Американскиот претседател Доналд Трамп на Твитер објави дека ќе ја донира својата плата на Националниот парк сервис за реставрација на националните споменици.

Трамп објави чек во вредност од 100.000 долари.

“Ви ветив дека нема да земам ниту дел од платата како ваш претседател. Ги донирам сите 400.000 долари”, напиша Трамп.

“Чест ми е да донирам 100.000 на Националниот Парк Сервис за да помогнам да се поправат и реставрираат нашите национални споменици кои се многу важни за нашата американска историја! Ви благодарам!”, додаде Трамп.

Во мај и во март, Трамп донираше 100.000 долари од неговата плата на Одделот за здравство и човечки услуги за да помогне во борбата против коронавирусот и развој на терапии.

За време на протестите националните споменици беа вандализирани од левичарските активисти, се додека претседателот на САД истакна дека сторителите ќе се гонат до крај по закон.

I promised YOU I would not take a dime of salary as your President. I donate the entire $400,000! It is my honor to give $100,000 to @NatlParkService to help repair and restore our GREAT National Monuments. So important to our American History! Thank You!! pic.twitter.com/4ETkUZ9yUf

— Donald J. Trump (@realDonaldTrump) August 14, 2020

Заменик-министерката за образование и наука Елизабета Наумовска во интервју за Сител најави пролонгирање на почетокот на учебната година најмалку до средината на септември.

„Очекуваме дека рокот за почеток на учебната година ќе биде пролонгиран. Тоа не е ништо страшно, гледаме дека таа во Хрватска почнува од 7 септември. Очекуваме дека Собранието по формирањето на Владата како приоритет ќе го земе изгласувањето на законските измени, па до средината на септември ќе почне и новата учебна година“, изјави таа.

Главната пречка, според неа, е потребата од измени на Законот за образование, со кои ќе се овозможи воведување настава од далечина и намалување на училишните часови на 30-35 минути за учениците до трето одделение, за кои се предлага да учат во училиште.

На 14.08.2020 околу 02.50 часот во Полициската станица Прилеп било пpиjaвено дека на ул.„Блага Ружето“ нacтанал пожap во паркирано патничко возило „бмв“, со прилепски регистарски ознаки, сопственост на З.Д. од Прилеп.

Со пожapoт бил зафатен предниот дел на возилото, а од екипа на Територијалната пpoтивпожapна единица Прилеп пожapoт бил изгacнат.

Се преземаат мерки за расчистување на случајот – информираат во дневниот билтен на МВР.

Во изминатото деноноќие во Прилеп се регистрирани 4 нови случаи на кopoнавиpyc, a 5 лица оздpaвеле од зapaзната болecт.

Бројот на активни случаи во Прилеп монетално изнесува 32 лица. Од нив 23 се наоѓаат на домашно, а 9 на болничко лекyвање.

41 лице во Прилеп се наоѓаат до домашна изолациja и caмоизолациja.

Вкупниот број на досега регистрирани случаи од Koвид-19 изнесува 352 лица.

Три млади момчиња од Ресен полни со ентузијазам, прогресивна мисла, висока свест и изоштрен сенс за квалитетна музика под името “Реприза”, решија да се претстават пред македонската јавност со својата прва песна ,,Засукај ракави” и со силен печат да дадат смисла за своето музичко постоење.

Мартин, Кико и Борче допреа до сржта на една многу важна тема, која нѐ засега сите нас и со музика која вози во лабав летен вајб и текст кој инспирира и поттикнува позитивни промени, се наметнуваат како вистински кул момци кои се пример за младата генерација.

Како што тие самите ќе кажат “Ние ја имаме таа привилегија да живееме во прекрасни услови за живот, а сепак за разлика од сите живи суштества сме единствените кои не се грижат за околината во која живееме. Како бенд решивме да ви отсвириме неколку стихови кои можеби ќе не поттикнат сите заедно да „Засукаме ракави“ и да придонесеме за подигање на свеста за подобрување на условите во кои живееме.”

Иако дебитантска песна, решија да не остават ништо на случајност и избраа соработници од врвен калибар: Бојан Трајковски (Ај Кју) им го изработи аранжманот, песната ја снимија во студио “Подрумот” – Ангел Ќосев, а спотот, кој е снимен во прекрасниот преспански регион од каде доаѓаат, го изработи Дарио Јанковиќ.

Песната и спотот можете да ги погледнете на следниов линк:

Општествената организација “Пролетер”, за денеска со почеток од 18:00 часот, на плоштадот “Методија Андонов – Ченто” во Прилеп, организира пpoтеcт против покачувањето на сметките за струја.

НЕ за поскапувањето на струјата! НЕ за дополнителното осиромашување на граѓаните! НЕ за екстрапрофити на капиталистите и за вработувањето партиски кадри на наш грб!

Во услови на пандемија, кога многу граѓани губат работа и кога им ги намалуваат платите, многу влади во Европа ја намалија цената на струјата додека трае кризата. Но кај нас не беше така. Кај нас ја ПОСКАПИЈА струјата. ЕВН, МЕПСО, ЕСМ трпеле поради кризата. А граѓаните не трпат? Што е поважно? Профитите на капиталистите и вдомувањето на партиските војници или животниот стандард на обичните граѓани?

Не смееме да го дозволиме овој удар на нашиот грб! Да го кренеме нашиот глас! Од нас зависи! Да се обединиме, Македонци, Албанци, Роми, Турци и останати, да се обединиме и да се спротивставиме! Да не им дозволиме да им помине поскапувањето на струјата!

БАРАМЕ:

1. Итно поништување на последната одлука на Регулаторната комисија за енергетика за зголемување на цената на електричната енергија.

2. Владата да ја распушти Регулаторната комисија за енергетика, тело што им служи на интересите на деловните групи и корпорации на грбот на граѓаните.

3. Формирање независно арбитрарно тело во служба на граѓаните за да се провери квалитетот на енергетските услуги.

4. Владата да ги врати приватните компании за дистрибуција на електрична енергија под државна администрација.

5. Намалување на цената на електричната енергија за 46 % (отстранување на 33 % од цената за ангажираната моќност која до пред неколку години во сметката за електрична енергија беше посебна компонента и потоа вклучена во општата цена, а попустот ДДВ од 18 % на 5 %).

6. Владата итно да го раскине неславниот договор со ЕВН, приватниот дистрибутер на електрична енергија во РСМ, кој со години го злоупотребуваше монополот даден од Владата.

7. Простување на сите камати од сметките на ЕВН што граѓаните до сега не ги платиле бидејќи сметаме дека високите сметки генерирани од ЕВН се главната причина за нивно неплаќање на време. Со оглед на високата цена на електричната енергија со порастот на цената за повеќе од 230 % во последните 14 години, сметаме дека граѓаните плаќале и камата и камата над камата со плаќање на тие сметки. Затоа камата за тие астрономски сметки ја сметаме за незаконска и законски грабеж.

Поддржувачи на протeстот сe Сакаме чист Чаир, Социјалистичка зора, Конфeдeрацијата на синдикални организации (КСОМ), Fridays for Futurе и МО Црвeни”, стои во поканата го граѓаните на Фејсбук.

По заклучокот од седницата на Владата во вторникот Планот на МОН за учебната 2020/2021 да биде споделен со Комисијата за заразни болести и таа да го даде мислењето за моделот на настава, Комисијата вчера на состанок донесе конечен предлог кој сега ќе треба да биде разгледан од Владата и таа да ја донесе одлуката како ќе работат училиштата од 1 септември.

Предлогот е учебната година да почне онлајн, со два исклучока – првиот е за учениците од прво до трето одделение, за кои се предлага да ја следат наставата со физичко присуство, земајќи го предвид социоемоционалниот аспект и нивната возраст, а вториот исклучок се училиштата со мал број ученици по паралелки – наставата да ја организираат со присуство во училниците ако тоа го дозволува епидемиолошката состојба.

Заменик-министерката за образование и наука Елизабета Наумовска претпладнево за МИА изјави дека Координативниот кризен штаб од МОН побарал да ги приспособи протоколите за моделите на настава врз основа на предлогот на Комисијата и да достави податоци колку се на број училиштата со помал број ученици кои би организирале настава со физичко присуство, во кои општини се наоѓаат, нивните просторни услови итн. Наумовска рече дека работните групи на МОН се во комуникација со Штабот и откако протоколите ќе се усогласат со предлогот од Комисијата, тој ќе биде ставен на дневен ред на седница на Владата, веројатно идната недела.

Министерот Арбер Адеми, кој е на ставот дека училиштата треба да бидат отворени секаде каде што состојбата со вирусот е стабилна, смета дека предлогот на Комисијата за заразни болести е компромис на две различни гледишта – ставот на МОН за физичко присуство и ставот на здравствените авторитети – онлајн-настава. Според него, предлогот на Комисијата е добра насока за изнаоѓање најсоодветен модел за настава.

Трите модели што ги содржи Планот на МОН се: настава со физичко присуство со мерки за заштита – маски и растојание од најмалку 1,5 метар помеѓу учениците во училница, далечинско учење или онлајн-настава, и комбинирана настава – пред сè за училиштата со голем број ученици. Комбинираниот модел предвидува учениците да бидат поделени на помали групи – една група која би следела настава со физичко присуството една недела, а во исто време другата група ученици, како и хроничко болните, би го следела часот онлајн. Ако е невозможно во реално време, тогаш лекциите од денот ќе се снимаат и ќе се споделат со таа група ученици преку платформа за учење.

Подготвените предлог-протоколи имаат конкретни упатства за различни ситуации и услови, за бројот на ученици во паралелка, скратување на наставните часови (предлогот е од 40 на 30 минути во основно, односно од 45 на 35 минути во средно) итн.

На прес-конференција пред два дена Адеми укажа дека е можно одложување на почетокот на учебната година затоа што кој модел и да се избере, ќе треба да се направат измени на законите за основно и за средно образование, а за тоа е потребно функционално Собрание.