

Димовски цитираше одговори на пратенички прашања од премиерот Заев за даноци, придонеси, нови патарини, за меѓународна истрага за Смилковско езеро, Диво насење, за Никола Младенов, за редефинирање на државните институции, за економскиот раст, за прилепски Еурокомпозит, за нови ветерници во Овчеполието, за загадувањето во Тетово од Југохром, за Осломеј и ТЕЦ Неготино, за Чебрен и Галиште дека државата сама ќе ги гради и многу други, и како што наведе, најважното за добивањето датум за преговори со ЕУ.

За потпретседателот на Собранието Горан Мисовски однесувањето на пратеникот Димовски е некоректно и понижувачки за другите негови колеги пратеници и за присутните министри.

Никола Мицевски, координатор на пратеничката група на ВМРО – ДПМНЕ, рече дека Димовски го искористил правото да нема прашање, туку само да презентира констатации од тоа што премиерот од говорницата го има кажано, а го нема реализирано. Тој замоли на последните пратенички прашања да бидат присутни сите министри во Владата.

– На оваа седница од 28 министерства и министри, имаме само пет присутни. Ова не е првпат. Односот на министрите во Владата на СДСМ кон пратениците, го отсликува односот на целата Влада кон граѓаните. Ова е веќе редовна пракса на пратенички прашања што се одржуваат еднаш месечно да ни доаѓаат заменици министри, а некои од министрите немаат влезено во оваа сала од денот кога станаа министри, рече координаторот на пратеничката група на ВМРО – ДПМНЕ.

Диме Велков, пратеник од СДСМ нагласи дека согласно Деловникот на Собранието, член 37, пратеникот има право на премиерот, на член на Владата и на другите носители на јавни функции, кои се одговорни пред Собранието да им постави прашањае, а тоа треба да е кратко и прецизно. Упати апел до неговиот колега Димовски да не се прават и спроведуваат сценарија за да не им се даде можност на премиерот и на министрите да одговорат.

Претходно, министерот за земјоделство, шумарство и водостопанство Трајан Димковски одговарајќи на пратеничко прашање, изрази надеж дека до крајот на оваа година ќе бидат исплатени парите на околу 600 семејства лозаропроизводители кои веќе го предале грозјето во винариите Повардарие и Стефани.

Нагласи дека со тоа ќе се исправи долгогодишна неправда кон лозарите.

– Се работи за административна постапка. Земјоделците нема да поднесуваат дополнителни барања, туку се работи за однапред завршена постапка односно Државниот инспекторат излезе и направи контрола и има списоци, изјави министерот Димковски.

Министерот за транспорт и врски Горан Сугаревски во однос на новиот граничен премин Пуљевац со Грција информира дека од Мушов Гроб до Мрежичко се изработени 6,3 километри пат, а се обезбедени финансиски средства во делот на проектната документација. Сугаревски потенцира дека интензивно ќе се продолжи со работа во 2020 година.

Лука Јовиќ се сели во италијанскиот гигант !

Српскиот фудбалер Лука Јовиќ уште во јануари би можел да го напушти Реал Мадрид и кариерата да ја продолжи во Италија, пренесуа “Тутоспорт”.

Како што наведува италијанскиот весник, 21-годишниот напаѓач не се снајде на “Сантијаго Бернабе”, а како најзаинтересиран клуб за неговите услуги се споменува Милан.

Се истакнува дека “росонерите” имаат потреба од голгетер, како и дека италијанскиот великан е подготвен Јовиќ да го доведе на позајмица до крајот на сезоната, со право на откуп доколку се вклопи во нивните планови.

Повикувајќи се на извори блиски до српскиот репрезентативец, “Тутоспорт” наведува дека Јовиќ е заинтересиран за трансфер и дека сака сигурна минутажа, која Милан може да му ја вети.

(ВИДЕО) Елон Маск го прифати предизвикот на Форд: Неговиот„Кибертрак“ пpoтив Ф-150 од ,,Форд”

Извршниот директор на „Тесла“, Илон Маск е познат по својата егоцентричност и смели тврдења посебно кога станува збор за неговите електрични возила.

Неговото последно тврдење за новиот „Кибертрак“ предизвика огромно внимание ја пошироката јавност, а предизвикот веднаш беше прифатен.

Имено, додека го најавуваше најновиот производ на Тесла, Маск на неколку пати правеше споредби со камионетот Ф-150 од производителот Форд, велејќи дека неговиот „Кибертрак“ би го победил својот ривал во тешка борба.

Натпреварот кој повеќе е за физиката на триење отколку во силата на моторот погледнете го во продолжение.

Уште еден силен земjoтpec во Албанија

Нов посилен потpec денеска ја стpecе Албанија, со јачина од 4 степени по Рихтер.

Новиот потpec се случил пред 25 минути, во 11 часот и 25 минути. Потpecот почувствуван предмалку бил на длабочина од 10 километри.

Ова е еден од посилните потpecи по разорниот од 6.4 степени.

Двата силни потpecи беа почувствувани и во Македонија. По потpecите имаше многу афтершokoви од 2 и 3 степени, а тлото и понатаму не мирува.